myBonnie726's Profile

老公牛一，一家五口去咗家上海食飯。其實奧運附近有兩間上海店，呢間偏味濃，深得我們家人喜好。🔸炸豬扒湯麵：湯底濃郁，豬扒皮薄脆口🔸鍋塌豆腐：類似紅燒豆腐，同樣脆嫰🔸蜜汁脆鱔：調味最好，細細份易於分享不過最值得讚賞係男侍應SHING服務超貼心！！當我哋都食飽在放鬆狀態時，得佢注意到鐵匙已浸咗豆腐醬汁中，並主動拎新筷子夾起再換新一支鐵匙比我哋！！香港餐廳，家上海有此服務員真是有福！不過其他服務員都好主動有禮，相信餐廳功勞不可或缺👍🏻👍🏻…Read More

原本一直都幫襯附近海南雞，星期日唔舒服就買外賣回家，路過試吓雞仔。兩個人叫咗鴨胸同海南雞，因為本身有湯，就將其中一個餐升級有菜同飲品。先講份量，打開係成排鴨胸，仲要有咬口，唔會太淋。海南雞仲要有雞髀，味道唔錯，病咗都好開胃，人均七十都唔洗，性價比高。而且店員好有禮貌，值得表揚。因為第一次買，無發現可以加錢有菜，需要麻煩店員改單，依然好樂意唔嫌麻煩，有機會下次想試肉餅或豬頸肉！…Read More

近期應該係暑假出咗個安落斯西冷，試咗幾好食，好有牛味。價錢唔算貴，百六蚊左右，有餐湯、凍飲，堅滿足。今朝番工經過仲見到出咗個奧運奪金75折既優惠，茜廊出名多選擇，晚餐有春雞、又有意粉、咖哩，如果叫羊架75折都平成30蚊喇，今晚考慮下叫埋屋企人一齊坐低涼冷氣慢慢食先…Read More

剛好約咗朋友今晚食飯，上網睇吓食評發現食夠HKD300 like 社交平台有帽送！「帽怪」睇到即刻心心眼😍以為仲係送橙色個頂，原來已轉了粉紅色！今餐試咗雞胸軟骨，鐘意咬骨可以試！另外試咗忌廉玫瑰烏冬，微辣但只有B B辣程度的我絕對可以接受，忌廉有D似吉列牛忌廉烏冬專門店嘅上面滿是泡沫。飲品要早下單，我們7點去，朋友想叫杯桃都已經賣晒！我哋叫咗杯柑橘乳酪，唔會太厚，清新的柑橘汁。整體好滿意！星期一好多空位可隨意揀檯～特別想講原本柑橘乳酪佢哋用外賣杯，但我朋友叫另一杯飲品用餐廳膠杯，杯都無哂？不過最後換到，所以唔關柑橘事！而職員整體服務是不錯的👍…Read More

Happy Friday~沿地鐵B出口行入德福商場，見到有幾間火鍋、燒肉，香港人至愛，門口都堆滿客人。行出平台見到茜廊餐廳，餐廳三面玻璃設計，在漆黑中特別明亮。餐廳好大間，不用等位直接入座，但好快都已經全場坐滿！見到有張長枱客人叫了三個椰青，先知同隔離泰菜餐廳係同一集團，因為滿座先坐過黎。雖然星期五晚全場滿座，但手機落單好快就上齊菜，高效率值得一讚👍。忌廉湯好大碗，飲哂已經飽左一半，蒜茸包仲好香脆！叫咗鐵板西冷配薯菜七成熟，西冷好淋，唔知點解有人評語寫話似合成肉，牛扒其實都好難用合成肉整！！配料薯菜份量好多，健康人士會喜歡👍。份量真係好多好抵食，蒜蓉汁好香👍朋友叫扒春雞薯角，除了雞脾，其他位置無想像中滑🙈。上菜時薯角變成薯條，不過女侍應好專業，立即道歉仲話薯條照送再加薯角，服務滿分！！好彩換番薯角，薯角非常脆口，真係好味喎！！…Read More

放工約咗班姊妹聚一聚!上到2/F向化妝部另一邊盡頭就見到寫住secret garden，餐廳名太細差D睇唔到，見到旁邊有個髮型屋就對了，而洗手間就藏在髮型屋左邊轉入去!餐廳環境裝修小清新，適合打卡!食物都好美觀，味道和款式還可以!年輕男侍應好有禮貌，做事主動、細心，難得一見，值得一讚!…Read More

崇拜後有時太多團友一齊午飯都會選擇到726樓上据扒，因為夠多大枱可以容納我哋一齊坐，仲無限次幻想聖誕包起佢間房聚會;再者，餐牌選擇多，牛雞魚豬羊有齊，價錢合理，每次都因為花多眼亂揀好耐!不過上兩個星期再去就發現扒王結業，但好彩只係移到朗豪附近!過去的星期日帶著團友一行六人去幫襯，發現場地大咗好多，以往伸手就碰到隔離枱了;其他員工、經理、牛頭裝飾都保留著，間房仲大咗，適合多人聚會！！朋友多數揀豬扒意粉，$63真係性價比高，包湯包飲品！不過地方大咗，大肚婆朋友仔依然被經理大力放下食物的動作，將醬汁彈到腰間一片橙色。朋友仔真黑仔，剛剛才回想分享完在舊址同樣經理大力的動作弄污糟過衣服，幸好無整親肚中的寶寶！而我就叫咗和牛西冷，相比肉眼價錢一樣，我比較喜歡有咬口的西冷。另外一位朋友叫了肉眼，都係七成熟，從外觀看基乎分辨唔到！而幼薯條依家好食，忌廉湯是我喜歡的味道，好creamy，粒粒大粟米，朋友話湯最重要夠熱，我們都好滿意！！鐵板等既時間較長，最肚餓既朋友結果等最耐，哈哈，大家注意勒，餓就叫其他扒類了！樓下有間好出名既紅豆烘焙，喜歡可以食飽兜個圈！！…Read More

網上外賣752叫在個早餐火腿通粉餐，網上有清晰記錄明明轉左幼麵又比番通粉我!打去投訴又keep住話聽唔到，明明我係公司室內好安靜!建議增設whatsapp投訴，如果你哋餐廳咁嘈聽唔清楚，客人投訴仲要聽唔到，其實只會令客人更加生氣!!…Read More