CarkiLaw's Profile

想與久違了的朋友在一個安靜的環境談天說地，又想吃潮州菜，百菜小館真是一個不錯的選擇。這裡的裝潢既有時代感，又不失雅緻，而且空間寬敞，私隱度頗高。與朋友歡聚，又想吃中餐的朋友，百樂小館真是一個好地方。 不要少看前菜兩小碟，質素絶不馬虎。我尤其愛那鹹酸菜，既爽口，又鹹酸適中，作為開胃菜真是不負所託。 吃潮州菜，沒有理由不吃滷水鵝。這碟滷水鵝肉拼盆，鵝肉肉味濃厚，滷水汁陳而不膩，不論是滷水蛋及滷水豆腐都沁入滿滿的滷水精華。 夏天能吃一個時令冬瓜盅，真是能火氣全消。這個百樂特色冬瓜盅，既足料，又清甜，湯中滿是材料及冬瓜的精粹。冬瓜盅的火候適中，冬瓜不會煮得太久，也不會太硬，軟硬恰到好處。 另外，酸酸甜甜的菠蘿咕嚕肉也十分適合夏天。這盞咕嚕肉外脆內軟，咕嚕汁包裹得口味濃淡適中，微脆的外皮內肉質仍鮮嫰軟滑。 馬友魚獨有的肉質經香煎後，仍保有原來的嫰滑，口感外脆內軟，魚肉仍新鮮甘香。 這款紅燒皇子乳鴿伴凱撒沙律十分創新，乳鴿配上凱撒沙律是沒有想過的合拍。濃厚與清新相輔相成。 魚鰾入口即溢出濃濃的水瓜高湯，魚鰾爽口多汁，感覺有如竹笙般，但又比竹笙軟滑。 最後的甜品完美為一個快樂的晚上謝幕，這碗清心丸綠豆爽清甜而不膩，暖入心脾，滋潤香甜。 …Read More

今日同朋友入大埔踩完單車，餓得要命！還左車記急住要搵嘢食，朋友問我有咩想食，我答左一個字「肉」。朋友頂我唔順，最後搵左間放題韓燒俾我放肆！店舖位置距離火車站大約十分鐘的路程門口掛著易拉架，店內正熱推高CP的放題一踏入店內有一吧枱，感覺好Pro店內坐位舒適寬敞，無論小倆口或是一大班知己好友聯宜都十分合適。今日食呢個放題餐都十分抵，食物的選擇不少，仲有飲品同雪糕揀！一坐低就上隻牛俾我喇！有唔同牛嘅部位同唔同質素嘅牛牛，牛魔王一定要黎試試！望住啲牛係鐵板度慢慢轉色，感覺好治癒。牛肉有濃濃牛味，咬落去非常軟，一啲雪味都無！正！當然要講下呢個餐最抵除症有靚牛食仲有海鮮啦，都係任食架！有蝦、帶子、鮑魚！海鮮嘅質素都不俗，當然無新鮮咁正，但都好食，唔會係一般雪貨！蝦肉都爽甜！每次食韓燒最期待嘅蛋，次次飽到死都堅持要食！…Read More

小妹生日在即，有好友請食飯，當然出席啦！今次朋友帶我食日本野，餐廳位於銅鑼灣，都幾方便下！門口貼咗好多不同報章雜誌的介紹，令人十分期待接下來的晚餐質素有多高。餐廳私穩度很高，除了中心的大格，另還有幾間不同大小的房間，專門用來放置二人枱，令情侶可以有二人世界。呢個牛舌做得十分好！去食的朋友一定要試！牛舌雖然細細粒但都幾厚！一厚大家就會問會唔會韌，我想同大家講呢粒牛舌好軟稔，師傅煎到外脆內軟！令人十分回味！因為朋友喜歡食刺身及海膽，所以點左呢個5品刺身！海膽質素好，好creamy，隻蝦好大隻，肉爽無雪味！最好食Toro，油脂足夠又不膩，咬落去既彈又軟，好幸福。呢個燒白鱔都係必試！啖啖肉，燒得外脆內軟！非常好味！黎呢度無理由唔食濱燒！ 呢個套餐好豐富，有生蠔、活鮑魚、蟹腳、活扇貝！未燒已經好期待，而且呢度食係唔洗自己燒，有靚蠢姐姐燒俾你！火候控制同服務態度都非常之好，令人好滿意！先來燒蟹腳！蟹腳開好哂，你只係需要用筷子撩啲蟹肉出黎！姐姐同我地處理好哂，坐定定食就可以！呢隻蠔⋯啖啖肉！非常鮮嫰多汁！ 燒好熱辣辣又唔會燒得太老！呢2隻鮑魚非常新鮮，我地好殘忍地望住佢地由生勾勾咁燒到變桌上美食！鮑魚非常彈牙！如果由我地自己燒一定燒到又老又韌！姐姐仲好細心將燒好的鮑魚切開一塊塊，方便我地一夾就食得！重頭戲！燒龍蝦！蝦肉非常彈牙，蝦上面的醬係由蝦本身的蝦膏混合廚師一早調好味的蝦膏醬，然後淋上面燒好的！用刀叉黎食，一啖啖肉，好滿足的享受！店內職員態度殷勤有禮，控制濱燒的火候非常好而且十分細心！食材十分新鮮！價格與質素亦成正比！下次會帶媽媽黎食🤤…Read More

食印度菜相信大家都會想搵間正宗，價錢又抵嘅！而小妹今次就黎到香港的小印度—佐敦搵食喇！今次呢間咖哩葉係名人飯堂對面，私隱度頗高。餐廳有地下一個小酒吧，上層另有雅座，位置都頗舒適及有情調。原來有Lunch buffet食，下次想食印度菜都可以返黎試試。Menu好細心，有中英對照！價錢都唔貴，可以盡嗌😂首先黎左個papad，有3個醬料揀！小妹我最鍾意就係食Samosa，呢度仲要係羊肉！平時啲饀多數都係齋，但呢個羊肉真係第一次見，所以即刻諗都唔諗就叫左！ Samosa熱辣辣，好香口，羊肉一點都唔騷！好食！Chicken Tikka都係我次次食印度菜必點嘅，鐵板上熱辣辣，肉質仲好鮮嫩，正！食印度菜當然要食咖哩啦，叫左個蝦咖哩！都好足料，好多大蝦！咖哩唔算辣，都適合香港人的口味！羊肉都幾大粒又唔硬，飯粒炒得乾身！好味道！見到佢係洋蔥饀，好想食下，見到佢個醬即刻心心眼，呢個醬好好食！點黎食無咁油！呢餐食到好飽，好滿足！係好正宗的印度菜，下次一定會再幫襯！…Read More

中環這個商業區地價高昂，於這區的打工仔真的比較難搵到平野食，但今次我就搵到一間性格比高的中餐館。樓上舖，地方十分寬敞，裝潢比較新潮，不像一般老派中式酒樓般沉悶。裝潢都比較有心思，用一個個迷你蒸籠砌成一幅特色牆，色彩繽紛又吸睛。餐具十分有特色，每隻碗都有不同的字句，令人看後會心微笑。一坐下先來個燉湯，湯汁入口鮮甜，不會過鹹，好適合用作清一清喉嚨。餐具亦有心思，好像來了一個杯功夫茶似的。前菜來說，做得十分出色！上格夠凍，青瓜爽脆多汁，粉皮薄且透，麻醬拌起來剛剛好！值得推薦！蝦球賣相很吸引，蝦肉爽彈，柚子蜜甜甜的，十分好吃！這個泡飯令人十分回味，有個小暖爐暖著，黃金球是由米飯製成，把湯汁淋上黃金球至散開。湯飯做得很好，足料又不油膩，亦帶點飯焦！玫瑰花包令我十分驚喜賣相超美，女孩子見到一定心心眼😍來！捉一盤象棋！但可惜不是象棋，是棋子酥！色香味俱全！由紫薯或金薯造作成，內有流心白朱古力饀料，酥軟又不太甜！3個人食左咁多野都係六百幾，真係好抵，喜歡食中菜的朋友不可錯過！…Read More

一直以來，於中菜的菜式中，最喜歡的就是片皮鴨！今次光顧的餐廳是位於尖沙咀的過江龍羲和雅苑！門面裝飾得古色古香又帶點新潮！餐廳是坐擁維港景色，讓你可以一邊欣賞夜景一邊吃美食！先來一個前菜山藥一向都不是我喜愛的食物，但此道菜令我對山藥改觀！桂花蜜拌於山藥上，令山藥表面帶有清甜，山藥十分爽口，令人沉迷。大家見到這個八寶盒都嘩了出來！食片皮鴨都有這麼多配料？！平時只有3款而已，但這裡卻有多款！值得一提的是有爆炸糖、黃色的芥末醬及山楂條。這三款可以說是衝擊的們日常吃片皮鴨的觀念！包著爆炸糖來吃，令人感覺新鮮，黃色芥末有提鮮作用，山楂條則作清膩之用。鴨會分三部分上，而這個盒有一個個 小孔，下面有蒸氣，暖著鴨肉，不會太快涼了！有師傅即席於客人桌側片鴨！首先上的是鴨片最蘇脆的部分，點藍莓醬或山楂條食，十分好，不油膩。接著到鴨脾部分，油脂分佈平均，十分美味。最後到鴨背！肉質鮮嫩！讚！片皮鴨吃完就到其他小菜，雖則片皮鴨一流但其小菜亦相當精緻！值得一試蝦球肉質爽口彈牙，下墊有米通，與蝦及芥末醬同食，十分不錯！一字骨十分好味，值得推介，青梅醬不會太酸，開胃易入口！籠仔飯份量十足亦十分足料，原籠蒸的飯帶有海鮮的鮮味，令人十分回味！整頓飯可以邊看著靚景邊吃，實在令人賞心悅目，十分享受！片皮鴨粉絲必定要來一試！…Read More

今日又約左喜歡韓國風的妹妹食晚飯，今次就選擇了鄰近她上班地點的將軍澳—新麻蒲BBQ。餐廳門面雖小但吸睛度卻十足，門口播著K-pop MV，音樂節拍強勁，令人宛如置身於韓國一樣。餐廳亦有提供二人卡座，十分適合午飯時間光顧的上班族或情侶。餐廳坐位較為寬敞，好適合三五知己到來聚會談心。我們點了個牛肉二人餐二人餐的份量都不少。二人餐包括了一個部隊鍋！部隊鍋都挺足料，一路食還有一個爐暖著，著實窩心。二人餐全部內容已經係哂度喇！你可能會覺得兩個人食會唔會唔夠飽，但唔好忘記初初的部隊鍋，食哂呢堆肉真係好飽。頂層為海鮮及蔬菜類，有蝦兩隻，以這個價錢來說，都算抵食。第二層第三層肉質軟稔，新鮮！以這個擺碟出場，真的很吸睛，令到我呢啲港女食都食得特別開心。下次會再來，二人餐有這質素，實屬超值。…Read More

平日甚少涉足荔枝角，剛巧今天朋友在附近下班，就由她帶路吃晚餐。今次吃的工廈西餐廳，到達餐廳門口，十分意外，工廈的西餐廳，對於裝潢都有一定要求，不錯不錯！灰色的牆壁襯上金色字，簡潔等來又有美感！餐廳雖小但枱與枱之間擺放得宜，有空間感。亦有就人數分區，令到顧客可以坐得舒適。二人晚餐餐牌簡單，都有不少選擇。先來一個餐湯，甘荀忌廉湯，很香濃，質地杰身但絕對不是開粉的！餐包配黑醋，很香！乳豬件烤得外脆內軟，咬下去卜卜脆，由於是乳豬關係，肉質很嫩滑！又到我最愛的意粉，意粉硬度稍嫌硬了一點，但醬汁及牛肝菌剛好補了不足！慢煮豬鞍很軟稔，很好吃！甜品點了一個Brownies，很好吃，朱古力味濃，正！環境浪漫，食物質素佳，值得再來一次！…Read More

尖沙咀是我新界人最常出沒的地方。過年期間食左好多賀年野，搞到個人鬼咁熱氣，所以放工後想搵間日本野食下，在同事推介下就來到十和田！落著微微雨咁來到了，一貫簡約日系風格。餐廳內環境都尚算光猛潔淨，亦有一貫傳統壽司店的壽司吧！點菜模式十分先進，用平板電腦，清晰簡單！侍應都十分細心，會講解點菜程序步驟，令人感覺細心。因為我一個人用膳，所以點的不多，點了一個穴子丼及刺身沙律。沙律一上台，我心裏「嘩～洗唔洗咁大堆頭呀？」目測有飛魚子、三文魚、吞拿魚、柱子、左口魚群邊等，刺身新鮮！雖然是角切但質素高👍🏻刺身比沙律菜還多😂主角來了～賣相美得讓人垂涎欲滴！不要以為份量少，但一碗有大約十幾片穴子！不是一般鰻魚是海鰻來的！肉厚爽口！正！鰻魚汁不像外邊般又稠又甜！值得一提，店內的wasabi是即磨，不是一般平價的現成wasabi！吃下去有提鮮作用，不是死辣！子薑，就連我不好薑的都吃清光！下次要帶朋友來試壽司，因為看到鄰桌的壽司很精美，很想再吃！…Read More

話說回來，豬是中國人常食到的食材，但要專門做豬的料理好像不太多？自小都愛吃豬肉，所以知道有一新開的豬扒飯店，總不能不會一會吧？門口豎立一小塊黑板，手寫必食豬扒飯！不得不試吧？中午時段人山人海，有一大班中學生排隊等外賣、有上班族中午時段來用膳，客人籠絡不斷，生意十分好！店內設計簡約，職員態度親切！菜單簡單，以豬及幾款小食為主，價錢不太貴。小妹點了一個秘製豬扒（肉燥汁）飯、滷水雞翼及可樂。主角來了，份量對女生來說的確有點大，難怪點餐紙有少飯的選擇。豬扒炸得香脆，豬肉爽及彈牙，味道不錯。來一張近鏡，豬扒很厚亦很大塊，跟我的臉差不多大，哈哈。最值得一讚是肉燥汁，汁不是一般開水調成的死咸，嚐得出是自家製，最令人驚喜是肉燥汁有一粒粒的肥豬肉！拌著肥豬肉吃，有豬肉香味及油脂，令到味道更完整更統一，貼近主旨—豬。雞翼其實做得不錯，夠入味又不會乾爭爭，但與豬扒飯相比，是有一點遜色😂😂但亦值得一試！水準之高難怪會有這麼多人排隊，價錢又不太貴，貼近附近食肆水平！下次再經過會再試試食麵。…Read More

在香港食日式放題，我相信很多人都嘗試過，但置身於充滿日式的環境食放題而價錢又便宜的，應該比較難找到。今次就來到神輿試一試，一出𨋢門，就看到環境彷如置身日本的寺廟，畫繪馬、祈福等。等候的大堂充滿日式風格，十分吸引。大門口有鳥居，著實令人感到好像到了日本的寺廟般。大門中央的位置捨棄像一般放題店般放置大量餐桌，以賺得更盡。相反，以一桶桶日本酒作擺設，令風格更日系。（但唔知啲酒真定假😂）座位相當闊落，四人枱坐4個人都好舒服！一啲都唔似普通放題店咁，肩貼肩。餐牌一如以往的放題店，一大本電話簿。飲品種類不太多但起碼可樂不是百事。想飲酒都有得選擇，俾錢就得！正價時段，有得叫海膽手卷/壽司架，親！刺身質素好，比起一般放題名牌連鎖店還高，值得一讚，但可惜種類比較少！海膽壽司，質素不錯，海膽新鮮亦creamy!沙律不過不失，可接受。天婦羅🍤蝦、秋葵、粟米芯都有，炸得香脆，粉漿不會太厚！可惜的是，沒有蘿蔔蓉。焗歎士蠔、蝦，好好味，夠芝士。必食榴連球，榴連粉絲不容錯過！整體來說，服務、環境、價錢、食物質素都不錯！唯獨選擇比較少，希望黎緊會多返啲啦！…Read More

一直以來都喜愛吃泰菜，一年總會安排自己去一次泰國，滿足一下自己的食慾。今次有朋友請食飯，就去了位於銅鑼灣的18巷泰菜！位於世貿的18巷，環境頗有情調，坐位舒適。燈光有情調，有懷舊風得來又不會使人感覺殘舊。Drink Menu有好多選擇，由於翌日要上班，所以唯有選擇非酒精飲品😭叫左杯雪裡香，內有香蕉及火龍果，兩者混合起來又出奇地夾！好好飲，不會太甜，好香香蕉味！由於朋友請客，當然食豪佢，叫左個沙煲翅一齊食！啲翅係一梳梳，好正！分左一小碗都好足料鮮蝦刺身可能大家都覺得好普通但要啲蝦甜而又無雪味係有難度！但呢度的鮮蝦刺身就做到喇！呢個蟹又係不得了，黑椒味濃，好香，一擺上枱大家都「嘩」，真係好香好大份！隻蟹好厚肉，好甜！除左蟹同黑椒吸引，蔥段都好入味！炒飯唔會太濕或太乾身，剛剛好！混合腰果同肉鬆同食，感覺不會太膩。係時候要食啲菜清清腸胃糯米飯有黑糯米飯同普通糯米飯，用的芒果香氣撲鼻但不算太甜，混合椰汁糯米飯一起食，甜度恰到好處！整體來說，質素很高，有機會一定再來。…Read More

去開維園嗰頭，當然要順便搵吓食啦！突然間諗起想食上海野，腦內就浮現出上海弄堂這個名字。所以就試一試位於天后嘅上海弄堂。餐廳空間於門外一眼睇晒，雖則店舖比較細，但座位都尚算舒適，好適合三五知己飯聚聯誼。晚市時間都有套餐供應， 10分抵！肴肉端出來，夠凍👍🏻肉味香，點黑醋佐以薑絲，十分清新！用來作開胃菜一流！炒膳糊係我自己任性唔理朋友喜好點的😂膳肉香軟！味道適中，唔太鹹。膳比韭黃還多！連平日唔食膳糊的朋友都食得好開心！上海炒年糕，炒得香噴噴！年糕好有咬口，煙煙韌韌！唔好睇佢咁深色，一啲都唔鹹，令人一口接一口，不停食🤤就算分店，質素都維持得好好！以後諗起食上海野，一定會諗起「上海弄堂」！…Read More

約了美男朋友到OPPA食烤肉，十分符合主題。地點於旺角，十分便利！晚飯時間，人頭湧湧，十分受歡迎。門外亦擺放了幾張韓燒常見的筒櫈，供等位的客人歇一歇腳。餐廳雖小但桌椅安放尚算寬闊，坐得都舒適。三兩知己或一班好友聯誼也不錯。等位時見到這個優惠，由於我們不能等到宵夜時段，所以來宵夜都係一個不錯的選擇！炒飯係一個盒咁黎到，見佢個名話shake shake以為廚房shake好出來，原來可以自己shake😂😂店內OPPA好親切幫我地shake埋😍食韓燒必備泡菜蛋好靚，成朵花咁！用黎送啤酒一流！店內OPPA都好友善，主動幫我地燒亦會幫我地睇火，可以安心吹水。魷魚爽口但不韌，值得一讚。店內OPPA親切有禮，主動協助，令食客覺得愉悅，下次一定會再來食宵夜。…Read More

最近到新的工作環境工作，壓力及工作量大增，令人透不過氣⋯所以下班後要約好友舒舒壓吐吐苦水！時間尚早又想飲杯酒，所以決定了去食炸雞！今次就試試sodam chicken！餐廳設於商廈內，店家都細心，有設立坐椅給等候的客人坐餐廳環境清幽，適合三五知己聚餐餐牌以炸雞為主，炸雞的選擇都不少由於得3個女仔，都怕太陽芝士炸雞吃不消，所以唯有忍痛放棄。睇賣相都知道不錯，炸漿不算厚，雞肉多汁嫩滑。蜜糖香甜和著香蔥同食，令炸雞更香甜新鮮！焗雞看賣相一般但味道令人意想不到！雞焗得外脆但又不會乾爭爭！值得一讚！冷麵不錯，是除了食炸雞之外的另一選擇。要舒壓，一杯啤酒當然少不了友人點了杯Apple Cider Rita，賣相不錯菊花蜜比想像中好飲，是無酒精的不二之選！…Read More