Holio Lee's Profile

朋友話好耐無見，簡簡下簡左間鐵板omakase ,位於灣仔，門口好隱蔽，但入門口就見到鐵板枱，好正！首先前菜係開胃菜，黑醋蕃茄非常開胃 ，酸酸甜甜，唔似食蕃茄，反而似似提子質感，下面既醋啫哩一齊食，係十分醒神既開胃菜。南瓜凍湯係好濃郁南瓜忌廉味，有啲一粒粒小蕃茄，紫蘇，一齊食有種清新花味，酸酸甜甜。芝麻豆腐 好cream ，入口即浴，香味不散，仲有啲漬物係上面增加口感。三點刺身，牡丹蝦蝦肉清新creamy,帶點爽口，鮮味，而花魚通常做一夜干，因為當造就造成刺身，魚咪清淡，Toro 油脂豐富，超濃郁的吞那魚味，久久不散，好感動呀。之後就輪到鐵板燒上場啦金鯛 配上魚湯，啖啖魚味配上湯同紫蘇小花，會特別帶出魚既鮮味，脆肉瓜有牛油燒過，食完清一清，再等下一道菜。之後就係鐵板燒鮑魚啊，配上蟹肉海苔汁及瑤柱汁冬瓜，隻鮑魚超大隻而且仲係厚切，愈咬愈有味 少少燒過既香味，之後有淡淡飽魚鮮味，而個冬瓜蚊到好入味，配埋個蟹肉汁，剛好清清味蕾。再黎花龍蝦，呢個係用咗西日fusion份子料理檸檬汁再配上蝦膏汁，蝦肉鮮甜有彈性，煮到剛剛好，十分新鮮，且份量好多，好滿足。宮崎和牛上配上wasabi 及蒜片，伴有海鹽調味，牛粒充滿油脂，入口即時溶化了一半好似棉花糖咁，個蒜片好大粒呀，但係加埋一齊就好似搶嗰啲牛嘅鮮味，所以可以自己衡量。最後仲有炒飯囉麵豉湯啦同埋一個炒菜，好似準備畫上句號咁，不過個炒飯同炒菜都好好食。最最最後，仲有甜品就係，香桃啫哩紅豆蛋糕日本梨同巨蜂，佢個紅豆蛋糕真係好好味，我同朋友都覺得好好食。呢度嘅服務非常之貼心，會見到你食到咁上下就會準備第二個菜，到我哋食完晒所有主菜之後，仲特登拎左一杯熱茶俾我哋先至想個甜品，非常細心呢，呢一餐真係好值…Read More

近來不停見朋友post麻辣火鍋的相片，就挑起了我想食火鍋的癮～平時搭電梯上去誠品，都睇見老鍋的招牌～很顯眼地吸引著我的目光既然腦海中閃出這間，就決定這間吧～一入內，覺得環境比較有古早味，很有台灣的感覺～因為時間尚早，職員也安排我們坐卡位～舒服一點嘛！可是身邊的不愛吃辣，所以鎖定酸菜白肉鍋～一上那個酸菜白肉鍋～估不到用料這麼足！一個大鍋裏放著滿滿的白肉～粟米～酸菜～和冬粉!這個份量，4人吃也非常足夠!火鍋配料也很多！另外有自助醬料區。可以自己去調制喜歡的醬料～精選手切牛肩肉估不到一碟份量也那麼多，牛味濃，雪花分明，肉質厚實，火鍋灼10秒剛好魚皮餃粒粒都好大粒嘅魚皮餃～餃子皮好彈牙！裡面餡料飽滿！韭菜餃非常大粒嘅韭菜餃！韭菜鮮脆！唔會太淋身，口感一流冬瓜片食得呢個咁惹味嘅湯底，當然要食返啲菜，要個冬瓜片最啱！可以消暑又入味入門口見到咁多款台灣手工啤酒～當然要試下點了這2款～麥味重，尤其喜歡烏梅味！叫得啤酒，也不忘要一些佐酒小吃～台灣蒜香腸～以燒物形式上～帶有蜜糖味的皮和蒜香的腸肉～和啤酒絕配！夜市炸臭豆腐很久沒吃臭豆腐了！炸得很香脆！點上醬汁更加惹味！最後來一張全台合照！非常滿足的一晚！…Read More

今日又同住元朗既閏蜜食飯, 佢話要帶我去新開既蒸氣海鮮店食大餐, 哈哈 海鮮一向都係我至愛, 而依間鋪頭係海鮮直銷,絕對係信心既保證, 平日夜晚 8點左右已經坐左大半客人,一坐低就有檸檬水同炸魚皮 野食物套餐同散叫,  因為懶, 所以叫左兩個一樣既餐,全海鮮加南瓜粥底每張檯都有個計時器, 全程都有人幫手放野食同開蓋,坐係度等食就得 海鮮啊~海鮮啊~~太吸引啦!蟹勁多羔,有工具同濕紙巾提供, 就用手食啦～勁正啊!龍蝦好厚身又有羔, 果然好鮮甜睇相就知有幾新鮮啦 繼續密密食蝦 - 都好大隻, 很彈牙又爽鮑魚 - 蒸完都咁大隻, 好好味元貝 - 有淡淡海水味, 好鮮甜另外幾樣貝類  北寄貝 - 壽司就食得多, 清蒸都係第一次試, 勁鮮甜象拔仔 - 同樣都係第一次試蒸, 勁甜勁爽青口 - 完全唔 un 同好好味套餐會有娃娃菜, 南瓜, 秋葵, 粟米同冬瓜份量剛剛好到最後就係食吸了哂所有精華既粥啦 完全唔油又勁鮮甜, 而且有勁多,我地每人都食左兩三碗海鮮真係勁新鮮, 招呼又好, 真係勁滿足…Read More

身邊有個鐘意周圍搵野食既朋友係件幸福事，今次就帶左我去山林道既餐廳食生蠔 唔講都唔知原來山林道有間隱世西餐廳係專食生蠔，餐廳都幾大間，而且坐得好舒服，依度有廚師精選二人餐可以揀，都幾抵食，不過我地想試多幾款生蠔，所以都係散叫生蠔方面試哂四款，產地有加拿大，南非，美國同法國，店員都會建議食既次序，夠哂貼心  每隻蠔都好肥美，味道由 creamy，海水味由淡至重，勁正 跟住建議既次序去食，果然食到漸進既味道；見到每檯都有食生蠔，水準一定有返咁上下啦，哈哈另外叫左個熊本霜降西冷扒，比想像中大塊同厚，而且薯角好夠脆，好夠肉味，兩個女仔食係勁飽 飲品方面叫左手工啤，依度既手工啤有香港同法國制，真心唔錯，但掛住同朋友吹水，唔記左影相 依度真係好適合聚會飯局，靜靜地又坐得舒服，又可以食生蠔飲酒 …Read More

近排見到有樣好神奇嘅嘢食，忌廉配烏冬，好多人都話好特別好好食，好奇心之下就搵日收工去試一下未去之前覺得個配搭好迷幻，忌廉明明是甜的，點樣可以配烏冬食呢？咖喱忌廉烏冬（牛）當然先來一客咖喱忌廉烏冬，可以選雞或牛，喜愛吃牛的我當然要牛～ 真的有一層厚厚的忌廉在烏冬上！影相十分美麗～攪拌後下層是咖喱汁～咖喱汁比較甜，不會太辣，加上忌廉汁令到整個烏冬十分香滑呢～牛肉是剛剛好的一口牛柳粒～惹味又好吃。其實除咗忌廉烏冬之外都有好多選擇！所以就決定試埋佢其他牛啦!美式頂級牛里脊套餐選用韓國牛肉，肉質鮮嫩有彈性，選了5成熟還有很多肉汁，食牛扒一樣令人超滿足～另外芝士大啡菇也十分邪惡！咸蛋薯條配黑松露醬和秘製醬汁食牛扒當然要配薯菜啦！見到menu有咸蛋薯條二話不說就點了，咸香加上炸得香脆的薯條，本身已經十分夠味！想不到還附上黑松露醬和秘製醬汁，我個人覺得黑松露醬非常香濃黑松露味，拿來點牛扒也不錯呢！…Read More

天氣又開始炎熱係時候食下啲涼快啲嘅嘢去中和一下～首選當然係刺身魚生飯～環顧公司附近好像比較多連鎖式餐廳，所以openrice一下有沒有特別小店可以試～所以就選了這間加賀屋啦！一出lift已經見到大大個牌子～好傳統日式的感覺～門口寫住產地直送，唔駛擔心係假嘅魚生～可以放心食～室內空間都幾大，我哋2個人walk in都可以坐4人枱～不錯呢～仲要有一邊係梳化位～menu魚生飯種類繁多，樣樣都好吸引！唔知食咩好～見到呢個池魚刺身好特別，所以首先點呢個試一下～池魚刺身估唔到咁大碟咁多塊！魚身很透明，證明非常新鮮，咩都唔點入口都非常彈牙同埋鮮味～加上佢嘅柚子酸汁～令到魚味更加鮮～超滿足～日本真蠔點了三隻日本真蠔試下～肉質比較肥美creamy，食落無咩鐵鏽味，啱晒我口味！唔駛加任何汁料都已經好好食～食多幾隻都得哈哈！特選海鮮丼定食超級澎湃嘅海鮮丼！有好多款魚生仲有海膽三文魚子撈飯一流～定食仲有沙律燉蛋同埋麵豉湯～燉蛋香甜滑溜～食完超級大滿足！最後以二杯啤酒作結～食咗咁多海鮮又飲啤酒，埋單每位大概五百元，以質素取勝！…Read More

係日本就食過磯燒海鮮, 但香港就未試過,所以今日就同好鍾意食日本菜既閏蜜試試啦.地點係尖沙咀通利附近, 好容易去,入到去見到有幾個放左鮑魚既魚缸, 好吸引呢每張檯都放左一個燒海鮮既爐,不過就全程有員工負責, 唔洗自己燒,我們就可以專心傾計, 哈哈叫左以下幾樣野:南瀛卷 ($288)實物比餐牌上既更豐富,壽司卷鋪滿三文魚子, 吞拿魚蓉, 海膽, 仲有甜蝦~全部都好鮮甜, 份量又好多, 好正東瀛五點盛 ($368)嘩~全部都係厚切啊,又係勁新鮮, 刺身水準勁高!每一啖都勁滿足活貝盛合 ($428)4 款貝類用碎冰雪住, 睇到都覺得正啊!二人份量, 每樣都一人一隻,size 比手掌仲要大, 勁新鮮, 而且有店員負責燒,我地就負責食, 哈哈真係好鮮甜, 同係日本食一樣咁正蚧味噌甲羅燒 ($78  一個)蟹羔好好味, 完全冇諗過會咁鮮甜,入面加左蟹肉同蟹子, 食起來好豐富SUNTORY ($58)日本啤酒又點會輸呢~哈哈同閏蜜都勁滿意依餐,有好野食又可以慢慢傾計,服務又好, 正…Read More

記得好多年前食過一次黃珍珍～印象中係幾好食～不過地點就唔多就腳～有一日搭車經過見到車站樓上有間黃珍珍當然暗暗決定下次要去食啦～位於尖沙咀同佐敦交界～成間嘢佔晒全層～一入門口就大大隻字話比你知係黃珍珍～非常易搵！店內裝修簡潔～座位同座位之間好多空間～傾計都唔怕嘈親隔離台！仲有啲海鮮公仔可以比人影相，好搞笑Menu設計都好有心思，好ig-able嘅菜式presentation~樣樣嘢都令人好想試而且有啲精選食物中有試食價！好抵呢！不過因為今晚只係2個人食晚飯，唯有選一啲真係好想食嘅嘢嚟叫啦泰式炒粉食泰國嘢必叫嘅泰式炒金邊粉～呢間炒得好香，金邊粉煙煙靱靱，食落有趙口～而且份量唔少～又有好多海鮮又惹味~個汁帶點酸甜味越食越開胃！難怪我次次食泰國嘢都要叫啦泰式串燒食得泰國嘢唔少得要叫串燒送啤酒～點咗什錦泰式串燒～分別有豬，牛，雞～串燒份量比我想像中大！最好食係牛～燒嘅火候啱啱好牛肉唔會太熟，大概7成熟度～牛嘅鮮味再加埋佢附送嘅沙爹汁根本係絕配因為太好食喇，所以我哋忍唔住點多份牛肉串燒！牛肉串燒第二round嘅牛肉串燒依然不失水準！大滿足呢！黃咖喱牛腩無牛不歡的我梗係點咖喱牛腩嚟食，黃咖喱比較溫和無咁辣～牛腩肉非常靚，係牛坑腩食落彈牙，再加上惹味嘅黃咖喱汁，超級想叫個飯嚟加咖喱汁食呢！另外還點了龍眼冰，甜甜的龍眼冰襯托得惹味的泰式食物非常好，啤酒也是draft的，用來送串燒一流！2人共吃了五百多元，以這裡的環境和食物質素來說絕對物超所值…Read More

琴日見到朋友介紹觀塘工廠區有間士多賣嘅急凍燒賣好好食，勁鐘意食燒賣嘅我忍唔住今日收工就走去觀塘買嚟試下～係間店舖見到有啲火鍋食品突然撩起咗我條打邊爐引，所以就即興去醉翁亭打邊爐啦～之前都食過一次，覺得性價比高，三百多元一位有海鮮又有好多選擇任食～而且位置方便～係正APM隔離，打電話上去問即時有冇枱，侍應確定之後就上去了～一出lift全層都係佢嘅～門面招牌都十分亮眼~同其他任食火鍋館不同，醉翁亭室內很闊落～完全沒有壓迫感，一班人來打邊爐也舒服呢今晚得二個人打邊爐～所以無雞煲做前菜～下次叫多啲朋友一起先～多啲人可以有雞煲任食，之後先打邊爐～更加豐富～來到當然選任食套餐，298一位每人有一份海鮮，一份手切牛～一份前菜，另外大量火鍋配料任食，無酒精飲品任飲～加上無限時坐得又舒服～呢個價錢真係性價比高原來佢仲有做優惠，符合以上條件仲可以平多$30，變相有9折～真係幾抵！下單之後侍應先上一份是日前菜～蠔皇炆花膠估唔到前菜都咁有驚喜，花膠仲要係大大塊，呢味餸成本都唔少～二人竟然都有三大塊花膠～花膠用料唔錯，食落口幾彈牙而且加埋炆咗好耐嘅冬菇汁味～大大加分呢～餐前放題小食侍應見我哋冇行出去～好心提示我哋仲可以出去自己拎餐前小食～同埋嘢飲！原來仲有餐前小食任食真係估佢唔到今日餐前小食有炸三文魚扒，白雲鳳爪，不過因為驚自己太飽食唔落所以我都係望一下好了～飲品也是任喝，種類也不少，有甜的也有烏龍茶，適合各人口味～冬瓜瑤柱湯底非常清甜嘅湯底，平時試得龍味湯底比較多，今次就試下清甜一些～話晒呢度都出名用料靚～靚料的話清湯更可以食到鮮味呢！海鮮拼盤呢個海鮮拼盤係根據果日有啲咩靚海鮮而選比客人，有一點似師傅發板嘅概念～今晚都有唔少海鮮～有大大隻蟶子，青口，鯇魚腩，鮮蝦，帶子，桂花蚌～二個人份量來說絕對夠多！本地手切牛頸脊同刺身拼盤呢度會因應你幾多位而比相應份量嘅刺身你，食火鍋又有海鮮又有刺身簡直係雙重享受～三文魚肥美鮮嫩北寄貝爽口彈牙～希靈魚一啲都唔腥仲有墨魚都好新鮮彈牙～個手切牛頸脊入口鮮嫩味美，牛味十分濃郁～食咗呢碟真係返唔到轉頭～加上清甜嘅上湯～唔駛點任何醬料都已經好好味另外都點咗多款唔同配料～個水餃皇超級足料，有好多隻鮮蝦係裡面～另外響鈴非常脆口！豬潤鮮甜，本地肥牛可以任點但係質素都唔差，牛味都幾濃架！韭菜餃都皮薄餡靚，唔會話個皮太厚好難整熟，其實仲有好多款配料可以任點，不過食完本身啲海鮮已經好飽，2個人食完呢一輪都好飽啦！不得不提呢個一墨魚滑加蝦滑，任食都可以點呢個滑實在性價比高，二個滑都好新鮮爽口彈牙！我哋仲加點咗二個啤酒降吓火，咁多嘢食都係每人三百多，而且侍應服務態度都好好，座位又舒適闊落，去觀塘值得推薦～…Read More

係HESHEET初初開嘅時候來過食一次會佢嘅鬆餅～覺得都幾好食～今日又突然好想食鬆餅～所以即興走了去銅鑼灣的分店啦門口招牌依然很光鮮一眼就看到室內裝修也很光猛原來佢哋而家都有做set dinner，有唔同嘅主菜再比你加錢變成唔同嘅combo，都係一個唔錯嘅選擇！係叫主菜之前先點一個小食～炸磨菇加松露蛋黃醬淨係睇到個名已經急不及待要來食～蘑菇炸得甘香，而且有水份唔會係好乾身咁，點埋好香黑松露味嘅蛋黃醬～配搭很好～蘑菇湯set dinner先來一客磨菇湯，明顯是磨菇blend碎的，入口材料十足，充滿菇香~隨湯附送的蒜蓉包香脆可口，點湯吃實在美味～香煎雞胸黑松露意大利飯作為黑松露擁躉當然要叫這個飯～一上這個飯已經聞到陣陣松露香～飯上面仲有一個溫泉蛋！另外仲有芝士～！芝士多到可以拉絲呢！青胡椒牛柳粒燴闊麵呢個係廚師推介～牛柳粒肉質鮮嫩多汁～不太重胡椒味～配以闊條麵加汁吃很美味～意想不到一間主打甜品的餐廳，主食也可以這樣有水準！香芋配雲尼拿雪糕鬆餅套餐可以加$38點一個招牌鬆餅～口味是指定的不過也是大眾化的口味～熱辣辣的鬆餅，質感堅實，原來香芋並不是雪糕，是真正的芋蓉！鬆餅的蛋香加上楓糖實在美味～這一餐真的很滿足，有湯有甜品～吃得我之後本來想飲珍珠奶茶也飲不下了而且二人才300多元～實在很抵食！…Read More

平時成日嚟呢間食lunch，一向知道呢間餐廳夜晚都幾性價比高，於是今晚收工就來試一下佢嘅晚飯啦~夜晚來果然很不同，門面也閃亮很多餐廳內部也因天色昏暗而變得有格調夜晚還有house wine free flow, $88一位，二話不說要試一下啦～今次打算食海鮮，當然配白酒最好！今日house wine係呢隻白酒～入口不太苦，味道偏淡配襯海鮮帶出海鮮鮮味～這裡的二人餐很多東西選擇呢，喜歡食肉的可以揀肉眼扒～我們今晚想食海鮮，所以選了生蠔那邊來吃～蠔拼盤蠔的拼盤很吸引呢！有三種蠔,分別來自美國，西班牙和法國美國的Pacific Gem,比較大隻，食落有微微的海水鹹味～口感比較清淡來自西班牙的蠔～肉質比較肥美和creamy~法國的Fine de Claire～很多人都應該認識的名字～味道最濃郁，帶有一點點鐵鏽味食完蠔之後就上一個湯～分別點了2款湯～蟹肉南瓜湯 南瓜味十分濃郁的一個湯，加上蟹肉碎，非常鮮甜周打蠔肉湯這個湯十分特別～平時最常飲的是周打蜆湯，呢度竟然有蠔肉～湯味比較鹹香，飲落有少少似煙燻蠔打碎的感覺～很特別的一個湯二個湯用來襯蒜蓉包也很配呢！然後來一客三文魚沙律～平時三文魚沙律只有煙三文魚～這裡竟然有火腿和prama ham，配上鮮甜的車厘茄，紫椰菜，沙律菜整個沙律色彩鮮艷又爽甜，實在係色香味俱全的一個沙律～有驚喜呢！茄蓉肉腸扁麵比較清新的一個扁意粉，配以煎得香脆的腸，食落十分開胃～而且份量也不少～松露大蘑菇意大利飯超級香的一個飯！黑松露伴以切成厚片狀的蘑菇～令到整個飯的香味都昇華～真心推介！最後來一個newyork cheesecake加雪糕～cheesecake很香芝士味，是比較偏咸一點的芝士～沒有太甜的膩的感覺～整晚都吃得很滿足呢～下次收工可以來試一下肉眼扒！…Read More

今晚約了朋友到尖沙咀擔心，不如找間比較寧靜西餐廳吧～在漫無目的前往海港城途中，被大大隻『Shine』英文字吸引著，看了一下openrice，好像不錯呢！那就不如即興去試一下吧～一出電梯，大大個Shine字～十分搶眼～在門口是L形的bar枱，如果只係想飲杯嘢呢個位絕對方便呢！很有心思的飲管室內裝修不錯Menu選擇也有不少，意粉扒類海鮮也有，2人或一大班人來吃也適合～煙三文魚凱撒沙律先來一客沙律，喜歡煙三文魚的我當然要點這個煙三文魚海撒沙律～沙律菜清甜爽脆，足夠的沙律汁令整個沙律每一口都充滿美味，配上比較鹹香的煙三文魚，吃完先清一下味蕾然後迎接下一道主食明太子三文魚子海膽意粉這個超級好味!濃濃的忌廉明太子汁，配上大量新鮮海膽和脆卜卜的三文魚子～入口每一啖都超級滿足～意粉每一口都掛滿忌廉明太子汁，比起坊間其他明太子意粉，這個意粉明顯很豪氣～ $188一個絕對值得叫～燒安格斯肉眼牛扒配紅酒汁重頭戲來了！當然唔少得要試一下佢嘅牛扒～我們點了5成熟～配以紅酒汁～牛扒鮮嫩味道濃郁，和其他餐廳不同的是，不是淋上紅酒汁，而是以紅酒和薯蓉打成的醬放在側邊給你試～配菜方面有一串很鮮甜的蕃茄！慢慢的煎香了的小蕃茄，令到食慾大開薯菜非常特別！比較驚喜的是脆脆的焗薯片!不會油膩！非常值得一讚～最後當然小不了要小酌一番啦！合共700多元，性價比高的餐廳～值得再去呢…Read More

數日前看到朋友在facebook post了一間很有拉斯維加斯風格的餐廳～立即pm問她是哪裡～原來係銅鑼灣有一間樓上餐廳是以拉斯維加斯作主題～名字叫Little Vegas~今天收工就決定去試試看～Little Vegas位於某商業大廈中，樓下都幾多人排隊～一開門就看到很多壁畫～看來店主裝修一定花了不少心思～最特別的是，美國得嚟又好本土喎！有個飲勝logo～又無咩違和感！進入店內，7點已經坐了不少人～霓虹燈組成的"LITTLE VEGAS"非常搶眼～數年前有幸去過拉斯維加斯～也是一樣的五光十色～店內的牆上也充滿著壁畫～這幅豬朋狗友也很地道香港～想不到這裡可以那麼有創意～把香港文化和拉斯維加斯混合在一起～枱面的裝飾也看得出店主有多花心思去裝飾～枱上有隻酒杯～裡面放了很多糖果可以隨便吃呢～小小的東西，可是令人感到很開心～而且碟子上的句子也會令人會心一笑～打開menu，看到很多小菜的名字也很有趣！每一樣都令到我很想試呢～可是今晚只有二人，只好揀選一些特別想食的來試好了黃金帶皮薯角（蜜糖芥末醬）先來一個小食，焗薯角～這個小食有四款醬汁可以選擇～平時最多都係點沙律醬或者茄汁～今次就不如試一下蜜糖芥末醬～雖然我唔好芥末醬～但係抱住不妨一試的心態去試一下～又出奇意料之外咁好食！薯條炸至金黃，熱辣辣外脆內軟～點上蜜糖芥末醬更添可口～而且份量也不少～作為前菜小食，對二人來說也頗多～建議可以多一點人來分享～明太子忌廉天使麵鍾意明太子的我當然要叫明太子天使麵試下啦～天使麵很多明太子醬～而且上面灑了很多木魚碎～加強整個意粉的口感～天使麵靭度剛剛好不會太淋～掛汁力也足夠～每一口都吃到滿滿的明太子～實在好吃！秘製醬汁焗豬肋骨（半份）另外還點了一個豬肋骨～半份的份量也不少呢～豬肋骨用bbq蜜糖醬煮成～肉質美味鮮嫰～每一口也充滿著秘製醬汁的甜味～想不到伴碟也有一些薯條呢～！草莓梳打看見menu特飲有草莓梳打～點了來試～不是太甜，帶有香濃的草莓味～作為食物配襯真的不錯～下次要帶多些朋友一起上來可以吃多點東西呢！…Read More

元宵佳節，當然要吃特別和好一點，收工後決定今年元宵要去尖沙咀逛逛，那就找一些特別的吃吧～上openrice望見金馬倫道有一間立食壽司評價不錯，那就不如去試一下吧～店面面積不大，全部都係企位，壽司吧內有師傅即時包壽司，很有日本的感覺～雖然位置不多，但是每隔二人位就會有叉電位置，值得一讚，手機沒電也不怕啦！還有二款茶可以選擇，分別是培茶或綠茶，比坊間其他壽司店多選擇呢～下單採用自助形式，點算後交給店員就可～師傅會即席包好壽司放到前面的碟子上～很特別呢！三文魚壽司先來一客三文魚壽司，師傅窩心提點已經加了醬油～三文魚刺身脂肪分佈分明，而且壽司飯本身有調味，一口的size，為今晚的用餐打開序幕～深海池魚深海池魚壽司～池魚表面比較有光澤～魚肉晶瑩剔透，口感比較爽而魚味比較淡，適合作為頭幾款打開味蕾真鯛壽司上次食師傅發板之後對真鯛魚念念不忘，今次見到menu有當然立即點來吃！水準一流～ 魚肉比較厚實可是不失鮮味，加上一些甜的醬汁和有un力的魚皮，完全沒有違和感鯖魚壽司平時多數吃鯖魚都係鹽燒鯖魚或者串燒熟食的方法去烹調～呢度竟然有鯖魚魚生當然要一試！鯖魚本身魚味比較強，料理得不好很容易會有腥味不討好～所以師傅加了一些薑蓉在鯖魚上以去除腥味～鯖魚也很新鮮，肉質比較像吃熟鯖魚一樣一絲絲似的，很特別～油甘魚腩壽司吃完一些比較瘦一點的魚類之後開始可以上一些比較多油成份的魚生了～油甘魚本身魚肉本身也比較多油脂，口感很滑溜，而且師傅精選最肥美的部份～不用多咬已經吃下去了！燒左口魚裙邊再來一客燒左口魚裙邊壽司～左口魚裙邊本身也是充滿油脂的一個部位，師傅只是輕輕一燒，已經燒出一些香脆的位置，入口即溶的左口魚裙邊加上一些微微的香脆，大推介～三文魚子手卷意猶未盡之下點一下手卷，師傅的包法是打橫去包手卷，而形狀是長方形的，有別於平時的方法～半個手卷都是大大粒的三文魚子！每一口都充滿口感！明太子帆立貝手卷很特別的一款手卷，將大量帆立貝混以明太子沙律醬放入手卷，林林的帆立貝加上脆脆的明太子形成強烈的對比！加上脆口的紫菜～食唔停口鮟鱇魚肝壽司最後以2客鮟鱇魚肝壽司作結～鮟鱇魚肝比鵝肝健康又人道～師傅說鮟鱇魚肝是很考工序的食物～而且營養豐富～鮟鱇魚肝一點也不腥～而且上面更加以一些酸jelly作調味，滑滑的肝加上調味是絕配！最後吃了六百多元～以質素來說性價比高～而且可以和師傅交流一下飲食心得！值得一去的小店～…Read More

難得新年仲放緊假, 當然要陪下屋企人啦,行行下發現滿記糖水對面, 新開左一間食雞煲既鋪頭,門口仲有好大張戲院海報, 再睇睇 menu,原來係食花膠雞煲加任何火鍋, 見涼涼地就試下啦 店入面裝修都走懷舊 style, 木枱同火水爐都是父母小時候回憶呢~另外亦用左好多戲名既燈做裝飾, 超懷舊呢揀左花膠雞牛小排海鮮套餐, 每位 $298 點完野就先送上餐前小食, 有炸魚蛋同炸燒賣,影下相食下小食, 好快就上花膠雞煲啦~用計時器倒數, 一響就會有店員過黎幫手撈撈煲內食物,香噴噴~之後就食得啦~花膠份量絕對唔手軟, 勁多同好厚,又唔會碎濕濕, 勁正!辣度方面是小辣, 正雞都好滑同好多, 又辣又麻, 好正~飲品方面基本包了可樂, 忌廉, 七喜,啤酒要另外點, 但都好抵飲, $28 有 3 罐獅威 連冰桶都懷舊一番, 用痰罐代用 大家唔洗膽心, 係全新既~哈哈吃完雞煲就到打邊爐,依度唔會係雞煲裡面再加湯打邊爐 揀左芫茜皮蛋湯底, 清清地中和下頭先既麻辣~第一樣黎既係海鮮盤~有墨魚滑, 蝦, 蜆, 魚片同蠔;墨魚滑好彈牙, 吃得到墨魚粒;蝦都好大隻又爽甜;蜆雖然不算大隻, 但每粒肉都脹卜卜又鮮甜;魚片有少許骨, 但味道很鮮蠔的肉質不錯, 很新鮮其他任食配料都好多款,牛小排勁正, 好淋好好味, 叫左好多碟~大部份任食配料都好有水準,絕對唔係街外果種 hea 食材食到最後仲有紅豆涼粉冰送 紅豆大大粒又好淋, 加上練奶, 涼粉同雜果點會輸呢~家人都大讚服務好同好食仲話會介紹朋友試添~哈哈…Read More