cacacacacarmen's Profile

番足全日工 收工一定要食好野慰勞自己 今晚就揀銅鑼灣樓上cafe 呢間都有唔少好評 我地先點Zense雜錦拼盤($138) 四款小食包括在內分別係香草蜜燒雞翼 蜜糖芥辣雞柳串 招牌薯條 紐倫堡腸中size雞翼外皮微煎帶香甜 非常惹味 紐倫堡腸有咬口 雞柳串肉質嫩滑唔乾身 薯條炸得挺身又脆香 之黎叫咗兩款主食 第一款係香煎北海道帶子墨魚汁意大利飯($148)亮黑色意大飯混合帶有光澤嘅墨汁 格外鮮味 三粒大大北海道帶子 表層煎香至金黃色 中間軟腍鮮甜 一口飯一口帶子 係最滿足嘅食法 第二款係海膽溫泉蛋意大利麵($148)海膽與意大利麵融合即時變得濃稠creamy 加上溫泉蛋流心蛋漿 除咗橙黃色視覺效果外 口感更加豐盈細密 意大利麵香滑而無飽滯感 值得一試飲品我地揀黑糖豆腐沙冰($52)以及紫薯鮮奶($44)前者濃郁黑糖香帶重豆味豆腐 製成沙冰非常有驚喜 兩者互補及中和 味道啱啱好 沙冰慢慢溶可以慢慢飲後者天然紫薯味無死甜 配合香滑鮮奶 溫和口感隨杯附送拉花效果 真正睇得又飲得 估唔到銅鑼灣樓上都有咁高質cafe 又可以坐戶外位傾下計 呢間值得推介以及回頭 …Read More

今日喺旺角行完街之後食飯，喺兆萬搵到呢間隱世嘅高質韓國餐廳，佢叫做YADLLIE PLATE，性價比高，值得一試！環境幾雅致，座位數量都幾多！店面頗大，我哋去嘅時候過左尖峰用餐時刻，佈置都幾有韓國餐廳嘅氣氛。一坐低枱面上已經有一份前菜—蘿蔔粒。為左方便食用，餐廳亦有提供手套紙巾，超級細心，客人唔會食到好狼狽。我哋就叫左一份天國的榮耀，係一份牛扒再加雜菜。肉質幾鮮嫩，生熟程度啱啱好，幾林; 雜菜好豐富，有蘆筍、磨菇、粟米仔等待，仲配左泡菜添！黎到韓國餐廳點少得芝士排骨，一上枱啲芝士熱溶梗，店員仲會幫我地用芝士包住舊排骨，睇住佢將啲芝士拉絲，真係好治癒！重點係超多芝士，啱晒我呢啲芝士控！排骨嘅口感緊實而且相當夠味！我地仲叫左芝士蟹子蛋卷，蛋捲裏面包左芝士同埋蟹子，口感豐富，份量亦都大！啱晒啲蛋控～甜品我哋就叫左韓式黏糕雪冰，雪冰好幼滑，入口即溶；黏糕口感好得意，好有咬口！餐廳嘅服務質素好好，上菜速度好快。如果去開旺角，想揾韓國餐廳，可以值得一試！…Read More

今晚食嘅餐廳係錦壽築地 服務員都幾有禮貌 店面寬敞 燈光光猛 環境舒服 人流不斷呢間鋪主打日式刺身壽司今次點嘅全部都係魚 魚類最能反映食物新鮮度先有秋刀魚 其後劍魚 最後鱆紅魚 全部新鮮嫩滑 而且加入香蔥提升鮮味個人最鍾意嘅係秋刀魚 因為鮮味特別突出至於其他魚種 冰鎮下仍然保持鮮甜爽彈 原來餐廳所有魚種都是新鮮日本空運 保證貨源整體質素出色 味道新鮮 都幾值得推薦肉眼所見全晚都全院滿座 好彩我地一早book咗檯兼用埋openrice優惠今餐真係好滿足 下次一定要再食…Read More

朋友介紹耀華街有間餐廳幾得意 咁我一於捉埋老公去食下餐廳風格鮮明 牆上塗鴉係一眾年青人都會有所共鳴A La Carte形式點餐 我地揀咗充滿Omega3&9的牛油果沙律配鮮蝦($98)醬汁自選黑醋 鍾意佢啲酸香味 會令人食慾大增 鮮蝦爽彈而且都香煎過 軟滑creamy牛油果車厘茄果汁豐富 三者為本來平凡嘅沙律增色不少 小食就有人氣菜式雞翼好多重奏($78) 今次我地揀三款口味分別係水牛城 玫瑰 柚子 每種口味各有三隻 水牛城濃味中夾雜微辣 玫瑰帶花香再加上蜜糖 非常惹味柚子口味清新香甜 仲見到絲絲柚皮 主食係泰式冬陰公意粉($128) 以海鮮 蘑菇 露荀 燈籠椒為材料 加入檸檬菜 令意粉味道辣中帶爽 夏天食一流 而且辣度都跟足冬陰公 fusion之餘又保留傳統老公杯抹茶紅豆沙冰($48) 入口感覺好似宇治金時綠茶醇香紅豆香甜再加上忌廉 越飲越上癮我就飲棒子朱古力($48) 小朋友口味我最愛 拉花值得加分 甜味感強烈 入口滑溜 嗜甜者必點 最抵讚 係上菜快 唔會由餓等到唔餓 店員都開朗熱情如果想chil下 輕輕鬆鬆同朋友享受美食 呢度會好適合…Read More

身為大埔地頭蟲點可以唔食勻大埔所有餐廳 今日就食到去工廈嘅樓上cafe 環境悠靜舒適入門口可在先去點餐區點餐 之後再搵個喜歡嘅角落坐低今晚係十六個選擇中揀咗一款肉食以及一款意粉先有質感creamy餐湯及餐包 餐廳都係自助形式震動號碼牌響時自取食物就可以我地先食蒜蓉白酒忌廉鮮蜆扁意粉($98) 目測份量都唔少 鮮蜆屬中等size 基本上粒粒有肉 肉質爽甜無沙每條意粉掛creamy忌廉夾雜白酒香氣 入口順滑 加上菇菌粒及香草 豐富味道之餘更能提升口感另一主菜係德國巨型咸豬手配蕃薯條($198)顏色配搭已經夠搶眼 嫩紅色巨型豬手加上紫色紅菜頭絲配橙金色蕃薯條 視覺效果一流已經預先將豬手切開 可以更方便食 非常貼心豬皮香口脆卜卜但皮下留有少量脂肪 入口脆中帶軟肉質大部分結實而不韌 有部份位置特別口感軟腍嫩滑 再配埋燒烤醬享用 突顯豬手肉嘅鮮味 蕃薯條相對普通薯條油炸感較輕 而且味道更甜香紅菜頭就最好平衡肉食及炸物嘅油膩感 帶消滯之效飲品比較食物更IGable 我就揀咗爆谷朱古力(+$12)面層鋪滿甜爆谷與忌廉 下層載有漸變層香濃朱古力 爆谷提升咬口感 更令每一口斬甜上加甜 另一杯Oranger & Peach(+$15) 又係吸睛度滿分第一眼就被反轉嘅雪糕筒吸引 內有一球雲呢拿雪糕 而橙黃色就係入口透心涼嘅橙汁沙冰 夏天飲啱晒如果想係安靜而又舒適嘅環境下傾計食飯 呢度會係個適合嘅選擇…Read More

今晚老公帶我食fine dining 約我係Zing!等都知一定係食好野坐低後店員即時為我地準備即滴花露水濕紙巾清潔雙手店員都會為每道菜作出介紹以及提供建議食法餐廳四周佈滿捕夢網 羽毛及蒲公英水晶球等作為裝飾正好切合店名Le Rêve 即係英文中the dream嘅意思店員解釋係因爲想大家享受美食時就好似置身美夢中Menu設計成storybook 打開見到三款package可以選擇今次我地揀六道菜 菜式主打法日fusion其中兩道surprise dish 廚師會選以seasonal食物作烹調就類似日式omakase 會先保持神秘直至上檯一刻一如經典法國菜 店員先為我地提供開胃小菜 日本菠菜配日式胡麻汁 爽口感帶微酸 估唔到小小嘅分量可以咁開胃 牛角包以布袋盛載 非常破格 麵包鬆軟重牛油香 之後第一道菜正式出場 Pan Seared Hokkaido Scallop貝殻上載有刺身級北海道帶子 醬漬三文魚籽點綴廚師將帶子上下兩邊輕煎 中層保留鮮甜嫩滑口感以青豆蓉及mustard seed 襯托 有種壽司點芥辣豉油感覺店員建議先食帶子原味 中後段可以配合三文魚籽同時享用旁邊全隻都食得嘅小澤蟹仔賣相可愛 入口香脆 至於兩塊紫蘇葉用作清味蕾原來貝殻下鋪滿香甜杏仁碎粒 營造營火效果 竹炭曲奇就如木柴第二道菜式就係廚師為我地準備嘅Surprise Dish眼前一個龍蝦殼 店員介紹其實係寶盒 內裡不存在龍蝦用殻覆蓋保持神秘感 打開個人覺得好有驚喜顆顆時令桃粒 加上黑魚籽 視覺上有閃令令嘅寶石效果 中間擺放紫蘇花 下有松葉蟹配日式沙律蛋 製成拿破崙形式 入口桃粒帶出果甜感 紫蘇花負責香氣 蟹肉混合沙律蟹口感綿密 引得我一口接一口 沾點兩旁嘅芒果醬及覆盤子醬 更能提升及突顯蟹嘅鮮味店員建議一刀側切 可以一次過享受三種味道第三道係Lobster Tail 今次到真正嘅龍蝦菜式慢煮波士頓龍蝦尾 真空壓制烹調 肉質會特別鮮甜爽彈面層鋪有分子料理以成嘅菠菜泡沫及Mustard Seed Cream Sauce 下層由三椒製成 青椒 黑椒 四川川椒混合製成紅醬我地根據建議食法先點紅醬 將龍蝦味道變得微辣 鮮甜中帶點小刺激 然後再配泡沫同埋cream sauce享用 味道以甜滑為主 令肉質甜上加甜左邊紫蘇葉香脆 右邊wasabi leaf掛有大辣粒籽喜歡挑戰嘅絕不能錯過 麻香中同時達致清味蕾之效第四道菜同樣係令我地充滿期待嘅Surprise Dish先係經過12個鐘淆製成大根昆布湯進入眼簾繼而放上兩盤磯煮鮑魚 店員即場引火加熱 成個畫面引得我地嘩聲四起 熱石被紫藍色火團包圍 添有玫瑰露酒 加熱過程中可以為鮑魚提鮮大概燒30秒至1分鐘後 店員為我地夾起鮑魚並放於昆布湯之上建議先飲湯 感受原汁原味天然帶咸 湯感和暖大根軟腍多汁 而且清甜無渣 磯煮鮑魚彈牙有嚼勁 與昆布湯同時進食 整體帶關東煮感覺第五道菜我地食齊兩款 先有Japanese Cod Fish同樣屬於刺身級數嘅日本鱈魚 廚師以先煎後焗方式處理 魚皮變得香脆 煎封保留肉汁 魚肉不只嫩滑而且juicy 魚塊下鋪滿蕃茄莎莎 有助吸收魚油 再用Saffron Clam Cream Sauce畫成鯉魚形 不論視覺上還是味道上都大大加分另一款係Kagoshima 鹿兒島A4級和牛里脊肉呈嫩紅色和牛約三至四成熟 入口即溶 牛油慢慢口腔內滲出淋上牛肉汁混合黑松露而成嘅醬汁 為牛肉添加一份松露香相比A5級 個人認為A4肉與油脂分佈更平均炒雜菇作伴碟 匯合舞茸菇 松茸菇 菠菜 炸蒜 平衡肉食嘅油膩感第六道菜式以甜品為今晚場美夢畫上完滿句號連甜品都有兩款選擇 其中一款係Chocolate Trio為配合法國朱古力節所誕生朱古力三重奏 分別係Hazelnut Chocolate Parfail 朱古力香蕉蛋糕 70度朱古力特飲 前者上層口感如雪糕軟綿 榛子味甘甜帶清香 非常特別而朱古力香蕉蛋糕製成Brownie 鬆軟而且味道濃郁配合下層香蕉 剛好與朱古力味相輔相成 後者係我最喜愛 70度朱古力醇厚甘香 面層加入忌廉第一口吸入已經好有驚喜 令偏愛白朱古力嘅我要獨霸整杯第二款Coconut Sweet 碟中放有椰子造型甜品白色椰肉其實係清甜椰子慕絲 外層啡色椰殻實際係朱古力脆皮 旁邊配以甘荀蛋糕 椰絲 蛋白糕 香甜橙皮 味道變得香甜清新 不帶死甜感 而且可以感受不同程度嘅甜味正當我地以為要夢醒之時 店員再送上Mignardises好讓美夢延續先享用賣相精緻嘅Raspberry Cream Cheese Tart香滑芝士加上酸酸甜甜山莓 之後係酒浸杏脯 酒香味道頗濃 以杏脯天然果甜作平衡享用完美食過後 夢亦除之完結 幸好美味一直停留於我地舌尖之上 同時非常欣賞店員對每款食物相當熟悉及作出詳盡介紹 讓我對食物又進一步了解 希望老公會經常帶我去發夢…Read More

繼上次搵到高質日式餐廳 今次又搵到以健康為主打嘅家常小菜同樣位於駱駝漆大廈 午市時段人頭湧湧我地今日揀午市2人套餐($138) 總共五款食物先有兩碗老火靚湯 木瓜瘦肉入味 而湯先係精華鮮甜不加味精 飲完唔會口渴 係自然健康湯水 更適合人體吸收麻辣木耳作為開胃菜 入口先有陣陣醋酸味 其後引出麻辣感 刺激舌尖上嘅味蕾以及喚醒胃部之後小食方面有土魷蓮藕煎肉餅(4件) 大概手掌般大小魚餅煎得香口但唔會太油膩 土魷彈牙有咬口蓮藕爽脆之餘 有助消除肉食嘅滯感 主菜娃娃菜炒龍躉球 我最愛嘅娃娃菜爽脆清甜 而龍躉球肉質滑溜無骨 鮮味中夾雜少量魚油令到魚肉更順口 重點每球都不帶腥 就算唔特別鍾意食魚都會啱食眼見全院都坐滿OL以及白領人士 證明大家都好想食得健康啲呢間餐廳其實照顧我地肚皮及腸胃 更讓我地一解思憶中媽媽嘅廚藝…Read More

有時收工真係攰到無力煮飯 就會上網搵附近美食或者新餐廳今晚搵到鳳琴街可以飲夜茶就同老公食下點心全部即叫即蒸 上檯時新鮮滾熱辣茶芥每位$8 我地總共叫咗七碟 其中有啲係創意點心西紅柚春卷($24) 外層炸至金黃色 內藏蝦肉 沙律菜及主角西紅柚 西紅柚酸酸甜甜 引得人胃口大開 整體香而不油紫薯流心球($28) 三粒紫色波波非常可愛 香脆結實由紫薯糯米製成 咬開係蜂湧而出流心奶黃 別有洞天脆皮腸($35) 腸粉晶瑩通透 翠綠中帶點紅 鮮橙蟹籽作點綴 夾雜香茜散發獨有香氣 入口外軟內脆XO醬菜苗餃($28) 爽口豆苗加上彈牙鮮蝦配以XO醬豐富味道 呢款係我最愛升哥蝦餃皇($30) 皮薄餡靚 煙韌粉皮給合大大隻爽脆鮮蝦點埋辣椒油更突顯蝦肉嘅鮮甜 家鄉蒸蘿蔔糕($18) 真材實料 有齊臘腸粒及蘿蔔條軟腍香滑 雖然份量多 但食晒都唔會覺得滯 籠仔馬蹄章魚肉餅飯($37) 兩個人食真係啱啱好以荷葉墊底蒸 飯粒帶有荷花香 章魚肉餅有嚼勁落埋甜豉油 隨時食晒成籠都無問題 呢間點心比我感覺好食得黎又好有誠意 以後想食點心又多一個好選擇…Read More

放假同老公去南豐紗廠扮下偽文青 行到攰想坐底醫肚原來三樓有間冰室 啱晒咩都想食嘅我地 冰室以懷舊為主 不論食物定裝修都有老香港氣息 依家點任何套餐每人(+$16)仲可以任食瑞士雞全翼香甜瑞士汁入色又入味 雞皮充滿彈性 雞肉嫩滑而且每次上碟都會有兩隻大大隻 保證夠食主食我揀王牌經典菜式 叉燒蝦仁炒滑蛋飯($58)黃色嫩滑炒蛋加入半肥瘦叉燒片以及爽彈蝦肉炒蛋仍然保留濕潤蛋漿 豐富咗口感 叉燒有嚼勁配合埋飯底食 都唔會覺得乾身 老公就食蒜香生炸雞翼撈麵($40) 雞翼炸得香口而且蒜香味濃郁 麵底以甜豉油及蔥油作醬汁撈埋食非常惹味 而且汁夠多 唔驚食到一半就要啃乾麵 以上兩個主食都有跟餐飲 我地就揀特色手搖杯冰糖檸檬雪梨茶(+$13) 入口潤喉帶甜 檸檬味道清新另一杯桂花珍珠觀音王(+$15) 茶底醇香 桂花珍珠綿彈有咬口食物及飲品種類繁多 難怪長期全院滿座…Read More

旺角美食選擇花多眼亂 想搵間小眾又有格調嘅西餐 行到煙廠街發現有間網上都有唔少好評 決定幫襯下今晚我地揀Set dinner 套餐包括餐湯 主菜 餐茶另外(+$15)配埋煙三文魚沙律是日餐湯係粟米忌廉湯 濃稠香甜 粟米粒增加咬口沙律茶新鮮嫩綠 煙三文魚唔腥夾雜熏香 有助開胃主菜西班牙海鮮焗意大利飯($128) 原隻獲仔上檯金黃色飯粒被溶化芝士包圍 每一口都輕易有拉絲效果飯粒軟腍之中帶分明 片片菇菌除咗豐富口感更提升香氣海鮮以青口為主 肉質鮮甜 份量足夠二人分享至於香煎西班牙豬鞍伴薯條($138) 又大又厚切豬鞍有驚喜容易切開 香煎後仍然保持嫩滑彈牙質感 肉汁豐盈沾點帶微酸蘋果醬 去除肉膩感 更加惹味再配上整片烤洋蔥圈及香脆炸薯條 嘴巴吃不停飲品個人推介熱飲嘅黑糖牛奶(+$15) 香甜與鮮滑互相平衡 好似飲緊手搖杯一樣但就少咗人造奶精味 多一份天然健康感老公嘅巨峰提子冰茶(+$15) 最適合依家夏天消暑無死甜之餘 邊飲邊透心涼 水果茶更加消滯去膩其實仲想食埋餐廳嘅班戟同埋窩夫 可惜實在太飽 唯有留番下次多啲人黎可以叫多啲食多啲…Read More

觀塘工廈一向都多隱世美食 今次又比我搵到平靚正日式料理餐廳燈光偏柔和 今次仲安排我地坐梳化位 舒舒服服咁食先點個味醂魚乾($38) 魚乾煙煙韌韌 好有咬口 自有鮮甜 點埋沙律醬 作為開胃小食值💯再食多個小食 芝士明太子蛋卷($38) 總共三件蛋卷厚實 內層鬆軟 入口食到雞蛋 明太子 芝士三重口感明太子鹹香微辣 芝士溶化 隨時食出拉絲效果冷盤揀咗牛肉他他燒($88) 真係連冰粒上 保持新鮮度及冰冷感 雪花紋薄切牛片呈嫩紅色中間全生狀態 邊位可見輕燒過 同時享受生與熟味道卷埋香蔥及蘿蔔泥食 更突顯牛味濃郁胡麻汁牛肩胛($68) 個人認為呢款係必點 店員先為我地set爐並加上少量油 全程自助燒肉 幾成熟自己話事 有得玩又有得食牛肩胛肉質爽彈嫩口 夾雜有嚼勁嘅牛筋 油花香而不滯 燒至五成熟再配合胡麻汁 簡直一流飲品都非常有特色 藍桔富士山($35) 打卡精選藍白色調 以富士山造型登場 上層係冰凍雲呢嗱雪糕藍色係大人細路都鍾意嘅波子汽水 味道上唔算太甜 加入Led冰粒 成杯野飲閃閃發光 絕對相機食先至於焦糖鮮奶($36) 都無令我失望 以朱古力畫花 焦糖香氣撲鼻 雪白牛奶滑溜香甜 兩者結合將濃香大幅提升飲完唔會甜到起痰 反而有種暖笠笠嘅舒暢感 我已經bookmark咗呢間餐廳 仲介紹埋朋友 從此佢唔再隱世 …Read More

星期六接老公放工 順便等佢帶我去傳說中好好食壽司餐廳裝修偏向和風 放滿日式小擺設 感覺唔錯 天時暑熱 我地就主食壽司 為胃部及整個人降溫 我地總共點咗16件壽司 先有左口魚壽司($20)裙邊位置油脂豐富 入口軟滑甘香 油香濃郁吞拿魚蓉軍艦($30)上層加入香蔥及牙蔥 爽口度大增吞拿魚蓉細滑綿密 芝麻提升香氣 紫菜依然脆身透白帶子壽司($35)雖然中等size 但勝在厚肉鮮甜而且肉質爽嫩具有彈性 非常性價比又再係我愛嘅吞拿魚 今次到赤身壽司($40)顏色呈鮮紅帶光澤 接近零油脂 口感結實有咬口然後係藍鰭中拖羅壽司($76) 魚肉粉白色相間 油脂形成雪花紋路 入口𣊬間即溶 魚油一直停留口腔之中 最尾嘅海膽軍艦($48)都無令我失望 份量頗多鋪滿面層滑溜金黃色海膽 每一口感到豐盈之餘 餘韻帶咸蛋黃味道 個人覺得整體都十分出色 不論新鮮 味道 以及質素均屬水準之上 下次食埋午市套餐嘅日式料理 睇下係咪一樣咁出色…Read More

去完朋友嘅村屋BBQ 臨番屋企前食啲甜野潤一潤喉比我發現天水圍西鐵站附近有間特色糖水鋪步行大概3分鐘見到大大個招牌就知到咗今次就食新推介嘅焦糖燉蛋($28)面層金黃色焦糖厚身但脆香 入口滿腔甜味 內裡燉蛋微暖 質感嫩滑而且有彈性 估唔到第一款甜品已經咁有驚喜老公再揀個焦糖布丁牛奶冰($65) 貪佢食完一定透心涼雪白牛奶冰水份適中 達致軟綿綿效果 夾雜可可米 帶出朱古力牛奶雙重口感倒上焦糖漿 豐富顏色層次之餘增添多一種味道布丁Q彈 奶味濃郁並且帶有蛋香 滑溜易入喉但最令我難以忘記嘅就係榴槤心太軟配朱古力雪糕($58)呢款係榴槤控必點 一上檯已經聞到陣陣榴槤飄香 輕輕切開流心榴槤即時頃湧而出熱辣辣槤槤漿加上焗至鬆香心太軟 每一口都充滿幸福感食埋西瓜 火龍果 香蕉 中和榴槤嘅飽滯感我地叫多個咖哩魚肉燒賣過下口癮($8)香甜微辣咖哩 不刺鼻嗆喉 對我黎講啱啱好 食厭咗元朗嘅甜品 不妨搭一個站去天水圍食呢間…Read More

係Yoho mall開咗米芝蓮推介拉麵店 我地梗係唔會錯過 好好彩等一陣就有位 打開餐牌見到都好多選擇 有小食 前菜 料理 丼飯我太肚餓所以揀安格斯牛肉飯 隨餐附送麵豉湯以和食飯盒代替碗 打開第一眼就已經被賣相吸引 飯面鋪滿片狀牛肉 邊位微焦帶脆 中間位置半生熟呈嫩粉紅入口柔軟重牛味 牛油滲出加上蒜醬 特別惹味老公揀佢最鍾意嘅沾麵 半肥瘦叉燒軟腍肉香冷麵煙韌彈牙 再浸落暖笠笠嘅濃郁豚骨魚介湯一冷一熱 衝擊吞尖 令人越食越上癮最後追加日式蛋卷作結尾 厚實香滑富彈性 重蛋味帶微甜 值得一提 店員都好主動不斷加茶又非常有禮今餐滿足又飽肚 以後食晚餐又多一個選擇…Read More

同老公約埋成班朋友食飯 見未夠鐘搵啲野食行過厚福街見到新開嘅立食壽司 啱晒我地食少少打底同埋立食嘅好處係可以欣賞到師傅刀功以及製作過程先同師傅落個鮪魚壽司拼盤($280) 總共五件由左至右 包括大拖羅 中拖羅 赤身 腦天 火炙面頰第一時間享用偏嫩白嘅大拖羅 雪花油脂分佈魚油味道濃郁 入口即溶 果然係全條鮪魚最肥美部份中拖羅呈現粉紅色 個人認為佢屬於大拖羅與赤身混合版魚背位置嘅紅色赤身油脂極少 肉質相對結實有咬口腦天就係珍貴罕有嘅鮪魚頭頂肉 筋少而且軟滑口感 火炙面頰相對比較多筋 但咬落充滿彈性多肉汁 再點多個蔥吞拿魚腩手卷($48) 嫩粉紅色綿密魚腩顏色亮麗有光澤 油份豐富 加入蔥花及芝麻提升香氣最後都被迷你三色丼($138)賣相吸引 忍唔住order埋三色為白黃橙 即係帶子 北海道海膽 以及三文魚籽白透如玉嘅帶子鮮甜柔滑 海膽色澤金黃滲透咸蛋黃香爆珠三文魚籽粒粒分明兼精瑩通透 醋飯份量都唔少估唔到立食都可以性價比高 抵食又新鮮下次趕時間但又想食得好就識黎呢度醫肚…Read More