conniehippo's Profile

呢日去荃新天地行街發現開咗間日本餐廳，喺餐廳門口見餐牌食物名都好得意同好有創意，就俾佢吸引咗我行完街過黎食飯，買機票又未飛得，先黎日本餐廳解下家鄉愁。我地揀咗窗口位置，一路食嘢可以望住荃新天地園林景，都幾寫意。▫️柚想蝦你 - 海草、車厘茄、蘋果、柚子、蟹籽、牛油果、甜蝦，沙律菜配柚子汁，好豐富新鮮，不同口感既食材，鮮甜既甜蝦，爽脆既蟹籽，甜爽既蘋果，加上甜酸既柚子汁，非常開胃。▫️照燒雞肉串燒 - 日本經典照燒汁雞肉串，雞肉嫩滑，令人懷念。▫️鹿兒島黑豚荔枝卷串燒 - 黑豚肉肥瘦剛好，簡單調味已經好食，荔枝肉夠甜，兩樣加埋出奇地夾，好味。▫️彩虹卷 - 刺身、牛油果、青瓜、蟹柳，賣相十分吸引，有三款魚生刺身同牛油果反卷包住紫菜飯同蟹柳。▫️富士山 - 蟹柳、鰻魚、牛油果、脆片，你有掛住日本既富士山嗎？好有創意既壽司，面頭滿滿既蟹柳同脆片，砌到成個富士山🗻出黎，唔同口感新鮮感十足，仲係打卡📷之選。臨走前，見到隔離枱點的應該係「火山」，火焰🔥上枱勁吸睛，下次再黎可以試下～…Read More

臨近生日想食西餐，荃灣好味又有質素既令我諗起兆和街Vision 8，我地間唔中都會黎食，環境都有點情調，適合三五知己朋友，情侶撐枱腳。我地七點到餐廳已經半滿，入座後陸續都有客人到，好快就已經滿座。我地點咗兩個主菜＋一個小食，另外加咗餐湯：▫️麵包配黑松露牛油有三種唔同既麵包，香脆又有，鬆軟又有，最驚喜係有我鍾意既食黑松露牛油， 一路食麵包一路食到黑松露味～正～▫️餐湯椰菜花濃濃既椰菜花打成既忌廉湯，香滑順口，配麵包一流。▫️酥炸芝麻雞翼非常香脆可口，外皮脆卜卜，加上香濃芝麻，內裡肉質嫩滑。▫️香煎帶子配牛肝菌意大利麵大大粒帶子，煎得剛好，又唔會靭，意大利粉醬汁剛剛好又唔會過多，一口接一口。▫️蘋果木燒西班牙黑毛豬鞍扒（野菌汁）係厚切黑毛豬，配菜有椰菜BB＋紅蘿蔔，仲有香煎自制薯餅，份量都幾多。豬鞍肉真係燒得剛剛好，切開呈淺粉紅，肉質好淋唔靭，仲有少少果香味。絕對係一間值得推介既餐廳，份量都唔少，我地兩個都食得好飽，味道仲要係好食，荃灣少有既高質素西餐，疫倩而家有少少緩過來，晚飯時間滿座，下次要早少少或者一早訂位先得喇。…Read More

荃灣餐廳有好多，酒吧就唔算多，可以食埋西餐更加少有，仲要係有質素。由其三五知己，好似我班朋友咁，一啲鍾意飲酒Chill吓，一啲想食埋嘢，一舉兩得。Vici Stage位於繁忙嘅沙咀道，絕對唔難搵。Mocktail「Happy Ending」Pineapple J, Lime J, Passion Fuirt, Soda Water好清爽清新又唔會好甜。Cocktail「Dancing Grape」Gin, Kyoho Liquor, Aperol, Lemon J, Pineapple J男女都愛嘅巨峰提子，甜甜酸酸，有酒嚟講飲落好易入口。睇睇餐牌，可能開始肚餓，好多嘢都好吸引想食，都幾多選擇，有泰式小食，Bar Snack & tapas，仲有Pasta, Pizza, Risotto同Main Course。我地揀咗自家制泰或無骨鳳爪開開胃，酸酸辣辣帶點甜，配埋木耳蕃茄仔同紫洋蔥都好甜，整碟清哂，真係勁開胃！Seafood Risotto香草海鮮意大利飯 - 有露荀，大蝦，魷魚，海鮮份量好多，大大隻蝦，魷魚圈同魷魚鬚都唔少，露荀都好多，濃濃香草味，意大利飯亦煮得剛好，一口接一口，係有質素嘅Risotto。Buffalo Pizza 水牛芝士薄餅 - 滿滿嘅芝士加上蕃茄醬，一口拉絲可以拉到10CM，係我鍾意食嘅脆脆邊，又唔會太薄，厚度剛好，芝士控必點。題外話，餐廳有借用充電器，真貼心。…Read More

呢日黎到荃灣廣場行街，知道享和街附近開咗好多新餐廳，呢兩年疫情都冇得周圍飛，勁掛住韓國，見到開咗一間韓國新餐廳就入去試吓。餐廳佈置類似學校課室都幾得意，位置唔係好多，除咗堂食仲有地道韓國前菜外賣，門口附近仲有飲品雪櫃一目了然，我仲聽到大廚係韓國人👍🏻夠哂正宗。一碟三款既前菜，泡菜味道剛好，小辣唔會過酸，啱我口味。天氣涼涼地想食個湯鍋，就叫咗個辣海鮮豆腐鍋，辛辣刺激都幾多料，有青口、魷魚、金菇、翠玉瓜、豆腐等等，仲會跟個白飯一齊食，鍾意辣既朋友吾以試下👍🏻 Bulgogi烤肉配生菜，包飯醬，蒜片同辣椒，醬汁係韓式烤肉汁，個甜甜地係我鍾意既味，用生菜包住食，可以自己自由配搭配料或者加泡菜一齊食又得。…Read More

荃灣絕對係美食寶藏，自從荃灣西開咗好多商場店舖同餐廳，加上疫稍有暫緩，連帶巿中心更旺上加旺。住喺荃灣成日外食既我一向都知數字坡坊都有好多正野食，話說之前在附近食野發現呢間”澳門街雞煲火鍋”，一個價錢可以食完雞煲再火鍋放題任飲任食，今日過黎食過究竟。近來比較早食晚餐，五點幾六點黎到已經有幾枱客開始食緊，坐低後更發現好快滿座。餐廳環境光猛乾淨，有方枱圓枱，除咗會預備熱水俾你清潔餐具，見到餐廳都係餐具消毒柜。除咗可以㨂淨火鍋，仲可以選擇⋯⋯「澳門雞煲」「鯇魚煲」「粥底海鮮鍋」「藥膳雞煲」「藥膳川芎白芷魚頭鍋」「秘制羊腩煲」「椰子雞煲」食完個鍋再繼續加湯變火鍋，仲可以任飲，完全滿足哂幾個願望^^原本我地想食粥底海鮮鍋，但原來要預訂，唔怪得聽到老闆娘好忙咁聽訂座電話（下次要醒目），今次先黎試下個雞煲～等緊個雞煲之際，梗係去拎咗調味醬先啦，醬油、葱、蒜蓉、沙薑、辣椒、芫茜、沙茶醬等，我都幾意外有沙薑，曾經有一次試過火鍋配沙薑醬油，出奇地好味，大家可以試下。攞調味料之餘，可以順便攞埋隔離既響鈴呀～雞煲等咗一陣就到，一打開～鍾意芫茜既我見到堆芫茜山表示心心眼！哈哈！雞煲已經煮好，撈一撈就食得。雞肉都煮到好入味，都算幾滑，我地叫咗小辣啱啱好，一路煮一路會越辣，煲內既配料都好多，食雞煲最鍾意食埋紅蔥頭同蒜頭勁正。食到咁上下，就可以加湯變火鍋，餐廳門口就有個凍櫃放火鍋料，除咗有一般既牛肉、丸類、午餐肉、腸仔，公仔麵、烏冬，菜等，仲有䈑筍、牛柏葉、牛肚、牛腸、豬皮，最驚喜係仲有魚頭，蜆同蠔，個蜆我地仲攞咗兩轉～飲品方面，最爽既可樂必定有啦，仲有啲其他選擇，薑母茶都唔錯架！我覺得最抵當然係啤酒，仲要有好多選擇，唔錯唔錯。每人$1xx，又食煲又火鍋又任飲，味道仲要唔錯，呢個價錢真係邊度搵，性價比高啦！埋單走人時餐廳都滿座喇，可想言之幾咁搶手，天氣開始涼涼地，我諗好快會有下次，一定要早啲打黎留定位～…Read More

住喺荃灣既外食寶寶呢日想食西餐，搜尋一下搵到呢間位於兆和街既”Vision 8”，近來都比較早食晚飯，呢日大約六點半黎到未算好多人，舒舒服服享受我地既晚餐。見到有幅相片牆，好多人都揀呢度慶祝重要日子。望望餐牌都幾多選擇，主要有湯/小食/前菜/沙律/薄餅/意粉燴飯/主菜/甜品，基本上大部分既主食都可以加$45配是日餐湯或者沙律及飲品，我地點咗一個前菜，兩個主食，再加咗$45套餐。首先送上熱辣辣既麵包配牛油▫️法式餐前小食 - 四款不同前菜配法式麵包，牛油果蛋沙律，煙三文魚配芝士，Parma Ham配蜜瓜，合桃配芝士。牛油果本身我平時唔特別鍾意，但估唔到令我愛上佢，食落好新鮮既味道，熟度剛好，係我鍾意既牛油果。煙三文魚同HAM都唔會過咸，配埋芝士同蜜瓜，越食越開胃，清新既前菜小食打開咗晚餐既序幕～～～▫️蕃茄蓉湯 - 好濃既蕃茄蓉，加咗胡叔更突顯味道層次，酸酸甜甜，我鍾意配埋麵包一齊食。▫️香煎比目魚配菠菜忌廉汁燴意粉 - 入口第一啖就好有驚喜，發自內心既滿足感，已經分唔出究竟係菠菜天使麵定係用咗菠菜做醬汁，濃郁既忌廉汁但加上菠菜絕對唔膩，一口接一口，係我太肚餓嗎？🤣🤣🤣 比目魚煎得魚皮香脆，肉質嫩滑又多汁👍🏻👍🏻👍🏻▫️蘋果木燒西班牙黑毛豬鞍扒(紅酒汁) - 厚切黑毛豬👍🏻 配菜有椰菜BB＋紅蘿蔔＋薯仔，值得一提薯仔好好味，煎得香脆好正。豬鞍肉呈淺粉紅燒得剛剛好，肉既部份唔會韌，仲有陣陣果香👍🏻食物質素高，味道有驚喜，確實好適合拍拖，同朋友傾計撐枱腳既好地方👍🏻…Read More

荃灣真係一個飲食小天堂，基本上諗到咩都有得食，鱟地坊士林食街近來開咗間新串燒店，前排經過見到望見咁靚既？😍原來係食串燒！上openrice睇評價唔錯，住荃灣又成日外食既我梗係黎試下啦～食店環境裝修會唔會太靚👍🏻?！光猛，乾淨，舒適！同一般既串燒店真係好唔同！肚餓了🤤 最鍾意食串燒可以叫好多野，望住餐牌樣樣都想食咁，可以選擇辣/唔辣，因為一個食辣一個唔食辣，店員仲另外上辣粉，細心至極👍🏻！▫️酸辣粉 - $29有肉碎花生榨菜蔥花芫荽，仲可以另外加$6-$12配料，我地就叫咗豬大腸+豬皮+水魷。原來都幾大碗，夠麻夠辣，我就最鍾意豬大腸好淋好入味，而水魷真係度度有得食。▫️雞皮 /雞腎/雞軟骨 - 串燒至愛之一，每次必叫，燒出多油脂，滿足哂脆脆既口感，啱哂配杯啤酒🍺🍻或者汽水🥤▫️五花腩串 - 一層脂肪一層肉嘅五花腩最啱就係要黎燒，燒得啱啱好，肉既部份唔會韌，加埋入口即溶既脂肪一齊食唔會油膩感😍😍😍 推介推介推介！▫️雞髀菇 - 燒得好juice👍🏻▫️芝士蝦球 - 建議一口食，因為會爆漿🤣🤣🤣熱愛芝士必選，外層炸得酥脆，內裡係芝士漿，我建議趁熱正啲～▫️牛舌心 - 牛舌燒得好味唔容易，要燒到外爽脆內裡剛好唔過火，平時唔多食牛舌既我都覺得好味。▫️牛肋條 - 叫咗一辣一唔辣，肉味比較濃，有咬感但唔會韌。▫️京蔥肥牛卷 - 鍾意京蔥香味配肥牛一齊食啱哂～▫️煙肉露筍卷 - 露筍嫩而無渣，煙肉不會過咸，串燒就係配肉既油脂最香最好食。▫️泰式豬頸肉 - 配泰式醬汁，肉汁特別JUICE。▫️韭菜 - 係很嫩既韭菜又不會乾，很怕會食到有渣。▫️娃娃菜 - 食太多肉就想叫啲蔬菜類，唔會點樣燒到咁淋咁JUICE呢～ ▫️牛仔骨 - 一份有四件，燒得剛好唔過火，簡單調味已好好味，有少少肥膏燒得很香但不膩。▫️蒜香茄子 - 滿滿既蒜蓉醬，每一啖都充滿蒜香，鍾意佢唔會好油。▫️燒黃立鯧 - 第一口滿分驚嘉，好好味！皮脆肉嫩！原來用咗特別調味，真係特別入味，每一啖都好好味，讚！兩口子都食咗好多野🤣🤣🤣但我地清哂！証明好食！今次太肚餓點咗好多肉類，下次會試多啲海鮮，眼見隔離枱點海鮮都好正！另外外賣自取仲可以網上落單純好，先落單再後取，荃灣之友以後又多一個食堂啦！…Read More

荃灣西站附近嘅商場開咗好多新店，住荃灣既我好開心沉寂一時嘅如心廣場開始慢慢開返好多餐廳或者店舖，呢日就黎Bamboo Thai搵食😋 上網睇勁想食佢個火山排骨！▪️軟殼蟹紙米卷▪️炸得酥脆嘅軟殼蟹配其他蔬菜，裡面仲有個芒果肉既酸甜，配埋微酸嘅汁，增加左清新嘅感覺，越食越開胃🤤🤤🤤▪️泰式肉碎生菜包▪️泰式肉碎加埋辣椒/金不換等等炒得好野味，最鍾意係有炸豬皮，為生菜包加咗一啲酥脆嘅口感，少少辣但可接受，我唔食辣嘅都食到，用新鮮生菜包更可以減低辣度👍🏻👍🏻👍🏻▪️火山排骨▪️我最期待嘅一道菜式，上網睇已經好想食好吸引，上到枱仲好吸睛添～一大碟夾排骨，分量十足成座山咁，唔怪得叫火山排骨啦！排骨已經烹調到好鬆軟，個湯汁係帶微酸好開胃，有好多蔥芫荽等等我鍾意嘅材料。餐廳仲會提供埋透明手套，方便客人可以直接用手攞嚟食，啱晒我🤗▪️招牌蟹肉臘腸炒飯▪️呢個炒飯香噴噴，材料十足，蟹肉加埋臘腸冇得輸，一啖接一啖味道有加分👍🏻▪️洛神花黑糖薑茶▪️天氣凍凍地，飲番杯黑糖薑茶暖暖身，一壺兩杯，可以兩個人一齊飲🥰 唔會好甜啱啱好～食物質素高，材料十足，前菜夠晒開胃，10分推介火山排骨，一路食都見到好多人買外賣，而家夜晚無堂食睇黎住荃灣嘅我又多一個外賣選擇喇👏🏻👏🏻👏🏻…Read More

早幾日睇到新開咗台灣過江龍「段純貞」牛肉麵，我好鍾意食台灣牛肉麵，每次去親台灣差唔多每一日都要食一次，而家疫情飛唔到去台灣🥺 呢間仲要喺荃灣咁近，即刻約朋友去食。呢日專登過咗午飯繁忙時間三點鐘，但都要排長龍，都已經要排第二組時間，不過人流都算快，一路排隊一路諗定要食乜嘢，等咗一陣就可以入座啦～▪️秘制酸梅湯▪️新鮮製作，唔算好酸，啱啱好👍🏻▪️冬瓜薏仁檸檬特飲▪️個人推介酸酸甜甜仲可以解油膩感❤️▪️三寶麵（細麵）▪️紅燒湯底，有牛肚+牛筋+牛肉，份量十足，好足料，值得一讚好淋好入味，入口即溶，我鍾意細麵掛滿湯汁，吸收哂濃濃湯底～▪️麻辣蒜味腱心半筋半肉麵（手工麵）▪️鍾意辣味刺激感可以揀麻辣蒜味，唔會辣到搶咗個蒜頭味，食辣唔好錯過！手工麵即係粗麵，好有煙韌口感，牛筋牛肉都好淋。▪️滷水拼盤▪️（牛肚+牛展+滷蛋+豆乾+鮮菌）好多時食牛展同其他滷味都滷得唔夠淋，但係幾鍾意呢滷得好入味同好淋，食開牛肉麵就會明我講咩。豆乾係蜂巢豆腐，滷蛋仲係流心蛋添😍～本身我自己好鍾意食台灣紅燒牛肉麵，成日周圍食牛肉麵，喺香港真係唔係好多間可以做得好味，食開台灣牛肉麵都會知道由台灣買返嚟可能都要好貴，$8x呢個價錢絕對唔貴，而且味道仲唔錯添，應該好快會再黎食😋…Read More

約咗朋友去荔枝角，順便行下D2 place，疫情下每次同朋友飯聚都要珍惜，第一時間上openrice睇下食評，睇下D2 place有咩好野食，朋友想食西餐鋸扒，就揀咗Food Garden ETC。其實D2 place開咗咁耐都未行過🤣機會黎喇～ 原來好多made in HK手作仔，唔似行大商場個個一式一樣👍🏻餐廳佈置行黑白工業風，係我鍾意嘅style🥰 中午時間有lunch set，跟沙律或者湯，仲可以加錢配甜品。▫️是日餐湯：黃姜椰菜花湯▫️椰菜花忌廉湯加咗黃姜，天氣凍凍地啱晒😍麵包都好好味焗到脆邊～▫️招牌美國牛肩肉配田園蔬菜▫️餐牌有註明通常烹調會係五成熟，但我同朋友就比較鍾意七成熟，同侍應講就ok。牛肩肉牛味比較濃郁，估唔到仲好juicy好淋添，平時去餐廳都好怕牛扒好韌，估唔到呢個招牌牛肩肉做得咁出色，我最欣賞佢真係做到七成熟剛剛好無血水但又唔會過熟👍🏻👍🏻👍🏻 餐廳本身有配燒汁，但我反而鍾意加少少鹽夠原汁原味😋▫️香港飼養無激素西班牙黑毛豬鞍架▫️▫️配芒果莎莎醬▫️厚厚既黑毛豬鞍架，一吃便知有沒有😋 雖然好厚實但肉汁豐富，芒果莎莎醬仲帶出果香，同豬鞍好夾。而家潮流興健康飲食，食物質素好重要，就算自己煮飯都會揀無激素😉 仲要香港飼養真係要支持下❤️▫️焦糖燉蛋▫️燉蛋面上既焦糖燒到好脆，濃濃焦香味，裡面有好滑既燉蛋，又唔會好甜幾好。▫️朱古力心太軟▫️心太軟真係無得輸，濃郁朱古力味蛋糕，入面係流心朱古力，係我最鍾意既甜品之一❤️天氣涼涼地，飲品我地都叫咗薑檸蜜，養生一下🤭 薑味剛好唔會過辣👍🏻…Read More

荃灣西站附近商場開咗好多新餐廳，尤其係荃灣西樓上海之戀，每次行過都會好奇台有咩新餐廳開咗😍😍😍 記得有一次經過勁多人排隊等位，今次我就揀咗下午lunch time後過嚟牛牛下午邊爐。入場前餐廳職員會先問揀咩餐同咩湯底，所以如果要等位可以睇定先，午餐有分60分鐘定量套餐/60分鐘放題套餐/90分鐘放題套餐，然後就揀你想食咩牛肉，由於我哋太肚餓同想食牛小排，揀咗$268「美國上產極選牛小排放題套餐」，湯底分別係大地鰹魚鍋同日式麻辣鍋，一人一鍋唔駛爭，我地仲被安排坐咗望海景卡位🥰坐低之後餐廳會提供口罩信封非常貼心，之後就可以用電話影單上面嘅QR code落單點肉類，而蔬菜類、其他食物、飲品、雪糕等就可以自助形式出去攞。鍾意飲烏龍茶嘅我第一時間見到有阿里山烏龍茶勁開心🥰首先餐廳我會俾咗兩碟牛小排我哋，果然冇令我失望，雪花平均，肉味濃郁👍🏻 之後我就一次過點晒全部牛肉嚟試吓🤭 每碟牛肉都會有個牌仔寫住係咩牛，咁你食完想再落單都知道係邊一隻。估唔到兩款牛肩胛我哋都唔差幾好味，牛味重有咬口，我哋仲再落單添～自助蔬菜吧有我最鍾意嘅羽衣甘藍、萵筍、蓮藕、蟲草花，豆腐同蛋餃都幾味！如果仲未夠飽，仲可以食日式咖喱牛肉飯，但我哋淨係食火鍋已經好夠飽，連我最愛嘅甜品仲要有Movenpick都食唔落，最後放棄咗，但食火鍋都好滿足🥰 下次夜晚再黎一定要食埋甜品🤣…Read More

搬咗嚟荃灣一段時間，發現好多唔同嘢食真係好方便，基本上日日都會喺荃灣搵食😋我成日都話食極都食唔完。荃灣西附近既商場都開咗好多新餐廳，前排去完荃灣廣場一田，比我發現呢間「圍威喂」個名咁得意。鮮明顏色既裝修，行到餐廳最入既位置，一整幅牆係花花草草既佈置，忍唔住先同佢影張相🤣古法秘製龍眼冰龍眼冰既龍眼蜜甜而不漏，唔係普通蜜糖咁簡單，好飲！星空梳打勁靚既紫色😍😍😍打卡一流，味道係檸檬橙梳打，顏色勁靚❤️蒜香炒時蔬（通菜）落足料炒香氛撲鼻，好快就清咗碟。圍威喂拼盤（春卷、魚餅、蝦餅、單骨雞翼）拼盤會配備三款醬汁，辣醬、泰式甜酸辣醬、蜜糖，朋友就超鍾意辣醬夠過癮，我就鍾意蜜糖配炸物好夾，碟上仲有青瓜減少食炸物既熱氣。魚餅有少少辣但唔食辣既我都食到。春卷好足料唔會感覺油膩。單骨雞翼外面炸得酥脆，裡面炸得剛好肉嫩。最後係蝦餅，完全唔厚粉又足料，啖啖蝦肉，個人推介⭐️泰式鐵板蠔餅鐡板上枱熱辣辣，配埋泰式辣醬另有一番風味，蠔仔十分足料，味道可口，鍾意有好多芽菜，中和油膩感。經典檳城炒粿條有蛋、蝦、蜆等配料，粿條炒得入味，鍾意辣既加少辣醬勁野味😋…Read More

搬咗嚟荃灣一年有多，第一次黎金海濱食野，入到去見到貼滿哂好多唔同既菜式名，感覺唔似普通茶餐廳，煲仔菜、經典中菜、淨係叫雞類都好多選擇，見餐牌寫住「總廚」招牌菜，大廚應該唔簡單😏坐低第一時間最吸引我係$18一隻紅燒bb乳鴿😍，原來而家做緊優惠，未諗掂食咩就先叫一隻先，再慢慢諗下今晚食乜餸。🔸乳鴿🔸乳鴿皮都幾脆，肉夠嫩，而且本身已經好夠味入味，加少少准鹽就再野味啲。🔸茄子牛仔骨🔸煲仔上特別夠鑊氣，牛仔骨肉好冧，唔會硬柴柴，份量十足。🔸薑蔥魚腩煲🔸魚腩吸收哂薑蔥既味道，而且啖啖肉，魚腩充滿魚油脂好正。🔸黃金虎蝦球🔸嘩！～呢個不得了，一上枱見到成座山咁，虎蝦勁大隻，山低仲有日本南瓜，炸完再加黃金咸蛋黃炒，雖然好邪惡😈但越食越滋味🤤。🔸金海濱小炒王🔸男人之選！送酒一流！夠鑊氣，好快就清咗碟。👍🏻總括而言，性價比高，價錢合理，份量十足，味道有水準！估唔到海濱區有間咁OK既食店，下次想黎試下越式粉麵同小食，見評價都唔錯～…Read More

每次經過葵芳新都會，食飯時間餐廳門口都會排哂長龍，成日都好想試下日本連續6屆全國天丼金賞的丼飯，今次難得約咗朋友早少少去葵芳食飯，一旅去「金子半之助」。未到晚飯䌓忙時間，已經有差唔多一半客人入座，疫情期間，餐廳都做足防禦措施，坐低後店員會首先奉上黑豆茶，黑豆有抗衰老功效～～～餐廳提供三款天丼選擇，同樣都有海老、小柱魷魚天婦羅餅、溫泉蛋、海苔、莢豌豆，因應自己喜好揀主角，江戶前天丼係穴子，上天丼係鱚魚，天丼係菇。另外餐附味噌湯同漬物。我地揀咗江戶前天丼穴子，上天丼鱚魚呢兩款。近門口位置係開放式廚房，會見廚師即叫即炸天婦羅～枱上亦有小貼士，教你先試天婦羅，再試秘傳醬汁飯，跟住再加埋溫泉蛋既蛋液。一上枱就好興奮，因為真係好豐富好吸引。天婦羅脆而不膩，已經調好味，就算原味都好夠味，加埋醬汁再加一個層次，連溫泉蛋都係天婦羅，日本蛋果然夠出色，蛋味十足。海老好彈牙，而我亦好鍾意小柱魷魚天婦羅餅，不同口感層次。兩位主角，穴子會有陣陣油香，加埋醬汁更加好味，而鱚魚肉質鮮甜，兩者各有所好。喜好炸物天婦羅既我實在大滿足👍🏻👍🏻👍🏻…Read More

疫情期間大家都少外出食飯，呢日終於忍唔住收工約咗朋友食飯，無得去旅行，唯有食韓式燒肉思下鄉🥺🥺🥺喜來稀肉由佢新開張間唔中都會黎食燒肉，有質素但又唔會好貴👍🏻🔸韓式牛併盤🔸鍾意食牛嘅人應該會覺得佢好有牛味，而我最就鐘意佢個紫菜波波飯，夾住一齊食會減低油膩嘅感覺。🔸豬五花肉🔸睇落脂肪比例好似好肥，但燒好之後包埋生菜食，口感反而唔覺得咁肥，同覺得爽口。🔸醬汁醃雞肉🔸黎到睇落平平無奇但燒完之後，反而覺得好好食喎，醬汁同啲雞肉配合得好好🔸石頭拌飯🔸同一般韓式石頭飯一樣，可能因為等左好耐先食呢個拌飯所以底部有好多飯焦，如果鍾意食飯焦嘅你就啱晒啦！…Read More