門口招牌依然很光鮮一眼就看到
室內裝修也很光猛
原來佢哋而家都有做set dinner，有唔同嘅主菜再比你加錢變成唔同嘅combo，都係一個唔錯嘅選擇！係叫主菜之前先點一個小食～
炸磨菇加松露蛋黃醬淨係睇到個名已經急不及待要來食～蘑菇炸得甘香，而且有水份唔會係好乾身咁，點埋好香黑松露味嘅蛋黃醬～配搭很好～
蘑菇湯set dinner先來一客磨菇湯，明顯是磨菇blend碎的，入口材料十足，充滿菇香~隨湯附送的蒜蓉包香脆可口，點湯吃實在美味～
香煎雞胸黑松露意大利飯作為黑松露擁躉當然要叫這個飯～一上這個飯已經聞到陣陣松露香～
飯上面仲有一個溫泉蛋！另外仲有芝士～！芝士多到可以拉絲呢！
青胡椒牛柳粒燴闊麵呢個係廚師推介～牛柳粒肉質鮮嫩多汁～不太重胡椒味～配以闊條麵加汁吃很美味～
意想不到一間主打甜品的餐廳，主食也可以這樣有水準！
香芋配雲尼拿雪糕鬆餅套餐可以加$38點一個招牌鬆餅～口味是指定的不過也是大眾化的口味～
熱辣辣的鬆餅，質感堅實，原來香芋並不是雪糕，是真正的芋蓉！鬆餅的蛋香加上楓糖實在美味～
這一餐真的很滿足，有湯有甜品～吃得我之後本來想飲珍珠奶茶也飲不下了
而且二人才300多元～實在很抵食！
