eat247eat的個人專頁

今日同朋友一行2人嚟開花墟買花，想搵間坐得舒服嘅舖頭傾下偈。諗起佢搬舖後好耐無嚟幫襯，一於嚟飲啖茶嘆吓點心😂原來間舖都幾大，座位都闊落。我哋叫咗蝦餃、燒賣呢啲一定唔少得啦！值得一讚個蝦餃彈牙，食得出蝦係靚貨，唔馬虎，真正做到皮薄餡靚喎👍🏻 燒賣餡比例都啱，唔會好似出面啲酒樓咁成口肥肉。我哋仲叫咗棉花雞同菜苗餃，棉花雞就正常不過不失咁啦，菜苗餃就有驚喜喎，隻隻非常飽滿，皮好薄，睇相都應該見到😆菜同蝦嘅比例都好啱，算幾好食😋…查看更多

平時最鍾意外賣呢一間魚生飯，試過坊間其他小店嘅魚生飯，價錢同佢差唔多，但係始終都得唯一呢間做得非常出色👍🏻首先，佢嘅份量係非常大，基本上一碗可以分兩餐食，細食嘅女士一定食唔晒。外賣嘅器皿都好明顯有考慮過，成個星球形狀咁，非常吸晴😎魚生新鮮呢個係基本啦，我最欣賞係佢嗰塊脆炸蓮藕片，連一塊小小嘅蓮藕都做得咁出色，難怪佢有咁多捧場客😋今次仲嗌左佢嘅炸雞，真係非常之 juicy，又勁惹味，真係勁好食呀😆…查看更多

想食炒小菜，見到食評都OK，所以就試一試啦，當晚叫外賣嗌咗傳統沙薑雞、星牌咖喱牛筋腩煲、腰果黑醋骨、椒盬鮮魷。四個餸入面係得個沙薑雞比較好，清清淡淡，不過不失。咖喱牛腩雖然咖喱味道算可以，但係啲牛好un。腰果黑醋骨就超唔掂啦，肉質非常霉，只係得個黑醋汁幫一幫入口。全晚最唔掂就係個椒鹽鮮魷油！第一，個餸完全唔入味，鮮魷嘅咬口差到我都唔知點形容。第二，絕對有理由相信，師傅炸嘢應該好唔掂，我諗呢個都算係平生食過最難食嘅椒鹽鮮魷之一！…查看更多

自從喺朋友屋企嗌過麻辣川米線外賣之後，一直念念不忘嗰個麻酸辣嘅味道忍唔住自己都幫襯咗兩次！嘅豬大腸做得非常出色，比起坊間好多米線店個大腸好食得多:)大腸乾淨，味道適中，唔會太鹹，一定要試！米線底煙靭度適中，麻酸辣唔係坊間好多小店咁一味好酸，麻味亦都係非常過癮，真係令人食完一啖又一啖！另外叫咗鮑魚粒同埋金錢肚配料，鮑魚粒非常好食。金錢肚只係略嫌個汁鹹咗少少，將佢放返落湯就可以接受喇！總括嚟講，麻辣川米線令人一試難忘！…查看更多

早前網上見到好多人介紹呢間點心舖，今日卒之來試一試佢嘅功夫，講到話叫做點心宗司，諗住一定有啲料到，都冇諗過食到喊咁口😩蝦餃皮十分之厚，仲要餡料好鹹，感覺上唔知係咪落咗好多味精，食完半個鐘之後，口入面有種麻痹的感覺，仲要勁口渴。春卷又係油到阿媽都唔認得，一咬落去成口都係油。燒賣只可以講係中規中矩，食完都唔係好記得。比較上有啲記憶點嘅就係蝦多士，不過都係超級油，總之呢餐就食到喊晒口，絕對唔會再有下次…查看更多

真係好耐無嚟將軍澳，星期五晚去撐下日日食良！當晚大概八點三去到，人流唔多，大概只坐滿三成客人🥲每次嚟到都要幫襯一下呢間CP值極高嘅柴石燒😋全部熱辣辣鐵板上，定食仲要非常抵食，每個定食大概一百蚊，已包麵豉湯、前菜，仲要大大碗飯。今次試咗佢推介嘅牛紐西蘭肉眼扒，肉味都OK，只係略嫌肉質鞋咗一啲，總括嚟講都可以😊另外值得一讚， 良心小店food court嘅店員全部都非常有禮貌，環境亦都非常舒適。以food court嚟講，真係做得非常唔錯👍🏻…查看更多

好耐無嚟將軍澳日日食良，星期五晚去撐下場😊大概八點三去到，人流唔多，大概只坐滿三成客人😔無嚟咁耐發現開多咗幾間舖，叫咗其他店舖後嘅食物，食完都好似仲有quota，即刻買多個五一牛腩淨金錢肚試一試佢😋個淨金錢肚淨食$60，大兜到好似無底深潭咁，好似食極都食唔完，但係又會令到我想食完一舊再一舊。味道方面，有好重嘅八角味，牛肚醃製得非常入味，咬口亦適中，值得一讚。如果下次再嚟，一定要試吓佢嘅粉麵同牛腩！…查看更多

當晚和朋友一行二人到來晚膳， 看到周圍的店舖都沒有人等位，唯獨是這一間坐滿客人，就來試一試食物質素如何。我們被安排到榻榻米的區域， 有 軟硬適中的坐墊，座位舒適。  我點了一客豚肉烏冬定食， 配料份量十分充足。烏冬彈牙，完全吸收了湯的精華。另外，定食還有開胃前菜、味噌湯和甜品。味道不錯，份量非常足夠，賣相很好😋  當晚滿座，略嫌環境比較嘈吵，談話需要比較大聲一點。  服務員態度非常友善，值得一讚👍🏻…查看更多