Kathy Lo's Profile

今日同屋企人嚟到D2 Place搵嘢食，揀咗呢間試吓。由於d嘢食太香所以食到一半先記得影相😂呢間泰式小店樣樣都好好食，我自己最鐘意嘅係泰式辣肉碎飯 (加錢可以轉油飯😍)，肉碎炒得好香好有鑊氣，配飯一流❤️個去骨海南雞勁滑囉d雞肉，好正👍🏻另外仲叫咗泰式船麵，湯底濃郁。泰式奶茶好正宗夠茶味，但建議少甜因為正宗嘅泰式奶茶都偏甜。泰式拼盤要一提入面嘅墨魚餅，食到一粒粒嘅墨魚！👍🏻最後食咗個芒果糯米飯做甜品，芒果夠甜，糯米飯熱辣辣。窩心嘅係椰漿分開上唔怕個糯米飯太甜搶咗芒果嘅甜味！香港小店賣少見少，大家一定要嚟支持呢d用心嘅小店❤️…Read More

屋企人話新城市開咗間新嘅日式西式cafe，成日好多人排隊，想去試吓。今日12點到已經要排隊，排咗20-25分鐘入座。我揀咗個carbonara，加$38套餐有和風沙律同酥皮粟米忌廉湯，兩樣味道都唔錯。酥皮忌廉湯嚟到嘅時候係漲卜卜，夠哂熱。我好期待嘅意粉到喇，一食！嘩⋯⋯嗰種味道好怪，芝士又唔係意大利嗰種煮法嘅味道，又冇乜煙肉味，意粉完全唔彈牙，好粉！入口係一pat嘢咁，我食咗一啖就食唔到落去！媽咪同細佬嗌咗牛肉丼同咖哩鹿兒島和牛蛋包飯都唔錯。最後媽咪同我交換咗嚟食，佢食咗兩啖都停咗喇⋯⋯…Read More

有一日同媽咪無意間發現呢間cafe，成2點都要排隊就決定一試。叫咗一個黑松露忌廉雞柳意粉同甜椒蕃茄豬柳意粉。水準之作，好好味。黑松露味夠濃，意粉唔會太淋，另外蕃茄汁唔會太酸。 雖然舖頭細細，等嘅時間耐咗dd，但禮貌搭夠！值得推介俾朋友…Read More

朋友見呢間餐廳係openrice有咁多正評，講咗好多次想試，噚日終於試到。簡單講我地對食物嘅comment:洛神花茶包 - 好特別，顏色好靚，味道好。粟米忌廉湯 - 一般。龍蝦汁海鮮意粉 - 好難食。完全冇味，意粉太lum。 其他食物冇深刻印象。雖然好肚餓但都食唔哂，之後去第二間再食。唔會再嚟 …Read More

已經幫樂宴寫過一次食評，但係冇乜點擺相，今次就唔多講喇，食物好味應該可以係相到睇到啦 去相！…Read More

呢幾日我唔知點解好好好~~~想食crunch cake，美心天使蛋糕食過無數次，質素愈愈麻麻，蛋糕太實、有d太甜、d焦糖脆脆會有浸味 sevva亦試過，但中環太遠喇！而且又貴，當然一分錢一分貨，蛋糕夠軟身，cream唔甜仲有淡淡檸檬香味，焦糖脆脆唔會太甜！入番正題，平時電視見may姐係電視上好似好識食，今次就試下佢出品。好彩一早打去reserve定個蛋糕，去到好多人係門口，見到蛋糕櫃入面個crunch cake有個reserve牌係前面，應該係我喇 返到屋企即刻試食！蛋糕夠軟，cream好滑唔甜，焦糖脆脆有d太甜（可能一粒都幾大粒），建議一啖一粒！但7吋（接近兩磅）要$298有d太貴...如果$198-$238呢個range我諗我會成日幫襯！…Read More

有一次男朋友帶我黎呢到食過一次就鐘意左呢到喇!環境係以木做主題既日本設計，好有日式小店feel，食物更加唔洗講啦，好多款式而且好好味 我最鐘意食既有味噌茄子，花生豆腐，泡菜炒飯，沖繩豬肉餃子，串燒牛舌 (其他都好好味，只係呢幾款每次都必叫!)花生豆腐佢個texture好似糯米滋咁"yin un"，有淡淡既花生味配埋少少既日本醬油，好特別既味道!沖繩豬肉餃子煎得皮脆但內裡有肉汁，個個都爭住食呀!如果你鐘意同朋友坐低飲杯酒食小菜傾下計，呢到絕對係first choice!…Read More

頭幾次去到都賣哂所有蛋糕，近呢一個月去就好好彩次次都有 每一次都係食同一個蛋糕，因為實在太好味，唔捨得試其他蛋糕呀!Plaisir Sucre好細緻既蛋糕，幾塊薄薄既朱古力夾住hazelnut醬、蛋糕、朱古力醬等。口感豐富而且味道濃郁，鐘意朱古力同hazelnut既朋友唔可能錯過!…Read More

跟朋友提到大坑有好多好野食，就上openrice search下，搵到呢間餐廳見到好多positive既comments就決定一試。一入到餐廳，雖然唔大，但裝修乾淨又夠光，仲有隻好得意既熊貓吊左係天花板到！打開餐牌，好多野都好想試，最後嗌到成table都係野食。日式咖哩炸免治豬肉餅飯(中辣)個餅炸到外脆內軟，免治豬肉口感軟滑，一啖飯加上免治豬肉餅仲配埋少少咖哩汁咁食真係好正！我覺得好味過豬扒worrrr 日式咖哩炸蝦飯(中辣)試左一隻蝦，佢個脆皮唔會好似出面有d日本餐廳咁炸到好厚，佢係薄薄一層咁。隻蝦都幾大隻 好味道！咖哩免治肉碎配多士我一開始係到揀應該嗌咩好…大蝦？！帶子？！肉碎定係炸免治豬肉餅呢？最後都係要嗌個咖哩肉碎做小食因為實在係決定唔到呀！我發覺佢配多士都幾好味架worrr，唔知配飯會唔會仲正呢？下次一定要試！佢個味係帶少少辣，肉碎其實唔係好多。今次我同朋友都係嗌中辣，個咖哩一食入口先食到甜味，到吞既時候就開始覺得辣喇。都幾辣架其實，但係我好鐘意！hehe 不過價錢係貴左dd，因為份量唔算好大，女仔可能一碟就岩岩好，男仔一定唔夠飽！ 一個飯都要$8x，我同朋友今次仲嗌左兩個小食同野飲，埋單都200蚊位呀！雖然貴，但一定有下次。…Read More

個日要係隔離街睇牙醫，姑娘叫我要食少少野先去，一諗就諗起呢到喇。其實好耐之前已經幫襯開，味道十年如一日，好好味！豬扒好夠味又嫩，而且煎得香。公仔麵偏硬但係我鐘意！仲要24小時開檔，試過同朋友玩完都特登去呢到食，可能飲左酒仲開胃，食左一碗半 hahahahaha 不過夏天就真係熱左少少 …Read More

今日lunchtime同兩位同事去試呢間想試左好耐既去骨海南雞飯，一心諗住會好貴，又比想像中平wor。一個海南雞飯(中)$31，唔包湯。想飲湯就要叫海南雞飯(大)$39，多d飯同雞仲包湯。但係對女仔黎講可能太大碟所以我都係嗌左中 雞嫩又滑，三隻唔同既醬汁都好好味。我個人最鐘意個薑油，d薑同埋蔥都真係好好好好幼細，個出好出 我個碟跟左油飯，油飯好味，仲有少少薑味?!都唔係好記得添...總之好味啦!而家lunchtime要食到3x蚊既大碟又好味既飯都幾難架喇，大家不妨試下啦!…Read More

朋友黎食過話好味，有次約我食lunch傾計就提議黎呢到。我咁鐘意試新野當然話好啦！首先一入黎到，第一個感覺係「嘩！呢到真係銅鑼灣既舊樓樓上鋪？」裝修簡單得黎好舒服，有露台位有室內位，露台上面仲有兩把木製既風扇，真係好法國！La Supreme (Pan fried duck liver, cider chutney of onions, apples) 好味道！鴨肝煎得好好，而且個鴨肝唔會有筋，配埋d煮左既洋蔥仲有蘋果一齊食真係唔錯。La bretonne (Scallops with mushrooms, bacon, asparagus with white wine sauce)朋友點既。帶子煎得香加上cream，味道好夾。仲有mushroom同埋筍，成個配搭好好。Crepe a la banana et au caramel beurre sale (banana with caramel & salted butter sauce)呢個真係超~~~~~好味！ 鐘意食甜品既人一定唔可以錯過！呢個焦糖係用左海鹽煮過，所以唔會太甜，而且有一種特別既味道。個香蕉都煮到入哂焦糖味，真係令我食完想再食呀！為左映低d相同朋友分享，我俾個廚師問我「點解香港d女仔個個都咁鐘意映相，映完個crepe都凍左唔好食啦！」我就解釋因為我地香港人好鐘意玩facebook，個個都鐘意映完擺上去同朋友share，不過佢就覺得我好似唔respect佢既食物咁囉。sorry呀靚仔法國大廚，我真係好鐘意食架，你唔好咁諗我啦…Read More

之前冬天既時候，凍冰冰成日都想食熱辣辣既食物，shabushabu一定係其中一個最好既選擇啦！呢到最出名既係立魚湯底，點可以唔點呢？我就嗌左一個A4和牛(75grams)set，有菜有牛有飯或烏冬，當然要點烏冬啦！烏冬配立魚湯底簡直好味到不得了，烏冬煮到唔太淋但係就吸哂湯既味道，諗起都好想食呀！ A4和牛唔洗講，入口即溶，點一點佢既芝麻醬，好味！唔點？！亦好味！佢仲有個日本酸汁俾你點菜，少少酸好開胃！唔會覺得太滯。除左shabushabu之外，呢到最出名既係串燒。我個人每次點食既係免治和牛車厘茄，免治和牛包住車厘茄，一粒一粒咁燒，點佢特調既醬，成粒擺入口(小心熱呀！)，車厘茄甜又多汁，係口入面爆開再食到和牛既味道，點可以唔試呀？其他串燒亦好味，牛舌、鵝肝等都唔會令大家失望！雖然夏天黎左喇，但係同朋友黎sap下sap下都幾開心丫~…Read More

又係另一間我既心水餐廳 Al Dente 可以話係水準比價錢為高既餐廳！正所謂「一分錢，一分貨」，係Al Dente絕對食到「一分錢，兩分貨」既水準。佢既set dinner係有4 courses，starter+main course+dessert+tea or coffee都只係$208 可能有d朋友會覺得貴，但係我認為絕對值呢個價。如果大家想試一試岩唔岩自己口味先，可以試佢既lunch set，因為同dinner set係一樣既menu，份量亦差唔多，都只係$88！我自己係一個意粉狂，咩意粉都好~~~~~鐘意食 所以我鐘意Al Dente絕對有我既理由架！duck liver鐘意食煎鵝肝/鴨肝既朋友絕對要試！首先$99有三件平時出面食既正常份量已經夠掂啦，仲要煎得好，個汁亦唔會搶左鴨肝既味道。同埋佢個鴨肝本身quality好，唔會有種內臟既味道，好好味！蒜頭炒意大利粉我鐘意食辣，鐘意食重口味少少既食物，鐘意食蒜。呢款意思簡直就可以一次過滿足哂我三個願望呀！不過唯一要改善既係個廚師有陣時重手左少少，會偏oily。蕃茄大蝦天使麵呢個係我朋友order既，我試左一兩啖，蕃茄味濃，天使麵唔係出面個d發到好漲好大條既假天使麵，咬感好好。值得一試！蕃茄海鮮天使麵另一位朋友揀既。我本身唔係特別好鐘意食海鮮但係呢款我覺得唔錯，鮮味出，而且份量絕不欺場！招牌雞肉炒意大利粉你打開menu pasta個頁既第一個就係呢款意粉喇。味道好特別，少少辣，好開胃！不過herb味都比較重，唔鐘意食香料既人就未必鐘意喇。我就唔會特別唔食所以都好鐘意食呢款意粉！呢個已經唔記得係咩意粉喇，但係我映得唔錯就擺係到俾大家睇下啦！如果同朋友黎食飯傾計呢到絕對係好選擇，千萬唔好心急，因為佢都係慢慢逐樣野上。我生日食飯都係呢到同朋友慶祝架！ …Read More

其實我已經去食過好多次喇，每次有咩特別日子或者有朋友生日都會提議黎呢到食 我鐘意黎係因為一黎食物水準高，仲有老闆waiter既服務態度好好。鹽蔥牛舌鐘意食蔥既朋友一定唔可以錯過呢個！佢d蔥真係好似山咁高，而且牛舌味道都夠味，加上蔥個味好match 另外佢都有個厚切牛舌，鐘意啖啖肉既朋友就可以試下個果喇。椒鹽豬頸肉椒鹽味同一般出面唔同，我唔係好識得講個分別……hrmmm 唔會好熱氣但係又夠味道。好味~鹽椒豬大腸佢除左有椒鹽味之外，仲有辣味噌豬大腸。我個人鐘意食辣所以超鐘意個辣味噌豬大腸！我有兩個朋友好怕食豬大腸都食呢個，因為佢唔會有大腸既臭味係到，個調味好入味，燒到外脆內軟真係好好味。杏鮑菇呢個杏鮑菇只係要燒一面，燒到你見到佢上面出左水珠就食得喇。好好味！老闆亦都介紹另一個食法就係將烤肉醬牛肋肉燒好擺上面一齊食，個味道又唔同喇！蒜味牛肉粒呢個我都唔係好記得係豬定牛喇，但係我就好好好記得佢個蒜咪真係好重，鐘意食蒜既朋友一定會鐘意呢個！燒飯團我d男仔朋友鐘意嗌白飯配燒肉，我就唔會。但係黎到呢到就一定嗌呢個燒飯團！佢入面係已經調好味，仲會俾埋韓國紫菜俾你燒好加上面食。我自己就會再加少少佢自製既烤肉醬，真係超~~~~~好味呀！其實我去左好多次，亦都試過好多唔同既野，好似上次有食過燒鯖魚，仲有魷魚、牛油去骨雞腿肉呀咁……每樣野都唔會令我失望！如果鐘意食芝士同番薯既朋友就一定要食佢個牛油芝士番薯做甜品！好特別既味道同埋質感，每次就算我食到幾飽都會食架！你睇，上次我同成班女仔朋友去，由頭到尾老細都好用心咁招呼我地，仲會同我地講呢間鋪頭同埋佢做生意既小故事俾我地聽。聽佢講佢會係紅磡開分店，好似5月開張，我以後唔洗特登去灣仔食luuuuuu …Read More