we2log的個人專頁

金酒屋🏮｜荔枝角 新開居酒屋 鮮美刺身 惹味串燒 和牛饗宴｜《居酒屋》💕最近荔枝角新開咗一間居酒屋，環境都唔錯，幾舒服，有bar臺位置，仲有榻榻米獨立房間可以預約。個人就幾鍾意坐係bar臺，睇師傅一路整我地嘅餐點，係另一種嘅體驗🥔秋田煙燻蘿蔔薯仔脆脆作為前菜黎講，都幾特別，以柔軟嘅薯蓉配上薯片，鹹香，又脆，味道唔錯🦐自製雞皮蝦尼道菜式真係好驚艷，用咗薄薄嘅雞皮包裹住大大隻蝦慢燒，香口得黎唔油膩，蝦肉仲好彈牙，鮮甜，真係唔錯🐮宮崎和牛海膽刺身厚薄剛好嘅和牛刺身包裹住金黃嘅海膽，估唔到佢地嘅配搭都唔錯，好軟好滑，仲要好鮮味🌙月見薄燒宮崎和牛飯尼款打卡之選，一大片薄和牛上放咗小飯糰同蛋黃，師傅仲會即場燒和牛，一路燒一路激發咗和牛嘅香氣。仲好貼心咁準備咗3款調味料🌙月見宮崎和牛卷尼款係會令人越食越上癮，香蔥同和牛都好夾，配上蛋黃，味道更加濃郁🌟金丼（月見海膽三文魚籽拖羅蓉）尼款刺身丼真係好讚嘆，鮮味爆燈，啖啖都係刺身嘅先味，海膽除咗鮮甜，仲好濃郁，三文魚籽經過自家醃製，更加特別，係嘅口爆汁，拖羅蓉好夠鮮味，好滿足呢🐮安格斯牛肉鰹魚湯稻庭烏冬安格斯牛肉片比得一d都唔吝嗇，每片都好大塊，有少少好似生牛肉湯河嘅概念，熱湯慢慢浸熟牛肉，湯味更加鮮甜，又帶出牛味，烏冬唔洗講，彈牙係必須的…查看更多

《蝴蝶酥》🎀 蝴蝶酥是一款流行於法國，德國，義大利等地方的西方甜點，甚至作為開胃菜或者配菜。西方有人稱它為棕櫚樹葉，而因為其外貌，亞洲地區通常稱為蝴蝶酥。市面上蝴蝶酥有唔同口味，尼個品牌蝴蝶酥就使用咗四季不同當造食材製作，可以品嚐大自然，四季最天然嘅味道。酥脆可口嘅口感伴隨不同食材嘅味道，好似令人感受到季節嘅氛圍。作為送禮都係一個唔錯嘅選擇🥬 三星蔥芝士蝴蝶酥Sanxing Scallion & Cheese Palmiers三星蔥嘅香味好濃郁，一打開包裝就撲鼻而來，原來蔥配上芝士都好夾，可以昇華三星蔥嘅味道，令我唸起春天嘅味道🍊 宜蘭柑橘杏仁蝴蝶酥Citrus & Almond Palmiers柑橘，杏仁，令我唸起一片片橙紅色嘅楓葉隨風飄落，橙紅色嘅小路上掉落咗唔少果實。柑橘果乾同蝴蝶酥口感相輔相成，令口感更加豐富，酥皮係口中慢慢融化，剩低就係柑橘乾，越咬酸甜味越出…查看更多

神山麵屋🍜✨｜觀塘 值得一試 拉麵屋🍜 ｜《拉麵》今日羊先生話有朋友推介咗間食拉麵嘅餐廳，話嗰邊嘅拉麵都幾好食，同埋價錢都尚算可以，所以今日佢教完班之後就帶咗我去附近食啦。✅食完我覺得味道都唔錯，同埋食物份量都算幾好，所以就想介紹俾大家試吓😛🍜神山沾汁麵比起湯拉麵，羊先生比較鍾意沾麵。而呢間餐廳沾麵都係主打之一。湯底有豬骨魚介等材料熬成，湯底品嚐起嚟比望落更為濃厚，而拉麵就用咗坑紋麵，所以就更加掛汁。拉麵仲有兩塊厚叉燒，經過炙燒後，仲有微微嘅焦香。雖然係五花肉，但係食落就唔會好油膩🍜番茄叉燒拉麵本身我都幾鍾意番茄湯，所以難得見到有蕃茄湯嘅拉麵，就一定要試吓啦。湯底方面係算係比較清新嘅蕃茄湯，所以食落一啲都唔油膩。叉燒就係油脂比較少嘅慢煮叉燒，口感好嫩滑，好滿足🍚明太子玉子飯見到呢碗明太子玉子飯，就覺得好吸引，所以就忍唔住試吓。雖然材料好簡單，但係每一啖都好滿足。好滑溜嘅玉子，加上少少辣嘅明太子，再配上飯上面嘅醬汁，一啖擺落口真係非常之好味🐣神山炸雞配芥末沙律醬炸雞皮薄，肉質好滑，配上芥末沙律醬，清新得來又唔油膩。都真係幾好食，大家都可以試吓🦑蒜香魷魚鬚佢哋嘅魷魚酥都值得試吓，魷魚鬚用咗蒜泥炒香，好有鐵板燒嘅風味。上面仲淋咗少許嘅芥末沙律醬，所以食落味道好豐富。魷魚鬚又好夠彈牙，一啲都唔難咬🍹梅子青檸梳打望到個樣以為係鹹檸七，味道都幾清新，酸酸地咁， 好解膩🍹蘋果焙茶尼杯蘋果配茶，其實就係類似蘋果茶，甜味唔會話好高，所以都幾好…查看更多

花晨月夕🌼🌸｜尖沙咀 人氣omakase 花晨月夕 用花點綴 賞心悅目｜《omakase》✅尼間位於尖沙嘴嘅花晨月夕係尼排人氣omakase, 絕對要book位先可以試到，餐廳環境同燈光好舒服，除咗有bar檯位置，仲有獨立房可以坐Omakase Sun🌟先付 核桃小女子：傳統日式小食，好友日本嘅風味柑桔蜜漬：甜甜蜜蜜， 10分開胃慢煮廣島蠔：廣島蠔，配上魚子醬，更加可以突出佢嘅鮮味🌟刺身🐟真鯛魚配馬糞海膽用咗液化氮同埋食用泡泡，整出嚟嘅效果真係一流，大家記得要準備好電話去影低泡泡爆破嗰一瞬間，煙霧彌漫，比我感覺真係十分仙。真鯛刺身包住馬糞海膽，感覺上鮮上加鮮🐟象拔蚌象拔蚌好爽脆，口感非常之好，鮮味同甜味都好足🐟煙燻鰹魚煙燻鰹魚有淡淡的煙熏味，師傅切厚薄啱啱好，咬落去好有口感，但又好滑，鮮味十足，仲有陣陣煙燻香🌟御料理鰆魚西京燒春雨本身口感比較厚實，西京燒味道都好足，非常入味。外表已經炙燒，有淡淡的焦香，好滿足🌟壽司🍣鰤魚口感好幼滑🍣深海池魚肉質肥美彈牙，脂厚油香，另外仲加入柚子胡椒，有額外既清新感🍣帶子肉質好厚，鮮甜，滿足🍣地金目鯛油脂豐富，入口即溶，口感都好豐富🍣銀鱈魚肉質爽滑嫰綿，油脂較高🍣池魚配上薑蔥，好鮮味，清甜爽口🍣醬油漬赤身肉質嫩滑，有淡淡醬油香🍣拖羅魚油脂好甘香，肉質入口即溶拌菜：漬蒜頭，幾有驚喜的拌菜，完全唔辣，仲幾惹味同爽口🍣海膽卷以北海道赤海膽作為最後，毫不吝嗇放左好多海膽真係超級滿足，配上淡雪鹽，更加提出鮮甜，完全無苦味，成個口回甘🌟湯蜆湯清甜，熱辣辣，食完壽司同刺身飲飯個暖湯，真係好舒服🌟甜品士多啤梨拼巨峰提子…查看更多

一鳴屋台｜上水 有驚喜日式料理 ｜《拉麵》今次試咗上水嘅一間日式料理，覺得都幾驚喜，估唔到上水都有咁嘅水準嘅拉麵。連羊先生咁揀飲擇食，都覺得唔錯，呢間我哋下次都會再去試吓其他味道嘅拉麵同料理赤辛拉麵（秘製地獄醬豬骨拉麵） $85份量都唔少，成碗都紅卜卜，望落好似好辣，豬骨湯都好濃郁同埋辣味真係好出眾，所以食得辣嘅朋友先好order呀。呢間拉麵店，可以自由選擇想揀豬軟骨定係叉燒，我哋今次就揀咗叉燒配辣味拉麵。叉燒表面有炙燒過，非常香，肉質都好嫩。配上嘅肉醬，味道都好唔錯，地獄醬豬骨湯配上幼身拉麵，每條面都吸收晒辣湯嘅精華松露 （雜菌松露醬油豬骨濃湯拉麵）$88雖然我哋唔係松露嘅fans，但係見到咁特別嘅拉麵口味點都想試吓。聞落就好香黑松露味，成碗仲要黑色咁。湯底方面就幾香嘅，不過飲落就冇聞落咁重黑松露味，感覺上黑松露味已經融入咗豬骨湯底入邊，都值得試吓。呢碗拉麵，我哋揀咗豬軟骨，豬腸骨份量真係超級多，味道方面就似係醬油漬豬軟骨咁明太子櫻花蝦軟殼蟹御好燒 $88呢份御好燒都幾好食，底部用咗韭菜，同埋其他蔬菜，再加埋蛋漿煎成，味道好香，但識落就唔會太多麵粉。上面嘅炸軟殼蟹都非常之大隻，好香脆，外脆內軟…查看更多

自。然烘焙🧁｜長沙灣 無添加 蛋糕 麵包🍰｜《烘焙》😝鍾意食麵包，蛋糕嘅朋友，一定會好似我咁，行過一間烘焙店，一定會入去望吓，同埋買返幾樣嘢嚟試吓。今次呢間烘焙店，佢哋主打無添加嘅蛋糕，麵包曲奇，我都試咗幾款🍰紐約芝士蛋糕佢哋嘅紐約芝士蛋糕都做得幾出色，自己食晒一件都唔會膩，芝士味好濃郁，酸酸地嘅乳酪味，配上芝士嘅濃郁，個人覺得係最理想嘅芝士蛋糕味。甜度就啱啱好，螞蟻人就應該唔係太啱你啦。另外擺喺室溫一陣之後，佢都會有少少流心溶溶地嘅後果，都幾正🌰法式栗子撻栗子甜品，對於我來講其實係童年回憶，細個成日都食栗子蛋糕，今次呢個栗子撻都係我童年中嘅味道，上面有滿滿嘅栗子蓉cream，栗子味都幾濃郁，內裡有雲尼拿吉士同埋戚風蛋糕🧁小籠包法式果撻望落去就好似一個小籠包咁樣，食落其實真係黑加侖子味嘅小蛋糕，入邊仲有檸檬吉士同朱古力味嘅海綿蛋糕，最頂與白朱古力裝飾片，所以食落唔會太膩，黑加侖子味酸酸甜甜咁，都幾開胃…查看更多

喫茶ちょうぼ🍵✨｜大埔 日式昭和 溫暖咖啡店🍵✨ ｜《日式喫茶店》💕一直都bookmark咗尼間餐廳想去試下，見d人打卡相影到好靚，同埋蛋包飯真係好吸引，一切落去個下真係非常吸引✅餐廳環境就好似標題形容咁係日系昭和洋屋風，外面擺咗一系列日式餐具同精品，等緊入去既時候就可以睇吓，環境嘅氣氛偏向溫暖風，都係用咗一啲木系嘅傢俬，牆上仲有一啲比較復古嘅掛燈，感覺就去咗一啲比較復古嘅日本咁😝餐牌都幾豐富，有各款定食，有最出名嘅蛋包飯，各款炸物小食，甜品同埋飲品。每一款打卡都係一流🍛鰻魚蛋包飯 $115鰻魚好彈牙，唔會好似平時食嗰啲鰻魚咁軟淋淋。蛋包飯都幾有驚喜，一上枱店員會幫手用刀仔切開蛋包飯上面嘅蛋，左右滑落，蛋非常之滑溜，好有蛋香，再配上蛋包飯嘅汁，淡淡滋味。蛋包飯入邊嘅飯都好有心思，用咗各款配料去翻炒，所以有口感得黎，味道好豐富，份量仲唔少添🫶🏻🍛味噌海鮮燉飯 $128呢一款頓飯都好推介👍🏻，佢嘅味噌海鮮飯，味道好濃郁，入邊加咗各款嘅菇類，所以味道層次好豐富，調味都適中，味道溫和得來又夠深厚，令人一啖接一啖，海鮮就有青口，魷魚同埋蝦，各款都算新鮮👍🏻🍤炸北海道大蝦配四元豚豬扒 $188原來佢嘅炸物都幾出色，佢嘅蝦非常之彈牙，豬扒又夠嫩滑，就算擺咗一陣，佢嘅炸皮都係依然非常之酥脆，配上佢哋特製嘅醬汁，所以一啲都唔油膩。不過建議幾個人一齊分享，兩個人食就有啲多啦。豬扒嘅炸粉就比較薄，不過炸蝦嘅炸粉就比較厚身🍨日式布甸 $38佢哋嘅日式布甸去必食推介😍，布甸嘅口感非常之棉滑，味道好濃郁，但香味好重牛奶味同忌廉味都好香，上面嘅士多啤梨都好甜🍹草莓沙冰 $48呢款飲品打卡一流，味道都幾好，唔會話好甜，有少少似士多啤梨乳酪嘅味道，不過係沙冰嘅版本🍹雲朵沙冰 $52你杯嘢飲都好適合打卡，酸酸甜甜咁，都好適合配主菜同埋炸物一齊飲，解渴，又好飲…查看更多

登堂🍽️｜觀塘 登堂 半自助晚餐 無限時任食凍海鮮🍽️｜《半自助晚餐》🤣最近成日都去觀塘，喺OpenRice見到呢間餐廳都有幾多好評，所以就揀咗呢間餐廳食過半自助晚餐✅餐廳喺度wave嘅2樓，環境算幾大，好光猛同企理，我哋今次就揀咗兩個人嘅半自助晚餐🐟香煎蘇格蘭三文魚柳配三文魚子三文魚雖然份量唔多，但係佢知道個皮超級脆，但係肉質仲好嫩滑，三文魚肉入邊仲保持到粉嫩嘅顏色，真係好好味，味道一流，配上三文魚子，口感就更加豐富啦。🐏烤焗纽西蘭羊鞍開心果保雲蘇同樣，雖然呢個羊鞍份量唔多，但係勝在真係處理得好好食，可以見到佢肉質非常之粉嫩，羊騷味唔會特別重😄另外，沙律吧嘅食物種類都算多，有唔同類型嘅沙律啦，梗有一款啱你食，除此之外，竟然仲有凍海鮮可以食添，有螺有甜蝦有蝦有青口同竟然有蟹腳添啊，真係令人好驚喜，海水味唔重，蝦嘅肉質尚算彈牙。除此之外，仲有多款熱盤，例如忌廉蜆，粟米，雞翼，日式餃子，豬頸肉，同埋黑毛豬。食完之後仲可以去甜品區到攞的小蛋糕嚟食餐飲我哋就包咗一杯凍檸茶同埋熱柚子蜜…查看更多

Holiday Cafe☕️｜上水 Holiday Cafe 有情調 仲有Live music🎶🎹🎤｜《Cafe》✅上水除咗有牛，估唔到都有一間咁高質嘅Cafe，想食好啲，同埋想有氣氛去慶祝特別節日都可以揀呢間餐廳。我哋嗰晚去食dinner嘅時候大概7:00就會有帶Music可以聽，餐廳環境氣氛同埋個氛圍都幾有格調，幾舒服👍🏻☕️我哋今次一人叫咗一個一人餐，都幾豐富，包咗前菜，主菜甜品同飲品仲有餐湯同餐包🍲南瓜湯配香脆蒜蓉多士南瓜湯好creamy同濃郁🥗水牛芝士波波番茄沙律沙律好夠爽脆同新鮮，水牛芝士波波配番茄都好夾🍗脆炸玫瑰花蜜雞翼雞翼炸到好脆，但入面都係好嫩，玫瑰花蜜就好香甜，幾好味，佢地仲有其他口味可以揀，例如水牛城同燒烤汁🍛自家製番茄醬海鮮意大利飯尼道主菜都幾有驚喜💕，食得出佢地唔係淨係用左現成番茄醬去做，佢地都有用到新鮮番茄，所以感覺上好fresh得黎又好濃郁，唔會係好死板既番茄味，另外，撈埋表面的芝士片，出咗有番茄同海鮮味之外，多咗芝士嘅濃郁，所以成個義大利飯都真係幾好味👍🏻👍🏻🥩炭烤澳洲草飼西冷牛扒配香草焗新薯及燒汁雖然牛扒就無乜驚喜可以做到，但味道都唔錯，肉質軟嫩，熟度啱啱好，牛味都唔錯👍🏻🍰紅絲絨蛋糕佢地嘅甜品真係好令人驚喜😍，成個蛋糕質感做得好好，海面蛋糕嘅部分鬆軟，夠濕潤，唔會太乾，另外我鐘意佢蛋糕加咗一層白朱古力，令到佢個味道更豐富，但又唔會太甜凍檸茶凍檸水飲品全部都好大杯🫶🏻👍🏻…查看更多

阿久根和牛拉麵屋🍜｜旺角 濃郁蝦湯 配上片片牛小排和牛 夠滋味👍🏻｜《拉麵與沾麵》☺️和牛，拉麵同埋沾麵都係我哋嘅最愛，所以今次就嚟咗呢一間阿久根和牛拉麵黎試吓佢哋嘅和牛拉麵同沾麵。湯底大概就分有魚介，雞白湯同埋蝦湯店舖就偏向細，座位有限，但係就有日本嘅氛圍🍜招牌三色拉麵 三色拉麵，三色係指緊有三款肉，有雞肉， 和牛，同埋慢煮豚肉。湯底就係蝦湯，味道好濃郁，蝦味係個口到散發出嚟，麵係偏向幼身嘅曲面，口感彈牙，煮得啱啱好。三款肉入邊，我最鍾意就係慢煮豚肉，半肥瘦，味道鹹鹹甜甜，再加埋有炙燒嘅香味。🍜慢煮安格斯牛小排濃蝦湯沾麵份量十足，慢煮安格斯牛小排，肉質軟嫩，肉味香，厚薄啱啱好。龍蝦湯之麵，非常之濃郁，比起拉麵嘅版本更為濃郁，沾麵比拉麵粗，口感彈牙，非常之掛湯🥟芥末餃子芥末餃子都幾有驚喜，一邊好彈牙，配上芥末嘅刺激感，非常之新奇🤣一到食飯時間就好多人排隊，大家如果晚飯去就要早少少到…查看更多

荷華庭院 Lotus Courtyard Restaurant 🎍🍃｜大埔林村 世外桃源 猶如置身度假區 西餐廳｜《打卡度假西餐》平時都好少機會去林村個邊，始終都要再搭小巴入去，不過今次趁住新年，難得地去咗林村許願樹，所以就係附近探索下有咩食✅餐廳環境都真係好靚，有d木亭，有d海南，有d歐陸感覺嘅裝修，好似去咗度假區咁，夜晚加埋燈飾，就更加靚，打卡就啱曬🐟炸魚配啤酒味薯條炸魚外皮唔厚，外邊炸到脆卜卜，入邊魚肉好軟滑，魚味都足。啤酒味薯條都幾特別，比起普通炸薯條又真係多咗種風味，另外，就算擺咗一段時間，都仲係好脆🥩燒安格斯西冷 配薯蓉叫咗7成熟，熟度啱啱好，無筋，肉質好軟，肉味足夠，另外都有配上兩款醬汁🍝卡邦尼意粉卡邦尼意粉份量都好多，都幾creamy, 意粉煮得啱啱好🌋焗火焰雪山 （小）估唔到叫咗個細火焰雪山都咁大份，建議都可以4個人share, 外面係微烤咗既蛋白霜，入面有海綿蛋糕，雜果，同兩大球雪糕。食既時候，會係酒點火，再倒落去個火焰雪山，最後淋上朱古力醬。所以會有酒既風味，不過配上朱古力醬，中和咗酒既苦味。食落口，冷熱交融，幾過癮✅整體黎講，環境真係一流，又有氣氛，食物質素都幾好，不過如果想坐木亭或者小木屋就要預先早少少book位～…查看更多

GEO Cafe✨｜荔枝角 新駐場 高質 有Heart Cafe✨💕｜《Dessert & Coffee》✅長沙灣，荔枝角一帶近年多咗好多文青cafe, 尼間GEO Cafe 最近就係荔枝角戲院附近新開，主打各款主菜，甜品，同咖啡。🫶🏻老闆曾經係各大大小小餐廳同酒店做過，又係西廚學院學廚，累積咗唔少經驗，今次終於可以擁有屬於自己既餐廳。佢希望可以將自己最鍾意既咖啡同甜品同大家分享🌟全日早餐 $98煙三文魚，炒蛋，腸，煙肉，沙律，牛角包尼份全日早餐都算豐富，營養亦都豐富。煙三文魚唔會太鹹，炒蛋炒得好滑，煙肉唔會煎到硬，沙律新鮮爽脆，牛角包牛油味香，鬆軟🍝韓式卡邦尼意粉 $88尼款意粉係當日嘅特別餐單，希望大家都有機會試下，會有驚喜。意粉使用用泡菜，煙肉，洋蔥拌炒，泡菜味好出，一開始食落口都會有少許刺激感，卡邦尼味就慢慢再中和返。意粉質感幾好🥧大啡菇炒蛋炒蛋又係好滑，上面仲有塊芝士，有經過火槍燒過，味道符合想像中既印象，另外都會跟沙律同牛角包✅以上lunch set 都會包餐湯，今次係甘筍洋蔥湯，幾好飲，就算唔鍾意紅蘿蔔嘅朋友都可以試下🍰🍨Brownie with ice cream佢地既甜品都真係幾出色，今次既brownie佢地都用咗好多心機佢研究同測試，最後使用咗多款黑朱古力去焗，希望可以減低甜度，仲加咗多款果仁，增加口感，brownie本身好夠濕潤，朱古力味濃郁，配上雲尼拿雪糕，冷熱交融。雪糕本身都好好食🍹Iced Mocha一杯咖啡都可以有好多心思，尼杯mocha就使用咗朱古力粒，而無用朱古力粉，可以增加到朱古力既濃郁度，咖啡本身就有花香同果香，唔會太酸，甜度適中🍵Hot Hojicha Latte可愛既龍貓拉花，睇得出好有經驗同藝術細胞🤣味道方面，一入口，焙茶比較重，再黎就飲到牛奶香，好順滑，完全飲唔到焙茶粉末💕大家有興趣一定要去試下尼間高質，有Heart ge cafe！…查看更多

阿久根和牛立燒店🍖｜旺角 豐 和牛二人盛 精選二人燒肉定食🍖｜《和牛燒肉定食》✅香港越來越多立食店，例如壽司。今次就連燒肉都有立食，當然你都可以坐喺度慢慢燒。尼間餐廳主打用比較相宜嘅價錢去食高質嘅肉類豐 和牛二人盛 $388肉眼A4 2pcs西冷A4 2p0s肉眼A5 2pcs西冷A5 2pcs牛舌 2pcs三角肋肉 2pcs牛肚 2pcs特選蔬菜米飯2碗送：牛肋肉前菜$8/份👉🏻肉眼同西冷質素黎講，都真係幾高質，名符其實嘅A5/A4 和牛，雪花分布均勻，肉汁多，都好嫩滑👉🏻牛舌我地轉咗豬，肉質都唔柴，食得出有佢既甜味👉🏻三角肋肉係肥美之選，但食落口唔會膩👉🏻牛肚比想像中好食，唔會咬唔開…查看更多

大圍小食✨｜大圍 25年老店 香港傳統街頭小食✨｜《25年香港街頭小食》✅香港各區到新興咗好多唔同款式嘅小食，掃街嘅選擇款式比以前多咗，但係價錢已經唔係好似以前咁貼地，可能一樣小食已經等於一餐飯嘅價錢。大圍小食係集中左香港各款唔同街頭小食嘅一間小店，位於大圍站對出嘅位置。位置方便，款式都好多樣，仲要即叫即整，新鮮熱辣，梗有一款啱你，仲要價錢好貼地同親民，間唔中去篤串魚蛋燒賣都幾正💕👉🏻煎釀三寶款色好多，連西蘭花，菇都有。當然唔少得基本款色，每件都大大件，魚肉都唔錯👌🏻👉🏻炸物：炸燒賣炸雞脾臭豆腐炸餃子最令我驚艷就係炸餃子，平時食小食都真係好少食炸餃子，佢地既炸餃子有分辣同唔辣，兩款都好食，餡料就係肉碎同粉絲，味道幾好☺️👉🏻串燒豬頸肉雞肉原隻魷魚黑椒牛丸龍蝦丸墨魚丸司華力腸佢地尼度竟然有串燒，仲要即叫即燒，聞落勁香，食得出好夠火候，味道都好好，可以自行加調味粉。肉質方面都唔錯，凍冰冰食番串熱辣辣嘅串燒真係幾正😂😂💕👉🏻鹵水鹵水雞髀牛百葉水魷八爪魚鹵水雞髀好入味，肉質好嫩滑，識食一定食埋雞皮，好嫩，滑lulu, 牛百葉八爪魚同水魷都好夠爽口👌🏻👉🏻碗仔翅好足料😂😂揀左個細碗仔翅都夠曬👉🏻生菜魚皮餃鍾意食魚皮餃既朋友一定唔可以錯過👉🏻咖喱三寶佢地嘅咖喱真係無得輸，個咖喱醬真係好夠濃郁🫶🏻…查看更多

Superdon🍛｜大埔 蠟筆小新 雪糕咖喱飯？！🍛｜《動漫主題》✅依家Superdon做緊蠟筆小新主題，講咗咁耐，終於去食雪糕咖喱飯，成日係instagram見到人地食雪糕咖喱飯，雪糕拉麵，搞到好想去試試佢🍛吉列豬扒雪糕咖喱飯 $118（主菜+腐皮壽司+動感超人芒果特飲）佢本身咖喱都幾好食，咖喱入面嘅料都幾足，味道都幾豐富，再加埋雪糕，甜甜鹹鹹咁，都幾過癮，不過雪糕好似配咩都好食咁，就好似雪糕配薯條咁。吉列豬扒就正常發揮啦。跟餐仲有腐皮壽司同芒果特飲，味道都ok🍙松葉蟹肉和牛丼 $128（主菜+味噌湯+蒸蛋+沙律）和牛都幾嫩滑，份量都唔少，味道都足夠，蟹肉都夠鮮味，整體發揮都ok成個餐都跟咗唔少野，所以整體都幾豐富🐮一口和牛粒 $68一口和牛粒都幾好食，肉質好軟，味道甜甜鹹鹹咁，仲有洋蔥嘅甜味，唔錯～…查看更多