GraceChe's Profile

是日平日下午1點幾嚟幫襯，啱啱撞正打工仔Lunch時間🍱，但店員好貼心😍，即刻開咗另一邊俾我哋坐，完全唔使等位👍。餐具、水都係自助式，環境乾淨舒服✨。我同朋友都叫咗All Day Breakfast，全日早餐$78超抵食💰！一上枱見到腸、蛋、茹、煙肉，牛角包、薯仔沙律和蔬菜沙律樣樣齊，好豐富😍配搭得非常好，牛角包好香脆，腸好大條，雞蛋煎得啱啱好🍳，少少流心好滑、薯仔沙律正常發揮，不過煙肉略嫌有少少鹹同埋蔬菜沙律有少少太酸，可能醬汁太多。不過意外發現第一份上枱嘅茹竟然有芝士🧀！（我係超級唔鍾意食芝士嘅😅），但餐牌上完全冇寫有芝士，我落單時都冇講，諗緊算啦，唯有要朋友幫我食咗我嗰份茹佢..😞講緊之際，店員啱啱聽到我講，即刻主動問我另一份係咪唔好落芝士😍😍，好彩地原來仲有一份未整～真係超貼心🥰，好少見到咁細心留意顧客的需要，真係驚喜咗。仲加咗個微薑南瓜湯$18 🥣，薑味淡淡、南瓜味香甜但少少稀，不過以呢個價真係無得彈🤩。另外試咗蟹籽蘆筍煙三文魚香蒜橄欖油意粉$63 🍝，一上枱蒜香撲鼻、擺盤靚✨，加咗少少香蒜所以味道一啲都唔膩～整體食完超滿意。睇餐牌發現呢間店原來2010年已經有，好食又性價比咁高，點解咁遲先發現🥹🥹下次一定會再嚟❤️！ …Read More

作為抹茶愛好者😆😆 呢個商場一新開～見到有呢間嘢就一定要過嚟試吓~完全係衝着抹茶甜品而來的😊不過都要食咗正餐先～呢間餐廳又有正餐又有甜品💚真係一舉兩得！🥹當日5pm到～但係已經見到超長嘅人龍喺門口排隊🥶不過都預咗～新開幕又係紅日⋯餐廳5:30pm開門！不過當日有啲亂～指示唔係好清晰😞差唔多排咗半個鐘先告知分兩邊隊伍排😨一邊排等位一邊排點餐…🫠所以最後係入左座位先去排點餐…然後條隊又係好多人🤔可能一半外賣…導致又要等咗半個鐘先嗌到餐😞不過佢上餐速度好快🥹🥹當日係想晚餐甜品直落～所以嗌咗正餐先再嗌甜品🥰但係冇諗過～太驚喜啦💕海老番茄豆乳烏冬 $128！！！呢個真係勁好食😍力推！一食落去係勁驚艷😍佢個龍蝦汁真係好香濃！然後啲蝦都有五六隻左右～同埋啲茹配搭到好好，整體嚟講啲味真係好夾💕如果要講嘅話烏冬份量有啲少🙈不過真係好好味！唐揚雞咖喱飯 $108 呢個我見佢寫住必點😂但係味道普通～好似平時喺屋企都整到嘅咖喱飯咁～抹茶白玉芭菲 $88本身諗住嗌抹茶白朱古力芭菲😞但係話冇晒..佢雪糕好食～抹茶味香少甜唔苦💚重點係佢最低有啲甜甜地嘅粟米片真係好加分！口感好豐富😊熱抹茶牛奶 $45呢個麻麻哋🫠有啲似飲緊中藥咁～可能唔甜~飲落抹茶有啲苦…感覺有啲水冇乜奶…熱抹茶牛奶忌廉黑蜜 $48呢個對比之下好好多🥹可能又有忌廉又有黑蜜嘅加持💕整體係好飲易入口啲總括而言😂整體嚟講都係幾好嘅😊同埋餐廳服務態度好好～坐低位之後佢會問要唔要睇Menu～之後問佢拎水飲都即嗌即拎俾你🥹仲會問你係要凍水暖水定係熱水🫶🏻好貼心 …Read More