yfnovem's Profile

今日天氣凍唔想煮飯，同老公去元朗食晚餐。本身老公想食壽司，經過見到呢間酒樓做緊$1雞同$13.8乳鴿優惠，就心思思想試下。其實對於$1雞優惠又愛又恨，因為之前係連鎖酒樓食過類似既$1雞煲，難食到喊，仲比成班fd話做乜要食啲咁難食既嘢，所以今次都唔抱咁大期望。坐低叫左香片(好飲喎)，之後叫左個晚餐孖寶(龍躉同冰梅骨)，叫左$1雞同蟹肉魚肚羹。先上左$1雞，雞肉唔鞋口，雖然雞味唔算好重，但都食到沙薑味，$1質素唔錯喎！之後上左魚肚羹，不過不失，樓面姐姐仲幫手不左碗比我地，服務幾好～最後上晚餐孖寶，條魚蒸得啱啱好，好滑，老公食灑成條魚，最後仲打包左隻雞髀同排骨，食到好飽！最後想講呢到服務態度好好，樓面有個男仔幫我地收左食完既碟，男經理幫我地換骨碟，我唔小心倒灑啲茶落張櫈，經理即刻幫我換櫈同問我有無辣親！服務態度真係好好喎！最後想埋單叫我地食埋糖水先走！下次會再推介比朋友同埋屋企人過黎食～…Read More

見到稻香出$1雞煲/ 海鮮煲，因為細個食過第一次出一蚊雞個時唔差，又勾起兒時情懷，諗住約埋班fd出黎雅蘭試試佢啦！咁呢個$1優惠係20:30後先有既，我地已經早左半個鐘去到等，一開始個知客態度已經差，問佢使唔使拎飛，黑住面話唔使拎籌，到21:00直接入就得，點知過左陣靜雞雞放個牌出黎要排隊，好彩有睇到個牌，個知客完全無通知其他客人要排隊拎籌入到去原來要自己掃QR code，但佢個code掛左係自助茶車側邊，另一個女傳菜係咁催我地快啲叫煲(語氣係好差)，我地5個人叫兩個金錢肚炆雞煲，再叫左啲火鍋料，兩個煲黎到個陣，得一邊有爐，個男經理過黎開爐，但因為個爐既LED好弱，又無聲，朋友禁多幾下開關，個男經理走埋黎大聲喝我地唔好亂禁，與此同時佢自己又好多手咁禁多幾次，大大聲話：嗱！個爐咪著架囉！咁因為另一個煲無爐關係，我地又問一次個女傳菜有無多個爐比我地翻熱，佢話好大聲話無架啦！得一個!(語氣差到以為我地食霸王餐定得罪左佢全家）本住$1雞煲既心態，對佢已經無乜期望，雞好大陣雪雞味，枝竹無味，亦見唔到任何一舊金錢肚出現，另一枱食客問男經理：金錢肚呢？ 男經理回佢地一句：無金錢肚架喎！ 好嘢，你放一舊金錢肚落去，食客都無得投訴你違反商品條例，宜家理直氣壯話冇金錢肚，仲話$1雞煲乍！(你想點）咁我地都叫左火鍋料，除左墨魚滑口感奇怪(唔知係咪材料唔新鮮），魚皮餃可以用劣食黎形容之外，其他火鍋料都可以放得入口既。最後5個人埋單$680.5，茶介每人$15，服務費都好意思收。你可能話，$1個雞煲，你仲想點呀？快餐店都有個免費笑容呀，職員如此優質服務，想比人鬧我不如過多幾個站去好出名個間茶記體驗好過，起碼唔係比錢買難受。結論：啲職員服務態度差到唔知點解仲可以掛住優質服務個章…Read More

成日返工都係食快餐同頹飯，大埔既朋友有日介紹我去試下先，所以今日就同同事去試下呢間車仔麵啦～我地中午時間去食，雖然入面都已經坐左好多人，但等左大約2-3分鐘就有位，入面係自己填紙仔圈住想食咩，Menu既餸仲用左好多香港地道既用語黎設計菜名，有**個啲係店鋪推介既，我呢個雞翼控必食一定係瑞士雞翼同試下個辣味魷魚，再要多個生菜，要左個中小辣嘗鮮本身我係檸檬茶狂，但嘢飲追加個價有啲貴，所以就叫左杯豆漿算啦。同事就叫左檸茶，雖然成杯滿既但係啲冰都多到篤唔到，下次一定要少冰，檸檬都有3-4片，但杯裝份量算少，同埋啲冰多到啜幾啖就卡住灑，一定要少冰！個麵到左，瑞士雞翼有兩隻，真係醃得好入味，瑞士汁唔會太甜，魷魚咬落好爽脆，無個浸簡水味，生菜都好多，我點左中小辣，但食落唔算好辣，仲飲到湯頭既味，個張枱仲有辣菜莆同酸蘿蔔免費任加，真係食到好滿足！…Read More