果欄皇后's Profile

酒娘乳汁喂蘇蝦：仲話得獎菜，打開錫紙，唔熱0既. 唔熱0既情度唔只打開錫紙見唔到有煙，仲係見到0的汁呈0者喱狀，根本就係d油凝固左. 叫佢整熱，佢答：幫你炒下佢啦 ..... 但呢味菜明明係用錫紙包住焗0架喎，自己未焗夠就送上檯俾人，仲跟進成咁! 得獎菜都唔好好做，即係拆自己照牌喇。明明半年前都仲，好地地，因乜自甘墮落？！沙爹牛肉炒芥蘭：基本上，只食芥蘭，因d牛肉韌到食唔到，個獻仲好鹹。濃湯響螺雞煲翅：翅0既份量縮晒水，半年前叫一窩6個人食，人人都分到2-3碗，每碗1-2塊翅，今次8個人，但1人得1小塊，細到得半隻湯匙咁大，只有大量豬手骨。個湯非常非常油，搞乜！ 已經唔係夜去，係七點幾頭圍用膳喇! 難道驚住之後會唔夠分？滷水鵝片： 墊底d豆腐又實又嚡. 但冇滷水味。蟹棗、鹽燒烏頭、蠔餅、蠔仔粥：普通，一般潮州菜館質素，唔使特別去呢間食。服務：坐樓上，叫天不應，叫地不聞。好彩見到有伙計上黎傳菜，都唔使開心，佢會克盡己任，上完菜即閃。要加茶攞碗攞筷子，自己啦。 不過小心跣親。…Read More

之前去銅鑼灣&Element間Habitu,服務同食物都唔算差，點解呢間差咁遠?!首先，全餐最合格，係門口接待位姐姐。呢期間餐廳玩轉輪盤送優惠，轉到乜就有乜送。我轉到"order caesar salad 就送你烤雞做配菜" 。接待姐姐禮貌地帶位, 但裡面其他服務員，真係行屍走肉咁. 放響檯隻碟,唔知因乜有撻咖色0野, 卒兩卒仲會化開,叫佢"麻煩你換另一隻碟俾我丫,唔該". 竟黑面"喵"咀?! okok, 客人應該自己入廚房洗乾淨/換過隻碟 or 吞埋落肚 or 唔用碟食0野 or call 食環署?!Order左caesar salad, 焗蠔菠菜Pizza, 雜菌豬柳 pasta. 焗蠔菠菜Pizza 普普通通, 唔算好味，但未至於要劣評。 雜菌豬柳 pasta，感覺係，求其去一間茶餐廳叫碟白汁蘑菇火腿意粉,將四分一0既分量放入一隻特大0既碟入面. Caesar salad D菜, 係食過之中最唔新鮮，咬落去冇爽甜索索聲都算，點解會係望落軟軟地,咬落霉霉地?! 最令人不能接受，係果4件送0既烤雞topping. 話明送, 都冇乜期望. 每件大約1吋x2吋,薄切. 做appetizer 都算ok. 但係,睇真d, 點解成塊標晒煙，條邊仲乾乾硬硬，十足十用微波爐翻叮完,仲要係叮過龍果隻咁?! 送都俾d誠意啦,唔該.…Read More

食物都係一貫水準，但係0的服務都唔錯，職員都好好態度，樂於解答顧客的查詢。…Read More

冇套餐就收埋門口個牌啦! 搵笨! 仲要碗例湯有蟻! 侍應做野又唔認真，好似玩玩下咁。星期六，大約七點幾八點，見到有個牌放響門口，寫左小菜套餐，$3x 小菜連白飯套餐，諗住填肚，都化算。入到去，侍應迅速放低兩碗例湯，我見菜牌冇左果0的小菜套餐，問佢可以響邊度睇，佢居然話個套餐星期六係冇0既.....!!!!! 散叫小菜，除非食炒蛋、清炒菜啦，其他都要差不多$50，我同朋友見佢遞晒茶，又上晒例湯咁，費事走，就叫左兩個小菜，兩個白飯，冇野飲，埋單都要$120。茶餐廳黎講，一0的都唔算平，玩全有俾人"坤"0既感覺。食物又唔算好，仲要碗湯有隻蟻! 0的侍應又唔知做乜，好似兒童遊樂場咁，帶埋個細路女入黎，由得佢響度尖叫，連0的侍應都會響樓面大叫入去水吧度，只係傾閒計+講笑，完全騷擾食客。有個叫wan姐0既，佢朋友仲奇怪，一入到黎就大大聲講野，好嘈，又問呢樣又問果樣，佢都知自己把聲好拆，就唔好咁大聲啦。你間餐廳都開張一段時間啦，到底你係做生意，定做私人會所，還是員工俱樂部呢?!!!!!!!真係好懷念以前0既BB茶餐廳。…Read More

完全將貨就價，物價上漲，唔夠人爭/做唔掂就執笠算啦! 唔好俾0的咁0既0野人食啦! 雖然你開得響旺角，我都預左你係做平民生意，但係你要知道，冇平民會係食豬餿架。以前都唔係咁差，今年加左價，換左本Menu，完全唔掂。叫左個牛肉鍋，全份縮左水30%，但係又貴左，又冇得做定食。杯凍飲仲有藥水味添。成間舖又一陣廁所用0既空間清新劑味，又刺鼻，又似坐響廁所食飯。…Read More

早餐款式好多選擇，公仔麵好好味，奶茶亦好香，好滑!不過成日都冇位，連後巷都爆埋。…Read More

$18一碗拉麵，都幾彈牙。0的侍應真係成日都漏單，不過態度都ok。有時見到個老闆撓埋手黑晒面鬧班伙計，都幾影響進餐心情。唔知點解呢間餐廳裡面，成日都有好多烏蠅周圍飛。…Read More

1. 馬來喇沙肉眼扒焗飯+凍檸水($34)唔好俾個名呃到，其實只係葡汁焗豬扒飯。D汁好稀，但係D飯又乾又硬，個底仲有大量大量油，又未焗得夠。最大問題係，佢用一個又薄又細0既錫紙盒上枱 。開得一間食肆，連洗多一隻碟都懶?! 真係好冇誠意囉!!我以為自己食緊波仔飯添.....不過當我食左第一啖，我好肯定佢唔係波仔飯，因為佢連波仔飯水準都不如。跟餐杯凍檸水仲要有霉味，完全冇檸檬味。2. 香濃芝士海鮮焗飯+ 凍咖啡($36)以一間如斯茶餐廳格局0既食肆而言，將一個套餐由意粉轉為飯，竟然要加$3!! 佢都真係算出位!! 佢0既理由係: 因為係炒飯! 老細，我唔想食炒飯呀，你D炒飯極多油呀....只想要白飯咋,都唔得?! 何況你其他焗飯套餐，都係用炒飯0架啦，咁都要加錢?! 加左錢，食物質素都冇改善，惟一唔同係今次竟然有碟上，唔係錫紙盒。但係，你個焗飯，落咁少芝士，你就唔好焗咁耐啦! 焗到踎 晒，食落仲苦苦地!!! 四個字總結: 不知所謂。…Read More

我完全唔會歧視佢地好多都有鄉音，反正宜家好多食肆0既樓面都係咁，況且好多大陸食肆0既服務都做得唔錯。我亦唔期望佢地，甚至佢地0既領班/經理，會識得話頭醒尾。但至少摧左你5、6次0既食物，你都記得返來覆下我跟單跟成點呀?!咁都冇!!! 就連等找$$，都要等半個鐘有多(當時己是晚上10點幾，平日，入座率少於4成，伙記多過客人)!個個都好似喪屍咁，唔帶腦返工，唔怪得唔使收加一啦! …Read More

自從佢進駐牽晴間，我就已經成日幫襯，都有幾年。好多時都會去食宵夜，真係好好好抵食。$10碗湯粉，$10碗鮑魚粥/蠔仔粥，$5串沙嗲，唔使加一，兩個人食到攬住個肚走，都唔駛$100。仲要係沙士前到宜家都冇加過價!!!服務真係好好，好貼心，拎碗湯粉俾客人時，會連埋調味架，上蠔仔粥又會連胡椒粉。埋單果陣仲會預備埋找$$用0既零錢，唔使個客人等之餘，仲唔會遞個套局你俾貼士。推介食物係佢地0既甜品，尤其係佢地自家製0既腰果露，我通常食凍，好似食布甸，好滑，又唔會太甜。…Read More

下午茶$18，有一大碗麵連飲品，加$2有點心，如燒賣/魚蛋/蔥油餅等。碗麵真係好大碗。擔擔麵有幾多配料，蝦米&榨菜粒&豬肉咁啦，但係0的麵有好似擺左好耐，有"益"味，但係唔算好強烈。收$18咁街坊價，冇期望佢有乜驚喜。粉嶺區有質素0既食肆唔多，搵到間正正常常，唔食壞人0既，我都希望佢長做長有。…Read More

在附近返工，以前好多時去買外賣。收銀員服務尚算有禮貌，但等你俾左錢,就見到佢地其他同事0既真面目。食物出得好慢都算啦，到上盤時，d水吧員工經常好大力咁飛0的食物上盤，飛到啪啪聲。如果叫粉麵意粉堂食，必定會有幾條粉麵吊住響碟邊。食燒味飯會安全d。響我印象中，只有睇電視d演員施捨食物俾乞丐先會咁掉。宜家會去合和oasis, 服務同食物質素都好好多。…Read More

2007年4月5日中招。我同阿妹分別叫左醬汁豬扒飯& 醬汁雞翼飯。入口除左覺得好杰好油之外，唔覺得有異味(其實除左鹹味，亦唔覺得有其他味)。冇耐之後，我地兩個又痾又嘔，阿妹成晚不停咁嘔，嘔到天光，我仲一晚痾左十幾次，又嘔左兩次。仲要係復活節，好難搵醫生睇!!! 又冇得去玩!!!!另一個friend冇食"醬汁"就冇事。0的醬汁以前多肉末又好味，宜家......冇去食環署投訴，已經好厚道，唔駛旨意我會再幫襯。…Read More

五年前去過，覺得唔錯。三年前再去，大不如前，物非所值。今年五‧一，去完昂坪，一行八人，俾多次機會佢，可惜.....叫左以下食物：1. 燒腩仔: $40，塊皮硬到咬崩牙，肥肉還肥肉，瘦肉還瘦肉，唔係五花腩，一啖超膩，一啖勁"鞋"，絕對唔配叫做燒腩仔。2. 豉椒炒蜆(例牌)：真係好"例牌"。3. 豉椒炒蟶子(例牌)：又係"豉椒"，唔係因為我地鍾意，係佢地問都唔問就煮左。非常鹹，0的蟶子唔知有冇浸夠，好多沙，啖啖沙，中招機會率係超過百分之八十。4. 椒鹽大賴尿蝦(1斤)：$168/斤，3隻。一般貨色，唔好期望有驚喜。5. 中式牛柳：d洋係生0既。6. 海鮮粉絲蝦米雜菜煲7. 東江豆腐煲：好多又腥又多骨0既鯪魚球，湯底好多味精。8. 揚州炒飯環境：好多蚊，好大隻。大量烏蠅鍥而不捨地騷擾食客。服務：叫天不應，自生自滅，有人行來行去，但係全部都睇你唔到。差0的嗌破喉嚨，終於有人應，但係佢完全唔熟菜譜，問佢除左紅燒豆腐有乜野豆腐菜色，佢答：「都係果0的囉」??? 結果我地自己"發現"東江豆腐煲，不過都係貼錢買難受之作。隔離仲搞笑，想訂兩個禮拜後食飯，個待應叫佢到時先好打電話黎，咁早訂，佢地會唔記得，黎到都係冇。交通：等左好耐，佢地東涌展示0既兩個電話都係長響。到終於有車黎，原來架車係非常殘0既貨van，六點幾七點，非常多人等緊，竟然派架7座位貨車出黎!!!!! 一行8人，都要分兩次先去到。仲要係用同一部車，即係等佢入到去再出返黎，足足半個鐘，先可以齊人去到。價錢：差不多$600，唔值。…Read More