⭐️ 澳洲和牛套餐($298) ❤️8.0
一開始首先會送個和風雞煲，雞肉都幾嫩滑，而且醬汁非常濃味，食完雞煲之後就可以加湯打邊爐啦～
呢個套餐有牛肩胛、頂級牛肉、m5澳洲和牛、保濕豬豚肉同牛白肉，當中牛肩胛同頂級牛肉脂肪比例較少，牛味濃，而和牛入口更軟嫩，同時肉香不減🥰 所以我哋都係encore呢兩款為主👍🏻
贈送嘅蒸海鮮有蝦、扇貝、蠔同埋鮑魚等，全部都好新鮮🥰 所以就咁蒜蓉蒸都已好唔錯👍🏻 大家仲可以一邊打邊爐，一邊等店員幫你拎啲海鮮去另一個地方蒸，咁就唔使餓住等佢哋熟啦🙊
一去到自助食品區就見到邪惡嘅炸午餐肉同埋薯條🫣 仲有好多唔同嘅丸類、蔬菜、麵、飲品、甜品等等，連啤酒都係任飲🙊 如果唔想咁邪惡仲有零卡路里嘅大有汽水同埋Zero～ 我特別欣賞蜂巢豆腐、芋頭貢丸同埋炙燒芝心丸，仲有兒時最愛嘅陳皮魚蛋添！食完呢幾樣都大滿足🥰
星期日至四 110cm以下小童仲要免費，如果住附近一家大細嚟食都幾抵👍🏻 淨係瘋狂食牛都已經幾回本🙊 店舖仲有尖沙咀分店添，推介大家嚟試吓～
