tracyc17's Profile

好耐無到西區覓食，曾經有段時間會經常入黎，但地鐵開通後反而一路都無黎過，是日終於有機會黎啦！復活節假前一晚相約好久不見的友人晚飯，選左ethos。大鄉里第一次搭西港島線，餐廳位於香港大學站附近，附近有間小學，都好易搵。西港島線開通左之後，要黎覓食真係方便好多。是日大概8點黎到餐廳，餐廳約8成滿，由於訂左位，可以即刻入座。餐廳面積不大，只有4張檯同一張長bar檯。感覺唔會太迫，幾舒服。Menu好簡單，食物種類唔算多。芒果熱情果梳打唔會太甜，芒果味比較突出薯條有3種醬，唔記得個名，其中一款係黑松露醬，3種醬都好好味，如果唔夠可以refillSignature Burger份量頗大，可以叫店員切半。隨碟附上薯條同沙律。塊肉好juicy, 2塊麵包都有烘過，好脆。食完感覺好滿足。Carbonara有少少鹹Crab hot cake鹹嘅pancake, 入面有蟹肉，幾有新意，但如果一個人食哂有d漏焦糖燉蛋都係唔會過甜，幾好食西營盤越黎越多呢類小店，同朋友聚會一流！…Read More

銅鑼灣係港島區的美食天堂，中西意日韓咩都有得食。最近發現禮頓道愈來愈多小店，包括台灣菜，burger等等，是日行過見到呢間小店，駐足發現原來係食甜品，而個甜品係我從來無見過/食過的。即刻上網搵資料，原來呢個透明的水晶球叫水信玄餅，係日本黎嘅甜品。店面係咁嘅：外賣menu水信玄餅，每日限量20個有廚師表演section:外賣counter:水信玄餅真身，我揀左原味，即係黃豆粉同黑糖。由於係外賣，所以啲黃豆粉同黑糖有少少混埋左一齊。個餅質地有少少似啫喱，個餅本身無咩味，食落好香黑糖味，但又唔會太甜，恰到好處。就算食哂成個都唔會太漏同飽。第一次食水信玄餅，好有新鮮感。是日去咁啱有廚師表演，而店內位不多，所以就外賣，希望下次再去會有機會堂食。…Read More

今日黎左久違了的翡翠拉麵小籠包食lunch, 用apps拎位好方便!一黎到就有位，叫左擔擔麵少辣，仲有小籠包share~Times Square Office Club咭有免費一杯飲品，可以選豆漿，薏米水，雪梨茶。擔擔麵好快就到，叫左少辣但我飲第一啖湯嗰陣都差啲辣到哽親，可能因為熱得滯，但食落唔算好辣嘅。有少少花生粒，但略嫌個醬有少少稀，結返少少會再惹味啲。叫左凍薏米水，唔會太甜！翡翠拉麵成日都好多人，有左個apps排隊方便好多！會黎多啲！…Read More

約左友人食lunch, 諗起好耐無去大戶屋，就一於去大戶屋食個Happy Friday lunch啦！大戶屋有迷你飯配冷熱烏冬/蕎麥麵，飯可以選滑蛋豬扒，豬頸肉，雞扒之類，至於麵就係淨麵。是日點左滑蛋豬扒配熱烏冬，等左20分鐘左右就有得食。跟餐有個沙律，好酸，食左啖就無食。迷你滑蛋豬扒飯其實都唔太迷你，都有成碗飯，上面有4件豬扒，仲有洋蔥。洋蔥都幾鮮甜，豬扒夠哂juicy, 連埋啲汁真係可以食哂成碗飯。烏冬無特別配料，得啲昆布喺上面，但食落一啲都唔齋，個湯底應該用昆布煮，就算無配料都好好味。埋單$85加一。平日lunch黎基本上唔太使排隊, 不過3人以上都建議可以訂位先。…Read More

是日本想食芽莊，但因為芽莊要等好多張枱，而lunch time時間有限，唯有轉場。於是黎到greenhouse, 睇睇個menu就入去坐低啦~之前有聽聞午餐份量細，但當親身黎到又覺得okay喎！lunch menu有大概5-6款套餐，我揀左all day breakfast!前菜沙律，幾開胃餐飲，糖漿自己落👍All day breakfast!份量頗大，有多士，香腸，煙肉，菇，炒蛋，煙三文魚，沙律同蕃茄。炒蛋好滑，應該加左好多牛油忌廉落去炒，好肥但好味。我好鍾意塊多士，上面搽左牛油，好香好脆。蕃茄已經切好一粒粒，有少少醋，好開胃，可以中和煙肉香腸的油膩感。中間沙律帶少少芥末汁，有少少辣。跟餐甜品：朱古力蛋糕第一次黎greenhouse食lunch都唔錯，下次都會想再黎試下其他嘢！…Read More

晚飯後覺得唔夠喉，同友人去Hesheeat食個甜品先。一行5人叫左5份食物，有鹹有甜，果然食甜品有另一個胃！首先有薯條，附上泰式辣醬同帶點酸嘅忌廉，薯條熱辣辣好好味，就算唔點醬都好好味！綠茶紅豆窩夫，除左綠茶雪糕外，個窩夫都係綠茶味架，所以製作需時。紅豆好淋但又唔會太爛，配埋糖漿窩夫好正！雜莓hot cake, 第一次食hot cake, 配上糖漿同莓醬仲有雪糕。個hot cake都幾厚，所以都等左起碼20分鐘先有得食。hot cake同老麥熱香餅味道有啲似，唔算好特別但下次夜晚想食都有得食！焦糖hot cake, hot cake上面有塊牛油，隨碟附上焦糖醬同糖漿雪糕，有鹹有甜，食落都唔會怪，同老麥差不多😂唔記得左個名，上面係綠茶雪糕，下面係奶凍，呢個甜品好難share, 獨食比較好。奶凍好滑，食哂都唔覺得漏😋Hesheeat除左有甜品，仲有主食提供，下次有機會試下！…Read More

每次喺銅鑼灣唔知食咩好，就會諗起樂心。只因快靚正，又夠晒平。是日因為趕住返工，所以又走左黎樂心。次次黎樂心都係叫常餐。樂心常餐同一般茶記一樣，都係有多士+蛋+火腿+叉燒通，我幾乎都係叫通粉同炒蛋，但今日覺得要轉一轉，叫意粉同煎蛋。多士要趁熱食，不過有時會太多牛油，要“撩”走啲，多士夠哂大塊，好飽肚。火腿無咩特別。煎蛋原來得一隻，炒蛋份量會大啲。叉燒意有4-5塊叉燒，一啲都唔孤寒，湯底應該係雞湯，意粉份量都唔少，意粉唔會過淋又唔會過硬，以呢個價錢黎講算非常抵食。除左常餐，樂心仲有其他炒嘢食，下次可以試下。…Read More

是日同友人慶生，友人選擇到鳥居居酒屋。一早訂左位，黎到就可以入座。呢度食物選擇唔多，主要係串燒，另外都有提供小食同刺身。雖然主打串燒，但其實花款唔多，都揀左好耐先揀到。唔記得左個名，不過上面啲芥辣好惹味芝士釀雞翼，無咩芝士味露荀豬肉卷，露荀好爽口，塊豬肉好薄炒墨魚，辣辣地幾好味，不過份量唔大黑豚肉，雖然有啲肥，但食落真係好油好正秋葵牛肉卷，正正常常燒飯團，略嫌有啲硬燒蠔，要趁熱食先食到個鮮味餐廳尚算坐得舒服，但係當我地食完啲店員就好快過黎執嘢同係咁問我地仲有無嘢想叫，有少少趕客嘅感覺。下次未必會再黎因為性價比唔算高。…Read More

lunch time同事提議食飯後豆腐花，由於好耐無食過加上天氣仲有啲涼，梗係應承啦！人和荳品廠顧名思義係食荳品，店內賣嘅嘢就係豆腐，豆花，豆漿之類，好似仲有炒麵之類嘅食物賣。是日叫左熱豆花外賣，可以走糖水。豆花拎到返公司仲熱，個豆花好滑，有糖水都夠甜，唔使加黃糖都夠哂甜。以價錢黎講，呢度一啲都唔平，$12碗，但以質素黎講，$12完全值得。…Read More

在銅鑼灣返工，有個好處就係lunch好多選擇，有平有貴。今日黎到算中價嘅鳴門同朋友一聚。是日星期一，差唔多1點去到，竟然full左，超多人，等左一陣先有位。lunch有lunch menu, 有烏冬同飯揀，仲有一罐汽水。叫左豚肉烏冬，等左5~10分鐘就有，上枱時好熱，啲湯仲滾，一邊食一邊都滾緊。除左烏冬，有大概7-8片豚肉，半隻溏心蛋。魚湯好熱好好飲，烏冬都算彈牙，豚肉就正常，唔太多肥膏。由於個湯好滾，所以會愈食愈熱，冬天黎食會比較適合。…Read More

臨近新年，要行下街買新衫過年，順便同朋友聚一聚。之前已經想試ATUM, 不過book唔到，今次早左幾個星期book, 終於book到！7點準時黎到，安排左我地坐門口位，問過可唔可以轉窗口位，不過因為full左所以無得轉，下次book位要記得要求窗口位先。3個人叫左2個小食，2個主食。沙律，擺盤好靚，入面有幾片三文魚，好新鮮。每枱都有嘅麵包花茶炸蕃薯條，附上蜜糖芥末醬，熱辣辣好好味！帆立貝墨魚汁意大利飯，有好幾隻大帆立貝，份量唔算大，但食落都好滯。虎蝦意粉，有2隻大虎蝦，啖啖肉是晚無試到甜品，見到其他人有叫，好精緻，下次有機會再試下。…Read More

去完文武廟拜神，就黎到瑞記食個tea。平日比較少機會黎，因為收得早，假期又唔開，趁今日經過附近就上黎試下。呢度得2個staff, 1個廚房，1個樓面，黎到要自己搵位坐，再搵個樓面落單。因為客太多，都預左要等。叫左2碗麵，1個西多，1個蛋牛包，1支凍奶茶，1杯凍檸樂。2碗麵好快就到，係出前一丁黎，不個個麵有少少淋，鮮牛肉好嫩，腸仔唔似平日嘅廚師腸，餐肉唔錯。個麵令我想起小時候同妹妹共享一包麵嘅美好時光。西多係黎到嘅人都會叫，所以都等左陣，瑞記嘅西多同茶餐廳嘅唔同，茶餐廳係炸，瑞記係煎。2塊面包都浸左蛋汁再煎，再淋上煉奶同牛油，好肥但好好味。蛋牛包個包有烘過，好香脆。凍奶茶用樽裝，個概念似太興奶茶，但係瑞記茶味唔夠，可能熱奶茶會好啲。如果有時間不妨黎瑞記食嘢，但如果趕時間就唔好黎，因為得2個人，會做唔切。…Read More

因為要去睇演唱會，所以就黎到紅磡區覓食喇。之前睇電視介紹過呢間熱狗店，今日有機會就去試下啦~間舖唔難搵，但店面好細，好容易就會行過左。店面得5個位，好細，大概只可同時容納10個人同時堂食同落單。呢度除左有regular嘅熱狗之外，仲會有限定嘅熱狗，今次去就有和牛同松葉蟹腳，不過就會貴啲。今日點左芝肉牛，配薯條同汽水。個熱狗有牛仔腸，熱溶芝士同肉醬，因為即叫即整，所以都要等15分鐘左右。個熱狗都幾大份，女仔黎講可能會食唔哂。因為餡料好多，所以食落會好飽。條腸好好食，皮脆，熱溶芝士要快食，不過凍左食都ok, 肉醬都好味。薯條就正正常常咁。呢set埋單$60,一啲都唔貴。下次如果再黎紅磡，都會試下其他熱狗。…Read More

農曆年假最後一日，食完飯去食個糖水，今次黎到柴灣嘅錦尚甜。舖頭唔大，所以好多時都要坐出街，今日黎到都唔例外。係就係大塵啲，不過都okay嘅，又唔會坐好耐。餐牌甜品唔算貴，仲好多選擇添！諗左陣就點左3樣嘢，等左唔夠5分鐘就有得食芒果布甸西米露布甸幾滑，但芒果味唔算重芝麻糊豆腐花芝麻鮮奶蛋白芝麻糊加左喺燉蛋白上面，2樣加埋都唔會太甜，不過食完成個會有啲滯。因為新年，所以今次黎食要加一。有機會再黎試下其他糖水。…Read More

大年初四，食糕食到厭，出去搵其他嘢食！去左杏花邨，一心想食茶木，點知要加二，見其他餐廳都好多人等，所以最後都係食茶木。唔使等位就入得，好快就落得單。叫左肉燥排骨飯同埋雞扒麵。飯好快就到，但個麵就等左好耐。茶木嘅嘢食一向都唔錯，今次黎都保持一貫嘅水準。不過有樣嘢茶木要改進一下，就係員工嘅質素。今晚黎食飯，已經聽到某員工Yxxxxx喺個客背後鬧佢，仲唔止一次,希望餐廳可以正視一下。…Read More