LinglingHon's Profile

爸爸鐘意食刺身，媽媽鐘意炸物，去食放題就最好不過。神戶屋放題同普通放題不同之處就是選擇超級多，加入不少韓式料理。平時去食放題最驚係好迫，依度座位好寬敞，坐得好舒服，好岩一家大細來聚餐。我最愛係三文魚同甜蝦刺身，三文魚刺片厚切，油脂分佈平均，甜蝦也好新鮮，沾上wasabi 醬汁，新鮮好味。另外炸芝麻雞翼也不錯，外脆內軟，好Juicy入味，我Encore了幾次。最驚喜的是芝士焗蠔，內是酸甜沙津汁，面是拉絲芝士，吃起來又香又甜，而且烤到剛好，帶子吾會過老。媽媽都對天婦羅炸物讚不絕口，沾上餐廳特製的天婦羅醬汁，酸酸甜甜，好開胃。我都試了幾款韓式鐵板料理同蜜糖芥末韓式炸雞，味道不錯，但就比較辣。餐廳還不時推出不同節日限定，這次我選了日式牛肉壽喜燒火鍋，不過不失。…Read More

我愛慢煮可以說是我的飯堂。平時lunch諗吾到食什麼，就會去依度午餐。因為佢個lunch set,真係性價比幾高。今日同朋友來依度試下晚餐，打開menu,原來晚餐咁多choices,有多款主菜，小食，飲品同埋甜品。主食：法式豬鞍架豬鞍架非常厚切，只是加了海鹽作簡單調味，外表煎香了，肉味香濃，雖然豬鞍備瘦，但好juicy和不鞋口，幾不錯。主食：US安格斯頂級平鐵扒我估計大概有5成熟，肉色鮮嫩粉紅，吃起來都juicy,不過真係有點瘦。下次我會試一下頂級西冷扒，應該脂肪分佈會平均一點。小食：芝士忌廉菠菜苗我係芝士控，依個芝士菠菜真係無得頂。新鮮菠菜加試香滑忌廉，配上拉絲芝士同車打芝士，每一口都好香芝士味，好吃到停不到。小食：芝士溫泉蛋大啡菇芝士下面是半熟的溫泉蛋，最底是大啡菇。一切開，溫泉蛋是蛋汁流晒出來，非常壯觀。每一口都是芝士，蛋同菇，口感juicy,值得試一試。甜品：草莓醬比利時窩夫伴雪糕窩夫外脆內軟，伴上吾太甜我vanilla雪糕,同strawberry醬幾match。…Read More

上次經過深水埗一間好靚的西餐廳，前排特登約朋友一齊來試下。個日係平日夜晚8點， 間餐廳已經滿座，原本book 左8點，我地都等左一陣先可以入去。係門口已經覺得餐廳氣氛同感覺都好好， 有點懷舊同復古的裝飾， 加埋淺黃的工業吊燈，好有古典西餐廳的感覺。佢係用手機menu 掃QR code 可以睇到詳細菜單， 幾環保， 如果可以係上面點埋菜就更好。今日主要有兩個menu, 一個係二人餐， 一個係main course 加20蚊轉set, 因為好少見到威廉頓羊西冷， 所以就叫左e 個set 加二人小食拼盤是日餐湯：雜菜魚湯好清甜， 一開頭以為係南瓜湯二人小食拼盤（68元）有炸蝦，炸生蠔，炸魷魚圈同雞翅推薦雞翅，食落好野味，有椒鹽同孜然的味道，雞肉juicy, 雞皮夠脆主菜：威廉頓羊西冷（208元）單睇份量唔多，酥皮夠脆，羊西冷半熟，食落juicy, 但羊酥味比較重， 如果多少少香料去酥味會更好雜果梳打（26元）跟餐補差價多雜果， 有誠意是日甜品：迷你芒果布甸細細杯， 好可愛，味道都ok總結：餐廳環境氣氛都好好， 特別適合情侶， 價錢唔貴，食物都好食，不過餐廳人手唔太夠， 當滿座時需要等更多時間。…Read More

餐廳報置好特別，掛滿不同國家的波衫，足球迷一定會鐘意依度。餐廳set dinner有多款choices，有沙津，蒜蓉包，湯餐，主菜，飲品，甜品就吾6折換購，價格合理。沙津有驚喜，新鮮雜菜沙律加上了百香果味我爆珠同配上酸甜黑醋汁，好開胃。我無諗過蒜蓉包都非常好食，真的焗到外脆內軟，每一口都日牛油蒜蓉香。可惜是每個餐只有一片蒜蓉包。餐湯是粒粒蘿蔔蓉湯，原汁原味，幾清甜。主菜我選了（Q)牛肉眼拼鵝肝,朋友選了（P)黑毛豬梅肉拼元貝。牛肉5成熟算嫩口有牛味，不過筋算觸，整體不過不失。反而鵝肝煎得香脆，滿滿鵝油香同幾juicy,好不錯。黑毛豬梅肉好有豬味,鮮嫩juicy,配上bbq醬汁，好惹味。值得一讚是薯菜，竟然有super food羽衣甘藍同抗氧化的紫薯。甜品我地選了法式焦糖cream brulee 砂糖焦糖面又甜又脆，cream burlee就吾太甜同好滑，好好食。如果吾夠飽，還可加錢要雪糕，不過我地都已經太飽了。…Read More

今日經過長沙灣Second Bite,就比佢個餐牌所吸引。Second Bite 裝修似酒吧，入面報置都好有feel,中，播住輕快音樂，好岩三五知己放工happy hour輕鬆下。我點了懷舊鐵板系列的芝輕波士頓龍蝦配芥末牛柳粒鐵板餐和店員推薦的美置黑毛豬柳扒餐。鐵板餐包餐湯和餐包和飲品。估不到這裡的鐵板餐的餐湯和餐飽都是高級板。餐湯是菠菜忌廉湯，滿滿菠菜香，整個湯好滑。餐包是烤熱的牛角包，配上軟滑牛油，非常不錯鐵板牛柳粒好juicy,配上芥末醬，好惹味。波士頓龍蝦，鋪上蒜蓉同芝士焗，超級香。令我最意外是薯條也有2款、一款是普通薯條，另一款甜薯條，餐廳的確好有心思，抵讚。黑毛豬柳扒餐也有沙津同薯容。豬柳扒厚切，好有肉味和juicy，值得一試。提提大家，fb分享還免費送招牌水果茶/橙汁/蘋果汁。…Read More

今日突然想食叉燒蛋飯，所以去左公司附近的四寶食堂食飯。依度的裝修簡潔、以tiffany blue做主色調，比人一種清新的感覺。午餐就只有set lunch供應，選擇較晚餐少。我同朋友都選了招牌推介，蜜汁叉燒炒滑蛋飯，同蔥油豬扒蛋飯。這裹上菜速度幾快、大概10分鐘已有得食。蜜汁叉燒不肥不瘦，配上半熟的滑蛋，而且滑蛋滿滿牛油香，又香又滑，白飯索晒香濃蛋準，好吃到停吾到口。蔥油豬扒也好出色，豬扒比的的面還大，而且好軟熟juicy，配試上流心太陽蛋，也好好吃。午餐還包一杯野飲，加$7已可級做特飲。我選了阿華田雪山，朋友選了朱古力雪山，濃濃的華田配上軟滑的cream,的確幾好飲。我下次會選晚餐想、試下佢的小菜同甜品。…Read More

來Mee...lemongrass可一次過滿足晒3個願望，因為餐廳吾止普通有泰菜，仲有少炒星馬菜同同台式飲品供應。馬拉盞炒飛天通菜可以轉蒜蓉炒，我選了馬拉盞。通菜新鮮，炒的時間剛好，又不會過辣。秘製肉骨茶我其實一向不好肉骨茶，因為怕太大陣藥味。由於朋友好想食肉骨茶，所以都點來試下。這裡的肉骨茶沒有太大中藥味，好濃肉味，幾岩我口味。肉骨茶用料充足，肉排有6-7塊，還有不少豆撲同冬菇。我最愛食豆撲，索晒肉骨茶味，好好味。泰式蠔仔蛋蠔仔蛋是鐵板上，中間有不少蠔仔。蠔仔蛋墊了芽菜，所以吾會太油同太滯。沾上泰式辣醬，酸酸辣辣，更美味。地道串燒（牛或雞）串燒可選混合/全牛/全雞。我地選左混合，串燒燒都幾juicy，推薦大家沾上餐廳特製沙嗲，非常惹味。這裡算燒都幾有誠意，仲有燒菠蘿，幾甜和多汁。香脆鱸魚青木瓜沙津鱸魚片成一片片魚塊塊炸，外脆內軟，沾上餐廳酸辣汁，香脆可口。最讚是青木瓜沙津，木瓜絲爽口，仲有不少炸蒜同花生。非一般芒果糯米飯芒果糯米飯是做成壽司形狀，再放上拖鞋形的餐碟上，算幾新穎。芒果而家吾當造，所以吾係好甜。不過糯米飯壓成壽司都方便一大班骨友分享，一人一舊都幾方便。…Read More

餐廳的燈光柔和，播著輕鬆英文歌，氣氛relax。餐紙印滿美金100元，非常別緻。這裡的上餐是一道道菜慢慢上，吃完一道才上下一道，可以好好品嚐每一道菜，享受整個晚餐。前菜：西班牙黑毛豬火腿肉腸配脆多士肉腸味道比火腿香濃，建議可配法包多士吃。烤多士塗上牛油，配上黑毛豬肉腿食，十分香脆。湯：磨菇濃湯平時我不太喜好磨菇湯，但廚師在磨菇湯內加了洋蔥粒，而睡落足料，整個湯又香又甜。任食沙津和薯條沙津有多款不同沙津菜，有蘿馬生菜，火箭菜，菠菜，混合酸酸甜甜的油醋汁，十分開胃。另外，最令我驚喜的是薯條，外脆內軟，撒上紫菜調味，十分推薦。店員見我們吃完，還細心問要不要再添加。主食：美國牛肩牛肩沒有經過複雜醃製，只是上桌時配上岩鹽作簡單調味，吃得出牛肉原本的味道，肉質鮮嫩，算高水準。主食：熟成頂級肉眼扒未吃前覺得加了$198升級都頗貴，但試了一口，真得是物有所值。熟成牛扒的肉質超香濃同鮮嫩，超級juicy。神奇的是牛扒經過熟成後，別有一番風味，有陣陣菇同芝士的香氣。大家千萬不要怕肥而不吃肥膏，肥膏加上牛扒放入口，更甘香好味。雖然已好飽，但甜品是我最愛的cheese cake，當然吾放過。Cheesecake是New York style, 每一口都係好香濃芝士味，好滿足。…Read More

聽講過心夜來潮好多次，一直都無機會嘗試。今日即興到旺角試下先依間潮州菜先。平時潮州打冷通常係大排檔，裝修比較簡陋，但心算來潮的店面裝修古式古香。打開餐牌，除了有潮州菜，亦有不少其他大排檔菜式，絕對吾怕吾岩你胃口。招牌鹵鵝片鵝片每片厚薄均勻，沾上開胃的蒜香白醋特吃開胃，肉質鮮嫩又不膩。底下還鋪了鹵豆腐，算幾有誠意。平時一般要加錢先有鹵豆腐。白果胡椒豬肚湯從來未見過咁足料的湯，豬肚的份量多到難以置信。我懷疑自己可能叫錯左大size,於是再睇返餐牌，只有一個size,絕對無搞錯，噴賣$88。豬肚湯好夠辣，落足料，豬肚爽口好味，真心推薦大家一家要試下。炸鴨蛋蠔餅鴨蛋蠔餅超級大份，鴨蛋味香濃，蠔仔鮮甜，而且真係炸到剛好，完全不會過老。第一次甜辣醬配蠔餅食，幾夾又無咁滯。小炒王小炒王都好大份，堆到山咁高，一點都吾小。用特製醬料將芋頭絲，腰果，蝦干炒香，再加上鮮蝦同魷魚同九菜。聞落香噴噴，食落超惹味，配酒一流。…Read More

中環搵食系列-高質的午餐這裡午餐有餐包，前菜沙津，湯，主菜和甜品，性價比不錯。餐包餐包好不錯，上桌時是暖暖的配上olive oil 同黑醋，算幾開胃。前菜沙津我選了蟹餅沙津，蟹餅炸得好香脆，用料充足，吃得出有不少蟹肉，令得喜出望外。餐湯是日餐湯是potato soup.薯子磨得好細，混了cream,非常滑，得平時不太好薯仔湯，都覺得幾好飲。主菜牛扒5成熟剛好，而且牛扒不太薄，脂脂分佈算平均，每一口牛都幾嫩口和甘香。牛扒下的烤蔬菜吸嫩左肉汁，好香甜，非常美味。甜品我選了椰子布甸，其實這時已超級飽，所以我只試了一口，吾太甜，椰香味重。如果你鐘意你椰子味應會鐘意依個甜品。其實依度的食物樣樣都好味，但真心上菜非常慢，前菜和和餐湯相隔半小時。湯湯和主菜相隔30分鐘，最後主菜要吃得好急，要迫在20分鐘內完成。我真心希望餐廳正視一下人手問題。…Read More

中環搵食系例-這裡的服務，一如口既往係不錯，點餐前職員好耐心講解同推介。這裡的lunch set約2xx,有餐包，沙津/湯，主菜和甜品，性價比算不錯。餐包餐包有幾款，配以3款不同的醬呀，別有一番風味（牛油，蕃茄，黑欖）。我覺得配牛油是最香，，唯一可惜是麵包上桌時已不夠熱了。沙津沙津菜好新鮮，醬汁是酸甜開胃的黑醋汁，非常好味道。沙津配的蛋是白烚和全熟的，略有點乾，如果蛋是溫泉蛋，相信會更美味。主菜我要了5成熟的牛扒，這個我有點失望。因為牛扒實在太薄，5成上桌時已全熟了。雖然，牛扒的口感仍是嫩口，但還是希望餐廳下次選厚一點的牛扒那/提一提顧客牛扒是比較薄的。甜品甜品是焦糖燉蛋，焦糖面撒了烤香的花生碎，超級好吃，值得推薦。…Read More

真心樂佩服「籽樂」的堅持同埋Heart去在香港推行生酮。雖然。生酮在香港越來越流行，但其實真正用心推行生酮的餐廳真的少之有少。今晚的同朋友Order了$328一位的生酮餐。頭盤有杏仁麵包配牛油，每一口是牛油香和杏仁香，好滿足。餐湯是椰菜奶油湯，是現場即煮的，所以製造需時，難怪咁好飲。主菜三文魚扒和牛扒，三文魚煎的香脆甘香，牛扒7成熟，吃起來好Juicy,用粉紅岩鹽和黑胡椒作簡單調味，已非常好味。餐廳還自製了100%芝士脆片作小食，頗有心思。卡邦尼生酮意粉是用翠玉瓜整的，醬汁使用了鮮忌廉加煙肉，口感豐富。套餐還有一杯生酮飲品和甜品，真的飽到反肚。好多謝店主的熱情招待同細則講解每道菜，成晚都食得好開心。我希望大家機會到去「籽樂」試下有Heart的生酮餐。提提大家想食生酮餐要預訂呀，因為食材需時準備！…Read More

媽咪最愛食片皮鴨，所以今日特登帶佢去試下老掌櫃的片皮鴨。記得食鴨要預訂呀，人少預訂半隻都夠了。人多可選一隻。因為我地成家人都都鐘意食鴨，所以的訂左一隻。這裡片皮鴨，即叫即烤，所以上台時係熱辣辣的。我喜歡這裡的片皮鴨，因為每片都帶脆脆的外皮和肉，吃起來不會過於油膩。餅皮是自製的，比普通酒樓的薄和好吃。一片微暖的餅皮，再放上香噴噴的片皮鴨，加上京蔥和青瓜，沾上海鮮醬，再卷起來吃，每一淡都是鴨的油香，但又不會過膩。實在太好味，我地4個人都食得晒成隻鴨。我地還試了乾身扁四季豆和怪味豬牛，不排口不失，不過家常豆腐和豬手煲，就有點重口味，可能老掌櫃是當東北菜吧。…Read More

香港好吃的buffet本身就不多，以榴蓮做主題更是之有少。作為榴蓮控的好，當然要到The Market 試下啦。大家如果想試要記得提早book定位，因為真係幾full下。我試了沙津，熟食同埋海鮮，普遍質素都好高。但係最吸引我的當然是榴蓮甜品啦，樣樣都不錯，好吃到停吾到口。我最推介係自家製榴蓮雪糕，聞落起來有陣陣榴蓮飄香，吃起來更是香甜的榴蓮果蓉。榴蓮布甸也好好吃，奶香混合榴蓮香，配合的好好。反而炸榴連就略嫌太過油膩，不算很出色。如果大家都係榴蓮控，記得留返個肚慢慢試下d榴蓮甜品。…Read More

中環搵食系列-小澤日本料理。小澤可以說日本菜的Canteen。因為這裡的待應呀姐做野好chur,同埋午市限時一時15分就要交台。不過，性比價真係好高，所以我極度推薦自選三式飯。三式飯選擇真的超多，大概有20餘款，而且價錢好合理，$125已可經滿足你3個願望。餐後還會送雪糕做甜品，算好有誠意。我今次選了半燒三文魚飯，第一次見咁厚切的三文魚。廚師只燒熟外面，內裡是生的，和比普通刺身更香，非常好吃。另外，油甘魚飯也好足料。鹽燒魚胶也都好食雖然小澤的侍應呀姐幾有個性，但食物真忙好正，所以的仍會經常來。…Read More