takydarker的個人專頁

香港嘅韓國菜不嬲都水準高，而且價錢合理，今次就嚟咗銅鑼灣呢一間韓國餐廳，唔單止環境舒適，水準亦一流午市套餐的前菜有泡菜和粉絲，都係任拎的白雪芝士雞大大碟烤雞都只係70幾蚊，真係好平！烤雞的外皮烤得很香脆，肉質幼嫩，重點係芝士粉，啖啖滋味！黃金鹹蛋脆雞炸到熱辣辣的，很香口，外皮香脆，肉質豐富，好juicy, 一啲都唔會乾, 鹹蛋味道濃郁，是邪惡的首選！鮑魚人蔘雞湯飯食韓國菜點可以少得人蔘雞湯呢！湯底香濃，吸收了人蔘的精華，是養生之選，材料豐富，但價錢只吃80幾蚊，性價比很高整體來講，如果喺銅鑼灣返工嘅朋友，值得一試呢一間韓國餐廳…查看更多

臨近聖誕，又係同好朋友一聚嘅好時機。今次同朋友一行四人去到尖沙咀新泰到品嘗正宗泰式美食一入門口就見到架泰國嘅車仔，好有特色，另外就著聖誕節，都有啲聖誕裝飾，令到餐廳有聖誕氣氛。入到去，環境都算幾大幾乾淨，有種好舒服嘅感覺。餐廳亦都將泰國特色同時尚設計兩者結合。炒椰菜苗椰菜苗炒得爽脆，唔會太硬或太淋。加上芡汁唔會太搶椰菜苗嘅鮮味，同埋唔會炒得太油，係樣唔錯嘅選擇。鐵板蠔仔蛋呢碟真係極度推薦大家要試。睇相大家都睇到嘅蠔多到瀉哂出黎，重點係啲蠔係中等size 絕對唔係細細粒嘅蠔仔bb加上鐵板熱住，每啖食落口啲蛋同蠔仔都係熱辣辣好好食。味道方面唔會太咸，調味恰到好處。值得大家試試大蝦金邊粉金邊粉作為泰式代表之一，當然要試試。金邊粉炒得幾好，唔會太油，但啲金邊粉亦唔會痴埋一舊，炒得岩岩好。大蝦都頗為新鮮兼且都幾大隻。食落肉質唔會「霉霉地」，都幾彈牙，整體黎講算幾好食。甜唔拼盤全餐以呢盤甜點作結都算為幾美滿。每款糕點都做得好出色，重點係唔會太甜，所以整體唔會覺得甜品太膩。 …查看更多

前幾日趁假期就同朋友係尖沙咀到約食飯，見呢間係OpenRice 人氣唔錯，所以就決家去試下。一入去就已經好feel到佢個種有異國風情得黎又帶d神秘感嘅裝修，感覺好浪漫餐廳嘅氣氛主要黎自呢盞有中東色彩嘅吊燈。係燈光散開成點點的亮光下食飯，真係好有神秘及撲朔迷離之感野食終於黎啦！首先係我都幾鍾意食嘅雞肉pizza~ 雞肉披薩個pizza焗得岩岩好，唔太lone又唔會太冧，加上餅底厚度適中，所以食落口夠脆之餘又唔會唔飽肚之後就黎埋碟豬肋骨伴薯條～豬肋骨伴薯條豬肋骨燒得好香口，而且肉質夠冧，豬肉唔會痴住啲骨。薯條炸得極香脆，而且仲要係新鮮炸起，食落口仲好熱，正！最後就係碟卡邦尼意粉～卡邦尼意粉意粉唔會煮得偏硬或偏冧，食落口感不錯～ 個汁食得出好重忌廉味，所以絕唔係啲罐頭白汁貨仔。整體黎講，意粉同卡邦尼汁配合得幾好，值得試試最後就係我杯好好飲嘅菠蘿沙冰～沙冰好清甜，唔似糖水搞出黎咁，不錯不錯整體黎講，呢間係一間好食嘅餐廳～…查看更多

前幾日同朋友聚舊，大家都不約而同話想食蒸鍋，所以就決定黎新華苑試下～ 去到嘅時候大約6點幾，所以個場未算好爆，但都坐左幾枱客坐低左就開始點餐～每枱都有四款海鮮、不同定食同粥底揀～揀好野食就去攞醬料啦～ 係攞醬料途中，發現原來啲海鮮真係好新鮮架！絕唔係急凍貨野食送到啦仙貝夠大粒，而且係明顯處理左啲麻煩位，令到你唔會食落有沙～ 而且味道好鮮甜豉油都唔駛點都夠味！聖旨夠大隻同夠粗，食落都好甜，好食鮑魚大大粒，配埋金針雲耳，鮮味突出！整體黎講，啲海鮮都好好味另外我地仲叫左乳鴿～ 乳鴿燒得岩岩好，醃料唔會太重，所以唔太鹹～ 而且個皮燒到好靚，100分！任食嘅野食種類都好多～ 當中必食嘅當然係牛肩肉、肥牛同牛粒啦～ 另外啲丸都好新鮮，大家黎到都係必試！啲野食係有專人幫你計時，所以所有野食都唔會overcooked! 保證你食到佢原汁原味！最後，點少得佢招牌粥底～ 南瓜排骨粥加埋佢地食物嘅精華，所有鮮味聚集一齊，個粥又點會唔好食呀！…查看更多

上個星期，同朋友聚舊去左阿來泰式地道風味食野～趁早少少6點幾就去到，所以唔駛等位就入得～餐廳唔算好大，但好舒服，唔會啲位排到好密，而且算幾乾淨～咁我地幾個點左幾樣野食啦～泰式蠔仔煎蛋餅蠔仔蛋餅好大碟，份量好大，超抵食！另外，啲料十足，真係啖啖都有兩三隻蠔仔，加上啲炒蛋都幾嫩滑同埋有鐵板熱住～ 好正！推介大家試下！原隻椰青海鮮焗飯用上原隻椰隻，所以成個飯都索哂椰青嘅香味，食落啖啖青香嘅味道～ 另外，啲飯唔會太乾太濕，海鮮都好足料，係唔錯嘅選擇泰皇咖喱火山軟殻蟹包軟殻蟹炸得好脆好香口！而且唔似其他餐廳斬到好碎同好細件，真心好食！而且個咖喱汁香得黎唔太辣，仲食得出有多種香料嘅味道，好食好食！酸辣鳳爪鳳爪好大碟，個汁調得岩岩好，酸同辣唔會話邊邊重啲，食落幾開胃～ 同埋啲鳳爪好入味～泰式燒豬肉丸個豬肉丸好特別，同香港食到嘅唔同，可以試試～ 配埋酸甜醬食，味道都幾特別～…查看更多

前幾日同新同事放左工去尖沙咀搵食，由於佢係素食者，唔知附近有咩好食，就上openrice睇下有咩好介紹，無意間發現呢間特色印度菜素菜館。入到去，個環境裝修得好別緻，完全一反我對一般傳統印度菜菜館嘅印象。咁我地就叫左野飲先。呢兩支係美味乳酪飲品。個口感好厚，而且好重乳酪味，如果係乳酪愛好者，必試！！ 呢款係印度粘土烤特式奶酪串，有兩款咖喱味～兩款咖哩都好食，不過橙色個隻比較辣啲同濃味啲～最後係經典印度孟買烤三文治。呢個三文治十級必試！！首先個麵包烤得好脆，另外，啲涵料亦都好豐富，而且味道好夾！真心推介！…查看更多

本身係尖沙咀食過呢間覺得超好食，所以見到旺角開左分店就唔駛諗咁多跑去試下～鋪頭算幾大，而且幾開揚，係幾舒服～睇完餐牌我地就叫左幾樣招牌野試下～海南雞海南雞好香雞肉味，然且肉質好嫩滑，唔會覺得hai口，必試！沙嗲串燒串燒嘅賣相可能無咁吸引，不過個串燒燒得好香，醮埋個沙嗲汁食，好有東南亞美食嘅味道。菠蘿海鮮炒飯個炒飯有三隻大蝦伴碟，炒飯都幾有獲氣，啲炒飯唔會太油，每粒米平均都有少少油，非常均勻，令到成個炒飯生息不少～咖喱雞排煲啲咖喱超級香～然且熱住個煲唔會令野食凍哂無人要～炸軟殼蟹軟殼蟹炸得十級香脆，極度香口，而且調味恰到好處，好食～呢間餐廳必定再食過！…查看更多

本來同朋友約左係中環食九記牛腩，點知個日休息，而咁岩對面就係呢間日式串燒店，就走入去試下～入到去環境好舒服，而且氣氛好岩同朋友聚會傾計，真心唔錯～餐牌可以睇到多款串燒，仲有我最愛嘅和牛！！！咁既然係串燒店，冇理由叫返幾串串燒。所以，我哋就叫咗串燒雞翼、牛舌同免治雞肉棒牛舌係厚切，極有口感，而且燒得好香，唔太油膩～免治雞肉棒都燒得好正！啲肉食落去係新鮮雞肉，而且好有咬口，燒雞翼個表皮脆得黎唔會燒到有炭，而且啲骨分開左好易食，配埋少少檸檬汁，將雞翼本身有油膩感降低，反而食得出少少清香檸檬味。至於和牛定食，真係不得不讚佢塊肉肥瘦均勻，食落去肉質好軟，而且勁有牛味，仲要醮埋啲醬汁黎送飯食，真心正！！！如果下次去中環搵唔到野食嘅，不妨試下呢間！…查看更多

上星期同同事放工去食好野，呢間係朋友推薦的，食完覺得真係幾唔錯，推介俾大家加拿大素食白豚斧頭扒塊肉處理得幾好，啲肉汁鎖住晒係入面，一d都唔乾，幾juicy。食豬扒最怕佢鞋口，但呢塊唔會！d蘆筍幾甜。推薦大家試呢款菜式呀！係門口見到個餐牌，已經勁想食呢款只龍蝦墨西哥脆片，個賣相好吸引醬有三款：蕃茄莎莎醬、牛油果醬、酸忌廉 ；最鐘意牛油果醬，好香牛油果味。酸忌廉都好好食，但好邪惡 脆片份量勁多，食極都食唔晒咁。面頭有芝士同埋龍蝦肉，不過蝦鉗d肉已經起埋出黎，見到個空殻有少少失望，哈哈。松露油甘魚海膽丼呢間餐廳有另一本日式Menu，d丼飯都幾多款式，我點左油甘魚海膽。海膽同三文魚籽都幾鮮甜，油甘魚夠肥夠厚，食落爽口。都幾唔錯!…查看更多

前幾日同朋友行旺角，見到有幢726大廈全部都係餐廳，就入去搵間食晚飯～ 朋友話想食燒肉，所以就揀左呢間燒肉店～餐廳環境唔錯，頗為乾淨，而且坐落都算舒服～坐好之後，待應就介紹我地點呢到最出名嘅「1++韓牛燒肉套餐」，有一份韓牛肉眼，仲有兩份韓牛他他～終於野食黎啦～係韓牛他他，啲牛肉勁勁勁新鮮，撈埋啲生雞蛋，食落口好滑，而且啲牛肉又好有口感，一個字正！然後主菜黎啦，就係1++韓牛肉眼～塊肉眼脂肪分佈好均勻，燒完食落去每啖肉都好juicy，每一啖都係入口即溶化～食完肉眼，我地就點左佢其他放題肉類，都係好新鮮同美味。整體黎講，呢間實屬高質放題烤肉！…查看更多

呢日同朋友去旺角行街，但係因為係假日嘅關係，要搵到一間唔駛等咁耐嘅餐廳真係好難，所以我哋就去咗一啲小行度搵吓有冇一啲好食嘅餐廳。行行吓，就發現呢間精品西餐廳。睇落啲野食都好似唔錯咁！ 我地因為得三個人，所以就叫左個Fish and chips, 蟹肉蟹子南瓜汁燴意大利飯 同埋 煙三文魚黑松露海蝦天使麵。最後就叫埋個心太軟做甜品～炸魚薯條炸魚同薯條炸得極脆！炸魚魚肉頗滑，而且炸粉唔太多，唔會炸得個脆皮好厚，食落真係外脆內滑！薯條本身就無咩特別，但係佢個黑松露醬真係無懈可擊，真係會令你一食再食，停唔到口！蟹肉蟹子南瓜汁燴意大利飯個意大利飯煮得好惹味，每一粒米完全地索哂啲南瓜汁，令到你食落每一啖飯都有濃郁嘅南瓜味係口腔到散發出黎！另外，個飯個面頭有蟹籽同蟹肉，撈勻後，啲蟹籽嘅脆卜卜質感令到你食每一啖飯都有更豐富嘅層次～煙三文魚黑松露海蝦天使麵天使麵煮得恰到好處，唔太軟唔太硬，幾有咬口～海蝦都幾大隻，而三文魚食落都好新鮮～唔會有雪味:) 另外，個汁同個意大利飯麵都係好濃郁，完全係落足料！最最最正嘅係黑松露個味香得黎唔會蓋過其他食物嘅味道，呢個值得一讚～心太軟伴雪糕心太軟整得好好食，朱古力味幾甜，而且蛋糕同流心嘅部分比例做得好好，唔會太多流心而搞到個蛋糕好薄或者唔會蛋糕厚得濟搞到無咩流心～ 配埋雪糕食，簡直係冰火二重奏～下次去旺角食飯又多一個選擇！…查看更多

今日同另一半係將軍澳行街拍拖，就去左朋友推介嘅牧羊少年咖啡館。一入到去，整間餐廳比我一個好柔和、舒服同浪漫嘅感覺，係幾有feel! 不得不提嘅係我好鍾意儲明信片，因為我覺得明信片可以代表唔同國家嘅不同面貌，而呢到正正展出左某部分明信片，覺得好有文化氣息～至於食物方面都頗有驚喜！鮮忌廉黑松露野菌天使麵呢碟天使麵非常足料，淨係睇相都可以睇到有好多蘑菇同草菇，再搭埋黑松露同鮮忌廉嘅香味，成碟天使麵一上枱已經好吸引！另外，天使麵麵底都煮得適中，非常不錯！黑松露醬薯條薯條夠粗有咬口，炸得都算幾脆而且唔太油。不過最特別嘅係佢個黑松露醬，味道非常濃郁，唔係出面食得到嘅～辣肉腸菠蘿薄餅個薄餅餅底唔厚夠脆，類似餅乾底咁，配埋面頭非常厚同多嘅芝士、辣肉腸同菠蘿，簡直一絕。最正嘅位係佢多芝士得黎唔會太「流」，真係唔錯！Oreo沙冰杯沙冰oreo味整得幾出，而且整得唔太甜，幾岩想食甜野但又想keep fit嘅我😂…查看更多

近日，朋友推薦我去試元朗呢間平靚正嘅日式料理餐廳～所以上個星期日就去試左啦一入去，餐廳比我感覺乾淨、企理，感覺有少少似日本居酒屋咁～未點野食之前，我地三個就一人叫左支野飲～有白桃梳打、綠茶可樂同白提子梳打～ 我飲嘅係白桃梳打～ 桃味幾香，而且唔太甜，幾岩我之後就叫左壽司～ 有中拖羅、三文魚腩、花之戀、蟹籽同鹽燒左口魚壽司～中拖羅厚肉鮮甜，入口即溶～ 左口魚經過炙燒之後好香好滑~ 三文魚腩肥美，花之戀都好好食～除左以上壽司，我地仲有嗌原條鰻魚壽司，都只係48蚊咋！！！仲要真心大條，又好食，其他舖頭一定食唔到～除左壽司，我地仲有叫炸軟殼蟹～軟殼蟹炸得好香好脆，而且唔會好油～必試之選！最後我地仲有叫和牛粒～肉質嫩滑美味不在話下，仲要陣牛香味隔好遠都聞到，仲要食落口即刻溶化，超級好味！！…查看更多

前幾日同朋友係將軍澳行街，就見到呢間愈開愈多分店嘅新馬泰餐廳～見門口咁多人，應該野食都唔差，就去試下～果然好食到喊我地三個人叫左好多野食，但都食得哂酸辣鳳爪鳳爪醃得好好食，個酸辣汁酸酸甜甜好開胃，又唔太辣，岩哂啲唔食得辣嘅人試下！海南雞飯呢間餐廳主打海南雞，又點可以唔試下果然肉質嫩滑，唔會太生或者太老，啲肉夠淋～仲有不得不提個雞油飯，有雞油嘅香味得黎，唔會話食到成口都係油咁，而且每粒飯都均勻地沾有啲雞油，真心推介！泰式豪仔蛋啲豪夠哂足料兼大隻，隻蛋都煎得好香～真係好有地道風味～配埋啲芽菜，每啖食落都好有豐富層次嘅口感～緬甸咖哩雞咖哩好香，食得出落左好多香料，唔係淨係用咖哩粉開個種～而啲薯仔索哂啲咖哩汁，拎黎撈飯，真係一流！而且，呢款咖哩唔太辣，適合唔食得辣嘅人芒果沙冰杯芒果沙冰好大杯，而且唔太甜，係新鮮芒果嘅味道，而且有啲好鮮甜嘅芒果粒添，正！！呢間好食！…查看更多

前排同啲friend行街搵食嘅時候，有個朋友話好想食漢堡包，但我地又唔想食McDonald個啲cheap cheap漢堡，就上OpenRice search啦~ 就search到呢間幾正嘅漢堡包店🍔餐廳以齒輪、車胎同道路作為主題，好有美式餐廳嘅感覺，而且餐廳幾大，坐得幾舒適~本身諗住漢堡包黎黎去去都係得幾款，但呢到竟然有成40款嘅漢堡可以揀，對選擇困難症嘅我黎講，要揀到一個最想食真係有啲難最後因為見到啲包好大個就叫左兩個包同啲小食一齊share:)牛油果醬芝士牛肉漢堡呢個漢堡非常巨型😂 有我成隻手咁大！入面塊牛肉極厚，而且煎得岩岩好，另外配埋牛油果醬嘅酸酸甜甜嘅味道，非常開胃同好食！蜜糖芥茉大烤菇煙肉牛肉漢堡呢個漢堡塊牛肉唔駛我再重複啦，啲肉汁多到爆哂出黎，不過今次有我最愛嘅大烤菇，個菇同塊牛肉好夾，加上佢地質感唔同，完全令我每啖食落都有多種層次，真心推介呢款漢堡！布里芝士餅布里芝士餅其實係炸芝士條。炸得好香口，而且唔會炸得太「濃」，配埋個自家製沙律醬食，極極極極之邪惡黑松露芝士薯條薯條好粗好脆，個芝士醬加左黑松露落去即刻變得好香，令到我地完全停唔到口係咁食～總括黎講，呢間絕對會再黎食過！！…查看更多