MarineHung's Profile

入到去都伏伏地，因為無乜人，得幾枱客。點了一客和牛寿喜燒定食和一客刺身御膳，兩樣都有點離譜！全餐最正路都算係前菜，至少正正常常，個茶碗蒸算幾好味添，沙律菜食落都覺得係新鮮嘅。到主菜黎就炒晒車喇刺身真係好過份，每一樣都勁唔新鮮！白身魚無味，另外右邊果款又梅又腥，拖羅色澤已經有問題，而且勁大雪氣，赤貝都唔新鮮但起碼算接受到！壽喜燒都好伏，根本係一個和牛鍋，壽乜鬼嘢喜燒，錯晒囉成件事！肯肯定唔會再幫襯！一個lunch都要$4xx的壽喜燒竟然同普通餐廳幾十蚊的鍋係無分別囉！侍應態度都好差！…Read More

本身都鍾意飲咖啡見到呢度個名就好想幫襯店內裝修感覺幾舒服好闊落，感覺幾Relax同悠閒不過座位唔舒服我地叫咗兩個Lunch Set跟餐可以要湯或者SaladGreen Salad幾好鐘意佢有黃色同橙色車厘茄蘑菇湯一般般啦Main Course – full breakfast tower真係一個Tower所以食物疊高晒但其實我食都係要拆返開由於我唔鐘意食芝士所以好唔鐘意條芝士腸其他食物都ok係個包因為擺响底所以淋左個Sea Bass Spaghetti 味道好濃意粉又唔夠彈魚好咸唔好食餐飲叫左一杯Cappuccino一杯Latte個樣差唔多，哈哈兩杯咖啡算ok既我估係用北海道牛奶所以飲落去好「漏」飲幾啖已經覺得好飽我地加左$10加件Cake件Cake感覺好頹係勁一般既Chocolate CakeOverall comment係應該無下次呢個價錢我覺得大把其他野揀後記:埋單先發現兩杯咖啡分別收咗$20原來係要加錢但個侍應落單完全無講囉！…Read More

呢間雪糕店响Open Rice長期No. 1今日一試… 有d失望…Green Tea Latte個拉花好靚杯Latte好滑同好香北海度牛乳味幾好飲但好「漏」飲到好飽個雪糕我覺得麻麻質感一d都唔似軟雪糕越食越唔想食紅荳蓉反而幾好味幾滑略嫌甜咗d…Read More

呢度係位於中環鬧市區嘅私房菜餐廳採用全開放式設計所有嘅食客都係圍住一個Bar枱中央就係廚房所以可以一邊食野一邊睇住廚師煮野食餐廳只接受訂位無Walk-in我哋自己帶咗支89年Mouton所以冇係餐廳叫酒開瓶費$350同一般私房菜一樣食客都係冇得揀食乜嘢全部都係由廚師安排今晚一共有十道菜第一道菜：Oyster, Snap Pea, Yuzu, Yogurt生蠔係來自南非裏面有個辣辣地嘅醬汁作為第一味開胃菜係個好唔錯嘅選擇但如果辣度減低少少食到生蠔的鮮味會更好有樣嘢要稱讚嘅係廚師知道食客要用手去揸住個蠔殻所以特地俾左用Test Tube裝成既水俾食客倒落個Napkin度造成濕紙巾抹手第二道菜：Tuna, Sea Urchin, Espelette, Rice呢味係餐廳既Signature Dish呢度菜賣相非常之靚碟上左面有粒結左冰既提子提子浸左Chardonnay白酒食落去凍凍地苦苦地幾得意中間有呑拿魚他他伴以新鮮海膽海膽非常之新鮮呢個裏面都係配左小小辣辣地嘅汁連埋碟上邊嘅米通粒一齊咬食落去好有層次好好味最後用右邊既紅毛丹作呢道菜既收尾Very Nice第三道菜:Blue Lobster, Snail, Fennel, Bone Marrow有法國南龍蝦、法國蝸牛同沖繩嘅海葡萄食之前廚師再為我哋淋上熱辣辣嘅龍蝦湯龍蝦非常有驚喜因為原來廚師係龍蝦上面沾左d脆粒食落去外脆內軟口感非常好其他食物整體都好不錯第四道菜:John Dory, White Asparagus, Hollandaise個鯛魚煎到8成熟入面好嫩滑上面係塊炸到好脆既煙肉下面係白露筍側邊有廚師自家調配既荷蘭醬個sauce加左少少辣味Overall ok第五道菜:Black Truffle, Fennel原本呢味係Truffle Egg with Parmesan因為我唔食Cheese所以Chef改左Fennel落左好多Truffle Sause 所以好香松露味入面個菇咸左D呢味屬於普普通通第六道菜uck, Lychee, Cucumber, Chanterelle呢道菜賣相好精緻我地睇住三個廚師砌個伴碟砌足15分鐘齋睇都滿意不過食落就好普通個煎鴨胸7成熟咬落有點兒韌伴碟係鴨肉鴨肝春卷可能砌得太耐個春卷凍左同淋左全碟最好味係個荔枝勁甜第七道菜:Iberian Pork, Razor Clam, Broccoli, Kimchi有兩件黑毛豬一件係”燒肉”型個皮唔夠脆，咬落有d韌，而且入面太肥另一件望落似”和牛”食落同望落有個好大既落差以為入口溶化，點知好”鞋”要讚係個大葱入面放咗d好creamy sauce好創新好好味第八道菜:Corn, Coconut, Mango, Kaffir Lime呢味甜品望落好似Mango Sushi食之前廚師再加左d凍冰冰有椰子味既野連埋個芒果「Sushi」(糯米飯)食好味到震個甜品真係好好好好食！第九道菜:Canadian Maple, Pili Nut, Orange, Bacon超特別上面塊脆片紅色既係煙肉！估唔到可以咁夾我覺得呢個Chef整甜品真係好叻！第十道菜:Warm Madeleine其實係平時食開既法式小蛋糕睇住即焗的但唔係特別好食Overall Conclusion係有米芝蓮一星質素呢個價錢絕對物有所值！…Read More

去開APM附近見呢度食評好似唔錯所以一試叫咗兩個Lunch Set有湯、主菜同餐飲個蘿宋湯完全同其他茶仔或者 YLK一樣味普通Cheap Cheap蘿宋湯味唔算差又唔係好不過個餅乾條幾好食有d香草味黑松露菌煙三文魚意粉一望到就覺得有驚喜因為睇得出係靚意粉果然食落意粉好彈牙個汁亦係值得一讚呢味主菜我食晒！真係幾好味！另一味係滑蛋炸豬扒日式咖喱飯個蛋超滑溜，正！炸豬就好麻麻D肉有點實炸粉唔鬆脆整體都叫唔錯既餐飲就係現成既支裝汽水Conclusion係有下次！…Read More

九龍城超多泰菜館但通常間間都勁等位難得呢度新開唔洗等所以一試叫左支泰啤消消暑炸蝦餅好味又夠熱又夠彈而且份糧都算多馬拉盞炒芥蘭好夠鑊氣唔錯，幾好泰式炒金邊粉正正常常不過不失燒豬頸肉就最差完全唔香食落似普通豬肉結論係下次去開九龍城而又想食泰菜可以再黎…Read More

去完Wine Tasting就黎左呢度食第一次幫襯叫咗半打串燒mix左豬牛雞雞同豬都幾好味牛就有d “un”都幾大串油酥餅好好味好正宗咖啡雞少少辣都ok不過唔算多雞最後係招牌炒飯四樣野相對起黎炒飯係最唔好味Overall評價係不過不失啦~…Read More

呢度晚飯時間都算幾少人大概得只有4、5成滿叫左兩個Dinner Set一個係三文魚一個係羊仔膝頭盤Chef Salad用紅菜頭自家煙熏既三文魚沙律幾ok~ 個煙三文魚因用紅菜頭熏所以望落紅卜卜食落都唔錯salad個sauce好日式我覺得幾好味第二道菜係薯仔湯Hm... 唔好味囉...湯入面無餸太多薯蓉口感唔係幾好薯味同湯既cream入唔係好matchNo good :( 主菜三文魚全熟入面乾咗d完全唔滑好味一定講唔上但未致於難食不過我响唔餓既情況下都食得晒羊膝就我老公食既佢話不過不失我本身唔食羊所以俾唔到Comment甜品係鮮果菠蘿果凍上面d生果好好味好甜下面個果凍一般般…Read More

Sat Lunchtime都唔洗等位一入到店已經聞到好香好香既串燒味好喜歡呢度既裝修好日本feel而且坐得好舒服感覺好好黎呢度食Lunch抵過Dinner好多dinner茶錢每壺$38lunch則不另收費頭盤沙律配日式芝麻醬好味！麵豉湯正正常常ok的刺身...老實講就唔算特別吸引但整體都係好味的三文魚同帆立貝好鮮甜最讚就係個串燒好香好好味而且好多好飽超超超讚煙肉包鵪春蛋真係爆夾爆好味唯一彈既係d肉例如雞翼入面好淡因為應該無醃過要靠個醬汁但雞翼個皮都係要讚燒到好香脆overall conclusion係一定有下次！我好想下次試下個燒飯團~…Read More

呢度Lunch Time例爆今日12點10上到黎所以唔洗等位呢度個餐牌做到好似報紙咁幾有Design:)今日叫左碗喇沙一攞黎已經好香蝦味似係落左蝦油煮碗喇沙都算好正宗有辣味同椰汁味湯底好唔錯而且幾多餸D米線好彈牙Good~跟餐叫左薏米水好潤！正！P.S. 12:40前離座有85折可惜我地遲左10分鐘:(…Read More

陽光普照既星期六去咗赤柱食Ocean Bay個位好靚可以對住個海但又唔洗晒我地叫左兩個餐跟餐可以揀啤酒啤酒好正因為夠凍！個Ribs焗到入面好乾所以d肉好鞋個BBQ Sauce 幾好但薯條要讚好有薯味，外脆內軟明顯係即炸，正！Burger一d醬汁都無感覺好乾個minced beef都實實地好麻麻…Overall 黎講就算合格啦食個風味都算ok…Read More

今日好熱原來想去食Egg Benedict但要等位所以求其揀咗間唔洗等位既越南野入面都好企理乾淨冷氣都夠凍呢度掛左d越南掛畫同我地响胡志明見到既一樣由於太熱即刻叫兩杯凍飲先凍啡幾好味下真係有少少越南既感覺另外果杯係凍龍眼水用新鮮龍眼肉所以同平飲開既龍眼冰有d唔同會酸d我叫咗窩蛋生牛河超讚個牛夠薄夠滑係我食過既生牛河中數一數二好味既牛河粉較粗但入口都滑，唔錯湯底都幾甜隻蛋就其實唔會變熟既不過撈埋黎食口感好滑幾唔錯另外叫咗個香茅豬扒拼雞中翼少少題外話其實去過胡志明既會知越南根本無香茅豬哈哈，全部都係港式越南菜講返個飯雞翼炸得好脆，入面好嫩Good!豬扒就咸左d~但好淋(不過係落左鬆肉粉果種淋)Overall 我覺得Good呀！有下次！…Read More

食過無數咁多次因為屋企人喜歡幫襯今次叫咗:片皮鴨兩食鮑魚海皇雜菜煲冬瓜盅個鴨都唔錯雖然同大都烤鴨無得比但以$108兩食黎講好ok個皮好厚唔合格炒鴨絲就一般般啦賣相有點醜冬瓜盅ok幾足料蟹柳就建議算把啦因為係用cheap cheap果d腥蟹柳其他料就ok既鮑魚只係$38一份呢度有5份以呢個價錢算好合格鵝掌就真係麻麻地個海皇雜菜煲Good好多料幾好味特別係個帶子下次都會再叫呢個餸…Read More

對日本拉麵略有研究既人應該會知其實唔同區既拉麵係好唔同的我自己就最喜歡九洲博多拉麵一碗正宗博多拉麵麵質應該係幼長直身豬骨湯底多䓤花焰拉麵做既亦正正係博多拉麵見評語唔錯決定一試***店內有「Bar枱」同正常枱唔洗等位餐牌有好幾款拉麵不同之處主要在於湯底我地叫左一碗焰（豬骨湯底) $58同一碗黑白焰(豬骨加黑松露菌) $78加$20可以跟餐多左半熟蛋、沙律、汽水同泡芙同傳統博多拉麵店一樣呢度可以自由選擇湯既濃淡麵既軟硬要唔要葱/蒜另外亦可以選要唔要用豬軟骨代叉燒***食物方面：半熟蛋有溏心蛋黃好深色應該係用日本蛋幾唔錯，略嫌欠少少酒味沙律個汁唔好味不過以日式沙律黎講都算大兜拉麵湯底唔錯原味果個個味都濃黑白焰果個都幾香黑松露味麵黎講就麻麻有d鹼水味老公話直頭覺得有啲似食牛腩麵果種麵叉燒係有燒過既算合格勁大塊，有兩塊葱唔夠香餸黎講真係算多價錢亦算好合理晚飯時間都唔使等位所以Overall我都覺得算係OK的講真以香港黎計都一定有mean或者高mean少少係我要求較高Conclusion係有下次！…Read More

講到呢間士林台灣麵我絕對可以說得上係常客每隔兩三個星期日我總會黎呢度食下Lunch每次都會一大堆人等位但其實流動性好高通常如果兩個人既話等10至15分鐘都有肯坐外面好多時都唔洗等次次我地都會叫牛肉麵同雞扒干伴麵今次轉下唔叫雞扒叫雞翼可惜呢個新嘗試係失敗雞翼勁咸下次都係食返雞扒講返牛肉麵每次食都可以煮到好淋又好有肉味真係正的湯就會一時時，有時正d有時普通d但整體食咁多次都係算好味的去台北我一定會去食永康牛肉麵但其實元朗士林比起永康絕不遜色大家去開元朗不防一試順帶一提呢度台式飲品都幾唔錯的…Read More