bossphilip's Profile

餐廳環境走懷舊路線，標榜始于1977年，代表對品質有一定嘅保證。食咗一份煎雙蛋配火腿腸仔，提子麥包，味道和質量都好，睇得出廚房同老板都有心做好。今次要講嘅係一個非常”奇葩” 男侍應。事源菜牌上係牛乳炒蛋，我就問男侍應可否換煎蛋，感謝佢即時話無問題。我跟住話要煎翻蛋要熟蛋，男侍應即話咁即係煎蛋白。我話唔係，煎翻蛋熟蛋係煎熟蛋黃嘅意思。男侍應就話：你唔明㗎，行内人都知，煎蛋厨房會把握生熟度，你唔駛指明嘅。為了避免再花時間爭辯，你話點就點。结果煎雙蛋翻蛋但生蛋黄。既然你話行內人都知，咁我就當學多樣嘢。…Read More

第二次去Chapter 3, 上次係下午茶餐，整體上都可以。但這次午餐就非常失望。餐廳坐滿人，侍應都非常有效率，可能太忙，冇乜笑容。要咗兩個午餐，主菜要巴東牛肉咖喱，同軟殼蟹黑松露寛條面。餐湯似係南瓜湯，碎切南瓜，唔湯唔水，非常稀。巴東牛肉，四小塊牛肉粒，十條急凍甘筍條作配菜，寛條面非常咸，食咗兩口就食唔落。侍應收枱見寬條面剩好多，同佢講好咸，食唔落。回應「唔好意思」，之後冇下文，連重做一份都冇提。雖然午餐價錢好平、湯連主菜加餐茶加壹$90 唔駛，但出品連茶餐廳都比唔上，就唔應該將貨就價，情願你加多少少錢，都唔應該完全放棄品質，因為你始終係一間有基本質量嘅餐廳。唔會有下一次。…Read More

宴請朋友聚餐，見好評不少，即管一試，的確冇揀錯。無論從食材選料到店內裝修，九龍城寨feel, 都見店主系有心之人。雖然食材質量未及頂尖，但已經非常優質同新鮮，價錢親民，物超所值。四個人叫咗牛肉拼盆，各式海鮮貝類，再加斤半龍蝦一隻，扑扑蜆湯底，非常鮮甜。其餘食品連飲品，$3300 埋單，實惠超值。侍應都喺年青人，醒目有禮貌，自然唔做作。親朋好友6-8位最好，有一個包房。餐廳位置方便，隣近天后地鐵站，對面私人居苑有泊車位。…Read More

夜晚加班路過，見無咩人，以前試過都ok 所以再試。一個樓面一腳踢，一個師父坐外面睇手機。菜單以麵食年糕為主，另外有唔少涼菜，以舖面形像嚟睇，價錢唔平。叫咗招牌排骨擔擔麵。炸排骨另上，口感可以但完全無調味，要點豉油。碗底偏冧，似經濟包装乾麵。跟無味開水豆醬一杯，但最恐怖係一碗橙色漿粉煮嘅湯，一層油浮面，輕微到唔覺嘅麻醬味，兩棵瘦弱白菜仔，一條搾菜絲，無睇錯，係一條！枱面油立立，黐立立，真係没有最差，只有更差。唔明點解仲可以生存！埋單六十。…Read More

家住天后，很多時候經過餐廳都見人頭湧湧，查看究竟，知道以鲷魚湯底為號召的拉麵和沾麵店，由於不偏好食魚，懼怕魚腥味，所以並未有吸引到我。前天看YouTube,極力介绍店内三款拉麵 (就只有三款）鲷魚清湯，白湯和沾麵濃湯，另外有煙燻流心蛋，炸雞唐揚，各款日本進口飲料和茶，手工啤酒和汔水，就這些，目標明確，乾淨力落。今晚見冇人排隊，又有明星推荐効應，就抱着好奇心去嚐新。服務員在餐廳門外稍作介绍，就地即時落單，埋單，盛惠$201，才引領入座。門口埋單，的確是怪怪哋，相信同店內只有14 個座有關，客如輪𨍭，先能维皮。但如果大風大雨，又如何在門口先埋單。食物整体質素的確唔錯，鲷魚白湯濃稠，魚香味十足，我怕魚腥嘅到將湯飲晒。拉麵Q彈適中，碗邊附着柚子醬，可以令濃湯變得清新，唔錯。炸雞好食，配咖喱粉，如果有辣椒粉，可以多個選擇。稍為普通係燻蛋。服務亦算可以，特别厨房煮麵師傅都會同客人介绍如何享受每款食物，訓練有數。飲品除咗汔水，其餘嘅都幾貴。…Read More

未食飯已经一肚火！排隊攞籌等枱飲茶，公平等候，平常不過。留意到有籌號在我之後的兩人，和服務領班一番寒暄問好後，在眾目睽睽之下，竟然在我之前先被安排入座。經過我連翻質問後，相關領班不但未能解释，只能立即安排我入座希望平息投訴。既然有這麽多熟客，没必要给他們派號，直接带位不是更好，何必多此一舉！被發现被投訴後下，還諸多解釋，又不能自圓其說。以後都不會再光顧旗下餐館。…Read More

最早留意寶湖茶餐廳是在新冠疫情於2020年漫延初期，留意到寶湖最先引入隔板將餐桌分隔，老板和員工對消毒清潔特别用心，心諗“食得安心”所以偶然光顧。及後發覺它有很多街坊捧場粉絲，客似雲來，必定有成功的原因。寶湖高水準出品以各款早餐，下午茶餐為主缐，價錢實惠，性價比高。單看它做一份跟餐的牛油多士，多士烘得焦香均匀，認真製作。咖啡奶茶更是招牌之作。我不用出差的日子，每逢周末必會到寶湖報到，每次的水準都保持穩定。老板娘潮著引人注目，待客有禮，敬業樂業。除半島茶室外，寶湖必屬當區另一推介。…Read More

“五一”三天公眾假期下着雨，决意到户外走走舒展一下。北角趣園麵家，久聞大名，評價不一，下午茶時間去一探究竟。小店装修清雅，整潔衛生，堂食坐位大概20。試了招牌雲吞虾籽撈麵，只賣$43，加凍飲一律$6，論性價比，今時今日，實屬超值。但論口味，就有所失望。銀缐細麵，勁度十足，沒有梘水味，自覺過硬。雲吞五粒，食味較淡，大地魚味欠缺，肉餡有渣，肥豬肉「一抽一抽」，完全沒有切碎。跟湯偏咸胡椒味重。點晴之蝦籽不多，此價錢亦不期望會多，但蠔油已經蓋過蝦籽味道，建議蠔油可以另上，多少適隨尊便。從其他細節，可見店主應該是有心之人，對於招牌菜式，希望能夠多多留意。…Read More