2rmum's Profile

突然好想食大牌檔，太耐冇嚟，特登揸車去到已經見到門口企左好多人！泊好車，見到而家好先進，有電子版攞飛😀大約等十張細枱，拎本餐牌睇定有乜食，等咗半個鐘左右就有位。坐低後，係用QR code 點餐，點咗黃金尤魚，咕嚕肉，蝦醬炒通菜，可惜乳鴿已經賣晒。見到隔離枱食剩好多嘢😳全場好多內地遊客同外國人，可能係社交平台嘅威力！啲餸菜都好快上枱，叫支啤酒🍻啤啤去，咕嚕肉一般，皮唔脆肉有un,黃金尤魚先誇張，勁多粉，舊尤魚咬唔開架🥶🥶🥶唔怪之得隔離枱食剩咁多嘢，遊客多過本地人🫣…Read More

話說係慈雲山食過唔錯，咁係大角嘴食完飯又試吓大角嘴呢間分店，入到去著白色帶帽衛衣嘅女店員安排入座，唔夠一分鐘問我另外一位幾耐到，我哋答5分鐘，嗰個女人就話可唔可以三個人坐一張細枱，因為有枱五位人客，但係五位係安排父坐三張枱？？？？目測店內仲有空枱，即係要趕客？？？而家到講出品，開心果心太軟都ok,芒果楊枝甘露難食，whisky 生朱古力$48同一般朱古力冇乜分別，仲要一d誠意都冇，用紙杯直接上⋯⋯未食完就拿拿走，香港飲食完真係係有原因！！！！…Read More

話說今日特登揸車落去食餃子，等咗十幾分鐘就有位，坐低落單十分鐘左右就嚟咗煎餸子同碗麵，但係半個鐘都未有滷水腸同炸雞，問個長髮勁冇禮貌嘅女樓面話整緊如果取消要自己出去講，我心諗滷水腸唔會係即刻整掛！講完取消個男人話整緊，咪唯有再等，等多十分鐘都唔見有，同我地同一時間入坐同之後先坐低嗰兩枱都食飽走咗，谷鬼氣咪再話取消，嗰個男人勁大聲話要取消喎！但係轉頭有個女人放低碟炸雞😵‍💫😵‍💫😵‍💫明明話埋單取消，夾硬要我哋要😓…Read More

之前經常幫襯過鰂魚涌店，見最近搬咗嚟公司樓下，開張第二日即刻落去試，食完就再book星期一12:45部門team lunch 11位，當然仲同我哋講會比一張過嘅長枱我哋。星期一12:15如常有人打嚟reconfirm booking,12:30我哋就連同經理出發，落到去有個侍應同我地講要等，因為埋緊單，等等下唔對路，就問咗一個自稱姓蕭嘅經理，佢答我就埋單，仲要分開兩張枱！我問點解，佢就話冇辦法，因為本身係唔會有得訂枱！我想問，係你哋話可以訂枱呢？當時仲要自稱經理嘅蕭小姐話冇辦法！只有係繼續等，同埋分開兩張枱嘅方案！完全冇諗過解決方法同埋道歉！我哋同事同經理都感到不快，唯有轉場，仲要同公司其他同事講永不幫襯！…Read More

約咗朋友去呢間明星餐廳食晚飯，之前已經嚟過幾次食午餐。一坐低，諗住同朋友叫杯啤酒，睇完drink list 決定叫兩杯Hoegaarden ，之後先慢慢諗食乜嘢，同飲紅白酒。叫個男侍應問要乜味，我哋揀原味，嗰位男士就好粗魯指住個Menu話冇！得兩隻！「文字實在形容唔到當時佢嘅語氣有幾恐怖」我哋眼都突埋使唔使咁惡？咁唯有揀最普通嘅Guinness，跟住好快收走我哋枱上嘅酒杯掉頭即走，於是我朋友就叫停佢，同佢講唔好意思，轉頭我哋可能叫酒飲，點解唔問你就收咗我哋枱面啲杯？嗰個男士好大聲答我哋，啲嘢係我嘅，我鍾意收就收🥶🥶🥶！好得人驚，即時叫在場有一位貌似經理嘅人士過嚟，同佢講晒成個過程，當時呢位葉經理即刻同我哋講唔好意思，但係成餐飯一路食一路好驚，食物一般，環境唔錯。全世界都知係明星開嘅，你同我講啲嘢係你嘅，段估你唔係呢度嘅老細掛？就算係你都冇理由用呢啲態度對客呢！唔知真正老細睇到又有咩感受？…Read More

家人從外地回來，上網見到呢間食評幾好，仲要新開，一心諗住試吓。一行十人，有老有嫩，一坐低屋企人已經講冷氣好大，坐低覺得唔對勁，問門口接待女子可唔可以較細少少冷氣，應承咗之後仲依然冇改變，後來屋企人再搵另外一個金色頭髮嘅女士影，嗰位女侍應應承咗之後冇耐就行過嚟話，已經閂左，如果再唔得就無辦法，但係我哋仲感覺到陣陣強風，當時嗰位女子就話閂咗都要慢慢先至會冇風，坐到二十分鐘左右都冇改善，後來仲感覺凍咗，小朋友同老人家都頂唔順，屋企人終於走去門口再問另外一個侍應到底可唔可以熄咗部冷氣，因為真係太凍，冇耐係真係冇晒風，點解之前金色頭髮個位女子同我哋講已經熄咗，但係啲風仲蓬蓬聲？？？？？仲要答我哋冇辦法？冇理由為咗飲餐茶，大家都病咗掛？要開咁大冷氣嚟趕客？…Read More

結婚週年諗住食好西，揾咗間評語唔錯嘅西班牙餐廳。打電話去訂枱，滿心歡喜出發。天氣熱，坐低先叫杯啤酒🍻一飲心諗唔係呀「暖」嘅😵‍💫，同侍應反映後，答案係全部啤酒都唔夠凍!打開餐牌，叫咗一些推介食物，慢煮八爪魚🐙薯仔蛋餅，捧捧鵝肝，西班牙肉腸炒青口，broken egg。先嚟捧捧鵝肝，慢煮八爪魚，份量勁細碟，應該for一人份量😒味道都還可以，一次過嚟哂其他食物，先講青口，唔覺得係炒過，感謝係撈埋啲汁，青口仲要係似雪藏淡然無味的，薯仔蛋餅，唔知自己食咗啲乜嘢，入邊薯仔係唔熟嘅，面頭嘅蛋好乾😣最後Broken egg，失望中嘅失望，雞蛋全熟唔係流心，我個心就真係broken💔,薯條勁乾，同真正嘅broken egg 完全兩回事😩成餐飯，根本唔知食咗乜！到底之前我睇到嘅食評我睇左乜？定係我哋唔好彩，個廚師今日放假？全間餐廳得我哋一枱客人加一位侍應一位姐姐一位廚房共三人⋯⋯今次我哋應該選擇錯了😭最後唔夠一個鐘頭就埋單，去買雲吞麵食完成今年個失望嘅週年晚餐😔…Read More

之前開張冇幾耐食過，覺得唔錯。趁開返晚市，上星期三晚諗住約埋朋友一家，一行七人再食。拎咗飛後大約一小時，門口有位略胖嘅帶位員就叫我哋嘅號碼話有位，但係要分開坐！我哋心諗，一齊嚟食飯當然希望一齊坐，如果唔可以都起碼喺附近。嗰位小姐就話，如果要一齊坐，起碼要再等半小時以上，咁我哋唯有分開坐，同嗰位帶位員講希望唔好太遠。佢當時話唔會太遠，但係唔係喺隔離！跟住我朋友就再問佢，請問而家係咪要分開坐？個位小姐就語氣好重咁答：先生，咪講咗安排唔到一齊坐，如果要一齊坐要等半個鐘頭以上囉！於是我哋話OK，問佢係咪可以入得？佢話未要再等等，再等就已經過咗10分鐘，終於叫我哋入坐，但係又話要係門口再等執枱！擾擾攘攘最後安排嘅係近門口坐四位，入邊去到店舖最入另一張枱坐三位。心諗，難得一齊約出嚟食飯，同分開自己食冇分別！坐低之後竟然發現我哋隔籬枱同後邊張枱都冇客人，侍應執緊枱！但嗰位於帶位員話俾我聽，起碼要等半個鐘頭以上？？？？？？食呢餐飯真係火都嚟，嗱嗱聲食完埋單走人，衰過快餐店…Read More

一直想試吓呢間💛店，見網上評語好壞參半。一於帶埋小朋友提早慶祝父親節，晚餐只可以喺OpenRice預訂。6:20分到達餐廳仍然係落場中，門口已經企左不少人等開門，等咗10分鐘左右就開始排隊入坐。坐低後侍應俾咗個Menu我哋，就話自己用QR code落單，食物種類唔多選擇，反而飲品好多唔同品種，想試台式牛肉燉麵，但係當晚menu無，點左一個西班牙海港炒青口，花雕雞風味奶油雞肉燉飯，台灣牛肉千層麵，夜市酥炸海鮮，同埋飲品。冇幾耐有個侍應就攞咗碟餐前麵包盤比我哋，嘢食都陸陸續續送到，花雕雞燉飯完全食唔到有花雕味，雞肉得四小舊😆千層麵做得薄薄的，分量也很少，酥炸海鮮同西班牙青口味道不錯，我哋仲用啲汁點麵包🥯於是問問侍應可唔可以refill 麵包，嗰位男仔話唔可以,比錢order都不可以！跟住頭也不回咁走咗去！我哋就覺得竟然有生意都唔做，於是就去問下另外一位女侍應，答案係當然可以，我哋就叫咗兩個order😅坐到8:45左右，有個喺reception走過來嘅女waitress 突然間比張單我哋話夠鐘，要先埋單，但係我哋從來都唔知道原來有時限，問呢位女侍應就話一直都有，限時係1小時半。但係我哋訂枱嘅時候根本冇資訊有講到係只可以用餐1.5小時。加上餐廳仲有空位，門口並沒有客人等位，我哋無奈地唯有埋單跟住就走人！食物不錯，價錢屬於中上，服務絕對有好大嘅進步空間！…Read More

揸車去海濱長廊，已經留意呢間餐廳，想試好耐，適逢我生日老公book咗枱帶埋小朋友為我慶祝，今日預定outdoor可惜天公不作美，紅雨警告⚠️餐廳全日都冇reconfirm booking，咁我唯有自行打電話去問下落雨戶外用餐區開唔開，答案係：係天橋底，點解會唔開😅去到雖然好大雨，但係戶外區真係唔受太大影響，坐底叫咗兩杯啤酒同兩杯飲品坐下先，打開Menu價錢屬於中上， set Menu只得一款，別無他選！飲咗一陣嘢我哋決定開始叫嘢食，叫咗啲頭盤送下飲品，燒青椒唔錯。魷魚沙律一般，再叫咗一個意大利粉一個牛油蜆肉意粉，和一個main course 豬梅頭。侍應拎碟蜆肉意粉放上枱嘅時候，我一家都打個突😲細碟到連小朋友都冇可能夠食，嗰啲意粉相信kid menu都比佢大份，到個蝦意大利飯，嗰三隻蝦都算ok,但係都係得少量意大利飯,意粉138 ，意大利飯198 ，呢個價錢得呢個份量，我覺得超級貴！呢個價錢絶對媲美高級餐廳，但係值得讚餐廳係Pet friendly嘅，仲送咗啲小食俾我隻小狗🐶下次如果會嚟只係飲嘢坐下，晚餐應該唔會再有機會！…Read More

見到狗狗谷友介紹就一於週日揸車帶埋🐶狗狗去試下。由於我哋三位，餐廳只可以二人一枱，餐廳內只剩下一張枱，侍應姐姐好好人先安排我哋兩個入內坐住等，坐左一陣隔離枱就埋單❣️見到好幾枱都有帶埋狗狗嚟，望下餐牌好多飲品選擇，大部份都係咖啡或茶，但只有三款食物，就叫晒三款試吓。嚟到擺盤好靚呀😍味道都唔錯😃重點係個個侍應姐姐都好好禮貌👍🏻狗狗又可以坐室內嘆住冷氣。非常dog friendly 下次一定會再去❤️…Read More

想帶狗狗去晚餐，上開飯揾到呢間評分唔錯，一於揸車去試下，打電話去訂定露天位置。去到，枱冇預留比我哋，不過好在有位，最先係一位幾有禮貌嘅男侍應招呼我哋，睇睇餐牌，價錢中上。三大兩小，就叫左五樣食物，其中Pizza味道唔錯，豬手都可以，皮脆但肉質比較咸，公司沙律全部都用來伴碟嘅菜加幾片鴨胸，收$108😱。個西班牙炒飯，完全食唔到係西班牙炒飯嘅味道！之後轉了個女人侍應，枱面冇哂水冇人refill，碟亦冇人收，叫嗰位女侍應幫忙加水，佢竟然話叫我哋自己攞隻杯埋畀佢如果要的話，佢唔夠手長逐個逐個refill🙄，又可以自己行去水吧位置有水可以自己refill，我以為自己去咗快餐店🙄埋單成千蚊，快餐店嘅服務，食物好一般嘅質素，我唔會再去…Read More

話說尋日食飽飯想食甜品，就揸車落去，去到見到門口已有人等緊，去拎張飛，有個肥肥地嘅女仕提示我哋前邊有六個，同四個等緊，先會俾咗六位先，輪住排！所以可以能要等好耐，如果可以嘅話留電話，我哋決定企喺門口等！前面兩張枱已經入坐，滿心歡喜好快到我哋！點知有兩位女仔拎飛，見肥肥地嗰個女人同佢竊竊細言，有人埋單，個肥女仕就叫咗嗰兩位女仔入座， 就同我地講下張有人走先至拍張枱俾我哋，即刻好嬲，下一張？明明係我地先，明明你口口聲聲話輪住排，之前話一定係比咗第一個六位客人先，點解到我地又唔係咁？ ？ ？如果一直都係二人枱埋單，咁我地咪永遠都唔洗旨意有位？咁做生意，一定冇下次！…Read More

打算同屋企人食中秋節飯，見佢搬咗九龍城商場泊車方便，就決定呢間。訂左第二輪8:15 ，七點幾去到已經有位可以入座，一家大細12人，一坐低就即刻睇下個餐牌，叫咗招牌乳豬，城寨風味雞，啫啫芥蘭，金沙蝦球，班腩，老人家想食焗魚腸⋯等等，唔夠五分鐘一位侍應就通知城寨風味雞賣哂，我地就話轉燒鵝，雞燒鵝燒鴨都冇！最後轉左乳鴿，過咗一陣侍應又走過來通知芥蘭冇，魚腸都冇。心裡已經不快，竟然星期日晚市，大部份野都冇，點做生意？仲要臨近中秋，好多人都出街做節！！見到隔離枱嘅遭遇同我地一樣，但係俾我哋更慘嘅係因為佢被一名着恤衫嘅肥男仕相信係經理或者老細冇禮貌式的招呼，聽到個客人同呢位恤衫啦講呢樣野我哋冇叫，嗰位恤衫嘅男人就同客人講你叫果樣冇呢樣，你要唔要，唔要就冇！心裏打個突，呢家個經濟環境咁樣做生意都有？？？我哋嗱嗱聲食飽埋單走人，價錢中上，碟頭細件！埋單2千幾仲要受氣，冇下次！…Read More

同朋友聚舊,想去九龍城食所以上openice睇下,千揀萬揀book咗7點,去到問火鍋定鐵板.商量後決定鐵板,坐低已經覺得煙霧迷漫.即刻睇下張紙有咩食,大約得20款.有個男士走嚟話唔需要寫份量因為會睇人數比份量.都理所當然,唔好浪費嘛!D食物嚟到食物碎拾拾味道麻麻.叫第2round已經冇選擇只叫了3,4款.不過嚟到我地3個人真係得3舊肉,3片菜.唉..算啦.吹下水算...吹吹下諗住叫多罐啤酒(雖然係任食任飲我地食咗1個鐘已經停手,每人都只係飲咗2罐飲品)叫個應該係侍應的男士(註:個個侍應都冇著制服,好似好冇制度.成年前去過都唔係咁...唔知係咪轉咗手)佢就話:你地夠鐘啦!跟住就有另一個男士B嚟叫我地埋單!我問佢可唔可以要多一罐啤酒,佢就答我唔可以啦,夠鐘就入唔到機!!!!!算,再講都冇意思.繼續同D朋友傾計,唔夠十分鐘男士B又埋嚟竟然將我地D木筷子好大力倒落個烤爐度.咩事呀??????我地望住佢佢就走咗,再過大約十分鐘男士B又嚟..今次係將我地個烤爐塊鐵板夾走!!!我諗我地都係時間走..:(…Read More