manwoman's Profile

家人因為看電視節目介紹，所以想一試。預先訂位，獲安排坐房，可以舒服慢慢吃。我們主要點一個椰子雞煲, 雞肉先炒香 再加椰青水 雞湯 , 味道濃郁。還點了牛肉 鮑魚 丸子 松露餃子等等.....食材全部都好新鮮 好企理 一讚😍個人最喜歡炸魚皮 ， 切成四四方方 ，有別一般常吃到的。除了食物質素，最重要想讚一位短髮服務員十分友善和體貼，臨走時 ，因為媽媽鬆了鞋帶，她自動蹲下幫手綁好。（想喊🥲）現在人人北上消費， 因性價比高 ，我明白，但我認為只有香港 才吃到本土人情味，內地沒有的。…Read More

周末經常同屋企人去荃灣搵食，二坡坊，三坡坊都去過好多間😃，今次揀呢間，見佢都有唔少好評，5個人食咗肥鵝腸，豉椒花甲 ，滑雞煲，咸豬手，整體味道不錯，夠鑊氣👍👍唯獨是熟客多，幾張枱都有人🚬影響咗食欲🙈。希望老闆同食客 可以控制同自律，咁大家都食得開心啲。…Read More

葵芳邨入面開咗間靚靚文青cafe，真係好開心。第一次去，因為平日，3點左右，人唔多，入去先坐窗口bar枱位，後來低座有位，侍應都肯幫我轉位。點了天使麵及焦糖咖啡，賣相同味道ok.第二次去，都係平日，2點幾，需要等兩張枱。不過，最大問題，係安排唔太好，雖然已登記，等了15分鐘，明明見到陸續有人埋單走，但都無安排前面嘅人入去，結果等咗40分鐘，一次過先安排3張枱客人入去，唔明白點解有咁嘅安排🤔。部分侍應係ok,但有一位態度麻麻，好似成日睇唔到客人需要，如果招呼可以畀多啲熱誠就更好。…Read More

5，6年前喺附近上堂，所以經常嚟醫肚。呢幾年疫情極少出街甚至過海，因為去會展睇展覽又順道嚟懷緬下。一入門口，有位哥仔好有禮貌招呼，又介紹食品，已經好加分，因為香港小店有時啲服務態度真係😅，大家明啦。之後點咗填店牛沙瓜河，腩汁蘿蔔，依然好味，湯頭無味精。因為食下午茶送支裝汽水，感覺好正，食完走嗰陣，忘記去會展方向，另一位叔叔店員又好熱誠問想去邊，令人覺得好warm,因為近幾年嗰香港，真係好難過，難得嘅人情味，會再多啲去幫襯。…Read More

因為葵興地鐵站呢頭無乜好食，呢間都算係平靚正之算，尤其係星期日，好多食肆都唔開。雖然次次都係外賣，試過幾款意粉同pizza,整體味道唔錯，推介雞翼同蒜蓉包，即使拎到番屋企食，都無乜走樣，仲係好味嘅。係啲服務員cool咗少少，如果畀多少少熱誠就好。…Read More

有時候去食肆， 食物質素固然重要， 但服務態度其實好影響日後會否再次光顧。因為幫襯過太子同葵涌區小肥牛，覺得食物好態度好， 之後有張贈券送刺身， 咁啱去開大埔就用埋佢， book咗位後， 早左20分鐘去到， 門口個阿姐(疑似經理級)話未夠鐘無枱喎 ， 當時其實有好多空枱， 但佢無叫我不如坐一陣先， 有枱先轉。既然佢臉黑黑亦無謂不識趣， 惟有出外走個轉， 到夠鐘先返去。(如果係大埔友都知， 嗰度除左食肆無嘢好行)終於夠鐘返去，門口換左個男(應該都係經理級)， 佢話原先book張枱未走， 介唔介意坐門口嗰張? 我話無問題， 就坐下， 之後其他員工都有禮招呼， 點知到點菜又輪到嗰位黑面姐黎招呼， 態度唔友善又話你地用贈券叫其他嘢就正價啦吓， 我話明白明白， 諗住叫啤酒， 佢又話你地叫12蚊3支特價啤酒， 飲唔晒唔俾拎走架， 我話明白明白， 其實我地3個人， 飲3支啤酒，點解咁擔心我地飲唔晒? 之後佢就入咗去招呼其他人， 但我見佢只係同啲食客傾計 ， 其他人就出出入入較為忙碌。。。。論呢間食物質素，坦白比起葵涌同太子就差啲啲， 但唔緊要， 服務就真係。。。。， 其實其他員工都好好， 好正常， 有位好似叫「fung」的阿姐亦好熱誠， 但就係因為一個人影響左其他人既努力， 好可惜， 唔怪得隔離八妹咁旺場， 呢間周五晚都只得6成客。。。。唉～原來係咁.......…Read More