Waisikmeowww's Profile

荃灣區好多出名嘅Cafe，今次呢間就位於荃新天地嘅地下。餐廳主打荷蘭鬆餅、咖啡、薯條同埋Tiramisu。佢嘅all day breakfast又係好特別，都係將啲配料放喺鬆餅上面！Baked eggs & potato w/chili con carne $88第一次食荷蘭鬆餅，係將啲薯仔同辣肉醬mix落鬆餅，感覺好新穎，有少少似食緊nann包住咖哩果種感覺！辣肉醬嘅味道好突出，但薯仔同鬆餅感覺上味道唔算濃，如果落多啲spice就應該會更加好味！Dirty Triamisu $58Tiramisu係呢間餐廳嘅其中一個招牌菜，Tiramisu嘅造型好似一舊磚頭咁，非常打卡able。味道唔會過甜，酒味亦都少濃！mascarpone cheese好細滑，但稍嫌咖啡味唔太足夠！…Read More

有一排冇食過出色嘅意大利菜，今次簡左間喺西營盤好chill嘅意大利餐廳，試下佢啲晚餐。食物嘅價錢都頗貴，但service好好，環境一流，好有高級餐廳嘅格調！Lasagna $238lasagna係期間限定，亦唔似其他鋪頭果款，係將啲千層麵捲到雲吞形狀咁，相對會較容易去夾起！味道方面，千層麵非常creamy，微微嘅燶味亦都令千層麵更惹味。反而肉粒就味道較淡，可能想突出番主角！Eli he Genovese $198呢個牛肉螺絲粉嘅賣相係比較唔吸引，牛肉係慢煮嘅所以會好似醬汁咁，但係都幾濃味，食嘅時候不妨可以撈埋底下嘅醬汁，會更為惹味！而螺絲粉嘅口感非常彈牙有口感，一食就知係手打意粉！Burrata Tomato $188去到意大利餐廳食前菜，一係就嗌凍肉拼盤，一係就嗌burrata!今次呢個burrata嘅配菜得蕃茄係有少少失望，好想有埋啲沙律菜！味道方面，蕃茄真係好fresh，而burrata亦都冇落橄欖油，奶酪味好重！…Read More

呢間餐廳嘅位置都有少少隔涉，係位於怡和大廈嘅地庫嘅canteen入面，而我最估唔到嘅係呢個canteen仲有兩間好出名嘅拉麵鋪。餐廳主要係食刈包、炸物同壓餅，但部份食物可能太多人嗌好早就售馨！韓式泡菜炸雞刈包 $68呢個刈包嘅份量真係超級多，舊炸雞超級大舊，相當抵食！醬汁係泡菜芝士汁，係有少少膩少少邪惡，但間唔中食一次會好滿足！大大舊真係好難一啖食到，不過好彩係有張紙包住成個包，唔係就好易食到污糟邋遢。抹茶忌廉芝士壓餅 $45呢個壓餅又係一個必嗌嘅小食。本身以為會好膩，因為係抹茶同芝士呢個組合。但實際上係甜度適中，冇出面食嘅甜品咁甜，抹茶同芝士味道好夾，抹茶仲要係流心嘅添。…Read More

據我所知，香港係得兩間非洲人主理嘅餐廳，一間喺重慶大廈，另一間就係呢間。呢間餐廳相當隱蔽，喺黃竹坑一座工廈入面，出𨋢果陣仲以為行錯路！餐廳係可以睇到無敵大海景，亦有好多特色畫作，好chill！West African Chicken & Jollity rice $125呢個飯嘅米粒偏長身，口感相對較硬，而且用蕃茄、洋蔥、辣椒製成，好有風味！雞槌上面係滿滿嘅醬汁，醬汁係點到即止嘅辣，好味得嚟又唔會過辣！而其他配菜之中，啲豆又係辣辣地，反而係啲菜同蘿蔔就比較dry!Smoked salmon Rolex & house salad $118呢個卷物相對重料，有三文魚、洋蔥、三色椒等，味道唔會散收收，係blend得埋一齊。卷物有好輕微嘅香辣味，味道唔算特別但份量真係超級多！但如果只係嗌呢個做lunch又好似有啲dry，建議可以同朋友share嚟食！…Read More

上次食完呢間日式撈麵覺得好好食，而且香港甚少鋪頭可以食到日式撈麵。今次有期間限定 - 四款麻辣撈麵，就即刻去幫襯。最辣果款甚至係用左卡羅萊納死神辣椒，10分鐘內食完就叫做挑戰成功，最快完成嘅甚至可以贏到去日本嘅機票。不過我自己平時食譚仔都係食三小左右，就無謂去挑戰喇！肉之地獄 山椒胡麻冷撈麵（中辛）$119呢款撈麵相對黎講唔算太辣，加上賣相最吸引，有啲似丸京嘅拉麵，全部都係肉！唯一問題就係有芜茜，我唔記得叫店員走，上麵嘅時候我第一時間就挑走曬。醬汁有啲似四川果種麻辣，mix埋青檸汁、洋蔥同炸蒜，味道好豐富！至於麵質係比較粗身，亦好掛汁，出色！不過我食到最尾先知啲麻醬喺曬最底，大家記住撈勻啲先食啊！…Read More

大角咀嘅地理位置係麻煩啲，但有好多好嘢食！其中埃華街就有兩間高質台灣嘢，上次試左老厝邊，今次試埋那個ㄋㄚˋ ㄍㄜ˙ 。食物嘅價錢都好平，便當多數都係60-80蚊！玖香啤酒豬軟骨便當 $76本來想食最出名嘅滷排骨便當，但驚太熱氣所以嗌左呢個，原來呢個係期間限定！豬軟骨好有咬口感，雖然只有微微酒香味，但加左辣粉之後好夾！材料上都幾多，有好多蔬菜、粉絲、粟米等等，非常抵食！…Read More

好鍾意食啲唔同國家嘅菜式，順便去了解下佢地嘅文化。今次就去左試秘魯菜。呢間餐廳有兩間分店，一間喺中環另一間喺灣仔！店內嘅侍應都係秘魯人，亦都有好民族風嘅壁畫，感覺好似去左旅行咁！招牌秘魯烤雞（半隻） $140想試多啲唔同食物，所以嗌左半隻雞，雞肉好嫩滑但味道唔算太特別，反而係芥末醬同烤雞嘅味道出乎意料地夾。份量亦都好夠食！另外加左個飯，個飯落左啲炸蒜同蔥花，口感同平時食嘅有啲唔同，係比較硬身嘅！海爐魚他他薯蓉 $98賣相唔算吸引，本身見到仲以為少伏，但味道不錯。同牛肉他他唔同，落左沙律醬名類似黑豆醬嘅醬汁，味道微辣而豐富。薯蓉亦打成條狀，口感會比較綿密細滑！至於主角海爐魚他他，係好fresh又好鮮嫩嘅！秘魯特色芝士餡餅 $128餡餅有三款可以簡，另外兩款係牛肉同海鮮，我地就簡左最邪惡果款 - 拉絲！雖然係得兩舊，但份量好足好夠飽，真係成舊都係芝士，而餡餅嘅皮非常脆口，好惹味！…Read More

荃灣有間日系cafe，朋友好耐之前已經推薦，bookmark左好耐終於食到！呢間cafe有兩層，今次就喺上層，環境闊落好寧靜，又有啲日光照射入黎，好啱傾計！Dirty tiramisu $78Tiramisu亦有兩款可以選擇，另一款係海鹽焦糖，今次就試左原味先！賣相非常邪惡，好多朱古力醬同可可粉，咖啡味好濃郁！Triramisu亦加左Oreo同朱古力捲，味道好豐富，係必嗌嘅一款甜品！慢煮美國安格斯牛板楗新奧爾良飯 $158呢個係其中一個人氣之選，新奧爾良飯嘅味道好似risotto，材料有露筍同磨菇等。牛板楗煮得啱啱好，唔會太韌。醬汁方面，係輕微嘅辛辣嘅，加埋牛肉好match！…Read More

西貢有一間好靚嘅木系cafe，雖然位置唔多，但係非常文青，好適合deep chat傾長偈！但係留意番呢間餐廳只係會做晚市，想試嘅就記住早啲去喇！烤比爾芝士配吐司 $68喺出面嘅餐廳好難會食到比爾芝士，比爾芝士嘅味道係比較柔軟香滑，可以直接塗於麵包上進食，雖然吐司嘅味道比較普通，但塗上芝士之後好惹味，份量又多，讚！黃豆粉年糕 $68見到有咁多甜品可以簡，梗係要嗌黎試下喇！呢間餐廳係serve荷蘭pancake，同普通餐廳嘅pancake好唔同，餅底會比較薄而脆，而落左黃豆粉所以好濃豆香味！…Read More

尖沙咀可以話係最多居酒屋嘅一區，今日就試一間相對昂貴但質素幾唔錯嘅居酒屋。入面嘅格局係可以好清楚睇到師傅準備壽司同食物，係都好有feel! 不過可惜當天有幾款食物都售罄，冇得試曬所有想食嘅嘢！A4岩手和牛海膽卷 $210見到和牛同海膽呢個組合，就知一定係好食！海膽配埋魚子醬非常juicy，入口即融亦唔會腥。和牛嘅油脂分怖亦好平均，好出色！份量方面，六件亦好容易同朋友分配！鳶之極上壽司盛 $280想試多啲唔同類型嘅壽司就可以考慮下嗌呢個set，有吞拿魚、帆立貝、魷魚、三文魚籽等等，其中吞拿魚非常肥美，但如果可以試埋三文魚腩就最好！…Read More

終於都食到pancake過江龍gram，好幸運地唔洗排隊又可以食到限量供應嘅招牌梳乎厘班戟，朋友就嗌左士多啤梨流漿班戟，覺得中間嘅蛋漿同士多啤梨醬唔太夾！招牌梳乎厘班戟 $138呢個班戟有三層高，配上奶油同埋糖漿。班戟嘅口感非常鬆軟，而且空氣感十足。但係牛油就太過硬，好難搽上班戟上面食，所以最尾我放棄左舊牛油。份量方面，其實食完都幾full，如果正餐食得太飽會食唔曬！…Read More

之前睇ig見到呢間餐廳主打朱古力飲品，聽講係非常濃郁，真係好吸引又好邪惡。要留意嘅係，呢間餐廳只有1.5小時用餐時間，夠鐘職員真係會提你，所以其實真係有啲趕，因為啲食物都好大份！特濃宇治抹茶白朱古力奶 $48從來冇飲過抹茶同朱古力混合一齊嘅飲品，想講真係幾好飲，抹茶非常濃郁，但又唔會太苦澀，而且有朱古力中和左苦味，所以唔鍾意太濃郁抹茶嘅朋友都應該會鍾意！二世祖特濃朱古力 $48呢個朱古力我就覺得稍微過甜，雖然都係好濃郁嘅，講緊應該係有70-80%嘅濃度，但甜度同濃度嘅配合唔算太好。我要飲好多水先中和到，如果唔甜可能會好飲好多！原條鰻魚蛋包飯 $158份量超級多嘅鰻魚飯，特別係條鰻魚，真係成隻手掌咁大！如果一個人嗌真係未必食得曬！蛋都非常嫰滑，但味道就比較普通。蛋上面放左好多木魚碎，令味道更加豐富！自家製芥末洋蔥醬炸雞窩夫 $148又係一碟好邪惡嘅餸菜，店員會提供埋糖漿俾大家。窩夫落左好多花生碎，加埋糖漿就又甜又鹹，口感好特別！至於炸雞，就落左芥末洋蔥醬，好邪惡亦好好味！…Read More

赤柱有間好chill嘅cafe，係粉紅色歐陸渡假風設計。餐廳入面亦有個巨型展視櫃，擺左好多好吸引嘅麵包！呢間cafe好出名，假日去多數都要等位，想食就早啲去喇！Truffle Croissant $138本身好驚啲蛋會冇咩味，但實際上係又厚又滑。松露味好足，上層仲落左啲帕馬森芝士去加強個味道。牛角包亦非常脆身！份量都幾大份，兩個人share黎食絕對冇問題！…Read More

近排中環開左間新既茶飲店，係以港式絲襪奶茶為靈感，創作左混合斯里蘭卡紅茶同本地黑白淡奶嘅台式茶飲。因為店鋪開左冇耐，喺lunch hour都幾多人等，我一點幾去都等左差唔多廿分鐘先飲到，要買黎試既就要注意喇！三重港茶皇 $36呢杯飲品係人氣推介，就梗係要試下喇！有芝霧奶蓋、黑糖波波同蜂巢脆脆，都真係幾豐富！特別想讚下佢嘅茶底，真係同平時飲既台式飲品有啲唔同，係比較濃香既，而且口感係非常細滑的！而黑糖波波同奶蓋既份量都唔少！唯一缺憾就係蜂巢脆脆既份量唔算多，好似唔係太食到！同埋會建議攪拌後先飲用，咁樣味道會更加豐富！…Read More

好日都唔會入一次屯門，因為實在係太遠！今日難得出開去，就試下呢間bookmark左好耐既拉麵小店喇！lunch hour去排左成粒鐘先入到座，仲要拉麵店既設計係外面睇到入面，但味道係幾唔錯，入到我拉麵既top 10!原味濃拉麵 $78首先講一講材料方面，有兩塊好大塊既叉燒，流心蛋，竹筍，真係好抵！叉燒唔算太厚身，但肉質軟嫰多汁，拉麵應該係軟麵，硬度普通。而湯底非常濃郁，但唔會太過結身，飲曬成個湯都冇問題！雖然各方面都唔算好驚喜，但整體嚟講真係幾唔錯，值得再幫襯。另外，可以follow埋拉麵店嘅社交平台，可以睇下果期有咩限定！…Read More