Honeykat's Profile

紅磡隱藏小店「日嚐」，主打日式定食，$88慢煮牛舌套餐超抵食！牛舌厚切，略嫌有啲彈牙，慢煮入味，肉量多！加$8醬油醬飯，香氣濃郁，但飯有少少太笠，如果粒粒分明就會係絕配。配菜有好多款式揀，今次揀咗清爽青瓜，減低番牛舌嘅油膩感。青蔥湯暖心。同事揀嘅封門柳輕量版都係肉量充足，夠哂足料。男仔食都唔會覺得少。可惜店面細，座位少，只得一位侍應，氣氛chill但出餐稍慢。限時一小時用餐，略為趕急，建議避開繁忙時段。整體而言唔算太差，適合3-4人聚餐。…Read More

🍣元氣壽司高速線 港女至愛😝夜晚係附近揼完骨冇咩好食就揀咗元氣由於差唔多9點，我見冇乜人仲以為佢要收鋪一入到去就任坐咁 一個人食咁就坐bar枱由於好餓嘅關係，都叫到成枱都係，冇乜人嘅好處就係可以放幾個位都冇人理你🙂‍↕️元氣經常都會有update，所以唔會食到厭。同埋有一set3件，我就覺得呢啲好好嘅選擇，因為可以一次過食3款唔同味，唔洗夾硬食2件一樣😝仲有天氣凍嘅關係，叫左個烏冬，加埋七味粉，即刻成個人暖哂😌…Read More

尖東老字號—好時沙嗲好時沙嗲係好時中心😂 一定唔會去錯 雖然個商場已經冇咩行，懷舊味道夾雜上到一樓已經有陣陣沙嗲味，心情有啲複雜😂 不過Lunch time唔想諗就會去食海南雞飯。因為上菜速度極快，落單後5分鐘就上菜，岩哂趕時間嘅人。一個送餐圓盤放哂，成碗金黃色油飯配上雞肉滑嫩鮮美，雞油香氣撲鼻，唔食油飯仲可以走翼轉白飯。個湯係有椰菜，特製辣椒醬同青bb嘅薑蓉酸辣開胃。不過差左唔係套餐，冇嘢飲😣適合聚餐或獨食👐🏼…Read More

🧡Boon #觀塘工廈美食 環境：餐廳係apm附近，方便朋友小聚，餐廳門口有陣香薰味，入到去唔算多位置，靜靜地適合傾計😌食物：🥗煙三文魚沙律，開胃菜黎講都幾大碟煙三文魚切得薄薄，入口即化，配上新鮮青瓜生菜同麻醬，味道平衡，係健康又美味嘅選擇。🍟明太子薯條，皇牌之選，薯條採用粗薯條，炸得好脆，外層微焦，內裏鬆軟，上面厚厚一層明太子醬，鹹香濃郁，唔辣。食落去每一條薯條都沾滿明太子嘅鮮味，停唔到口！份量都夠多，性價比高。🦪廣島蠔鐵鍋飯，鐵鍋熱辣辣上枱，蠔仔新鮮彈牙，香氣四溢。有少少飯焦配搭住日式醬汁，每啖都係享受。🍳炙燒左口魚裙邊流心蛋鐵鍋飯同樣出色。左口魚裙邊炙燒到金黃，表面香脆，內裏嫩滑，加埋流心蛋配上焦香鐵鍋飯，層次感十足。🥤開心果奶昔同黑芝麻奶昔，兩個都係高質之選。開心果奶昔口感濃滑，開心果香濃而不甜膩。黑芝麻奶昔就係日式經典，芝麻香濃郁，微微苦甜，冰涼順滑。兩款奶昔都新鮮現做，無人工味。服務態度良好👍🏻唔會計住時間趕人走👐🏼…Read More

🍞明太子芝士麵包出面好多都出咗唔同款嘅明太子麵包 有硬有軟而今次嘉多娜就出嘅呢個明太子就屬於軟包系列麵包焗番熱就變得外脆內軟 明太子鹹香仲有忌廉芝士非常配搭而且仲好邪惡🥴🥜花生麻薯酥呢個真係驚喜！第一眼睇落似貴酥皮包 勁多層 一咬開脆皮嗦嗦聲入面嘅麻薯黐韌韌 仲有啲花生餡花生醬磨到幼滑又唔漏 甜度岩岩好 麻薯同酥皮之間夾住啲花生碎 口感層次豐富 食完成個口都係花生餘香 鍾意糯米糍同花生醬嘅人絕對會上癮😍🧀北海道流心芝士撻一啖咬落去流心爆漿芝士餡係咁湧出嚟濃郁到好似食緊熔咗嘅北海道芝士蛋糕咁 微鹹帶甜 個撻皮都係由頭脆到尾 不過食時就要小心啲碎碎跌哂出嚟😂…Read More

#香港美食 #燒味飯 #foodiechoice平時想食個快飯底者諗唔到食咩都會揀燒味飯而燒味飯都有分級數 龍邦可以係屬於80分以上嘅燒味飯😎 當然價錢都比平時貴少少 但係絕對值得首先係招牌乳豬 10個去11個都要嗌乳豬 好彩唔會好快冇哂 夜晚去食都仲有得嗌 乳豬真係好似即時燒出黎咁 脆卜卜 又唔會好肥油雞就夠滑 加上豉油甜甜地 唔小心就會食哂碟飯 所以減肥就最好叫少飯啦😂 燶邊叉燒都好正架🤤仲可以叫佢哋比半肥瘦 咁食落都冇咁罪惡感重😎…Read More

尖沙咀韓國菜一向都麻麻地韓國菜 而呢間我覺得好高質 好味所以就encore 🙂‍↕️今次就叫左魚糕鍋 土豆煎餅 同五花肉每樣都好出色 首先份量好足料 全部都係2-3人份3樣嘢夠4-5人食 連前菜都好好 唔係得泡菜 仲有蒜芯 好特別 又唔會只得韓式辣味魚糕鍋有好多青口一路煮住 成個湯都好鮮味😌土豆煎餅煎得好脆 應該係半煎炸 配埋個酸甜汁 岩岩好 可以食多幾塊🥰五花肉有2排 岩哂食肉獸 同樣配上生菜沙律同生菜包 唔會淨係肉咁漏😎 total食左$700 少貴但可接受😉…Read More

韓式炒年糕完全令人失望!!!!!冇諗過係冇醬汁嘅年糕 然後要求加醬汁竟然表示冇😑再煮過都係多d水嘅年糕 圖文不符到極點 真心倒個炸雞醬落去都好過冇黎到淨係食炸雞好了其他不了…Read More

杯檸茶完全冇茶味 個雞排係乾爭爭 隻蛋過熟 薯餅碎嘅 一夾散哂 魚柳冇味 最好食就係罐頭茄汁焗豆仲要收88蚊 係西貢食到呢間野我真係好失望 冇諗過個all day breakfast可以咁失敗 只能說浪費食野嘅quota 唔會再去呢間野ps 嬲到相都冇影食左2啖就走左😡😡大伏！！！…Read More