baseyan's Profile

最近和朋友去了一間一直以甜品聞名的小店，原來他們開了這間新店，除出甜品也供應西式晚餐！從前菜到甜品都超有水準，性價比高！單人專屬晚餐 🍗🍨 這個一人晚餐甜品控必點！吃完超滿足～ 主菜自家製意大利雞雲吞，有口感的意大利皮裡包著雞肉餡，帶一點意大利香草的味道，口感嫩滑！套餐的烤雞中翼配油醋沙律，雞中翼金黃酥脆，油醋沙律清爽，是適合開胃菜！套餐包了四份一份窩夫，原本以為是一小份，原來份量十足，窩夫外酥內軟，再搭配香濃的芒果味雪糕，還有芒果肉，甜品控真的不能錯過！$168的單人晚餐能享用以上主菜，小食，甜品和飲料，我覺得超值！朋友點了蒜味蕃茄大蝦意粉 🍝 職員還讓我們選扁意粉，比起一般的意粉更掛醬汁，每一口都濃濃的蒜香蕃茄味，酸酸甜甜超開胃～ 而且6 隻大蝦彈牙，還配上小蕃茄，整道菜看起來很靚！ +$40升級套餐還包了餐湯，甜品和飲品各減 $20現烤芝士蒜蓉包🧄🧀 這個蒜蓉超推薦大家，我是蒜蓉包控，吃過很多地方的蒜蓉包，話間芝士＋蒜蓉，香味簡直無敵～咬下去那種濃郁的芝士拉絲感，再加麵包外酥內軟！榮登我本人蒜蓉包排行磅！原個橙的鮮橙汁🍊 清新解膩的好飲品！他們的橙汁用整顆新鮮的橙現榨，喝起來超 fresh！榴槤拿破侖酥皮控要點這裡的拿破侖！這道榴槤拿破侖用的是馬來西亞榴槤肉，口感濃郁香甜，搭配酥脆的千層酥皮，還有杏仁碎和曲奇的層層口感，再加上一球香濃的雲尼拿雪糕！作為榴槤控我超喜歡～這家店雖然是以甜品起家，但晚餐的水準完全不輸任何西式餐廳，加上甜品的超高水準，整頓飯吃下來很滿足！我是一定會再來的。…Read More

最近和朋友在奧運選了這間天婦羅餐廳晚餐，他們的日式天婦真的好吃！食物的細節都精緻，像是專屬的丼碗和特製胡麻油，真的讓人佩服。重點是，這裡的天婦羅又香又酥，搭配不同的料理形式，每道菜都很讚！半之助沙律 🥗清爽炸蝦，超開胃！這款沙律是「輕盈系選手」。炸蝦酥不油膩，搭配新鮮的日本紅心蘿蔔絲，口感清脆爽口，是完美的開場菜！海老天押壽司 🍣如果你跟我一樣是炸蝦愛好者，那這款壓壽司真推介！炸蝦的外皮香脆，蝦肉又嫩又彈，搭配紫蘇葉的清香，清新簡單的組合在嘴裡完美融合。壓壽司的米飯微微帶醋香，底部壓得紮實，但不會過硬！牡蠣迷你丼 & 烏冬 🍜香口牡蠣＋烏冬自己玩！這道套餐我超推介，迷你丼裡的牡蠣，真的炸得超香！外皮酥脆，裡面的牡蠣卻保留了鮮嫩的口感～ 烏冬的部分，他們提供了紫菜、蔥花、鰹魚乾等配料，隨你加多少都可以～完全可以自己 DIY！烏冬的口感特別 Q 彈，湯底鮮香不油膩。這個組合既有趣又滿足，是我會想再來點的菜式！天丼 🍳如果你是「選擇困難症患者」，直接點這道天丼準沒錯！裡面有炸蝦、菇菌、小柱魷魚天婦羅餅，還有一顆超完美的溫泉蛋～天婦羅的酥脆度剛剛好，咬下去完全不會覺得油膩，反而被那股胡麻油的香氣給迷倒了。尤其是小柱魷魚天婦羅餅，真的超驚喜，外皮酥脆，裡面的小柱和魷魚香嫩又有彈性！溫泉蛋蛋液融進醬汁裡，拌著白飯一起吃，超好吃的！丼碗的秘密餐廳的丼碗真的超酷！他們用的是來自江戶時代的陶瓷工藝——佐賀有田燒製作的碗，這可是日本傳統陶瓷界的頂級之作！碗底還特意設計成空心，這樣可以更好地保持碗中食物的溫度。無論是實用性還是顏值，這個丼碗都讓人超有儀式感～日本特製高胡麻油他們的天婦羅特別香，因為用了特製的高級胡麻油！這種胡麻油是日本製的，炸出來的天婦羅不僅香氣濃郁，還有一種金黃偏深的特別色澤，用這種胡麻油炸出來的天婦羅完全不會有那種讓人受不了的油膩感！總結：這家天婦羅餐廳真的不只是賣炸物，我也欣賞這裡一種細膩的日式工藝和美學。每一道菜都用心極致，從食材到擺盤，甚至連細節（像丼碗跟胡麻油）都讓人感受到滿滿的誠意。推薦給愛炸物、愛日式料理的你們，快找時間來吃吧～…Read More

前幾天和朋友去了這間的素食餐廳，真的要給它一個大大的讚！每一道菜顏值高，味道也好好，重點是吃完不會有罪惡感！雙層芫茜不可能芝士漢堡🍔 芫茜控的天堂！芫茜香氣撲鼻而來，不可能肉的口感超逼真，搭配濃郁的素芝士，好吃！雖然我朋友不愛芫茜，但我可以幫她吃完一整個！黃薑焗福花配自家製乳酪這道菜的賣點就是健康低卡，感覺女生們應該都會愛！福花（花椰菜的一種）焗得剛剛好，黃薑的香氣，乳酪微甜，完全不膩～吃起來很清爽！十一種蔬菜魷魚圈青醬意大利飯蔬菜大集合，蒟蒻魷魚圈超神奇！ 蒟蒻做的魷魚圈口感 Q 彈，完全不會輸給真的魷魚，還有各種蔬菜像菠菜、秋葵、南瓜、紅菜頭……每一口都有不同驚喜。青醬的味道濃郁但不搶戲，跟飯拌在一起超香～純素原味芝士蛋糕這個芝士蛋糕是純素的，但真的吃不出來！入口綿密又滑順，芝士的香味十足。而且餅底香，酥脆口感，原來純素甜品根本不輸一般甜品啊！黑芝麻燕麥奶無咖啡因首選！如果你是愛喝奶類飲品但又怕咖啡因的人，這杯黑芝麻燕麥奶你要點喔！芝麻香氣濃郁！芒果樂園🥭 夏日必喝，超解暑！這濃濃的芒果香，喝起來超順口。如果你是芒果控，這杯一定會試！總結：原來素食可以這麼豐富又好吃！而且每一道菜都很有特色，吃完不僅飽足感滿滿，還多了一點健康的幸福感～不管你是不是素食者，都值得來試試看！ …Read More

康城開咗間新餐廳，weekend夜晚冇訂位，等咗一陣就有位。叫咗個二人晚餐包括一個小食、一個主菜、一道意粉、兩杯飲品以及甜品。金沙鹹蛋鳳尾蝦這金沙醬香濃，每一口都能感受到咸蛋的獨特風味，不錯。鮮忌廉野菌煙三文魚長通粉忌廉醬汁濃郁，長通粉掛汁，好吃。慢煮BBQ醬美國豬肋骨伴蕃薯條份量十足！BBQ醬的甜度剛好。伴隨的蕃薯條外脆內軟，口感佳！芒果茉莉茶忌廉芝士奶蓋呢個奶蓋真係好好飲，滑順濃郁！下次嚟都必點！焙茶心太軟蛋糕配雪糕流心朱古力與焙茶香蛋糕好味，不過要等20分鐘，要早d叫。特濃半熟芝士撻濃郁芝士味！貝有室外坐位，可以遠眺康城樓區公園，不過天氣凍都係鍾意坐入面多D。總的來說，2人餐性價比高，下次會再來！…Read More

鍾意食辣野的朋友，一定要介紹你嚟呢間Moto mala！ 自從第一次嚟食酸菜魚，覺得不錯，就不停嚟，把餐牌上的菜式都幾乎試過一次。我最常嗌的係口麻天辣豐盛晚餐，因為除了有一個主菜，也會有小食，涼菜和白飯！好抵食！天花頂酸菜魚一如以往，賣相已經吸引，魚片份量唔少，肉質嫩滑無骨，仲有好多酸菜，送飯一流！先前試了口水雞和水煮牛，都好好味，特別係口水雞，係我至愛的口水醬。如果唔食辣的朋友，可以揀蕃茄魚，都幾清新！兩款小食涼菜每次嚟都唔同，有時仲有機會有甜品，好有驚喜，我試過的涼菜土豆絲，藕丁，萵筍絲，都係高水準，少少辣好開胃。小食我推薦黃金脆炸小酥肉，鬆脆香口，食唔停。食完辣的主菜，不仿試下呢度的甜品，十分推介紅糖糍粑&香炸脆奶，超鬆脆，我會比十分滿分！飲品我首推介手打檸檬茶，係人手現場打的，食辣野配一杯清新檸檬茶真係好夾！呢度仲竟然有沙棘汁，維他命C含量是所有蔬菜水果類之冠，唔係度度有得飲，不仿試下。香濃麻辣燙唔洗一百蚊就有一碗巨人份量的麻辣燙，仲可以嗌6個菜，三個葷菜三個素菜，超抵食！推介鱸魚片&鮮豆皮！幾岩一個人嚟食，大滿足！下次要再嚟試下藤椒湯底！…Read More

呢間嘆嘆Cafe主打台式輕食。環境都幾特別，裝修唔似平時香港的餐廳，夠哂Chill都幾岩打卡。見倒餐牌新品推介有藥膳養生鐵鍋湯，即刻吸引咗想補下身既我！十全大補藥燉排骨湯，味道香濃，而且夠哂足料，有3大件排骨，配埋紫菜飯食，值得推介！我朋友介紹我必食黑糖雞翼，炸得好香脆！鍾意食炸雞的我，嚟台菜餐廳當然會嗌埋香酥鹽酥雞，一樣都係值得推介！朋友就嗌咗嘆嘆招牌牛肉麵，她話牛肉好吃，湯底是清湯腩湯的感覺，都幾大碗。因為揀咗嘆嘆套餐，跟咗兩個甜品和特飲，嗌了招牌珍珠奶茶奶蓋千層蛋糕，啖啖珍珠，大滿足了！見倒原來平日有下午茶時段$35起就有吐司薯條&茉莉綠茶，下次會最嚟Tea time!…Read More

近排同朋友都好鍾意食燒肉，朋友介紹咗呢間起瓊華中心的《本場》燒肉，因為見到有一個頂級澳洲和牛海鮮放題，有得任食M8和牛都只係$428（星期一至四），覺得好似幾抵就嚟試下啦！套餐共有154品可以用app任點任食，估唔到除咗燒肉，仲有幾多海鮮同熟食可以揀，比起某些大型連鎖燒肉店，仲多種類！一次過點咗4款呢個餐先有的肉，M8和牛牛板腱，M8和牛封門柳，極品牛小排和伊比利亞黑毛豬肋條。2款M8的牛都唔錯，我就幾鍾意和牛牛板腱，係牛隻肩膀入邊最嫩嘅位，油花豐富有dd筋，更有口感！朋友就鍾意和牛封門柳因為較鬆軟，牛肉味比較濃厚！極品牛小排就比較多油花，薄嫩。伊比利亞黑毛豬肋條原來都幾爽口，唔講都唔覺得係豬！呢個餐最正係有得嗌大大隻嘅車海老蝦，燒到2邊橙黃色，勁爽口！原隻魷魚筒都好彈牙！當然唔少得有燒生蠔同北海道帆立貝。味醂魚乾燒完都好好食！試過以上，都覺得值得嗌最貴呢個餐！無限追加項目仲有唔少的小食冷盤，竟然仲有海蜇和風沙律！啱曬食完熱辣辣燒肉嘅我涼一涼。小食我哋試了炸雞，章魚小丸子和炸芝士年糕，三樣質素都幾高，最重要係新鮮熱辣辣炸起！亦都要讚下啲甜品，雖然選擇唔多，但我嗌的芝士蛋糕，榴槤糯米糍和西米椰汁糕，味道都幾唔錯！臨走每人仲會有一杯Movenpick雪糕，真係大滿足。欣賞呢間放題上菜好快，基本上我一落完單轉頭就會嚟，冇咩漏單嘅情況！同埋個app好好會提我哋仲有幾多剩餘時間可以點菜，所以我哋可以更好咁控制點菜時間同份量。整體嚟講，燒肉海鮮小食甜品服務質素都幾好，環境都幾寬敞，我覺得呢個價錢的性價比都幾高！會再嚟食！…Read More

牛愛好者的我，推介下呢間喺旺角嘅燒肉舖。鍾意呢度有傳統日式鐵網燒烤爐，2個人仲安排咗高枱，好似去咗日本居酒屋咁有風味，同朋友燒下靚肉吹下水一流。今日同朋友分別試了2個定食套餐，一個極尚和牛定食，一個阿久根和牛涮鍋。阿久根和牛定食套餐A4肉眼用鐵爐燒至微微轉色，牛味夠香濃，牛舌夠爽口，A4西冷入口質感都不錯！套餐仲有一個沙律，一個我覺得好好飲的海帶味噌湯和一碗有味素的飯，很滿足。阿久根和牛涮鍋原來牛涮鍋的肉都是另上，職員話都可以放在網爐燒，我哋就決定都用燒的方法，感覺更食倒肉的原汁原味！前胸腹肉油脂分佈平均，又幾好味；最意想不到係三角肋肉，雖然油脂比較多，但有入口即溶嘅感覺，見隔離枱都追加呢個肉。牛涮鍋湯底係類似壽喜燒的，甜甜的，配菜都幾多款，仲擺得好靚，除咗有一個烏冬，仲有少少薯粉，又幾有心思。我哋追加咗燒菠蘿，雞軟骨串，豬腩肉，同埋鰻魚。燒菠蘿當然要嗌啦，店舖仲細心已經去咗皮。燒鰻魚好好味，不過小心燒燒下會黐住個鐵網！枱上仲有三隻辣粉可以試下，不過職員提我哋要燒好拎起先加，如果唔係會好大味。之前經常去食燒肉放題，但係放題要食靚牛，人均消費都起碼5-6百，仲食得趕頭趕命。今日同朋友不是太餓，選擇嚟呢度燒下肉吹下水，咁樣share食，埋單每人都係2百，覺得性價比幾高，會再嚟幫襯！…Read More

朋友係雞痴，帶我嚟試呢間雞煲放題。$168一位，一煲任食雞煲，同埋一份蔬菜。嗌咗bb辣，雞件超惹味，醬汁濃厚，雞件夠哂滑。唔食得酒嘅我，問職員可唔可以唔落酒炒雞，二話不說就幫我同廚師講，好友善！我哋加咗少少配菜打邊爐，仲加咗兩渣特飲任飲，菊花薏米+檸檬洛神，啱曬食咁濃味嘅雞煲。任食當然最正係追加雞煲，我2個大食怪追加咗一次雞，就夠哂滿足，差不多每人食咗一隻雞！最鍾意啲惹味乾蔥襯埋啲雞髀肉，正！雜錦丸拼盤食哂d雞緊係要加湯打邊爐，$48就有一份雜錦丸。呢個真係一定要試！因為四款丸都好好食，我特別鍾意食魚蛋同墨魚丸，勁爽口彈牙！另外嗌咗響鈴鮮腐竹，都好襯雞煲嘅湯底！送的蔬菜仲有冬菇粟米，唔使怕成晚剩係食肉。埋單每人唔使300蚊，餐廳環境舒適，平日晚上唔算多人，唔想成日只係打邊爐嘅可以嚟試下任食雞煲！…Read More

今日係專登嚟食沾麵，因為想試下好多人推介的坑紋麵。果然無介紹錯，坑紋麵真係特別掛汁，每面都沾滿濃湯！拉麵仲夠哂彈牙！豚角x叉燒二刀流沾汁麵黑蒜豚骨湯黑蒜味濃郁，而辛味豚骨湯入口辛香，辣得過癮。今次同朋友都揀咗豚+叉燒，價錢差不多但可以試埋叉燒。叉燒有點似東坡肉，夠哂入味。我就更鍾意豚肉，又厚又嫩。黑鳥炸雞黑芝麻醬的炸雞真係好吸引！雞肉嫩滑多汁，仲有咁多件，抵食！廣島蠔五輪燒餅燒餅勁多廣島蠔，啖啖蠔香！橫切面就睇倒幾足料，一層層的椰菜廣東蠔，煎得夠哂金黃😍見做緊推廣主食+$15就有特飲，咁抵又點可以唔嗌！醬油果凍酸甜柑橘，酸酸甜甜幾清新，幾襯食濃湯沾麵！藍天草莓牛奶，淡淡的草莓香，正！…Read More

好耐之前食過一次荃灣的楚撚記，印象中食物質素都幾唔錯。見西環原來都有一間，今晚訂了枱嚟試下。平日8點幾門口已經排咗幾十人，等緊呢round入座，果然生意唔錯！惹味豉油皇椒鹽海中蝦豉油味椒鹽好惹味，海蝦夠哂新鮮好彈牙，有6大隻！煎得都岩岩好！煎蠔餅見咁多人推介緊係要試下。果然無介紹錯，脆漿調校得夠鬆脆，仲大大份啖啖蠔，送番個白飯都幾唔錯。菠蘿拔絲咕嚕肉差不多每枱都有嗌的一道菜，拔絲微甜，襯埋酸酸甜甜的咕嚕肉，夠哂開胃。腐竹雞蛋糖水沙冰腐竹雞蛋糖水就食得多，腐竹雞蛋糖水沙冰你又食過未？呢個真係好驚喜！配搭聽落奇怪，但原來好好飲！值得試下！下次要試埋華田可力味！兩個人埋單300幾蚊，都OK。今日無試到鑊氣小炒，下次人多一定要試下，應該都幾出色。…Read More

今日真係要推介下呢間起工廠大廈嘅西餐廳！朋友話帶我去工廈食西餐，一路以為係一間小店，估唔到係一間裝修得咁靚咁大嘅餐廳！餐廳入邊超寬敞，係我好鍾意的歐式設計，仲有好溫暖嘅色調！因為就嚟到聖誕，門口仲有好靚嘅聖誕裝飾！慢煮64度溫泉蛋卡邦尼意粉溫泉蛋用64度的巧妙做法，令到蛋液起切開嘅時候，好似熔岩質地，混埋卡邦尼醬嘅意粉一齊食，口感特別好！蒲燒鰻魚飯賣相唔錯，竟然仲有一隻蛋！鰻魚非常厚肉，肉質唔會鬆散。我最欣賞係個鰻魚汁！燒汁味道濃厚，配白飯一流！另外都想讚下個餐湯，喺食評咁多人話好飲，原來真係好好飲！手工巴斯克芝士蛋糕呢度嘅芝士蛋糕質感堅實，不稀爛，巴斯克芝士當然就係夠哂香濃嘅芝士味！唔錯！伯爵茶戚風蛋糕蛋糕非常之鬆軟，淡淡的伯爵茶香，值得一試！棉花糖熱朱古力因為天氣凍嘅關係，突然之間好想飲熱朱古力。味道幾好，仲有兩粒好可愛嘅棉花糖起上面，啱曬我打卡用！提拉米蘇咖啡朋友嗌咗一杯提拉米蘇咖啡，我原本以為係提拉米蘇味道嘅咖啡，點知原來上半部係Tiramisu，係真係可以當甜品食嘅Tiramisu，而下半部先係咖啡。職員教我哋可以用匙羹食上半，亦都可以撈埋一齊飲。一個價錢兩種食法，呢杯咖啡真係要比100分！原來Tiramisu 同咖啡係可以咁襯。今日食咗主菜，有餐湯或者沙律，飲咗一杯咁特別嘅飲品，再食埋咁高質嘅蛋糕，埋單竟然兩個人都唔駛三百蚊，真係超值！同埋想讚下餐廳嘅職員服務態度幾好，每次擺菜都會好小心擺放，有一種好尊重顧客嘅感覺，下次一定會再嚟！…Read More

九龍城地膽既朋友，今日帶我嚟食烤魚。估唔到都幾多人食，平日晚都坐滿人。咸鮮麻辣味大邊鯇魚兩個人怕食唔曬一條魚，嗌咗一條大邊鯇魚。聽職員講，清江魚同鱸魚就少啲骨，下次人多會再嚟試下。烤魚有好多隻味揀，我哋揀咗咸鮮麻辣味。烤魚味道唔錯，勁多青蔥，魚身仲鋪滿蒜蓉辣椒，都幾惹味㗎。小辣只係微辣，唔食得辣既朋友都食倒！魚肉質地幾嫩滑，啖啖肉，兩個人食大邊都ok，建議加啲配菜打埋埋邊爐！必點風味串燒見到有秘製串燒，就嗌咗兩串試下。意想不到好味喎！曾經去過四川嘅我，發現呢間串燒味道勁似四川當地比較重口味嘅串燒。雞翼鋪滿孜然粉！好香好好味！炭燒豬頸肉一串仲有三大塊，啖啖肉。…Read More

今日又發現一間高質的印度餐廳。無論食物質素、環境和服務都十分讚！Tawa Fish呢個頭盤揀得真好，魚肉醃得夠哂入味，襯埋姜黃同檸檬汁，好開胃。Lamb Roganjosh食印度菜我最欣賞它們既羊肉咖哩，今次揀咗一款地道著名的喀什米爾菜式。由洋蔥紅辣椒香料小豆蔻肉桂等做成的醬汁配搭慢燉羊肉，甜甜的，微辣辛香的，幾出色！Truffle Naan食咖哩點少得薄餅，揀咗一款特別的松露薄餅。Naan口感蓬鬆柔軟，淡淡的Truffle香襯埋Rogan咖哩一齊食，絕配！Tandorri Kukkad見呢個係chef's special，就抱住一試既心態。真係估唔倒呢款燒雞咁正！以印度香料醃製，夠哂入味，雞肉仲keep倒嫩滑，唔係乾爭爭。Prawn Biryani用蝦為主角的香料飯，在印度都幾流行。呢個蝦飯用咗不同的香料，加埋香濃既咖哩粉蔬菜等，夠哂色香味俱全。我仲好鍾意個乳酪醬！Strawberry Milkshake本身唔係好鍾意士多啤梨味的我，竟然覺得朋友嗌既呢杯Strawberry Milkshake好好飲，幾清香！可以一試。朋友準備的今餐，係印渡風情的晚餐，的確係一個驚喜！餐廳幾多大枱岩哂一大班朋友嚟傾下計，仲裝修得幾靚。我一定會再嚟！…Read More

今日朋友帶嚟K11食呢間阿閒泰，比我感覺係新派泰菜！食物質素都幾好。泰式香葉鴨肉肉碎泰式生菜包就食得多，但係鴨肉的生菜包我真係第一次食! 都幾辣! 但係酸酸咸咸的肉粒，襯埋D小洋蔥鴨肉一齊炒，又幾好食，仲好開胃。伴碟的蝦片都好好食！脆皮豬頸肉伴自家製檸檬蕃茄醬朋友飯聚必點小食! 呢個豬頸肉真係勁邪惡，炸到脆卜卜! 個檸檬蕃茄醬仲好襯，雖然好熱氣，但係食到我唔停口。青咖喱帶子蟹肉意大利麵幾朵花仔又幾靚! 青咖喱味都幾特出，新鮮帶子再加埋啖啖蟹肉的意粉，值得一試!阿閒泰冬蔭功濃湯野米糙米飯果然係推介之選! 自從想食得健康D， 搵咗好多關於降膽固醇的食譜。知道糙米係非常之好，見倒呢個咁特別的冬蔭功濃湯糙米飯緊係要試下! 冬蔭功味好香濃, 飯質似 Risotto，配上糙米野米，口感更有層次。青口大蝦仲吸哂冬蔭功酸酸辣辣的味道， 好食! 出色！椰青滑冰好彩嗌咗呢個冰，食生菜包食到好辣，呢個滑冰勁解辣!餐廳環境都幾舒服，但晚飯限時90分鐘，大家唔好掛住傾計喔！…Read More