or#tm66674578's Profile

去完宜家傢俬買野，然後去咗愉景新城睇吓有咩食，閑日去商場冇乜人，連晚市乜都唔使排隊，然後揀咗好多好評的chef’s stage ,環境不錯，有啲似美式裝修餐廳。坐低叫咗個黑松露薯條，但坦白講有啲Hea同普通，純粹買支任何人都買到嘅黑松露沙律醬，然後放少少上去，就賣$88，有啲失望。然後叫咗個德國鹹豬手，中規中矩沒有特別，夠脆夠鹹囉。坦白講，好彩嗰日唔使排隊，唔係嘅話，排完隊食，然後價錢又唔平，質素又冇乜特別，可能會比劣評。…Read More

去屯門市中心行吓，都多咗好多吉舖，經濟真係唔好，但見到Donki將會進駐，裝修中，之後應該好旺，順道去光顧牛角，足足排咗個半鐘。一如既往，味道好食，出菜好快，座位寬敞，唯一挑剔係佢嘅落單系統，成日上唔到。講真在香港燒肉放題好食嘅，真係冇幾間，牛角價錢雖不是便宜，又不是太離譜，而且而家又冇得去日本，食牛角飲番杯生啤，當自己去咗日本🇯🇵。雖然好旺，但啲服務員其實做嘢都好快，態度都OK，不錯不錯👍，唔怪之得咁好生意，個個排隊，仲有VIP會員。…Read More

再次光臨錦綉花園，然後試吓嗰度唯一一間茶餐廳，牛奶冰室，感覺乾淨都算寬躺，裝修以白色為主，都幾舒服，不過個冷氣好凍，服務員話係中央冷氣，所以冇得搞，外邊又好熱，裏面有勁凍，好容易病。食物方面，我估佢哋出餐只係加工，由中央廚房過嚟，味道一早已經調好，味道好濃偏鹹，而且選擇好少，價錢又唔係平，講真如果光顧連鎖式經營餐廳，去對面嘅大家樂仲好，選擇又多，價錢又平，座位空間又大，因為大家都係連鎖式經營，味道都其實差不多統一，所以牛奶冰室性價比唔係好高。…Read More

話說聽人講錦繡花園商場有個湖，環境好靚，有天鵝，所以順便去行吓，然後搵嘢食，見到依間舖Chicken Factory外面招牌啲相唔錯,然後吸引咗我同朋友一齊去食,首先佢價錢唔貴40幾蚊有個餐,你可以選擇食飯或者食米線，米線我就唔知好唔好味，但我朋友話幾好食，今次我自己食咗個燒春雞，其實價錢同大家X價錢差唔多，仲要平少少添，但味道方面差好遠，一啲都唔乾，好Juicy,裏邊仲有好多汁,個皮仲好脆同香，佢唔知外面熱過連個雞骨內都搽晒香草，簡單性價比極高，抵食又好味；同樣你要挑剔嘅就係佢舖頭好細，全部吧枱形式嘅高台，坐得唔舒服，所以見到多數啲人叫外賣出去出邊食。…Read More