小懶貓Rossana's Profile

雞煲一直係Rossana既大愛!有朋友試過旺角既新南苑好食又抵食雞煲刺身加火鍋價錢每位$258就梗係咪執輸黎試下啦不過要注意既係醬油$10，前菜$20都要另外收費的蔬菜類都不少醬油同調味料都係自助！自己鐘意點mix就點mix嗯？！！唔係得呢D任食丫嘛？！放心餐牌上過三十款配料都係任叫！首先出場既係刺身拼盤象拔蚌鮮甜好味主角雞煲出場！一上枱已經聞到香味不過未食得住架每2分鐘要攪拌一次總共要攪3次先食得架雞件都幾嫩滑～正通常食雞煲火鍋都係用返個雞煲做邊爐不過新南苑真係有個火鍋另上架！嘩！估唔到生猛海鮮拼盆有鮑魚，聖子皇，生蠔，元貝，大蜆，龍𧄌片，脆鯇片！唔怪得朋友話抵食啦XD賣相仲好得下我地就揀左新鮮蟹窩花甲湯底湯底都好足料下架鮑魚爽彈兼厚肉！大蝦都真係幾大架～你知啦好多寫出黎話大蝦，但上到枱變蝦毛囉元貝營養豐富，滋陰補血，肝，腎，脾鮮手切牛頸脊肉質結實細緻爽口非常火鍋配料當然唔少得各款丸類啦墨汁墨魚丸都幾好食架食飽飽仲有牛乳布丁做甜品如果奶味再重一點會更對味 XD …Read More

雖然Rossana唔食得辣，但係好鬼鐘意食印度菜XD今次來到亞士厘道23號一樓開業已經40多年既Gaylord the India Restaurant 跟好友聚會嘩...真的估唔到印度餐廳都可以咁有情調坐位舒適裝潢極富格調又不失印度風格最正既係有live band呀！！坐低一會侍應就送上香脆既胡椒餅這碟香草洋蔥胡椒餅也是送的唷嘿嘿 先來一杯mango lassi $48芒果味超濃～正！朋友就點了mint lassi $48朋友的Mulligatawny 扁豆湯扁豆有降低血糖既作用Tamatar Ka Shorba 純蕃茄湯蕃茄味濃配絲絲的微辣,暖胃又能打開胃口laam seekh kebab串燒羊肉卷 $120 （左）Chicken malai Tikka印式燒雞件 $118 （右）先嚐一口串燒羊肉卷一點沒羊so味，反之充滿肉汁原本以為口味較重,卻散發出淡淡既香料味又不會蓋過羊味印式燒雞件每次食印度野都會叫鐵板上熱騰騰的雞件香而嫩滑Chicken Makhanwa牛油紅茄燴雞肉 $118超滿意這道咖哩！！推薦給不吃辣的你，茄味濃而帶著牛油香伴上烤飯一起吃，令人食指大動！Gaylord 有不少烤餅種類選擇果仁提子烤餅啖落嚐到甜甜的提子乾，都幾特別Keema NaanRossana第一次試烤餅𥚃有羊肉架！伴上咖哩更添美味…Read More

香港人節奏急速,咩都最好要快因此提起法國菜要起碼食幾個鐘,都曬手擰頭不過喜歡法國菜,但又想快既你Rossana就有好介紹不單性價比高,環境仲超正銅鑼灣怡和街英光大廈12/F既Le MarronLe Marron既裝潢浪漫懷舊而高格調每一張檯都有沙簾隔住,有返些私隱度三五知己,情侶約會,什至一大群好友歡聚都相當合適Traditional French Onion Soup ‘Au Gratin’ $ 95法國正宗洋蔥湯是用芝士來焗的芝士傳來陣陣香,即時食慾大增不單有出外表,仲有內,一絲絲的洋蔥伴著索滿濃湯既法包絕對令人齒頰留香Beef Carpaccio with Mustard, Lemon and Parsley Sauce $ 140生牛肉嫩配上芥辣蕃茜醬,更能帶出牛肉的鮮Japan Scallop Baked Green Asparagus with Black Truffle Hoolandaise $ 148鮮甜帶子勁大粒唷~Pan Fried Nugget of Foie Gras with Caramelized of Apple Basket & Port Wine Jus $ 150 法國鵝肝煎得外皮香脆,啖落卻是滿嘴油潤豐腴甘香Pan Fried Kurobuta Pork Chop with Black Pepper Sauce $ 240美國黑毛豬嫩滑而富肉香,啖啖肉令人食指大動Roasted of Guinea fowl with Caesar Salad and Rosemary Jus $280法國珠雞入口嫩滑多汁叫人欲罷不能Baked Petit Pumpkin Stuffed Crab Meat Risotto $180芝士焗南瓜鮮蟹肉意大利飯賣相超漂亮的,內裡好多蟹肉,份量十足最後當然是甜品時間Warm Chocolate Pudding (20 Min. Preparation) $65巧克力心太軟絕對是甜入心的美味Petit Pavlova with Wild Berry and Passion Fruit Coulis $65法式蛋白脆餅伴著七彩繽紛既新鮮生果看到已經心花怒放,大快朵頤 …Read More

放假都喜歡去酒樓嘆返一盅兩件貓佬說舊公司附近有間酒樓既灌湯餃超好食!!就帶我來到灣仔既車氏粵菜軒老實說點心既選擇不是很多點心紙上清楚列明價錢和額外附加小費車氏附上既係香脆蠶豆～yummy懷舊炸春卷外皮炸得金黃香脆乾蒸燒賣既肉香很夠，打得Q彈酥皮燒飽好像一個小黃金球外皮厚薄適中啖啖香酥可口鴛鴦麻沙池鮮蝦仁腸粉蝦都幾大隻架,新鮮爽彈豉汁排骨陳村粉這個點心真係唔係好多酒樓有得食微辣排骨醃得幾入味車氏筍尖鮮蝦餃必食外皮晶瑩Q彈,鮮蝦鮮甜爽口棉花雞就食得多！鮑魚棉花雞都係第一次食棉花雞索滿清甜的上湯原隻鮑魚都算大粒架最後就是貓佬推介既灌湯餃！美中不足既係湯餃上枱時已經破掉不過一入口就真係嘩一聲濃濃的上湯真係無得輸！！ …Read More

韓風都襲港多年,最近朋友發現打邊爐都要韓式！仲要係牛豚任食90分鐘！價錢又唔算貴,最平百幾蚊位身為牛魔王既我地當然要試試於是來到荃灣既K-Pot 部隊鍋Rossana揀左$238 美國專上牛肉放題有美國特選牛肉,美國嚴選牛肉,牛腱肉，梅豚肉,豬腩卷，雞腿肉，海魚柳比一般肉食放題種類多！價錢已經包埋湯底，甜品和飲品一坐低侍應便奉上前菜貓佬話泡菜醃得很好味就跟坊間既任食一樣，附上碟子自行去自助bar拎野食嘩...選擇都幾多下，仲排得超整齊肚餓可以食住salad先仲有韓式壽司部隊鍋當然不少得韓式公仔麵啦部隊鍋源於1950年代韓戰過後,由於戰爭導致物資短缺剩餘的香腸,罐裝火腿,午餐肉,泡菜,即食麵等一鍋過食因此而命名唷~~~當然今時今日食部隊鍋就唔洗咁慘有多種菜蔬選擇墨魚丸都有2款,黑墨丸就比較少放題可以食到唷豆腐串韓式魚片粉絲餃韓式烤肉餃韓式豬大腸韓式豬皮身為牛魔王既我地就緊食左牛先啦牛腱肉也是較少放題能吃到牛腱即前膝既小腿位,脂肪較少，帶有嚼勁！我個人就勁like 牛腱打邊爐美國特選牛肉既油花幾靚肉質鮮嫩細膩口感鮮甜說真的放題我係好少食豚肉不過K-Pot豬腩卷,卻令我吃過不停老實說起初聽到豬腩就有點不想食...因為...月巴嘛！不過吃過之後就完全對豬腩改觀不但沒有油腻感，仲好Q彈食飽飽最後環節當然係食返杯雪糕Topping有勁好多選擇,連小熊糖都有呀!!!嘻嘻~Rossana就揀左聰明豆,小熊糖和棉花糖…Read More

銅鑼灣既加路連山道都幾多好野食今次試既係阿麥廚房Mackie Kitchen一踏進門口既右邊超吸睛既一幅圖畫!!不知道是否店主親身畫的呢?太可愛了吧不知怎的看到它心情都變好~餐廳很有情調,極適合情侶檯腳燒虎蝦配柚子沙律 $98大隻厚用既虎蝦啖落鮮彈蟹肉南瓜忌廉湯 $48蟹肉都算幾多,配蒜容飽($38)食一流黑松露野菌意大利飯 $904隻帶子伴碟加上淡淡既黑松露香令人齒頰留香整頓晚餐最驚喜既係杯熱巧克力!!對喔~巧克力也能拉花喔~因為是用巧克力非巧克力粉因此密度較高就能拉花唷~可說是真材實料~ …Read More

好多朋友都知我鐘意食雞煲今次搵食搵到來大角咀埃華街尾既前家樂哈哈...個名真係幾易記下,因為某電視明星maXD前家樂地方雖然不大,但都幾骨子~先來一個香辣雞蟹煲$288大家一見到都不禁嘩嘩聲...真係好香又多料呀!!!因為我唔食得辣,所以叫左小小辣這種辣對我來說已經夠曬過癮XD雞件是黃油雞黎架~超滑又入味,絕對是香港人既口味烤桂花魚鍋配蕃茄薯仔 $298嘩~桂花魚是烤過的耶~再淋上超濃既湯底!!唔食魚既我見到都流曬口水滾住食更添美味道要大讚既係魚湯好鮮甜,Rossana忍唔住不停飲XD食完個煲就緊係打邊爐啦珊瑚蚌$90肉質爽甜紅薯粉 $34野生竹笙 $25 (小)樣子睇落好似獅子魚旦其實係芝士竹輪中間是芝士黎架~正!!雖然我係唔食魚,但今次真係出奇的愛上了魚湯XDhahaha 薯粉和竹笙索堆D湯真的正到極點唷~~ …Read More

除左小狗，可愛既貓貓也是人類的好朋友！不過香港地寸金呎土唔係個個都可以養小動物～閒時想同貓貓玩下，消磨下時間？！Rossana 就有個好地方介紹就是位於荃灣既貓之茶房貓之茶房位置都算幾就腳，而且地方都幾大一入門口，要先脫鞋和用上消毒洗手液為了保障貓貓的健康嘛貓之茶房有埋梳子和逗貓棒提供給大家跟貓貓玩樂！除左玩貓，貓之茶房也是一個三五好友聚埋tea一tea既好地方因為都有幾多小食飯類選擇，價錢仲好商宜！貓貓們實在太吸引，都忘了講下點收費添haha貓之茶房是段鐘收費，首小時$60,每人包一杯野杯Rossana 就㨂左有機養顏綠茶，因為無限加水架！單叫一杯都只係$13 ,你話係咪抵先坐喺大加菲上同朋友吹下水或者睇下書都幾休閒寫意貓之茶房每一隻貓貓都有名架~唔知邊隻打邊隻?唔緊要,有本相簿介紹架~嘩~好多唔同品種既貓貓呀~~最欣賞既係設有領養版!!!香港好多浪浪其實都好可憐架~希望大家唔好助長D無良Breeder,支持領養給貓貓一個溫暖的家睇下貓貓訓得幾梳乎想增加貓咪對你既吸引咩?!可以買貓零食~睇下!!!即刻幾受歡迎直情跟到實曬~玩左一會都有些餓...見到都有幾多cake選擇價錢都只係$15-22!!!不過...點解會有巧克力cake架????貓貓都好為食下如果不慎食左會中毒喔!!!!建議可轉其他款式~我們揀左幾款小食雞肉串燒$28/5串整得勁Juicy,味道不錯吉列炸蝦 $14/2件真係無睇錯!!$14蚊就有2隻蝦而且炸得脆而不膩!!!正吉列炸帶子 $14/3件,同樣爆抵說真的呢D炸物都應該係現成入貨要讚既係店主入既貨都算有質素而且勁有良心,重要是炸得酥脆好味才收你十幾蚊,性價比真係極高~哈哈~睇下毛毛幾為食!!就這樣跟朋友吹下水,玩下貓都可以消磨幾個鐘架~ …Read More

Rossana 假日極少機會可以享受倒西式三層架high tea就因為訓到黃朝百晏嘛,無理由第一餐就食甜野,貓佬都唔肯啦！朋友話尖沙咀諾士佛臺既泰燒遙有泰式三層架下午茶，價錢又唔貴,就相約一起去試試當日天陰陰雨濛濛，特別好情調呢個咁精美既3層架都只是268/2位!!睇下...份量都唔少架有豬頸肉,大蝦,串燒豬頸肉肉質爽口彈牙烤得入味非常~簡直食到停唔倒口大蝦鮮而爽甜串燒超野味的XD第二層既泰式和木瓜沙律超醒胃最頂層仲有泰式椰汁西米糕Rossana就勁鐘意芒果椰汁西米糕斑蘭葉小兜子青碧誘人西米糕混合了芒果和椰香味,口感軟糯彈牙除左泰式3層架下午茶套餐都只係$42-58 !!下次再來試下先 XD…Read More

又跟好友們四處搵食今次搵到黎長沙灣既西川風味餐廳之前朋友路過見到任食雞煲打邊爐價錢幾抵門口又貼著不少明星光顧既相片，所以決定黎試試啦平日一至四晚市9：30前入座，價錢只是$148，就可以飲任食3個鐘加$30仲有埋刺身任食刺身種類都算多，不輸日本放題架老實說呢個價錢完全無expect過刺身會有幾好食但刺身一端上枱，大家都不禁嘩左聲！刺身賣相同色澤都相當唔錯三文魚脂香肥美，北寄貝充滿鮮味，不過貝柱就麻麻地打邊爐當然要混下醬啦2-4人可任選一湯底5-8人就可以㨂2款我地就㨂左西川雞煲和酸菜魚先來酸菜魚...嘩～都幾大煲下喎仲見到好多舊魚XD朋友們都知Rossana係唔食魚的就因為怕魚腥和泥味不過嚐左一囗湯都幾好味，就試左一舊魚因為我唔食得辣，就叫左唔辣既雞煲半隻雞份量都幾多！放喺電磁爐上滾住食就更過癮雞煲既汁絶對啱香港人既口味滑溜溜啖啖肉，醃得勁入味食完雞煲就緊係打下邊爐啦！響鈴是即炸的，端上來還熱騰騰的就咁食都超脆口好味，重點是完全不油膩喔火窩配料都好多選擇粟米好甜，豆腐滑滑，芝士丸既芝士勁香，不過個人覺得羊肉就羶左少少西川既粗身薯粉Q彈彈的!必叫～ …Read More

旺角花園街威達商業大廈Deli2 真係好多野食上次跟朋友們試左2間都不錯今次朋友話要試下一樓既梨滿園韓國料理先來6小碟前菜,Rossana比較喜歡小魚乾梨滿園地方寬敞,檯與檯間唔會太迫Rossana是食肉獸,當然先來一客烤牛肉 $78/150g牛肉醃得入味,烤後既牛肉帶著鹹鮮口味~超好吃嘩~~烤著烤著睇見都垂涎欲滴侍應還不時會換下燒烤板,服務勁好烤無骨雞柳肉質滑滑的食韓燒緊係要啤啤佢啦假如唔鐘意啤酒既麥味,就一定要試試韓國米酒~不但營養價值高,仲好易入口而米酒可以溶解食物中既三甲胺氨基醛等物質同時能跟肉中脂肪起酯化反應因此可去腥羶更可有增味之效~米酒香氣濃郁,酒味甘醇Yeah~~飲杯烤牛脷 $88/150g牛脷鮮嫩可口美味多汁特選牛肋骨(無醃) $168/350g單看雪花紋理已令人垂涎三尺沒醃的關係卻嚐到牛的濃鮮~正!!紅酒醃五花腩片 $98/150g紅酒中既丹寧可減去油膩感而五花腩片燒既時候是有技巧的就是要用一塊生菜,將五花腩壓平而生菜又可以防止五花腩既油彈出來  五花腩層次分明,四分三吋厚既肥肉夾著一層層既瘦肉~不過...Rossana都是怕肥...試一件便好XD剛剛都見到燒五花腩同時燒大蝦 $128/4隻肥大厚肉既花竹蝦,肉質爽彈鮮帶子 $128/8隻質感軟綿,入口鮮甜秘制豬手 $238外層煙韌肉質嫩滑見到富既骨膠原就不禁大口大口的食唔停唔想食咁多肉咩?可以叫碗清清地既水冷麵麵條爽滑,不黏不糊,感覺清爽 …Read More

朋友話北角有間打冷叫太平飯店大廚之前於米芝餐廳做,食物質素不錯,價錢又合理不過打冷一定要多人食先過癮睇過openrice食評又幾好咁所以決定約埋好友們一起來試試~打冷必叫當然是鵝三拼 $188我們揀了大腸,豬頸肉和鵝片鵝片嫩滑可口,厚薄適中,夠曬入味要一提既係太平飯店既秘制滷水汁比坊間的甜鹹淡適中,幽香入骨大腸真係必食!!!!滷水多層大腸,真係唔多地方有得食口感爽中帶軟,滷水越嚼越香糖心蛋 $28蛋黃膏腴味美,軟滑絕妙,充滿濃濃酒香~正!!蠔仔肉碎粥$42粥底充滿米香,一碗都幾多蠔仔花雕醉鵝肝 $68酒香於口中纏繞著啖落醇厚柔滑海蜇拚墨魚 $82老實說...海蜇不夠爽彈墨魚就不過不失啦本來想試火焰醉蝦...可惜賣曬見醉鮑魚一客只售$72/2隻都好似幾抵就試一下XD果然不負所望,驚喜一浪接一浪~鮑魚個size都唔細,仲要切埋片!!!鮑魚軟腍帶有酒香太平飯店除左打冷,仲可以叫小菜架金蒜腿娃娃菜 $48娃娃菜味道甘甜營養價值又髙,不錯~烏頭 $108Rossana本身唔食魚,所以無試到不過同行朋友話好好食,轉個頭就整條KO左黃金糖醋麵 $68通常糖醋麵都會煎到2邊乾身不過太平飯店的就煎一邊乾身另一邊卻保留一點黏黏的麵質加上醋和糖一起減低膩感~好味 XD …Read More

Rossana早前朋友話想試新野於是來到沙田沙角街既M3 Italain Seafood & Steak因為朋友話這餐廳真係超高質素因為朋友未到,坐低就先叫杯chocolateXD之後侍應超細心,送上餐飽Rossana就可以食住等XD雖然是免費餐飽,但一些都唔馬夫餐飽滲著微微既香草香,鬆軟非常仲有埋醋同橄欖油添呀!!好似置身於中環既高級餐廳先來一個啤梨藍芝士焦糖合桃沙律 $128藍芝士味道未必人人接受,不過Rossana就唔抗拒酥脆既焦糖合桃,啤梨爽而多汁藍芝士質感較平日的軟身,而且味道平易近人酥皮炸絲蝦$58賣相極度驚喜,以酒杯盛著大蝦金黃色既酥皮弄得像髮絲般幼細,淡落脆而不膩千絲萬縷的大蝦爽彈新鮮!!必食~Rossana一向勁like生蠔見到有未試過既法國魯瓦揚生蠔加上$248就有6隻,價錢唔貴就點來試試外型瘦長，蠔味軟濃兼夾著海水味Rossana 一向食蠔都鐘意原汁原味不過M3呢個秘製sauce真係不容錯過,一試愛上香蒜啤酒煮蜆 $138蜆肉蠻厚肉,啤酒帶出了蜆既鮮甜牛肝菌Pizza牛肝菌含有人體必需的8種氨基酸具抗流感病毒,防感冒,補虛提神等功效牛肝菌味道撲鼻而來,批底香脆~正呀喂!!墨魚仔墨汁意大利飯 $138翠綠色既火箭菜含豐富維他命C營養價值高墨魚仔大大隻非常新鮮味道鮮美西班牙燒乳豬 $188乳豬燒製外皮咬落卜卜脆!!是超脆的那種而肉質仍嫩滑到不得了!!!真的是超級正,好食到停唔倒口~~必叫巴伐洛娃蛋白餅 $56外面酥脆內裡煙韌,唔會太甜配含酸酸甜甜既生果,味道相當之夾 …Read More

上排約左朋友去整小手作之前打算去食個輕量Lunch !路過見倒Next Station門口個餐牌好吸引下於是就決定試下~Next Station設有下午茶set $55真係幾抵一坐低侍應就送上水!!!!完全無expect過食甜品會有如此這般好既service飲完仲會自動自覺refill添呀~因為未食Lunch 我就提議叫個窩夫頂肚XD芒果窩夫配野苺乳酪雪糕大約等左10分鐘倒熱烘烘既窩夫就出爐近期大熱既窩夫,好似好易整但其實唔係間間整得好食,主要是個蛋漿吧Next Station既窩夫,表層鬆化香脆跟糖漿配在一起,絕對是天作之合喜歡甜一點的可配巧克力漿喜歡層次多一點?將窩夫沾上野苺乳酪雪糕和mango,冰火交融同時嘗到乳酪既酸芒果既甜!!香蕉班戟配朱古力布朗尼雪糕這款賣相唔算很突出不過也看到是花過心思的Rossana喜歡多一點香蕉就將伴碟的香蕉自行夾埋入去一起食忌廉細膩夾著香蕉的香味~nice!!栗香紫薯山紫薯做既甜品近期又係大熱栗香紫薯山既賣相真係超級的精緻!!!廚師真的很聰明,想到用栗子配紫薯既創新配搭加上外脆內軟既Pavlova,譜出了完美協奏曲最後...test tube 都幾特別下青瓜山葵沙冰青瓜既清爽上山葵辛辣,產生強烈對比伯爵奶凍配特濃咖啡泡沫hahaha...混在一起食,可以稱它為鴛鴦嗎?Rossana蠻喜歡這個配搭~Mojito青檸mousse以白姆朗酒和薄荷jelly點綴薄荷rum酒配搭簡直創意無限分喜歡試新野既你可以不妨一試別忘記窩夫和Pancake是下午茶餐仲包埋野飲架~係咪抵先!!4個咁高質素既dessert都係$240 抵啦!!如果唔係當飯食,每人叫個茶餐便可以chit chat一個下午添就仲抵lolll…Read More

女人街裡越來越多好野食上次黎新開既威達Deli2商業大廈食火鍋見到開左築地番本.今次就跟朋友相約來食番夠本XD築地番本既裝潢富日本風,環境舒適而每一節為2小時,加$50可享升級體驗加$50就有赤蝦,帶子,羊架,油甘魚,北寄貝等緊係加緊試下啦!坐低同侍應講升級就會俾粒星和點菜紙飲品選擇都幾多,最抵既係清酒任飲日本放題就緊係食刺身啦!!刺身既賣相相當不錯,共有9款刺身選擇我地點左三文魚,白肉拖羅,馬刀貝,大八魚,希靈魚,赤貝和甜蝦下單後都黎得幾快三文魚勁肥美,油脂於口中迥盪脂香滿溢赤貝爽口鮮味;希靈魚滿滿金黃魚卵爽脆豐富甜蝦VS升級既特大赤蝦加$50係咪抵先~炭燒紐西蘭羊架嘩~睇下燒得幾靚啖落嫩滑而充滿肉汁,真係超正!!手卷可能放太耐都未食,所以紫菜有點淋天婦羅炸漿不會過厚,炸得香而不膩鹽燒牛舌吃起來鮮嫩多汁鹽燒豬大腸很肥美Q彈有嚼勁食飽飽就來個芒果布丁當然不少得雪糕啦…Read More