麺屋こころ (軒尼詩道)

Open Now

Now Closed

上次食完呢間日式撈麵覺得好好食，而且香港甚少鋪頭可以食到日式撈麵。今次有期間限定 - 四款麻辣撈麵，就即刻去幫襯。最辣果款甚至係用左卡羅萊納死神辣椒，10分鐘內食完就叫做挑戰成功，最快完成嘅甚至可以贏到去日本嘅機票。不過我自己平時食譚仔都係食三小左右，就無謂去挑戰喇！肉之地獄 山椒胡麻冷撈麵（中辛）$119呢款撈麵相對黎講唔算太辣，加上賣相最吸引，有啲似丸京嘅拉麵，全部都係肉！唯一問題就係有芜茜，我唔記得叫店員走，上麵嘅時候我第一時間就挑走曬。醬汁有啲似四川果種麻辣，mix埋青檸汁、洋蔥同炸蒜，味道好豐富！至於麵質係比較粗身，亦好掛汁，出色！不過我食到最尾先知啲麻醬喺曬最底，大家記住撈勻啲先食啊！