波子頭與為食妹的個人專頁

見佢新開張，諗住試吓。叫咗個大烤雞套餐，配焗薯烤雜菜加牛肝菌汁。唔知隻雞佢係咪比錯咗標準size，一打開盒覺得隻雞好細隻。因為喺另一間同佢賣差唔多嘢嘅Chicken X大烤雞隻雞係大隻啲。因為想食焗薯，所以就嗌咗焗薯加雜菜，點知佢就俾咗粟米我。我唔知佢係比錯定係還是焗薯賣晒，如果冇焗薯嘅佢應該同我講聲我就會轉飯，而唔係冇問過我就俾粟米我。牛肝菌汁直接消失，完全見唔到。最恐怖嘅係喺啲雜菜度見到條鋼絲，好彩我見到，唔係就食咗落肚啦。😥😥😥…查看更多

次次經過都想食，今次終於的起心肝買返屋企食。叫咗一個$68加大皇牌烤雞餐配牛肝菌汁+雞油飯+烤雜菜+低糖檸檬水+$12加配焗薯一個茶餐$36烤焗雞髀蘑菇飯+$6配手工奶茶皇牌烤雞餐隻雞係幾好食嘅，肉好嫩滑，牛肝菌汁都幾好味。不過隻雞有少少生，有啲位置有血紅色，啲肉有啲黐住骨。雞油飯有啲乾，可能係因為佢用微波爐加熱的。烤雜菜有好香嘅孜然味，但係都係比較乾，我估都係因為微波爐加熱所以乾。低糖檸檬水，我覺得有啲甜，可能係因為我平時飲檸檬水唔加糖😝焗薯好好味😋茶餐烤焗雞髀蘑菇飯烤焗雞髀，肉比皇牌烤雞乾，味道我覺得皇牌烤雞好食啲，唯一比皇牌烤雞好就係隻雞脾係熟嘅蘑菇飯好食，但汁比較少，食到中間已經冇汁了手工奶茶變壞咗，有陣酸味🤮🤮🤮，波子頭問我係咪山楂奶茶，有啲酸酸哋，我試飲咗一啖立即吐出嚟🤮🤮🤮，最後全支倒咗冇飲之前有屋企人係屯門另一間分店買過返嚟食，我覺得另一間分店味道比較好，份量亦都比較多。下次可能寧願行遠啲去另一間分店買😝😝😝…查看更多

今日同波子頭又去深水埗，上次去深水埗經過星味坊俾啲麵包吸引咗入去買，上次波子頭買咗個士多啤梨奶油蛋糕包，我就買咗個黑糖麻薯吐司。自從上次食完之後波子頭一直對士多啤梨奶油蛋糕包念念不忘，所以今次去深水埗專登行去星味坊再買。入到舖頭，波子頭立即尋找佢的最愛，但係佢又頭行到尾都見唔到佢嘅最愛，佢立即勁失望。但我一望就望到個士多啤梨奶油蛋糕包喺門口位置😆😆😆，因為上次個蛋糕包嘅蛋糕係原味，今次轉咗做朱古力味，波子頭就唔認得😂😂😂😂。而今次我就試香蔥肉鬆包😋😋😋。我見到不停有人買布甸蛋撻，問咗店員話買三個以上布丁蛋撻才會有盒，所以我哋買咗三個。我哋食完晚餐後才回家，拎到返屋企已經很夜，所以放在雪櫃明天做早餐。布甸蛋撻勁香蛋味和牛油味，焗完一打開焗爐門已經有陣陣蛋香味湧出來。蛋漿超多而且很滑，牛油皮又薄非常鬆脆。香蔥肉鬆包焗完之後外皮脆脆，我以為只有兩邊有肉鬆，但原來入邊也有超多肉鬆，非常好吃😋😋😋士多啤梨奶油蛋糕包焗完之後啲奶油溶咗😅😅😅，但都好好食😋，但我覺得即日食會更好味😆😆😆…查看更多

太耐冇寫食評了，今日第一次試用OpenRice的外賣自取落單，覺得非常方便好用，而且比在舖頭落order還要便宜一點。今日突然想食酸辣撈薯粉，上OpenRice查到川味閣有得買，查看餐牌時發覺可以直接落單，於是便在OpenRice上直接下單，行到去舖頭可以唔駛等立即攞走外賣。行到舖頭，外賣已經整好。我叫咗冇湯熱伴紅薯粉，攞外賣時發覺有碗湯分開上，所以好奇問一問店員是否有錯。店員立即幫我檢查，發現真係整錯咗，他非常有禮貌跟我道歉，然後立即幫我將紅薯粉轉成冇湯熱伴。碗紅薯粉份量真的好多，食完飽到差啲連晚餐都食唔到😆。腩肉非常入味，醬汁也非常好味。但可能薯粉比較多所以略嫌醬汁有點少。下次有機會會試吓叫豬骨濃湯米線😋😋😋…查看更多

之前睇到網上介紹村爺爺嘅海鮮龍蝦湯泡飯，覺得好吸引，所以次次去油麻地都叫波子頭帶我去食，但佢次次到話唔試要食其他嘢。今日我哋又去油麻地果欄，我又話想去，佢今次終於肯陪我去喇。😍一去到門口，波子頭就話，村爺爺原來係呢個村，佢一直以為係四川嗰川，川爺爺食四川辣嘅嘢，所以次次都唔去。😂😂😂睇吓個餐牌，波子頭見到個花膠響螺鷄煲翅做緊特價由$128減價$68，就決定叫呢個再加$10轉套餐。我本來係想試極上海鮮龍蝦湯泡飯，但今晚又食海鮮，所以決定叫個自選龍蝦湯泡飯$48，可自選2款餸加時菜，我揀咗鮮魷魚鮑片菜心泡飯。嗰龍蝦湯泡飯一上枱，嗰賣相非常之唔吸引，餸又好少，得4件魷魚，4片鮑片同菜心，同我想像中差好遠。試吓嗰湯，味道同嗰賣相相反，出奇地好食。但其實呢個自選餐可以加$7有多1個餸及熱飲1杯。波子頭嗰花膠響螺鷄煲翅嗰賣相超吸引，有半隻鷄，花膠，翅。因為只係$68，所以花膠同翅嘅質素以呢個價錢都算ok。隻鷄都唔錯有幾多肉，但個湯底我就覺得龍蝦湯好食啲。差唔多食哂，見到隔離位叫咗個極上海鮮龍蝦湯飯，嗰賣相超吸引，波子頭話下次再嚟試吓。…查看更多

今日屋企有人生日話想去興記食。其實呢間舖係朋友介紹嘅，之前都去過一次，尚算ok。上次椒鹽魷魚好難食，今次都好食咗。但嗰椒鹽豆腐就好難食囉，乾淨淨，冇豆味，仲有啲怪味。嗰生炒骨超多粉。粟米好重味精。金銀蛋白菜嗰咸蛋黃有啲怪，好似雞蛋黃，仲有啲怪味。去興記食係因為呢度可以來料加工，我哋喺隔離買完海鮮，然後可以立即攞去煮。我哋買咗蟶子，花尾躉魚，象拔蚌等等。蟶子去殼豉汁炒加米粉底，唔知係咪因為加咗米粉做底，成碟餸好漿。象拔蚌蒜蓉粉絲蒸，但象拔蚌蒸到好韌，好難咬。最有問題係條魚，條魚骨連肉買咗4斤半，差唔多用咗$500。來料加工一魚兩味，骨頭用嚟炆，魚肉起骨炒西芹。正常係應該會上咗魚肉先，因為炆魚骨係需要時間嘅。但係唔知點解佢上咗個炆魚骨先，嗰炆魚骨啲魚皮好厚，好有骨膠原，都幾好食。但係食哂全部餸都未上嗰魚肉炒西芹，咁就吹快啲上埋佢。隔咗半個鐘終於上菜，一上菜我哋全枱人都嘩一聲話咁少嘅，啲魚肉加西芹加薑仲少過頭先嗰碟炆魚骨。嗰侍應聽到就話起咗肉係得咁少啦，係咁架喇。但係啲魚肉加埋都唔知有冇20舊，4斤半魚起得10幾舊肉，真係好少囉。本來以為買咗4斤半魚會食唔哂，點知唔夠食囉。啲魚肉質感唔知點解好似同頭先碟炆魚骨有啲唔同，啲魚皮又好似薄咗好多咁。屋企人話啲魚肉質感唔似花尾躉，怪怪哋咁。啲海鮮總共買咗$2000蚊，興記又俾咗$2500，全餐加埋$4500，都幾貴吓。仲要啲海鮮煮得唔係咁好食，浪費哂啲新鮮海鮮。所以下次都唔會再去興記了。…查看更多

今日係波子頭生日，作為為食妹嘅我一定要搵間平靚正嘅餐廳同佢食生日飯。大多數嘅生日飯我哋都會食午餐放題或自助午餐。一來可以平啲，二來食放題自助餐都會食到好飽，如果食晚餐嘅話會飽到瞓唔到，第三係最重要嘅，食中午自助餐食到飽飽，連晚餐都唔洗食，可以唔洗咁肥。好喇講返間餐廳先，因為波子頭姐姐今日都想同波子頭慶祝生日，咁我就上openrice 搵吓有冇啲餐廳有自助午餐食而地點又方便大家的，最後搵到葵芳廣場Mr. steck。選擇呢間餐廳因為覺得佢價錢合理，而且食物質素又好似幾好，最重要嘅係佢冇限時，可以由11點半食到4點。不過，我覺得冇可能食咁耐。因為我哋食咗個半鐘就已經好飽。我揀咗龍蝦意大利飯，波子頭揀咗牛扒海蝦烤雞豬肉腸，姐姐就揀咗慢烤豬柳。落完單就去自助吧枱攞嘢食，呢度嘅款式當然冇酒店自助餐咁多，但係前菜沙律都大約有10多款，另外有3款火腿，有沙律菜，甜品大約6至7款，麵包2款，湯只得1款。呢度嘅南瓜沙律超好味，我攞咗3次。薯仔沙律都唔錯。嗰湯係雜菜湯，好濃幾好飲(本來想飲多碗，但係太飽喇）。兩款麵包比較乾，浸湯會好食啲。主菜方面，嗰豬柳一上枱我哋以為好乾，但係食落去超嫩，超好食。牛扒唔錯大約有7成熟，烤雞都好嫩好厚肉，豬肉腸有啲黑椒味，海蝦幾爽口，唔錯。（鍾意樣樣都食啲嘅人可以試吓呢個餐）。至於龍蝦意大利飯，其實我係為咗個意大利飯先叫的，嗰意大利飯真係好好味。龍蝦應該係急凍龍蝦，所以有啲黐殼，但味道都唔差嘅。甜品方面朱古力鬆餅同藍莓鬆餅都好好食，其他普通。豆腐花好滑，但冇豆味，而且係凍嘅(我比較鍾意食熱豆花）。生果只有西瓜。最後包餐茶1杯，不過得咖啡，奶茶，檸茶，檸水，朱古力要加錢。總括來說，今餐唔錯，姐姐仲話下次帶奶奶食多次。…查看更多

次次去親深水埗都想去嘉頓咖啡店食蛋糕，但係波子頭次次都唔肯陪我去。今日佢終於肯帶我去食喇。位於地下嘅咖啡店，沿路行入去兩邊都有嘉頓嘅產品介紹。入到去咖啡店，地方好大，但座位不多，大約30個座位。咖啡店擺放了一些層列架，放咗各式各樣嘅嘉頓產品供顧客選購。咖啡店入口放咗一個玻璃櫃，入面放咗7~8款蛋糕，收銀機旁邊有個麵包櫃，入面有鷄批，鬆餅等。所有食品都可以單點或叫套餐，套餐是單點加10蚊左右可以多1杯飲品。不過飲品款式不多，熱飲有咖啡，奶茶，朱古力，紅茶，鮮奶。凍飲只得鮮奶。我最後揀咗黑朱古力蛋糕套餐飲熱朱古力，波子頭就揀咗雜果蛋糕套餐飲凍鮮奶。黑朱古力蛋糕朱古力味不是太濃，雜果蛋糕入面嘅雜果仲係冰凍嘅，上面紅色那粒我哋以為係士多啤梨但原來係橡皮糖。食物比較普通，但環境舒適。下次如果去深水埗行攰咗都可以嚟食吓tea休息吓。…查看更多

今日本來專登出長沙灣打算試同區另一間日本料理，但去到已經話last order，冇得食，咁為有去另一間食啦。波子頭話附近都好多嘢食，有茶餐廳，有麵食。但我好想食日本嘢，好想食鰻魚飯。佢就話去元氣食，我話唔想食凍冰冰嘅壽司。之後上咗openrice 睇吓附近有咩日本料理餐廳，搵到天悅廣場有間日本料理餐廳。我哋立即行去開餐，因為已經3點，超級肚餓。去到大阪府壽司刺身專門店見到門面有啲驚，因為同我想像有啲唔同，間舖好細，得5個位右左，我估佢專做外賣。本來想轉場去第二間食，但好肚餓，價錢又ok，咁照入去試下啦。入到去見到佢有好多唔同款嘅丼飯，有我想食嘅鰻魚丼。但係佢其他丼飯都好吸引，8款刺身丼飯都係60蚊。最後放棄咗我想食嘅鰻魚飯，要咗個豪華刺身丼，波子頭就要咗個特選刺身丼。首先上咗個沙律，有芝麻醬沙律菜同粟米。太肚餓，食咗落肚冇影到之後上麵豉湯同丼飯。一上菜，我同波子頭都嘩一聲，因為真係好吸引。之後就玩找不同，睇吓有咩刺身款係唔同。其實兩個丼嘅刺身款都差唔多，所以我哋冇交換食，自己食自己。刺身都幾新鮮，海膽一啲都唔腥。60蚊有個丼飯又有湯又有沙律真係好抵。我同波子頭已經約咗下次再去食多次…查看更多

太耐冇寫食評，但今日想寫一寫。之前上網睇到介紹，覺得呢間餐廳唔錯，專登同波子頭去坐車去食。知佢營業時間到3點，落咗車行咗15分鐘，去到已經2點45分。準備入去開餐時，嗰侍應話已經last order，所以冇得食。但個侍應都都好好，入廚房幫我哋問多次。但出返嚟話廚房已經洗哂嘢，唔再煮。咁好啦，放棄唔食喇。…查看更多

尋日響電視見到百利D沙翁好似好正咁，所以今日就捉咗波子頭同我一齊試食。嚟到百利3點左右，已經見到好多人響外面等緊。電視嘅威力真係大。攞咗張飛先發覺玻璃上貼上“沙翁，蝦多士，麵包，西餅，曲奇，烏冬已經賣完,明天請早”吓.....賣完......沙翁，我為咗你專登坐車嚟搵你架 ToT波子頭話冇沙翁都可以試吓其他嘢，好啦試吓其他嘢啦。不過，我最想食沙翁，唔得下次早D嚟食先。等咗大約半個鐘終於有位喇！我叫熱狗餐， 波子頭叫咗茶餐。熱狗個包脆脆的，好正。兩個湯粉嘅湯底並唔係普通湯底，係忌廉湯之後聽到隔離個食客問，點解今日D沙翁同蝦多士咁快賣哂。個侍應話今日上午10點已經賣哂喇，D人一買就買半打。吓10點....咁快賣哂。只可以話電視嘅威力真係大。…查看更多

因為之前聽人講話中環豚王D拉麵幾好味，所以今日同波子頭一齊試吓尖沙咀嘅豚王。我就叫咗翠王，波子頭就叫咗海老王翠王嘅湯是翠綠色，有橄欖油同好多芝士粉響上面，我覺得食落去好怪 ，同個拉麵好似唔係咁夾。不過，隻半熟蛋就好正海老王嘅湯加入了櫻花蝦碎，湯底有好香嘅海鮮味，正。我本來想搶咗波子頭碗海老王食，但係見佢食得咁滋味。所以唔隱心，今次就放你一馬啦！枱面有D辣芽菜和肉碎醃菜，都很好吃。不過我差不多吃完才發現，所以只試咗少少。見波子頭食得咁滋味，今次俾個笑臉啦！聽請赤王都好好味，下次試吓先。…查看更多

今年生日決定去食自助餐慶祝，波子頭先生俾咗好多選擇我揀，花多眼亂，都唔知揀邊間好。最後，見到咖啡亭openrice 有coupon而且評價唔錯，所以決定扑鎚去咖啡亭自助餐晚餐分了兩個時段供應 ，分別是6:00pm - 8:00pm 以及8:30pm - 10:30pm。本來打算book 後段時間，點知full booking。(波子頭先生 已經早咗1個星期book) 最後決定食早場。這裡地方細細，座位唔多，所以唔洗點排隊好快攞到嘢食一開始先嚟碟海鮮，yummy海鮮吧有青口、翡翠螺、凍蝦、龍蝦仔、阿拉斯加長腳蟹、即開生蠔D海鮮太正 ， 我哋足足encore咗4次生蠔好新鮮 我1個人食咗半打刺身選擇唔多, 只得4款沙律菜和配料款式選擇不多熱食同甜品嘅選擇亦唔多，但尚算可以見到隔離枱食緊D好似好好味嘅嘢，我又攞碟試吓先飲品方面包1杯餐飲, 及汽水任飲食完8:15pm 左右，仲可以拖吓手仔行吓尖東海旁…查看更多