simi0308's Profile

好耐冇食過漢堡喇～ 今次嚟到銅鑼灣，食呢一間本身喺馬鞍山嘅漢堡包店☺️ 一場嚟到，仲試埋佢哋出名嘅奶昔✨⭐️撚手牛肉漢堡 ($93/單層) ❤️8.5⭐️鹹蛋黃紫菜薯條 ($44) ❤️8.5⭐️芒果西米奶昔($68) ❤️7.5signature嘅burger我哋都覺得得一層已經好夠Juicy，而且肉味濃郁，估唔到薄薄地一片肉都可以做到咁嘅效果😍 burger仲有生菜、煙肉、炒洋蔥同埋煎蛋等配料，整體食落唔會負擔好重，而且口感豐富👍🏻 特別係咬爆隻煎蛋嗰一下真係超滿足🤤 鹹蛋黃薯條亦比想像中出色，鹹蛋黃味好濃，而且口感竟然食落唔會太油膩，所以唔會食少少就覺得飽滯😳 反而芒果奶昔我覺得太似芒果西米露🤣 可能有啲朋友仔會好鍾意，而外國人可能會覺得呢個口味有新鮮感～ 我自己都係飲返朱古力或者士多啤梨呢啲經典口味會啱口味啲🙊…Read More

之前睇millmilk介紹呢間香港唯一嘅孟加拉菜，覺得好特別，於是有一日同朋友嚟到一試☺️ 呢間喺PMQ附近嘅餐廳雖然細細間，但係入面嘅裝修都幾靚，因為樓面只有老闆一個人，所以有啲時候都覺得佢好忙😂 好彩呢度嘅廚師都好快手，上菜超級快，落單冇耐就有嘢食啦☺️我哋叫咗一個tasting menu ($278)同散叫咗少少嘢，咁樣嘅叫法就算兩個人都可以試到比較多嘅菜式🤓⭐️ Mini street food platter❤️7.8⭐️ 孟加拉傳統菜湯❤️7.8⭐️ 招牌燒雞髀配乳酪腰果洋蔥汁❤️8.5⭐️ 香米飯❤️8.5⭐️ 自家製孟加拉芒果雪糕❤️7.8頭盤有紅菜頭脆炸球配乳酪醬，仲有鷹嘴豆脆漿炸茄子☺️ 兩款都係炸得香脆，但不油膩，特別係脆炸球配乳酪醬入面嘅餡料好清新😍傳統菜湯比想像中濃味以及有點辣到，幾惹味☺️ 主菜嘅燒雞髀真係大推！個醬汁勁好食🥹 而且雞肉嘅份量超級多🤣 老闆推介配香米飯，果然冇介紹錯！米飯粒粒分明，帶點椰香，仲有少少果仁，好特別！最後老闆仲好好人送多咗一個芒果雪糕俾我哋，食落有啲似雪凍咗嘅芒果乳酪雪葩咁樣，夏天用嚟消暑好，而且重點係唔太甜🙊⭐️ 家鄉蕃茄咖喱牛肉 ($142)❤️7.5⭐️ 自家製全麥烤餅 ($25)❤️7.0⭐️ 雞蛋薯仔炸餅 ($58)❤️8.8我哋仲加咗呢幾樣食物，咖喱牛肉都好食唔會太過Heavy，但係比起燒雞就冇咁有特色，下次會嘗試慢煮牛肉多啲🙊 另外全麥烤餅我同朋友都覺得一般，反而米飯有驚喜，可能因為太薄同埋味道太健康🤣 見到隔籬枱嘅蒜蓉naan好似好正🙊 而雞仔薯仔炸餅係必叫！薯蓉本身入面撈咗唔同嘅香料，所以食落好有風味，重點係乳酪醬真係好好食🥹 不知不覺一個人食咗一舊都嫌唔夠喉🥹整體嚟講餐廳幾有特色，而且價錢唔算好貴，如果老闆試吓引入QR code落單，相信可以幫佢減輕下樓面嘅負擔🤣 …Read More

好耐冇食過花膠雞煲了🥹 今次嚟到位於尖沙咀行宮廷風格嘅香香宮煮，食吓雞煲打邊爐！入面裝修好特別，座位同埋餐具都係走中國宮廷風格，門口仲有位俾大家着下宮廷衣服影吓相🤣 ⭐️雍穆公主．花膠雞煲($328)❤️8.0花膠雞煲完全冇令人失望🥹 入面起碼有八件大大件又軟腍腍嘅花膠!唔係嗰種又細又薄又韌嘅平花膠! 花膠雞湯味道濃郁，食之前一定要飲番幾碗先🤣 雞煲跟咗半隻雞，本身已經半熟，店員提醒淥多2分鐘就食得，果然口感嫩滑唔會太老! 而且份量好多，食完都已經飽咗啲🫣⭐️艾莎公主牛肉寶盒 ($498)❤️7.8牛肉寶盒有牛腱、牛肉粒、肥牛片、牛三角、牛舌等，牛肉嘅質素唔錯，軟腍腍得來牛味幾濃郁～ 我特別鍾意肥牛片同埋牛腱☺️ ⭐️香香宮主肉丸拼盤10粒($168)❤️8.5⭐️蟹黃餃四粒($78)❤️8.5⭐️即炸黃金響鈴($98)❤️7.8成餐最令我驚喜嘅係手打肉丸同埋蟹黃餃！ 呢啲係出面比較少見，特別係蟹黃餃入面仲有超多蟹肉，食完仲回味緊🥹 手打肉丸拼盤有蟹籽墨魚丸、蟹籽蝦丸、紫菜豬肉丸、牛肉丸同埋櫻花蝦豬肉丸，全部都超級彈牙勁大粒！五款都好好食，我最鍾意嘅係櫻花蝦豬肉丸同埋蟹籽墨魚丸❤️ 即炸黃金響鈴真係超重鹹蛋黃味，又保持到香脆嘅口感，係邪惡嘅小食🙊⭐️日本稻庭烏冬($38)❤️7.5⭐️自家製足料竹蔗茅根($78)❤️7.5最後都加多個烏冬同埋竹蔗茅根，咁就又有主食又有飲品啦☺️ 呢兩樣就正正常常啦~ 整體嚟講呢度坐落都闊落舒服，店員嘅服務都幾好，幾適合人多嚟打邊爐聚會傾吓偈　～見到佢仲有啲枱有生日裝飾，睇嚟都唔少人會嚟呢度慶祝生日🤣 如果大家想食一個高質啲嘅邊爐，都可以考慮吓呢度☺️…Read More

一直想試呢間Cafe嘅芭菲杯好耐，今次見到係抹茶同草莓嘅組合就真係忍唔住要約朋友去試喇😍 ⭐️ 冬の莓・抹茶草莓芭菲 ($155)❤️9.0芭菲杯有勁多層次，配料同雪糕雪酪都店內全手工製作，真係好有心思！ 而且睇落勁賞心悅目，味道仲令我諗起喺大阪食過嘅芭菲，完全冇令人失望💕日本草莓大吟釀雪酪同宇治抹茶雪榚單食都已經好好食，兩者味道濃郁，特別係草莓雪落好清新✨ 配上黑糖麻糬煙煙韌韌好正🥰 仲有抹茶曲奇同海綿蛋糕、牛奶寒天、草莓蛋白餅同埋草莓脆片等等，真係每一啖都充滿口感同味道嘅層次，超級享受🥹 一大杯兩個人分享就啱晒啦💕⭐️ 蜜柑鏡餅慕絲蛋糕 ($68)❤️7.8可能因為芭菲杯太令人經驗，所以呢個慕絲蛋糕就相對普通少少～但其實佢都唔錯㗎！ 首先外型超得意，外層係薄脆嘅朱古力，入面係牛奶慕絲、椰子慕絲、日本蜜柑凍同埋開心果甘納許等，味道走淡麗路線，但都食得出當中嘅層次同埋心思✨ …Read More

今次嚟到元朗，因為見到呢間無限時火鍋幾抵食！提早預訂的話$268同$298套餐做緊二人同行一人半價，而且社交平台 cls 會送蒸海鮮，每日送完即止，book枱嘅時候講埋就最穩陣🙊⭐️ 澳洲和牛套餐($298) ❤️8.0一開始首先會送個和風雞煲，雞肉都幾嫩滑，而且醬汁非常濃味，食完雞煲之後就可以加湯打邊爐啦～ 呢個套餐有牛肩胛、頂級牛肉、m5澳洲和牛、保濕豬豚肉同牛白肉，當中牛肩胛同頂級牛肉脂肪比例較少，牛味濃，而和牛入口更軟嫩，同時肉香不減🥰 所以我哋都係encore呢兩款為主👍🏻贈送嘅蒸海鮮有蝦、扇貝、蠔同埋鮑魚等，全部都好新鮮🥰 所以就咁蒜蓉蒸都已好唔錯👍🏻 大家仲可以一邊打邊爐，一邊等店員幫你拎啲海鮮去另一個地方蒸，咁就唔使餓住等佢哋熟啦🙊一去到自助食品區就見到邪惡嘅炸午餐肉同埋薯條🫣 仲有好多唔同嘅丸類、蔬菜、麵、飲品、甜品等等，連啤酒都係任飲🙊 如果唔想咁邪惡仲有零卡路里嘅大有汽水同埋Zero～ 我特別欣賞蜂巢豆腐、芋頭貢丸同埋炙燒芝心丸，仲有兒時最愛嘅陳皮魚蛋添！食完呢幾樣都大滿足🥰 星期日至四 110cm以下小童仲要免費，如果住附近一家大細嚟食都幾抵👍🏻 淨係瘋狂食牛都已經幾回本🙊 店舖仲有尖沙咀分店添，推介大家嚟試吓～ …Read More

呢間校園風嘅cafe地方寛敞，坐得幾舒服，仲要係地鋪都幾方便🙊 而且食物味道唔錯，之後有機會都會想回訪👍🏻⭐️ 燉薩摩雞腿配日式奶油菇定食($138) ❤️8.0定食份量非常之多，除咗有豆同埋洋蔥最前菜，仲有麵豉湯，入面仲有蜆肉㗎☺️ 雞腿亦有非常多塊，肉質尚算嫩滑，最吸引嘅其實係入面索滿奶油醬汁嘅蔬菜，撈飯真係一流👍🏻 另外加咗茶碗蒸($25)，隻蛋超級嫩滑😍 入面仲有雞肉同埋蝦等材料非常推介大家加錢試吓👍🏻⭐️ 波士頓龍蝦(半隻)野菜稻庭烏冬定食($178) ❤️8.5呢碗烏冬除咗個樣好打卡，味道仲十分唔錯👍🏻 波士頓龍蝦啖啖肉，不過就麻煩咗要自己拆肉，食嘅時候會有少少麻煩🤣 烏冬配上特濃芝士龍蝦湯底，好惹味👍🏻 仲有隻溏心蛋添！ 食完真係好滿足☺️⭐️ 酥炸吉列廣島蠔($68/5 隻) ❤️8.0廣島蠔乍起超級熱辣辣，所以十分酥脆🤤 呢個價錢有成五隻真係幾抵食！ …Read More

朋友介紹嚟到呢間喺浸大嘅餐廳～ 呢度嘅手工意粉幾signature，而且價錢幾抵食，環境又好坐！ 如果喺浸大嘅職員/學生仲有8折，更加抵食🙊𝘿𝙞𝙣𝙣𝙚𝙧 𝙎𝙚𝙩 ($𝟮𝟲𝟴)⭐️意大利雲吞．紅蝦慕斯．龍蝦牛油汁❤️8.0原來只有一大粒雲吞，一上枱覺得份量好少咁🙈 但內裏嘅紅蝦慕斯真係超重蝦味同鮮味😳 配上濃郁嘅龍蝦汁真係好好食！⭐️周打蜆湯❤️8.5超creamy零味精嘅周打蜆湯😍⭐️蟹黃蟹肉香蒜辣椒扁意粉❤️8.0手工意粉有咬口，而且啖啖蟹黃同蟹肉，配上辣椒十分惹味香口！😍 ⭐️意式伯爵奶凍❤️8.5⭐️烏龍茶奶凍(打卡送) ❤️8.5呢度嘅兩個奶凍都超好食😍😍😍 質感係creamy嘅路線，重點係兩款嘅茶味都超濃😍 嚟到一定要試！ 𝘼 𝙡𝙖 𝘾𝙖𝙧𝙩𝙚⭐️法式牛肉他他．胡椒薄脆($98)❤️6.0呢個前菜相對失色，調味質感普普通通冇乜記憶點🤣 可以試其他～⭐️鴨白湯手打意粉．慢煮鴨胸($188)❤️8.8呢個真係必試！ 因為真係好少見鴨白湯嘅意粉😳 個湯濃稠重鴨香，意粉掛曬湯好正🤤 仲有超多舊大大舊嘅鴨胸，個皮又煎得香脆☺️ 如果鴨胸再Juicy啲啲就更perfect喇❤️…Read More

⭐️ 自選魚生丼 ($79起/5款) ❤️8.0之前都食過幾次呢間抵食嘅日本菜，因為佢哋嘅自選魚生當真係超級抵，而且質素唔錯！可以揀嘅魚生款式十分多，有部份係要加錢嘅～ 今次我要咗火炙厚三文魚(+$10)、碎蔥吞拿魚、赤蝦、帆立貝(+$3)同埋松葉蟹鉗(+$3)，仲要埋香菇壽司飯(+$8)🙊 松葉蟹鉗比較細隻我覺得可以唔使試，但係其他海鮮全部都幾鮮甜，性價比好高👍🏻 我仲試埋咗朋友嘅甜蝦同埋松葉蟹棒，都唔錯！ 今日嚟follow 社交平台仲可以用優惠價叫蟹籽沙律同埋芝麻雞翼～ 前者唔會太多醬，清爽開胃，後者新鮮炸起熱辣辣👍🏻 整體嚟講午市嘅性價比十分高，想喺尖沙咀平平哋食碗丼飯，又想自主選擇嘅話，呢度不妨為一個好選擇☺️…Read More

之前成日見到人哋嚟呢間打卡Able嘅餐廳食中菜🙊 今次試嘅所有菜式整體感覺都幾滿意👍🏻⭐️ 荔枝蝦球($108) ❤️8.5呢個真係必要叫！ 首先上枱嘅時候煙霧彌漫，啱晒打卡🤣 重點係又真係好食！蝦球外表香脆，來了煙靭彈牙，蝦味都幾香，配上甜甜酸酸嘅醬汁非常之開胃👍🏻 而且蝦嘅數量都唔少，人多嚟分享都唔錯👍🏻⭐️ 京蔥牛肉 ($128)❤️8.0京蔥牛肉好夠鑊氣，牛肉好嫩滑，而且京蔥朔晒啲牛味，撈飯好正🥰⭐️ 薑蔥蠔 ($168) ❤️7.0蠔嘅份量十分之多，而且好大隻都算抵食～ 啲薑蔥又係好啱要嚟撈飯🤣 不過如果啲炸粉薄身啲就更好喇～⭐️ 麻辣雞腎($58) ❤️7.5⭐️ 涼拌萵筍($48) ❤️7.5⭐️ 涼拌燒椒皮蛋($48) ❤️7.5三道小菜質素都唔錯，辣度對我嚟講都算中上🤣 而且呢個價錢嚟講幾抵食，因為份量真係幾多！特別係啲雞腎🙊 涼拌萵筍十分爽甜，食咁多重口味嘢叫一個嚟清下味蕾就啱晒喇～有機會想多啲人嚟食吓，試埋佢哋嘅乾鍋同埋其他小菜☺️…Read More

今次同朋友兩個人嚟，主要想試吓Signature嘅龍蝦手工意粉🙊 同埋散叫其他菜式試吓～ 不得不說呢度環境唔錯，坐得又舒服，好適合約會/ 同朋友坐喺度慢慢食傾吓偈☺️⭐️新鮮波士頓龍蝦意粉($228)❤️8.5招牌果然係招牌😍 波士頓龍蝦好新鮮而且調味剛好，意粉份量都唔少，而且手工意粉嘅質感果然係唔同啲🙊 龍蝦醬汁配上羅勒同蕃茄，朋友同我都大讚好食👍🏻 嚟到真係試吓！⭐️炭烤安格斯封門柳配燒汁薯條 ($198) ❤️8.0今次嘅封門柳水準唔錯～ 肉味濃郁而且烤得外表香口，內裏嫩滑👍🏻 薯條正正常常，而伴碟嘅沙律好新鮮可以解吓膩～ ⭐️新鮮青口配茴香酒汁($128) ❤️8.0⭐️是日精選餐湯：忌廉薯仔湯($48) ❤️7.8⭐️菲達芝士火箭菜沙律($128) ❤️7.8青口有勁多粒😱 沾埋白酒蒜片醬汁味道唔錯~ 好適合一班人一齊share☺️ 薯仔湯好creamy足料👍🏻 仲有麵包粒粒同辣肉腸絲，好正🥰 沙律菜十分新鮮，配上菲達芝士開胃得嚟又唔會太寡，人多想叫啲前菜嘅話不妨考慮吓☺️…Read More

成日喺旺角朗豪坊路過呢一間露營風嘅Cafe，今次同朋友終於入去試吓🤣 入面環境其實真係幾靚幾適合打卡，而且十分寬敞，可以坐得幾耐吓🙊👍🏻 雖然Menu嘅選擇唔算多，但係今次試嘅三樣嘢都令我哋好滿意🥰⭐️ 慢煮雞肉蒜香意大利麵($165) ❤️8.0本身睇個名以為係啲雞絲炒意粉咁，點知佢個擺盤真係超級有誠意😳 雞肉嘅份量唔少，仲要有慢煮雞胸同埋烤雞兩款😱 蒜香意粉炒得非常好，乾身得來口感又唔會太過腍，幾有咬口👍🏻 烤雞同埋意粉都好惹味，慢煮雞胸就好軟腍juicy～ 絕對有驚喜！⭐️ 肉眼牛扒風琴馬鈴薯($238) ❤️8.0牛扒嘅炭火烤味十分之重，所以超級正🤤 雖然睇落去唔算大塊，但係非常之厚身，所以兩個人share咗都食得好飽🙊 肉眼好軟嫩多汁，配上烤蒜粒更加惹味🥰 而風琴馬鈴薯配上酸忌廉醬都好正，推介👍🏻⭐️ 花生醬焦糖金脆奶昔($88) ❤️8.5呢一杯邪惡肥仔嘢真係睇返都令人回味🥹 每一啖入口都係濃郁嘅花生醬味，焦糖脆脆增加口感，咬一啖再飲一啖奶昔真係大享受！ 完全值得俾quota佢🥹…Read More

之前喺YouTube見過有影片介紹之後一直bookmark咗呢間餐廳，今次終於同朋友嚟到試一試佢哋嘅dinner啦☺️ 整體嚟講價錢都好抵食，每一份主菜仲可以加$78配一份前菜， 而且食物水準都好高👍🏻 特別係估唔到連甜品都咁好食😍 之後有機會都會再嚟試吓其他嘢🥰⭐️ 白酒蒜蓉煮鑽石蜆($108) ❤️8.5⭐️ 法國皇家蠔($208/6pc) ❤️8.0⭐️ 意式薄切生牛肉配芝麻菜沙律($108) ❤️7.8蜆石蜆粒粒飽滿大粒，而且口感偏爽彈，個汁真係好正❤️ 忍唔住係咁食索曬啲汁嘅蒜頭🤤 生牛肉嘅配搭都唔錯，如果多幾片就更好喇🙊 嗰日見到有生蠔忍唔住加埋，個醬汁又調得幾好食，令到成餐飯更滿足🥰⭐️ 花竹蝦、蝦乾微辣蕃茄意粉($168) ❤️8.0⭐️ 燒美國熟成豬鞍配燒烤汁($228) ❤️8.5蕃茄意粉份量都幾多，而且意粉口感剛好唔會太軟腍～ 而好食到炒得咁乾身又惹味嘅蕃茄意粉👍🏻 兩隻花竹蝦夠曬大隻，兩個人share剛剛好☺️ 豬鞍係超級Juicy同軟腍！仲要一早幫你切開咗幾件！就咁食已好好食😍 配埋BBQ汁又另有一留番風味🥰 特別一提個薯蓉好creamy，伴碟啲烤蔬菜都好Juicy好食🤤⭐️ 焗蘋果批伴雪糕($62) ❤️7.8⭐️ 意大利芝士開心果煙燻杯($68) ❤️8.5雖然已經食到好飽，但係都忍唔住叫埋甜品🙊 蘋果批比想像中軟身，但係味道唔錯，配上雪糕係唔會出事嘅組合👍🏻 開心果煙燻杯又可以打卡，而且口感好輕盈，最鍾意入面嘅紅桑子醬，酸酸甜甜一啲都唔滯😍 自己食晒一杯都唔會覺得好膩👍🏻…Read More

今次喺荔枝角見到呢間外賣店，賣醉雞同其他小食，個醉汁仲要用杞子去調配好似好養生咁😯 於是就買咗套餐同小食返去同屋企人試吓喇🙊⭐️杞醉濃湯半隻雞花甲泡飯($175/2人份)❤️8.5呢個餐可以揀泡飯/米線，我哋揀咗泡飯～ 個湯真係超級正❤️ 濃稠得嚟雞味酒味都十分重，仲要有杞子、紅棗、桂圓等藥材嘅甜味😍 屋企人勁鍾意飲👍🏻 配米線都一定好正！ 雞肉唔會乾柴而且幾滑幾新鮮，花甲唔算大隻但都有好多隻！呢個餐仲有兩杯無糖菊花茶，感覺再養生咗🙊 ⭐️杞醉鵪鶉蛋($42)❤️7.5醉汁又係好夠味，仲有杞子同蟲草花～ 鵪鶉蛋有十幾隻，點曬啲汁食好正👍🏻⭐️杞辣雞腎($42)❤️8.5雞腎真係我嘅all time favourite☺️ 呢個十分抵食，份量超多，食咗兩日🤣 雞腎爽爽地，一咬就斷唔會難咬～ 個辣汁辣度可以揀大/小辣，而且加咗杞子去煮，所以惹味麻辣得嚟又幾特別👍🏻推介大家試吓！整體嚟講呢間小店好高質，特別係個雞湯🤤 大家有機會都可以試吓…Read More

同朋友口痕想食點心，而且見呢度5:30 後已經有甜品糖水揀，就嚟食咗餐early dinner🤣 ⭐️鳳尾蝦多士 ($52) ❤️8.0⭐️馬拉小籠包 ($42)❤️7.5⭐️拉絲菠蘿包 ($38)❤️7.0⭐️蟹粉菠菜香蝦餃 ($58)❤️7.0⭐️桃膠鮮奶燉椰皇 ($68)❤️8.5⭐️黑糖芋圓鮮草 ($58)❤️7.8點心整體質素都唔錯～ 我最鍾意蝦多士，好香脆可口🤤 小籠包都好Juicy，而菠蘿包入面有芝士又幾特別！呢度嘅甜品仲有驚喜😳 天氣乾燥想食啲滋補嘢，呢個桃膠椰皇真係啱曬😍 鮮奶好香滑份量又夠多，仲有好多桃膠❤️ 呢個價錢嚟講幾抵食👍🏻 芋圓都幾煙韌，而且配料十分豐富，食埋呢兩份甜品真係勁飽🤣呢度都開到11:30，有時大家食完晚餐，想搵個地方食吓甜品都可以考慮吓🙊…Read More

一直想試呢間cafe嘅french toast好耐，今之終於約咗朋友一齊嚟試啦🥰⭐️ 慢煮西班牙伊比利亞黑毛豬．咖啡香料($210) ❤️9.0呢個超好食😍 黑毛豬超厚身，豬肉十分嫩滑Juicy！🤤 表面嘅醬汁甜甜味幾惹味， 沾上咖啡香料更突出到豬肉鮮味，真係超好食！配菜嘅薯仔同蔬菜又可以解吓膩，下次嚟都會再食佢！⭐️煙燻豬豬卡邦尼($125) ❤️8.0呢個卡邦尼好香蛋味，因為醬汁係由生雞蛋同芝士調成嘅☺️ 煙肉嘅鹹香配上意粉令到佢味道一啲都唔單調，而且份量幾多，兩個人都食到好飽🤣經典法式多士．焦糖香蕉．雪糕 ($95) ❤️8.5擺盤靚到一上枱要即刻打咗卡先😍 兩塊多士大大塊，同人share一人一塊就啱喇～ 多士浸滿蛋漿內裏濕潤綿密，好似蛋糕咁☺️配上雪糕、香蕉同水果更有層次✨ 呢個價錢嚟講真係好唔錯!! (暫時最令我驚艷嘅一定係LPM嘅french toast🙊 入面好似麵包布甸咁滑!! 不過個價位又另一個層次🤣）整體嚟講環境坐得舒服，食物質素又好，如果想搵個地方同朋友傾偈輕鬆吓，呢度會係一個好選擇☺️👍🏻…Read More