我地中午時間去食，雖然入面都已經坐左好多人，但等左大約2-3分鐘就有位，入面係自己填紙仔圈住想食咩，Menu既餸仲用左好多香港地道既用語黎設計菜名，有**個啲係店鋪推介既，我呢個雞翼控必食一定係瑞士雞翼同試下個辣味魷魚，再要多個生菜，要左個中小辣嘗鮮
本身我係檸檬茶狂，但嘢飲追加個價有啲貴，所以就叫左杯豆漿算啦。同事就叫左檸茶，雖然成杯滿既但係啲冰都多到篤唔到，下次一定要少冰，檸檬都有3-4片，但杯裝份量算少，同埋啲冰多到啜幾啖就卡住灑，一定要少冰！
個麵到左，瑞士雞翼有兩隻，真係醃得好入味，瑞士汁唔會太甜，魷魚咬落好爽脆，無個浸簡水味，生菜都好多，我點左中小辣，但食落唔算好辣，仲飲到湯頭既味，個張枱仲有辣菜莆同酸蘿蔔免費任加，真係食到好滿足！
1
1
