Three Dice Kitchen

銅鑼灣係港島區的美食天堂，中西意日韓咩都有得食。最近發現禮頓道愈來愈多小店，包括台灣菜，burger等等，是日行過見到呢間小店，駐足發現原來係食甜品，而個甜品係我從來無見過/食過的。即刻上網搵資料，原來呢個透明的水晶球叫水信玄餅，係日本黎嘅甜品。

店面係咁嘅：

外賣menu

水信玄餅，每日限量20個

有廚師表演section:

外賣counter:

水信玄餅真身，我揀左原味，即係黃豆粉同黑糖。由於係外賣，所以啲黃豆粉同黑糖有少少混埋左一齊。個餅質地有少少似啫喱，個餅本身無咩味，食落好香黑糖味，但又唔會太甜，恰到好處。就算食哂成個都唔會太漏同飽。

第一次食水信玄餅，好有新鮮感。是日去咁啱有廚師表演，而店內位不多，所以就外賣，希望下次再去會有機會堂食。