watersunbottle's Profile

見伊呂波近排響Openrice咁紅，終於忍唔住同個 Lf 去試吓入到去個環境已經好正，一睇就知係高檔日本餐廳o既格局 :) 我地冇訂枱所以坐唔到d特色位:(叫左兩個Set，分別是「上牛排肉定食」及「上等胸外膜定食」。小弟之前成日強調「牛肉平價冇好」，今次雖然唔平但係都唔係特別好食:( 勉強OK啦~以經去日本聽D師傅講，燒牛肉厚切唔好郁來郁去。即燒完一邊再燒第二邊。今日自己落手終於可以「力行」~初時當D牛係貴價貪咁炮製，故將肉條狀ge上牛排肉燒至半生熟，入口雖然牛味香濃，但有D韌。跟住唯有改變食法，燒熟至Well Done~ 肉味不失之餘，口感更佳:) 由於「胸外膜」係薄切，一燒即熟，故水準比較正路。 其他跟ge野都幾「骨止」吓，OK啦~ Overall, 依度都有番咁上下ge。 不過以此索價，食材質素似乎未符合預期啦~ …Read More

有朋自遠方來，在下與之入長洲食海鮮，順遊。 飯畢，店鋪多已打佯。乃漫步於小灘堤上、賞星雲、聽浪濤聲，談心永夜，已夠遊侶無枉此行。甫出碼頭，橫步過北社海傍路，海鮮食肆已不勝數。聊看餐牌，各店之菜式、索價均相若。食肆本店海鮮以廉價海鮮居多，五菜套餐僅索價$168。我嫌菜薄，乃到附近海鮮，購來本地龍蝦一隻，略盡地主之誼。套餐取材普通、然貨真價實，絕不損量就價。芸芸眾鮮，以當自攜龍蝦為最。我選蒜蓉蒸，是為保原味原味也。蝦身不大，然肉鮮嫩彈牙; 蒜香淡淡，正好配襯。套餐中，椒鹽鮮魷、薑蔥斑塊，份量甚多，且選料新鮮，亦孚所望。至於其他，普普通通。友人朵頤已快，所幸瑕不掩瑜。我觀長洲海鮮，是味遜西貢、鯉魚門者。然以此索價，足飽餐海鮮一頓，又享漁港風情及遊覽之趣，其意義實逾飯局自身內容也。…Read More

沉日Lunch在九龍灣覓食。自以為九龍淨係得Megabox 同德福有好野食，原來國際交易中心依頭新開左幾間有特色嘅餐廳第一次幫襯Bistro Bistro，試左佢地個Set Lunch「紅酒繪牛柳」，配薯菜同南瓜湯。我一見到份餐，就確得佢個賣想好吸引。比起同樣target 白領嘅Carteen快餐可謂有過之而無不及。再者，Bistro Bistro 專做西餐，感覺比較pro了!主菜: 牛肉應該是腩位，燴得一都唔韌。所以縱使堆頭十足，我都一樣「實食冇痴牙」。薯條大大條，令人想佢嘅「洋名」– French Fire。外國嘅就係咁款。因為炸面較少，仲冇噤熱氣tim 餐湯: 依碗南瓜湯又係水準之作:) 南瓜夠蓉使其入口有質感，而且飲唔到有味精。正!醬料: 可以自製「混醬」，與炸物正是絕配。除左茄汁、美式熱狗醬、千島沙律醬，仲有款叫「法汁」嘅 味道唔錯，大家不妨試吓丫總結，Bistro Bistro 食物有酒店西餐水準，但係就以快餐店嘅模式經營。加上索價合理、環境OK，係白領ge開飯之選!…Read More

今日上深圳出差，舟車停頓，所以打算搵間好ge「犒賞」吓自己依間「大阪」個格局真係好正，無論裝潢、陳設同都拍得住香港ge高級日式餐廳。經理不是日本人，但服務亦算殷勤。雖然今日食左「刺身定食」有少少失望，不過亦算ＯＫ。以下有兩個少少建議，希望餐廳可以改進吓：　1. 　個「定食」份量太少。縱使相中碟數繁多（仲有後上西瓜冇影），但係唔足以滿足一個正常男仔ge食量law:(2. 食物味道還可以。但係同個格局比，一般質素係唔夠ge。仲有，刺身一定要完全解凍先好上枱。解唔切可以同個客講番，叫佢食過第二樣。總結，依間野如果可以提升吓食物質素（收貴d亦無妨，反正流high-end），咁就有笑臉了。…Read More

好耐冇寫食評，今次趁老媽子餐生日飯整番篇。 先講吓環境同服務。可能係因為地處工業區，依間陶源既裝潢都同一般酒家差唔多，星期日晚半滿左右。服務方面，殷勤有餘但過份「hardsale」。好似佢地當晚左摘煮蘇眉，唔同既人sale 左成四五次，加埋sale月餅同較貴既套餐，全晚一共有成10次「推介」之多 我地叫左個四人餐加一個餸: 宗谷淮杞燉響螺(餐+100) ------ 因餐湯賣晒，加左一舊水轉響螺湯。初時覺得有d貴，好左貨真價實，響螺夠呎料夠鮮甜，湯水仲係六人份量添。黑松露炒元貝螺片(餐) ------ 黑松露雖有香味，但同其他材料唔多夾味。元貝同螺片都冇咩味，炒功雖然還可以，但整體一般般~清蒸沙巴蘇鼠斑(餐) ------ 喜出望多之作! 蘇鼠斑本來就唔係度度有得食，肉質鮮嫩，比起老虎斑絕對有過之而冇不及。依條估計有斤四兩，好食夾大件!脆皮農家雞半隻(餐) ------ 水準之作。雖說同一般炸子雞冇分別，但炸功火喉一泡，既能留住肉汁又做到脆皮效果。咸味適中，食唔晒建議打包濃湯粒粒田園蔬(餐) ------ 擺明係「陪襯品」:(冇料到之餘又冇特色。「粒粒」係南瓜同芋頭之餘，菜係莧菜，仲要用清湯煮，除了冇味，還是冇味家常蝦球遼參煲(散) ------ 個味基本上係唔錯既。但係材料太少，成煲得果少少野食，索價過百蚊，太貴了:(Overall黎講，依間陶源既廚師係有大酒家功架既:) 事實上，我地亦冇叫到d貴野，所以好難評價係未物有所值。集團係中餐館之都算係高檔，我地叫左個「抵食海鮮餐」加一個餸要成二三百per person亦在情理之中。 但係以食材既級數，索價就偏貴啦~…Read More

中大大就係人都知，所以佢ge全部Canteen(有d連Openrice 都冇)相信十個有九個「中大人」都答唔出! 美國三文治公司，別稱「李慧珍」，就係其中最「[隱閉」ge一間啦! 有人話飲紅酒好飲一成貴一倍，但響中大食野就啱啱相反 Overall 小弟覺得「李慧珍」ge食物係與眾不同ge。佢地每日都有兩三款Special Menu 可選，小弟試過三款，覺得燒鴨胸飯 有西餐廳水準:) 而且鴨胸係原件上ge，甚有鋸扒feel添見到Menu有佢就千祈唔好走雞啦 $30連飲品，係比其他Canteen貴幾蚊，不過真係好食好多Law! P.S. 各位師弟師妹，第次d外U人問你中大有咩好試，唔準答「冇」/「頹飯」嫁! …Read More

上星期一田購物日去左行，嘩！多人到丫　行到咁上下肚仔餓於是就地解決。Food court 中都有好多選擇，今次試左主打飯／麵同日式魚餅ge　紀文。　日式叉燒飯 --------- 依叉燒一般都係跟湯麵食，就咁食未試過。依度ｇｅ叉燒較一般ｇｅ肥美，ｄ肉筋位爽爽ｏ地，甚有豬肉味，正呀:)　而且份量唔少，鍾意食ｇｅ朋友就一定唔可以錯過啦！　墨魚餅，大大件才$10/$12，唔貴。但係味道就普通左ｄ啦，又冇咩「料」。中規中矩啦，2-3個人share 一件就好啦，自己叫就多得滯。…Read More

前排響銅鑼灣上training，lunch覓食時行過一間門面好靚ge印尼餐廳。 原來以為一定好貴，但睇過menu之後發覺價錢都好ok吓~ 雖然幾乎對印尼菜一無所知，都忍唔住同同事入去試吓。店內環境高雅，一片巴里風情。燈光暗暗的甚有情調，而座位更有舒適ge沙發座。我好少比環境 (5分)嫁，不過依間真係當之無愧:) 頭盤湯 ---------- 可選印尼沙津或湯。小弟揀左湯，係一般餐湯行貨野，失策也。相反，聽同事講番d沙律個汁係用花生醬做的，辣辣地，好有特色 你o地識揀啦! 主菜:印尼炒飯---------- 依味野聽就聽得多啦，食正宗ｇｅ印尼餐就未食過。印尼野常配蝦片係意料中事，不過兩串串燒同煎蛋就係驚喜　個飯again係特式野，炒得濕濕o地ge，應該落左ｄ椰奶，對香港人o黎講好有新意呀:)飲品:印尼咖啡 ---------- 同一般咖啡係唔同ｇｅ。不過飲咖啡小弟就冇咩見解啦！不妨一試　 P.S. 小弟寫依篇野果陣，仲回味緊１９６８個feel 呢　一定有下次！…Read More

下午同個 LF 響尖咀行完街請食飯，所以揀左價錢公道，水準又有保證ge和民。Overall 依間都有水準ge，不過相比起新城市店或始創店就明顯差d啦:( 由於質素差過其他但價錢一樣，唔算抵食啦:(Openrice 個評分果然有參考價值 唔逐樣詳評lu~ P.S. 帶子刺身唔係上等貨色，鮮味欠奉，而且一客只係一隻，even有東亞卡優惠都食唔過:(…Read More

依間係繼中環店之後，我試既第二間Misocool。 集團店面裝橫一致，俾到客人一種新派日式西餐廳ge feel，難怪能夠迅速進駐各寫字樓區，唔少班一族都係其忠實fans。 今次唔係好肚餓，冇叫set~ 紅酒極上牛肋飯 ---------- 名符其實，用料確係上品! :) 牛肉味濃郁，又唔韌口，完原發揮到「牛肋」ge優點。紅酒同紅肉本來就係絕配，但係用o黎做汁仍然有新意。酒香淡淡，特別得o黎又唔會「喧賓奪主」。 配菜較多，亦非常淋甜，應該係用壓力煲煮ge。 「食牛肉平價冇好」。雖然碟飯淨係得四舊仔「牛肋」都要六十蚊，但以Misocool ge 環境同食物素質，物有所值! …Read More

今日同班冇見一班ge同事響太古坊唔知依咩好，遊吓遊吓就遊左o黎「誠壽司」。小弟lunch鍾意食日本野，所以響各區都食過唔少。 依間野絕對唔係難食，之不過有比較就確係遜色左d:( 套番讀大學business class果時成日聽果句:「stuck in the middle」，就係依間野ge情況啦~ 主菜:鰻魚飯 ---------- 整體係可以ge~ 不過d醬味就咸左d，蓋過鰻魚味啦。又鰻魚份量少:(，本來我都好讚成「貴精不貴多」ge，可惜材料只係普通野，用濃醬係補唔番ge~ 飯係典型珍珠米熟成ge，一粒粒有召頭，好唔好食就睇口味啦 跟餐食物、面豉湯 ---------- 中規中矩啦~ 餐飲: 芒果紅茶 ---------- 熱飲以芒果味入茶，有新意，值得一讚:)! P.S. 明碼實價，冇加一，「誠」也~ 總結，如果唔想食成個set lunch，又想食日本野ge話，依個價錢食到附近Misocool ge 主菜嫁啦~ 建議餐廳ge老闆搞多d新意思，唔好走平凡路線啦~ …Read More

星期日行街街之前同個 guy friend 去漢和涮餐勁ge。 二年冇o黎啦，但依舊抵食，兼食物質素過得去。 不枉我o地專程o黎捧場! :) 由於冇咩人，座得好闊落吓都係果句，一分$一分貨，依度野就冇可能係上等嫁啦，不過食完都冇事而味道又ok都算係咁! 唔只食咁少，但淨講比較好食ge，排名分先後: 多春魚 ---------- 我食左成10條8條 墨魚仔 ---------- 食極都唔厭! k 左 10 X 隻 薄切豬肉片 ---------- 冇淹料，記住要揀肥瘦肉相間ge~ 魚柳 ---------- 云云濃味中ge「清淡」但一d 都唔斎，宜先食。 醬汁雞扒 ---------- 出面食果d 「照燒雞扒」咁味，不過人地一份都charge 你幾十蚊咁解 醬汁薄牛扒 --------- 好食過切片ge肥牛。又係同日本餐廳果d「薄燒牛肉」差唔多。唔好食ge有: 炒飯 卷物 豬耳等涼菜 火腿 --------- 勁咸 三文魚骨腩 --------- 凍冰冰ge:( 豆醬 (唔建議飲因怕傷腸胃) 雪糕 (同上)Overall, 依度ge熟食係唔掂ge，除左少訐甜品、生果之外唔建議試。我地由二點食到四點半，燒左勁多野食，相信我己去街市買都未係依個價law! …Read More

果日同班同事OT練表演，成9點先到 mk 開飯 一出地鐵站就比人sell，上左去依間樓上店。 大家都冇咩好主意未聽天由命law~ 松板牛柳粒元貝 ---------- 用料係「中國牛」，肉質鞋口、牛肉味亦一般，又應驗左「食牛平價冇好」依句小弟ge金句。元貝又係行貸，冇咩味。Overall，碟o野偏咸，個廚師就咁將d野加調味料炒埋就算，因索價不高，勉勉強強啦~ 海南雞 ---------- 送ge。 雖然得6舊，但係貴精不貴多，有水準:) 三色串燒 ---------- 特價叫的。 燒功恰到好處，肉料亦鬆軟多汁，值得一試總結，依間野各方面都好「正路」吓。 如果想食西餐，又唔想有驚喜/失望，或頹食/破費ge話，可以考慮食依間咩都「中規中矩」ge。P.S. 個set 連埋餐包、湯、飲品。 食滿每$100 有 $10 coupon 下次洗。 …Read More

星期一同事打完波，一行四人去又一城試吓我個friend 推介ge意大利菜。 小弟其實唔係咁識食意大利野，不過見依餐都食得幾開心:) 所以寫上o黎留個紀念。我地見個family set 幾抵食(2大人2細路)，但驚唔夠飽，所以再加左個意粉tim。 點知食唔晒 side晒! Baked Dough Balls ---------- 特色ge 頭盤~ 不過d 麵包球本身冇味，而三款醬味都比較淡口。 下次都係叫番Garlic Bread 穩陣~ Nostrana ---------- 上錯野! 我地叫ge係 Grand Chicken Caesar。點菜個女同事一睇就知唔係啦 不過錯有錯著，碟野整得唔錯ge牛油同雞肉好夾，連一向麻麻地鍾意食沙律ge我都覺得ok ! Parma ---------- 我叫ge~ 味道同想像中一樣咁正 依種火腿咸肉味濃烈(有d似金華火腿)，有來夾麵包 / 餅乾，或者食少少凍肉頭盤效果都唔錯，而家加落pizza度都一樣掂! 份量亦足，4-6個人食就fit 啦~ Spaghetti alla Carbonara ---------- 雖然食左條pizza先試佢，但碟意粉依然係好食到停唔到口 忌廉汁混有香科同煙肉，味咸香。d 意粉係幼身ge，烹熟時間恰到好處，軟硬適中。 Lasagne Pasticciate ---------- 比較遜色ge一道。雖然千層面製法較為複習，但味一般。千層麵本身冇味，而茄醬味淡，肉碎又唔夠香同口感。 Chocolate Fudge Cake ---------- 雪糕同cake本身係夾ge，不過朱古力就確係甜左d。其實仲有d cheese cake 雪糕 tim ge，味道唔錯，但就cake而言，始終難以同大酒店比媲。跟餐食冇所謂，但散叫就唔建議啦~ Tomato juice --------- Standard 野，不過加冰太多淡晒啦:(。 建議改用「冰鎮」或雪凍，同加多1/4一舊青檸仔就正啦總結，以百幾蚊一位ge消費，依度都算值啦! 而且氣氛唔錯，又有藍色燭光，同吓男/女朋友談心都ok geP.S. 有個女同事想話叫杯"off-menu" ge熱檸蜜。雖然吧冇整，但個waiter好好咁攞杯熱檸水加多盒honey 上比佢，仲係當餐飲計tim~ 如果唔係之前上錯沙律，service 一定比滿分! …Read More

出糧請食飯。因為我o地家族鍾意食自助餐，所以聽佢地話去左依間。 去「日航」食，唔多唔少都有d 「和食」ge expectation。老實講依餐ge野食就冇咩日本feel la，有d失望:( ~ 不過話晒係尖東食buffet lunch，依度ge索價同食物素質都算合理。之前ge食評都講過，食放題/任食最緊要係食得「有層次」。見到咩想食就攞盞食緊咩都唔知。以下之序係小弟ge小小心得: 湯品 ---------- 中西湯均有，但切記試飲一款(半碗)好啦。一舨西湯都離唔開忌廉湯ge變化體，比較穩陣。小弟都揀左西湯，唔錯ge 海鮮(冷)及冷盤 ---------- 簡簡單單，款式唔多但各類俱有。水準standard，只是其中「燒牛肉」比較出色。 刺身 ---------- 雖只有三款但選料新鮮、上乘。三文魚尤佳。如果唔係魚生fans，每款一兩片就夠了。Btw, 只有魚生飯冇壽司食令人失望 海鮮(熱) ---------- 做得最好ge一味係焗蠔。良庖「因材施製」，新鮮ge生蠔梗係「生食」啦，所以依度ge「焗蠔」選料較次亦在情理之中。焗得啱啱好，醬汁亦能帶出蠔味，必食之選:) 肉類熱葷 ---------- 好多buffet都有Sunday roast 式 ge 牛扒、豬柳、火雞等烤肉供應，但依度「冇扒切」:( 雖然「鐵板燒」由風趣印度廚師主理，加番唔少分，但係可以燒ge 野就比較「下價」啦:( 其他熱葷亦較同價buffet 遜式，無疑係最弱ge一環。 關東煮 ---------- 算係特色野啦 關東熟比較清淡，最好係食完濃味ge熱葷之後食佢兼飲少少湯清清口腔雜味。依度ge 「蝦餅」ok ge，夾多件白蘿蔔同兩片牛展就夠啦~ 泡飯 ---------- 選料自由配搭，小弟揀左元具、蝦仁、雲吞等，不過不失啦~ 兩個人share一鍋就夠晒啦~ 甜味 ---------- 款式及賣相均比較遜式。 小弟只試左半件cheese cake，味道還可以。 生果及餐茶 ---------- Standard 水準。總括來講，依度唔係冇野食，烹調方法亦可以ge，但係食材方面就普通左d啦。 如果唔係位處尖東酒店區，唔值依個價(就算東亞卡有75折)law~ 相信有排都唔會去，建議Café Serena集中火力，搞好d有日本等特色ge菜系好過啦! 期待進步 …Read More