一入到餐廳，雖然唔大，但裝修乾淨又夠光，仲有隻好得意既熊貓吊左係天花板到！
打開餐牌，好多野都好想試，最後嗌到成table都係野食。
日式咖哩炸免治豬肉餅飯(中辣)
個餅炸到外脆內軟，免治豬肉口感軟滑，一啖飯加上免治豬肉餅仲配埋少少咖哩汁咁食真係好正！我覺得好味過豬扒worrrr
日式咖哩炸蝦飯(中辣)
試左一隻蝦，佢個脆皮唔會好似出面有d日本餐廳咁炸到好厚，佢係薄薄一層咁。隻蝦都幾大隻 好味道！
咖哩免治肉碎配多士
我一開始係到揀應該嗌咩好…大蝦？！帶子？！肉碎定係炸免治豬肉餅呢？最後都係要嗌個咖哩肉碎做小食因為實在係決定唔到呀！我發覺佢配多士都幾好味架worrr，唔知配飯會唔會仲正呢？下次一定要試！佢個味係帶少少辣，肉碎其實唔係好多。
今次我同朋友都係嗌中辣，個咖哩一食入口先食到甜味，到吞既時候就開始覺得辣喇。都幾辣架其實，但係我好鐘意！hehe
不過價錢係貴左dd，因為份量唔算好大，女仔可能一碟就岩岩好，男仔一定唔夠飽！
一個飯都要$8x，我同朋友今次仲嗌左兩個小食同野飲，埋單都200蚊位呀！
雖然貴，但一定有下次。
