scaryming's Profile

見個老best話抵食，咁啱行過就就試下啦$50有牛扒仲抵過自己煮餐懵，又唔洗洗碗沙律好香甜，冇食錯應該係芒果汁，驚喜又清新配菜 燒菇 好香好食，和風汁，開胃醃紫椰菜，食得出係店家新鮮醃，因為比較爽口，我個人會喜歡淋啲，香草味重啲嘅+$15多一樣餸，揀咗黑醋雜莓炆豬腩非常驚喜，好好食，雖然得一舊，但非常厚實大舊，食完都飽咗😂個汁配薯蓉一流，清曬，會因為個黑醋豬腩而再幫襯牛扒單獨食味道偏淡青色醬汁微辣同牛扒好夾但唔知關唔關3成熟事，少韌同上嚟睇，見大家嘅相個牛扒生熟情度有唔同，唔知係咪有得加熱，但店員冇問🤔店家飯量比得好足，飯桶都夠飽，抵讚會再幫襯，但唔會食牛扒啦😂同希望會多啲款揀啦…Read More

3年過去嘅第一轉旅行後發覺都係香港好忽然好想食香港地道鐵板餐要抵食夾大件要有儀式感餐包、餐湯、淋汁缺一不可最好價錢都係好“懷舊”啦係openrice 睇勻曬鎖定咗幾間心大心細嘅時候發現人大個咗同細個唔同嘅係會介意餐廳嘅環境嘅整潔度呢個時候就睇到呢間係新裝修係酒店入面嘅“扒房”仲要經openrice book有9折完美符合曬我要求7點去到，等得4、5枱所以環境清幽播住jazz音樂望住時代廣場其實幾好氣氛跟餐加咗杯特飲藍色多瑙河椰果肉+藍梅汁+梳打水依家講究健康基本上一定唔會飲所以絕對係童年嘅味道😆罐頭雜果入面細個每次都會同家姐或朋友爭食椰果依家可以獨霸一杯真係好幸福😆另外椰果係含水量好高嘅食物配鐵板餐呢啲熱氣嘢就啱曬啦餐包餐湯都係例牌質素就冇影相啦餐包 即叮，熱辣辣餐湯 紅湯有好幾塊牛肉白湯有好多蜆肉魷魚兩款湯都足料大碗先上兩碟跟餐嘅薯條有人就鍾意咁樣脆啲我就鍾意係鐵板上面索曬啲汁咁食上主菜是日晚餐鐵板肉眼拼珍寶腸 黑椒汁（4成熟）$98肉眼厚薄正常調味恰到好處 無化學味叫4 成熟再加鐵板效果剛好5成熟食到尾的會接近7成熟所以唔喜歡太熟嘅留意黑椒汁 係美極底味配黑椒唔會太重黑椒味平衡得唔錯是日晚餐鐵板穀飼豬扒拼海蝦 蒜蓉汁 $98豬扒又香又嫩薄薄嘅粉漿充滿蛋香兩大塊大滿足大海蝦同樣因為薄粉漿而有蛋香又彈牙好食蒜蓉汁 真係有蒜蓉粒 有誠意味道甜甜的 好味諗起細個睇西片啲主角都會問侍應點配搭好細個唔識嘢以為去呢類地道扒房等於電影入面個啲高級餐廳第一次去食咩都唔識侍應話有5款汁我就問佢有咩分別同推薦搞到個侍應好傷腦筋🙈最後上菜除咗黑椒咩汁都一樣味🤣唔怪得個侍應咁難答🤣花園餐廳雖然只係得兩款汁但兩款汁都有明顯分別同小小details 欣賞總結$98個是日晚餐有齊餐湯麵包薯條野飲仲有据扒嘅感覺價錢上贏曬市面上大大小小嘅餐廳食物質素亦合格環境闊落如果真係要挑剔玻璃窗同枱面上嘅橦企嘅菜牌都可以抹淨啲但呢個$98去酒店嘅扒房据扒體驗係一流嘅會再去…Read More

之前食過同集團北角“滚得囍”念念不忘趁節日同家人去元朗大滚友相信好多人都日式任食邊爐嘅愛好者無限牛、食物種類多、價錢set好，有曬預算，所以開到成行成市。但缺點係日式邊爐湯底十居其九都係粉溝水同海鮮得啲急凍貨而港式邊爐嘅競爭力就係湯底同海鮮大滚友嘅雞湯底真係非常出色又濃又鮮又香由三黃雞煲出嚟色澤金黃朋友大戶人家出身自細食開好嘢佢都話係屋企煲唔到呢個level飲未到口首先已經聞到金華火腿香入口清甜未打邊爐同台嘅家人各人已經飲咗3碗3歲小朋友亦因為湯好飲雞好食而專心食飯飲夠湯後有專人服侍食花膠一人一條花膠筒好食夠淋水準之內三黃白切雞好食剩係呢個煲大家已經好滿足海鮮種類多選擇新鮮海蝦非常甜魚唇口感特別，好食美國桶蠔份量足龍躉片 鮮甜抵食值得叫雜菜拼盤抵食食到最尾落菜將所有精華吸收曬嘅菜成為其中一位朋友嘅最愛😆店家仲有黃金響鈴咸蛋黃同響鈴fans必試因為家人早食飯所以book16:45店家提醒要1800前埋單先有68折所以事前有通知我地仲話可以早啲去細心但因為我地人多慢慢食最尾過咗18：00都有78折抵食而且店家好貼心主動免切餅費一家人都食得非常滿意…Read More

人愈大愈享受獨處有日去到旺角想食牛大人被歧視一個人唔做我生意🥲展轉行到家樂坊就發現驚喜見到最平$48就已經有燒肉set 當時大慨5點左右唔洗等位可以直入，正入去前店員已經講明手機落單手機先俾錢，只收信用卡或電子貨幣可惜地庫收得麻麻地店家都好細心有wifi但比錢時用wifi ?網絡安全問題喎講返正題，最尾我揀咗$98燒肉set就已經有300g牛五花同五花腩🤤完全滿足曬食肉獸嘅‘’肉‘’望飯量仲有100／200／300g揀（同一價錢）好啱唔好飯嘅人而我當然係揀300g湯普通日式海帶湯沙律新鮮醬汁有誠意一人一個爐燒得剛剛好如果二人一爐就要等一陣先有得食有好多醬揀😍推薦韓式辣醬甜味為主又夠惹味其實本身啲肉都醃得好入味唔洗醬都已經好好食總結$98免加一真係抵到喊肉質對得起價錢自己買材料返屋企食都係差唔多出街食唔洗洗碗又唔洗驚油煙絕對會再嚟食…Read More

自從開始168斷食後慢慢開始變得一日一餐所以每日都想食得豐盛啲今日就諗到不如去食牛角$98再加一仲有buffet 真係大滿足一人前😆揀咗豬頸肉同豬大腸每樣得4片豬頸肉正常發揮豬大腸因為冇醃過唔入味就算燒完點醬都係有啲淡自製牛角刈包，正👍燒豬頸肉+京蔥+泡菜+青瓜自製牛角甜品北海道牛奶雪糕+榛子朱古力雪糕配銅鑼燒打卡一流味道正常發揮經典牛角飯韓國蛋花牛肉湯（？）辣辣地開胃唔錯食雪米糍的me食完第一日好開心過兩日再同朋友食過朋友加咗$30啤酒放題飲咗兩杯，抵曬自問嘴刁，食物正常發揮啦但以呢個價錢嚟講真係非常抵食環境好坐，服務又細心自己一個人食嘢食到悶悶地會再去食…Read More

有日覺得好攰，所以想食熱氣邪惡嘢，路過一芳決定買杯嘢飲減輕熱氣邪惡感，見到呢杯寒天冬瓜露，一拎上手咁多一點點白色嘅？店員解釋因為佢地用鮮檸檬露，個啲係檸檬碎。飲一啖，果然大快人心，暑氣全消（雖然中秋已過，但天氣仲係三十幾度真係好熱），一芳嘅寒天冬瓜露，檸檬同冬瓜嘅比例好好，寒天QQ，又有自身甜度好味！係我飲過最好飲嘅寒天冬瓜露，沒有之一！有日飲完飯，係屋企開完罐裝嘅冬瓜茶，飲咗兩啖，硬係覺得爭啲，所以都係忍唔住落咗街再買嚟飲😆飲一啖，啊～爽呀，就係呢種檸檬嘅清爽啦～…Read More

＜來一場說走就走嘅旅行＞知啦知啦開關啦嘛，11月開show嘅我...…決定去間充滿異國風情嘅餐廳😋東歐餐廳一直都係我list到，Book咗13：45，喜歡午後嘅陽光飲啖以紅菜頭為主調嘅正宗羅宋湯，配上酸忌廉，最驚喜加入茴香，清新新鮮🥣招牌的芝士焗牛脷飯，牛脷非常軟淋。香煎羊仔扒，食物新鮮，簡單調味已經好好食。跟餐嘅沙律同桂花蜜上到主菜時，餐廳只係剩返我一枱，寧靜嘅空間播住異國風情嘅歌，室內係烏克蘭嘅風景，室外係殖民地色彩嘅大館，望落街見到準備happy hour嘅外國人，再一啖店家送嘅vodka 嗯，有旅行感覺啦，人均消費都只係百零蚊，呢個體驗超值。…Read More

🍔lover嘅我，呢排去咗Busy Bird試下佢哋呢排推新Burger busybird x nomad,試咗A5 "Miyazaki" Wagyu BurgerA5和牛漢堡 $128🌟🌟🌟🌟🌟和牛煎得非常香口，生熟情度恰到好處，所以肉汁豐富，仲有得最愛嘅酸瓜，跟餐大大條原條薯條仲有特別的Seasoning誠意十足！Soft Shell Crab Burger炸軟殼蟹漢堡 $128🌟🌟🌟🌟🌟好耐無食軟殼蟹，就比自己放肆一下，醬汁調配食到出心思，身為金舌頭嘅我，其實食得曬佢落咗嘅香料，不過尊重店家就唔講咁多，不過得好欣賞佢哋大膽用咗小茴香，呢個配搭驚喜又新鮮，最重要係非常夾，好食😋Brid wings $88炸單骨雞翼🌟🌟🌟🌟🌟調味香，微辣，就咁食已經好好食，實在太好食，我一個人可以Ko一整份😆配嘅辣醬就係水牛雞翼醬，點咗多個層次，但唔點都已經好好食🤩食咁多熱氣嘢，點少得鬼佬涼茶😆呢到仲有本地自家品牌CBD beer 🌟🌟🌟🌟🌟，cbd濃度比市門其他同類型產品更高，唔知係CBD beer定係係個咁chill嘅環境，好似真係特別放鬆咁～…Read More

日本菜咁多種，你最鍾意食邊種呢？我就最鍾意食串燒啦，夠香口🤤早幾日就去咗文青勝地日月星街附近搵食，見到木火堂門口已經好有‘’家鄉‘’日本嘅感覺，入去果然有失望，原來仲有炭火燒肉食，下次要試埋～木火堂 Menu有80幾種食物，種類繁多👍 價錢合理。當日叫咗串燒必食無得輸系列：黑毛豬五花腩$38🌟🌟🌟🌟 肉質好，調味足A4宮崎和牛串$68🌟🌟🌟🌟 和牛真係冇得輸牛舌芯$68🌟🌟🌟🌟處理得唔錯，冇異味燒虎蝦$48@1🌟🌟🌟🌟配個泰式汁，好味好refreshing 雞泡魚乾$88🌟🌟🌟🌟燒得非常鬆化非常驚喜系列：豬大腸$32🌟🌟🌟🌟🌟🌟超好食，外脆內軟，比烤大腸更鬆化仲要更清爽，如果喜歡食內臟的必試！紐西蘭羊架$68🌟🌟🌟🌟🌟🌟串燒肉質最講究，羊架肥瘦情度剛剛好，孜然粉有提鮮作用又唔會搶走羊味，每一啖都有齊焦香、羊香、油香，食邪惡食物就係要有呢種滿足感🤤燒流浮山生蠔$76/2隻🌟🌟🌟🌟🌟🌟作為一個生蠔怪，有得食就開心，店家燒得剛好，唔會過熟，炸蒜亦好香口，有串燒風味最後叫咗個燒饅頭$18，諗住當飯後甜品🤪，因為我係澱粉質狂熱，所以呢個結尾對我嚟講就非常好～食串燒好多人都會飲酒，木火堂好好有青檸梳打比我揀，清涼又可以減輕油膩感 …Read More

可能我唔係台灣長大，唔知台灣以前原來冇珍珠奶茶，只得黑糖奶茶。。。。牛肉面，尚可鹽酥雞，乾，淡口，黎到已經係暖。。。鹽酥豆腐一啲都唔酥。。。仲要冇味，問佢有冇黑色個啲醬點，佢話冇，我話咁椒鹽/淮鹽呢？叫我點茄汁=____=好有創意喎。。。。。全間店做得最好係執枱個個，真心勤快，可惜佢塊抹皮，好大陣up味，男朋友鼻敏感鼻塞中都聞到，我個盤仲有上一手嘅食物殘渣係個角到。。。。衛生環境可想而知。呢到最可取係個環境特別，但係係坐小學木椅，太大隻/patpat冇肉人士請考慮。同樣都係唔好坐，入元朗食至少又平又好食，仲搵到少少台灣風味先！…Read More