LeungChris4517's Profile

甚少寫食評，不過今次係忍唔住想寫，睇到有食評話一入間店有陣味，哈～～～呢陣係金華火腿咸香味，對鍾意金華嘅食客…係寶，唔鍾意嘅…係臭🤣雞湯翅配上金華，係絶配，感覺等如奶茶配蛋撻。入店後叫咗最簡單砂鍋花膠雞湯翅+豆槳，好快上菜，先試雞湯（因為有人話淡而無味），梗係無乜味啦，間舖寫明少鹽少糖🤣想釣返起啲味，自己加返少少鹽（少少好喇大佬），成個感覺完全唔同，有花膠，有翅，有雞，有金華，當然係唔會多啦，但94蚊仲想點？雞確實係「鞋」咗啲，不過唔係咬唔開，翅係得啲啲，花膠有兩塊半左右，金華火腿絲數條，食完後感覺好滿足，真心覺得唔錯，下次都會再試其他嘢食👍👍…Read More

香港食店執笠係一定有原因，1837分入座，2000 Last Order，一坐低已經即落第一張單，送嚟嘅嘢係齊，第二轉，1915分落單，等到1938分，有個男侍應走埋嚟叫我哋埋咗單先，我話我1915分落嘅第二張單一樣嘢都未嚟，已經叫我埋單，仲要2000 Last Order ，個男侍應同我講「得得得…啲嘢就到」，點知又等到1945，呢個男侍應又話「幫你追咗」，最後1950食物上枱，但…………錯晒，於是我睇返張Order，小喇叭………係店員响1948自行幫我落，唔怪得錯啦，埋單600百，食咗餐咁嘅飯，完全明白點解呢間嘢做到星期日就執笠，食店做到咁，就唔好怪無生意！…Read More