最近係上環試左一間全新裝修，全新班底誠意推出既Fusion菜🍴由米芝蓮西餐大廚主理👨🏼🍳餐廳位置好方便，港鐵上環站行１分鐘就到👍🏻上到去見到已經有好多萬聖節裝飾，睇得出佢地花好多心思係報置上，相信Halloween去一定好有氣氛🎃今次我地兩個人去，叫左兩個Deluxe Dinner Set🍽️佢地有個套餐優惠可以加$38任食小食，咁抵食我地緊要加埋啦😍而且可以選擇既小食有七款咁多添！包括薯條、雞翼、炸粟米、魷魚圈、沙律、是日餐湯同埋蒜蓉包🤤我地就揀左薯條、雞翼同埋炸粟米😆薯條熱辣辣係新鮮炸起既，而且唔會太油同太咸，仲有得配埋黑松露醬添🍟炸雞翼有得揀香草、水牛城或者鹹蛋黃，今次我地揀左鹹蛋黃，一上枱已經有濃郁鹹蛋香！雞翼外皮酥脆，咬開肉質非常嫩滑，而且係單骨雞翼，食得好方便🐥炸粟米好特別，出面無食過呢樣小食，粟米好甜，入口咸咸甜甜好過癮🌽三款小食入面我最鍾意食炸粟米，好有驚喜，而且食完都無咁有罪惡感🤣Dinner Set包有餐酒、海鮮濃湯、前菜、主菜同埋甜品🍽️餐酒我地就揀左Sparkling Wine，入口有豐富既果香，好開胃😋海鮮濃湯係龍蝦湯，湯入面有青口及大蜆，入口有濃郁既龍蝦味，而且帶有淡淡既奶香，而青口同大蜆都新鮮，入口口感彈牙🦞前菜我地揀左黑松露蟹肉多士同埋煙燻蟹肉牛油果他他🍴黑松露蟹肉多士焗得岩岩好夠香脆，入口除左有蟹肉既鮮甜，仲配搭埋黑松露濃郁既香氣，而多士既上面仲加左裝飾花花令到睇落更加吸引🌺煙燻蟹肉牛油果他他上枱開蓋有煙霧效果，一上枱已經非常打卡able！而佢地呢款前菜既上面係加入左蟹子同魚子，令到入口多左海口味同鹹香味，而底層既牛油果他他就加入左洋蔥，令到入口更加清新🦀主菜方面我地揀左炸軟殼蟹蟹黃意大利飯同埋西班牙黑毛豬鞍🍴炸軟殼蟹蟹黃意大利飯既軟殼蟹炸得夠酥脆，而蟹黃意大利飯入口有濃郁既蟹黃味，飯底仲加入左青瓜同蘆荀，增加左清新既口感🦀西班牙黑毛豬鞍肉質油花均勻，口感彈牙，肉質鮮嫩，入口有濃郁既豬肉香味，而且每一啖都充滿肉汁，配菜既焗薯仔都焗得岩岩好，入口綿滑🐖甜品就揀左朱古力心太軟伴雲呢拿雪糕同埋巴斯克芝士蛋糕🍰朱古力心太軟朱古力味好濃郁，有少少美中不足係入面未夠軟，但係配埋雲呢拿雪糕食都係好味既🍫巴斯克芝士蛋糕質地綿密柔滑，入口即溶，而且有濃郁芝士味🧀成餐飯都食得好滿意，而且所有菜色既伴碟都做得好有心思，好打卡able！另外呢個呢間餐廳既畫碟都係超靚，我地問左侍應，佢地話有D複雜圖案既碟佢地會用三個鐘黎畫，真係好有心機！呢間餐廳好適合生日慶祝、拍拖約會時黎食，氣氛好好👍🏻而且服務都一流，有關注我地有咩需要，成個用餐感受都非常好❤️…Read More
