or#ta66770289's Profile

手作功夫茶，雖然係連鎖台式飲品，但主要開喺啲屋邨商場，感覺好似低一個檔次，所以一直沒有想去試嘅動力。最近本住試吓無壞嘅心態，買咗我第1杯手作功夫茶-鐵觀音珍珠奶茶，珍珠好qq，又有黑糖味，好好味👍🏻😋一向無叫少糖嘅習慣，但都唔會覺得好甜。之後我仲試咗38奶霸，有珍珠+蒟蒻+仙草，大滿足，$29好抵飲😂另外，本身對芝士奶蓋(+$8)無特別興趣，但諗住還便都試，試埋佢啦。點知一試就出事，淡淡芝士味，同奶茶非常夾👏🏻本來孤寒嘅我，搞到之後每次都忍唔住要加芝士奶蓋🤣如果唔想飲奶茶嘅時候，四季春青茶+珍珠都係唔錯嘅選擇，凍熱都好香茶味。呢間飲咗10次以上，每次啲珍珠都好好味，水準都好穩定，所以加珍珠都會係指定動作🤭…Read More

夏天無乜胃口，想食清淡哋，試咗Refreshment嘅沙律。有幾片鴨胸+幾片紅酒燴梨 (鴨胸下面) + 新鮮沙律菜 -> 份量徧細，適合夏天無胃口食隨餐附送忌廉湯，味道一般般…Read More

外賣叫咗醬汁牛肋肉滷蛋飯($70) + 薄餅配咖喱($35)醬汁牛肋肉滷蛋飯嘅牛肋肉似煲完嘅湯渣，又鞋又無味，好難食！醬汁是指飯上面嘅兩滴醬油嗎？🤔只有隻滷蛋是還可以接受的…Read More

第2次食，一樣叫D餐北海道海鮮丼，兩次都好好味。刺身有帆立貝，海膽，甜蝦，碎拖羅，三文魚籽，各樣都好新鮮美味，特別一讚吞拿魚蓉，幼細香滑👍🏻丼飯有落醋調味，配合刺身，特別美味同開胃，細食嘅我，都可以食晒成盒。當然，男士會覺得份量偏細，可能會唔夠飽🤣…Read More

上次食感覺一般，因為同事未食過，所以今日俾多次機會食粉果佬。本身無諗住會寫食評，所以都無影相。燒賣-跟上次一樣，比較有質感，唔係軟淋淋果種，有人鍾意，有人唔鍾意，我個人唔鍾意淋身嘅嘢，所以覺得還可以。魚蛋-上次覺得爽口彈牙有驚喜，可惜今次好淋，唔鍾意，有啲失望。粉果-上次皮較厚餡太少，今次有驚喜，外皮煙韌，餡料有沙葛肉碎，配合得好好。今次仲試咗生菜魚肉，即叫即整，味道正常發揮。總結，粉果佬粉果自己手做，厚唔厚皮，好唔好食，好睇粉果佬心情，希望可以keep到今日嘅水準💪🏻另外，得1個姐姐負責整食物同收錢，真係做到傻，搞到要等好耐，所以要有定心理準備要排隊慢慢等。…Read More

麵尊 - 一直想試嘅車仔麵。今晚經過又記得，終於可以試。叫咗菜+豬大腸+咖喱牛柏葉+酸齋，太心急，唔記得影相😂湯-清甜好味👍🏻菜-吸收咗湯嘅精華，一樣清甜好味😋(見隔離枱叫咗碟淨菜，有啲乾🫢覺得自己當餸咁叫幾好)豬大腸-正常咖喱牛柏葉-咖喱味好入味，有點辣，彈牙有好感，唔錯酸齋-一樣索晒湯嘅清甜，酸味已經沖淡，質感較軟身，個人比較鍾意食有質感同帶酸嘅傳統酸齋總結，麵尊嘅車仔麵湯底好得👍🏻餸就一般…Read More

夜晚8點半先收工，諗住去茶木食個快晚餐。2個人，點知被安排坐打橫半邊卡位，吓…唔係嘛，茶木幾時做咗茶餐廳，要卡位搭枱，但仲要收我加一，張枱細到只能放1份餐具1份餐牌，2份餐具都擺唔到！再者，8點半都唔係peak hour，又有其他吉枱，點解要安排坐半邊卡位？不了！…Read More

喺大埔好出名嘅粉果佬，喺觀塘開咗分店，即刻去試吓。粉果 $12/3個 - 雖然皮有點厚但煙韌，幾飽肚，餡料比較少，有啲沙葛同肉碎魚肉燒賣 $10/5粒 - 比較實同煙韌 (個人覺得駿運比較淋身)魚蛋 $10/8粒 - 有驚喜，彈牙，幾好味整體還可以，只是等候時間有啲耐，同俾得較少豉油。…Read More

小曼谷係其中一間我會常去嘅泰國餐廳，因為呢度嘅黃咖喱同烤薄餅十分出色。之前已經見到呢個龍蝦孖寶($398)好幾次，但次次都售罄，今次終於食到，叫咗牛油蒜蓉燒龍蝦+燒白鱔，原隻龍蝦被滿滿嘅蒜蓉同炸白飯魚覆蓋，龍蝦好新鮮好彈牙，好鮮甜好好味，真係好想自己獨吞成隻🤭而白鱔燒得脆卜卜，啲肉又好肥美。另外叫咗黃咖喱牛腩($118)，咖喱香濃，牛腩又淋身唔乾口，再配埋酥脆嘅烤薄餅($58)，絕配。今晚仲有現場表演，都唱得幾好聽。…Read More

每1-2月都會嚟1次，因為呢度嘅咖啡同意粉喺鏈鎖店嚟講也算不錯。呢度嘅意粉，係我鍾意嘅粗幼度，口感方便有點口感，唔會太淋或太硬。今次叫咗Carbonara ($148)，一上枱，就聞到濃濃嘅芝士味和bacon咸香。Cafe brûlée ($54) 是我首選，咖啡面有層焦糖薄脆，好似甜品cream brûlée 一樣，每次飲都有種好幸福嘅感覺。今次小食叫咗蟹餅配番薯條 ($98)，果兩粒蟹餅差唔多成粒都係蟹肉，兩樣都係新鮮即炸，再配上他他醬，十分美味！…Read More

上星期食咗孔夫子大閘蟹餐，今次嚟十里洋場比較下。環境: 孔夫子坐得較舒服。十里洋場除非book到卡位先會坐得舒服啲，2人枱較細同窄；枱與枱之間較近，感覺自己去咗酒樓咁熱鬧。服務: 孔夫子較好，會等你食完每道菜先上下一道，確保每道菜都是熱辣辣。食物: 孔夫子由前菜到甜品，每道菜都好有心機去整，就算唔係主角，都會令你想去食，每道菜都好平均，整體也算幾好。十里洋場，賣相一般，食完第一啖已經唔想再食。大閘蟹: 真心兩間大閘蟹都多膏鮮甜，大細差不多也是5兩公。但十里洋場比較更多膏更鮮甜👍🏻價錢: 孔夫子 $488/位+另加1隻大閘蟹$168+$16茶位 (OpenRice booking有折)十里洋場 $998/2位+另加1隻大閘蟹$198+$20餐前小食+$20茶位 (大閘蟹散叫$268起/隻)其他: 十里洋場可以$50惠顧100ml花雕，隨杯附上話梅！正👍🏻總括: 以大閘蟹餐來說，孔夫子整體較好，性價比高。如果唔食餐又唔介意貴少少，可試十里洋場。…Read More

朋友推薦呢度嘅燒味好好味，今日特登過嚟試吓。下午茶單拼$45，燒鵝+$5，熱飲+$5。叫咗叉瀨+燒鵝瀨，諗住下午茶會細份啲，點知嚟到，都幾大份👍🏻叉燒望落有啲白，以為會比較乾身，點知咬落去，係淋身同有丁點肥肉夾喺中間，但唔會覺得油膩果種，好味。燒鵝都好好味，好入味又唔肥。呢個燒味下午茶我都食到好飽！…Read More

一直target below $40 嘅lunch，見呢間新開又好似唔錯咁，一於試吓。川味牛肉麵$36無加辣已經有啲辣😂麵質偏淋，牛肉同紅蘿蔔都有啲硬😅好彩叫咗個紅糖冰粉$6解辣，唔甜、有啲提子乾幾得意。…Read More

個人鍾意食豉油撈多過蠔油撈，所以一直想試雞記。之前中秋節特登過嚟，點知連休3日😅今日喺附近剪頭髮，剪完即刻諗起 要食你🤭叫咗炸紫菜墨魚丸撈$48，墨魚丸有4大粒，熱辣辣好味，豉油撈雖然有丁點咸，但也不錯。…Read More

疫情關係，已經幾年無出去食大閘蟹。見孔夫子有大閘蟹餐(觀塘店無呢個餐)，經OpenRice訂座又有優惠，就嚟試吓。雖然灣仔店比較細同不太就腳(在禮頓那邊)，但今晚也滿座。嚟之前記得booking。前菜有鮑魚，小食有招牌黑毛豬叉燒同炸蝦球。仲有豆腐羹、菜苗，小籠包，炒飯同薑茶湯丸。主角係5兩大閘蟹公，好多膏，好鮮甜。個餐得1隻蟹，當然要叫多隻先大滿足。呢度服務態度幾好，又坐得舒服，今晚享用咗唔錯嘅大閘蟹餐。…Read More