沿地鐵B出口行入德福商場，見到有幾間火鍋、燒肉，香港人至愛，門口都堆滿客人。行出平台見到茜廊餐廳，餐廳三面玻璃設計，在漆黑中特別明亮。餐廳好大間，不用等位直接入座，但好快都已經全場坐滿！
見到有張長枱客人叫了三個椰青，先知同隔離泰菜餐廳係同一集團，因為滿座先坐過黎。
雖然星期五晚全場滿座，但手機落單好快就上齊菜，高效率值得一讚👍。忌廉湯好大碗，飲哂已經飽左一半，蒜茸包仲好香脆！
叫咗鐵板西冷配薯菜七成熟，西冷好淋，唔知點解有人評語寫話似合成肉，牛扒其實都好難用合成肉整！！配料薯菜份量好多，健康人士會喜歡👍。份量真係好多好抵食，蒜蓉汁好香👍
1
朋友叫扒春雞薯角，除了雞脾，其他位置無想像中滑🙈。上菜時薯角變成薯條，不過女侍應好專業，立即道歉仲話薯條照送再加薯角，服務滿分！！好彩換番薯角，薯角非常脆口，真係好味喎！！
2
