artofeatin's Profile

只有串燒好味Pad Thai零驚喜！得兩隻蝦🍜冬陰功海鮮湯粉：海鮮新鮮，但冬陰功湯底好似清水咁淡，嗰種小家係難以置信👎🏻👎🏻👎🏻🥩最過分係個泰式燒牛扒：落單前問佢會唔會偏乾身？個侍應話唔會啦！ 嚟到簡直想爆粗🤬🤬🤬！牛肉切到好薄，望落去好似冇燒過一樣，唔識整泰式燒牛就唔好整！咬落去簡直係嚡熠熠！！即使有少少紅都冇肉汁，而且肉本身冇任何味道，口感只係一堆無味嘅爛肉！不知所謂嘅一餐👎🏻👎🏻👎🏻…Read More

見到個外賣一吐氣！分別嗌咗招牌口水雞$88同埋糖醋里脊$118。返到去一打開呆左！竟然倒D頭頭尾尾嘅雞碎俾我！有冇搞錯我係晚市正式嗌嘅小菜！唔係咁呀！cheap到倒啲廚餘俾我！乞兒到數得出幾嚿咁大把！幾好食都冇用啦！過份！堂食肯定唔夠膽咁樣出手！見到已經唔開胃。糖醋里脊肉質其實冇乜問題，算爽口，但個汁好明顯埋得求其，過酸、冇層次；口水雞本來隻雞質地都唔算好差，但可惜份量同外賣斬嘅部位好乞衣！令到人哋好反感！…Read More

好明顯呢度嘅早餐唔係selling point，但冇可能接受到個落差咁大。佢嘅質素有機會差過啲精品酒店🏨。因為有啲精品酒店啲嘢少，但真係好好食，同埋唔會好似呢間咁，幾乎全部用隔夜野！唔知隔幾日！有啲人可能會話酒店處理隔夜餸好正常，但有幾多會係setup一模一樣(只不過抽走咗好多item)，扮都唔同你扮新鮮。首先講款式同味道(順圖序)：1️⃣果汁區&水果區，用一大罐罐頭果汁，我睇住佢倒。水果完全係尋晚嘅，只不過原本就係連皮，今日見到嘅就起晒肉切晒粒，但菠蘿肉已變啡黃。2️⃣ 原裝版本淥麵counter擺返喺度，但分別就係啲菜變咗有黃邊！同埋由好幾款點心變咗剩返一款點心！3️⃣沙律區：完全係隔夜，剩返嘅沙律菜撈埋一碟放雪櫃我理解，但尋日剩返嘅嘢冇可能得一盆菜咁少囉！連dressing&配料都要收返起咁多？4️⃣講吓新增嘅油膩食物區，以為垃圾食物就好食？煮唔使你煮咁滯，淨係炸或入爐grill，都可以一啲質素都冇！脆煙肉係想像唔到可以翻炸幾多次先可以有呢個咬口，見到佢咁深色以為實脆啦！點知係韌同硬嘅！條腸唔係手工腸，以為冇可能難食、頂籠係好鹹啦！點知係冇味！以為係分子料理！食嘅味道同口感同正常認知唔同！炒麵難食！饅頭難食！！！5️⃣奄列counter：呢個正常。不過每一間酒店都要識整嘅最basic嘅item，如果將所有材料落鑊兜一兜兜一兜、拋一拋都衰嘅話，執咗佢算啦！隔離有兜所謂’熱香餅‘，痴線嘅咩麥當勞嗰啲都好食過你！6️⃣麵包區：垃！圾！其實熱香餅應該同麵包區一齊，可能因為香餅係即整，但麵包唔知已經吽咗幾多日，係全部淋晒嘅！假牛角包假酥皮唔緊要，有啲酒店係冇好嘅pastry 師傅，但你都唔好成件都係淋嘅！❗️最後講清潔同誠意：尋晚我嚟食dinner buffet，佢哋仲令人好放心咁，起碼將部份區域嘅餐夾，分為一桶「未消毒」、一桶「已消毒」！但今朝一覺醒來，用餐客人是一樣的，疫情沒有突然消失，但就完全冇再將任何餐具分開處理。我問負責人，佢話「可能今日早餐冇咁做」，跟住仲走埋冇跟進，你知咩事啦！咩叫Good morning？佢地可能唔理解，以前冇咁多staycation包幾餐嘅情況下，酒店住客最期待嘅就通常係住完一晚之後，一個令人期待嘅有質素嘅早餐，早餐唔係次要嘅嘢，喺以前反而係唯一樣旅行客睇到你酒店食物質素同埋師傅功力嘅一餐。款式幾少唔緊要，最緊要係有誠意準備同埋識得煮。你呢一餐，款式既少得可憐，亦完全零誠意，令人由原本有美好體驗，變成只可以一句「不了」作結。咁樣值得咩？你可能慳咗啲成本，但係你損失左回頭客。…Read More

呢排不停去staycation，港島數一數二嘅酒店都去過，見佢ISL今次包自助晚餐及自助早餐，覺得質素唔會差得去邊啦！咁咪book囉！以前都唔係冇食過Café TOO，點解而家可以差到咁！食物質素係低到，就算你冇去過其他酒店冇得比較都覺得過分！完全係因為staycation而調整你哋嘅食物級數，我覺得好唔尊重你哋自己嘅酒店品牌。首先講刺身類：冇帶子刺身唔緊要，八爪魚係唯一彈牙新鮮之選，吞拿魚又暗又出水！係中檔酒店都唔會供應嘅質素！海鮮類：要鬧嘅係焗龍蝦！個感覺係全部龍蝦起肉切碎，再狂醃同那走晒啲肉味　！擺明係因為啲龍蝦又瘦又唔新鮮先咁樣處理！　唯一令人地期待嘅貴價海鮮都整到咁！　好cheap！天婦羅普通到不得了，食材算新鮮，但唔覺得佢識整天婦羅！炸漿厚度酥脆度等等都係俾返中低檔自助餐嘅誠意，要讚嘅係沙律🥗section，非常新鮮同種類多！其他嗰啲泰式吧就普通、唔提乜罷另一個令人食到嬲嘅位就係甜品🍮！不知所謂！！見到個玻璃櫃係呀好似好澎湃好多款　，但其實近啲望已經見到唔對路！樣樣都好似啲cheap餅店會整嘅款式咁！食落除咗甜、乜都食唔出，真係難食過啲呃錢hightea！我差唔多全部款試咗得一種焦糖檸檬切餅係好食，嗰啲macaroon 係好恐怖！你唔識整就算！唔好整！整返pancake！個皮脆弱到一㩒即散！皮及餡比例完全離晒譜，死甜！淨係得個甜字！口感完全係同正常macaroon兩回事！簡直係垃圾！我明白其他老牌酒店🏨例如：文X同美X酒店，佢哋offer超高質食物嘅情況下係要三千幾蚊，但我見到你呢間ISL嘅自助晚餐敷衍到咁，貌似種類繁多其實幾乎樣樣都差，我深信就算我比到三千幾蚊，你哋啲食物都去唔到嗰個質素！你間房已經唔係特別正，一直經營落嚟都算出名嘅自助餐都搞到咁，真係好可惜！就算我去同價錢同級數嘅Conxxx，人哋都唔係好多款式但每樣都精美同五星級質素！　人哋晚餐buffet個凍龍蝦🦞啖啖肉非常新鮮彈牙，令人感覺淨係食佢龍蝦一種已經非常值！當酒店業人人都喺疫境下尋求突破，出盡法寶令本土客人支持，哪怕係非集團式嘅細酒店，佢哋只要認為自己嘅出品係符合酒店定位，佢哋keep到質素嘅話仍然係有自己嘅優勢，你唔需要鬥做爛市，只要唔好好似茶餐廳咁將貨就價，將自己值錢嘅服務或出品降格，一樣會受人推介。好可惜Café TOO真係非常之差，明明有一定嘅人喜歡ISL酒店嘅歷史感及古雅氣息，但你餐廳咁搞法，住宿都一定會受拖累！係重視評價嘅管理層就好心見到咁多差評，　真係着手做啲嘢去搞好返間餐廳啦！否則你哋有幾多年歷史幾多藝術品同幾好嘅服務都冇用，除非你哋只係賣住宿唔係食住bundle，不過如果你覺得咁樣係生存到嘅話你就唔使搞staycation啦！　…Read More

成個餐牌同人講金牌乜招牌乜，點知叫佢午餐稍為貴少少嘅火石燒澳洲西冷，淨係根部有塊扒嘅1/3！塊扒已經細到好似快餐店嗰啲貨色，然後用鹽用胡椒醃到勁到好似要蓋住死肉味咁！收我$98？冇嘢呀？成碟野淨係得薯角好食！主要難食都唔足以令我寫食評，最大鑊係：我一進店已經見到個紮馬尾嘅後生女員工拉低左口罩、不停用比普通食客用嘅餐紙不停抹鼻涕，一路用隻抹過鼻涕嘅手一直攞嗰包餐紙巾，期間仲抹抹下用隻手捽落用來抹啲食客餐枱嘅嗰塊啡色布度！佢掛住抹鼻涕一直都冇招呼我，我就係想睇吓佢玩完全程鼻涕之後會唔會唔洗手就走過嚟，點知真係！我同佢講呢啲時勢唔該你洗咗手先！佢話廁所有人！　跟住見我開到聲梗係立即走入廁所啦！但講真真係咁痴線！？好啦食完水準低到不得了嘅牛扒之後，叫杯佢聲稱金牌咖啡，杯野一嚟到係勁多好似油泡咁樣嘅水珠喺咖啡個面度！我立即同個侍應講，佢話啲奶有油脂會咁樣！但係做咁耐人，唔通唔識分？咁好啦個侍應大大聲同沖嘢飲嗰個講，仲話個客話有油「喎」！你估跟住點？沖嘢飲嗰個唔戴口罩嘅男士，佢沖完另一杯之後，應該仲係有油，佢竟然以為人哋留意唔到，佢用匙羹撇走上面啲油！跟住我最後都係決定乜都唔飲就走！由抹鼻涕嘅侍應、到沖嘢飲嗰位仁兄唔戴口罩、撇油，乃至洗碗嗰個見到佢出入都係將口罩拉低哂！咁可以解釋到點解啲杯咖啡會有油！佢哋衛生情況惡劣嘅程度，唔可能係個別人為問題，係全間餐廳嘅文化！　…Read More

我份人好食懶飛，好食極嘅地方都唔願動筆，但今日必須開齋。我彈性時間工作，所以經常四出搵食，yoho mall開哂之後，唔洗問梗係逐間試。我嘅宗旨係，即使明知有機會中伏都要試一次。點知就係咁唔好彩，好耐冇食過一餐咁垃圾！我同同行嘅人，一人order咗一個lunch set：$118 烤鴨肉pizza$168 煎鱈魚西班牙火腿卷對唔住 無影相 因為本來冇寫食評嘅習慣，亦都無影難食食物嘅習慣！①先講跟餐薯仔湯，普通到唔想提，冇薯仔味，亦冇薯仔香。②烤鴨肉pizza嚟到我以為自己眼花，佢竟然用百佳裡面D熟食檔都可能好食過佢的超薄片煙鴨胸鋪喺pizza上面，就話自己係烤鴨肉pizza！唔係用任何方式處理過嘅鴨肉！而係煙鴨胸！傻的嗎？唔使個個都係食家丶你都尊重下自己個餐牌！有咩特色可言？我自己唔識買煙鴨胸鋪pizza？個crust冇問題，嗰醬比較鹹，佢其實搵第二啲無咁敷衍嘅toppings會好D。③煎鱈魚西班牙火腿卷呢碟垃圾我哋一度想退回去，未擺正個碟已經聞到一陣腥味，但佢係熟嘅。我真係冇誇張，佢哋真係唔識煎一條簡單嘅鱈魚！食唔倒任何帶出鮮味嘅seasoning，只係一路食一路覺得想吐返出來，因為佢仲用勁難聞、好似放耐咗嘅金華火腿味嘅級數嘅所謂"西班牙火腿"，去包住呢舊充滿腥味嘅魚來煎！好恐怖！冇諗過呢D難食成咁嘅嘢可以喺呢種餐廳食到！我自己整得好味過佢一千倍！大佬！魚嚟咋！魚都未煎得好就學人開餐廳！？仲好似serve signature dish咁嘅plating！拌菜沙律同拌菜焗薯仔都落勁overwhelming呲芥末醬！要闢味定fusion？④連咖啡都難飲！想順返條氣都唔成全我！唔使飲你手工咖啡，一般西餐廳嘅即磨都唔會淡成咁，你啲豆放耐咗？hea到爆！由頭難食到落尾，呢個價錢SOHO都食到優質嘅午餐，我好想死……難為我身邊嗰個！係我撩佢試呢間，人哋仲食開啲靚魚………Read More