環境：餐廳係apm附近，方便朋友小聚，餐廳門口有陣香薰味，入到去唔算多位置，靜靜地適合傾計😌
食物：
🥗煙三文魚沙律，開胃菜黎講都幾大碟
煙三文魚切得薄薄，入口即化，配上新鮮青瓜生菜同麻醬，味道平衡，係健康又美味嘅選擇。
🍟明太子薯條，皇牌之選，薯條採用粗薯條，炸得好脆，外層微焦，內裏鬆軟，上面厚厚一層明太子醬，鹹香濃郁，唔辣。食落去每一條薯條都沾滿明太子嘅鮮味，停唔到口！份量都夠多，性價比高。
🦪廣島蠔鐵鍋飯，鐵鍋熱辣辣上枱，蠔仔新鮮彈牙，香氣四溢。有少少飯焦配搭住日式醬汁，每啖都係享受。
🍳炙燒左口魚裙邊流心蛋鐵鍋飯同樣出色。左口魚裙邊炙燒到金黃，表面香脆，內裏嫩滑，加埋流心蛋配上焦香鐵鍋飯，層次感十足。
🥤開心果奶昔同黑芝麻奶昔，兩個都係高質之選。開心果奶昔口感濃滑，開心果香濃而不甜膩。黑芝麻奶昔就係日式經典，芝麻香濃郁，微微苦甜，冰涼順滑。兩款奶昔都新鮮現做，無人工味。
服務態度良好👍🏻唔會計住時間趕人走👐🏼
