呢間係黎自日本愛媛縣既拉麵店，除左係日本，佢係英國、美國、香港等地都有分店。而香港仲有3️⃣間分店添，分別係中環、鰂魚涌同埋啟德。「周月」仲係全港唯一連續12年榮獲米芝蓮指南推介既沾麵專門店添🤩餐廳門口望入去就見到有一部大機器係到，原來果部就係佢地特別從日本訂購返黎既製麵機，為左確保麵條每日係香港新鮮製造❤️
燒黑豚沾麵🍜
好欣賞呢到有好多野比顧客選擇，包括麵量可選100/200/300g (圖為200g正常份量)，麵底可選涼麵/熱麵，汁可選濃/淡，最後仲有得揀少油添！今次媽媽揀左淡味汁同少油，好適合媽媽既口味。呢到既沾麵麵質煙韌有彈性，汁無出面d汁咁愈食愈鹹既感覺，而且仲有濃郁既鮮味同鹹香。
和牛拉麵🍜
和牛肉質嫩滑，拉麵麵質彈性足夠，湯底濃郁鮮甜，能夠帶出和牛既鮮味🐄
兒童餐🍜
拉麵、小食同飲品都可以揀小朋友自己鍾意食既口味，今次我地就揀左鹽味叉燒拉麵配周月餃子，兩兄弟清晒成個餐，見到佢兩個都食得津津有味，就係對味道最好既肯定👍🏻
呢餐我地全家都好滿意，食得好滿足😋另外值得一提既係，由於我地溴住兩兄弟有時手忙腳亂，店員都好nice，會主動提出協助，真係好加分💯
非常推薦大家下次去啟德都去試下🤩
