印尼餐廳1968 (Closed)

前排響銅鑼灣上training，lunch覓食時行過一間門面好靚ge印尼餐廳。 原來以為一定好貴，但睇過menu之後發覺價錢都好ok吓~ 雖然幾乎對印尼菜一無所知，都忍唔住同同事入去試吓。店內環境高雅，一片巴里風情。燈光暗暗的甚有情調，而座位更有舒適ge沙發座。我好少比環境 (5分)嫁，不過依間真係當之無愧 頭盤湯 ---------- 可選印尼沙津或湯。小弟揀左湯，係一般餐湯行貨野，失策也。相反，聽同事講番d沙律個汁係用花生醬做的，辣辣地，好有特色 你o地識揀啦! 主菜:印尼炒飯---------- 依味野聽就聽得多啦，食正宗ｇｅ印尼餐就未食過。印尼野常配蝦片係意料中事，不過兩串串燒同煎蛋就係驚喜　個飯again係特式野，炒得濕濕o地ge，應該落左ｄ椰奶，對香港人o黎講好有新意呀飲品:印尼咖啡 ---------- 同一般咖啡係唔同ｇｅ。不過飲咖啡小弟就冇咩見解啦！不妨一試　 P.S. 小弟寫依篇野果陣，仲回味緊１９６８個feel 呢　一定有下次！