ying.tang's Profile

收工經過彌敦道見到呢間門面光猛嘅新加坡菜，價錢親民，見到都好多人收工經過入嚟食。招牌海南雞二人餐($209)相當抵食，套餐包半隻海南雞、小食一份、兩碗油飯、蔬菜、湯同兩杯熱飲🤌🏼湯係椰子雞湯，亦都可以+$28轉肉骨茶，個人比較喜歡椰子雞湯啦～印象深刻既係香油飯，雞油味好香濃，但唔會覺得油膩，食晒成碗都無乜罪惡感🤣🤣另外燒豬頸肉有炭烤味的，肉質爽脆👍🏼星馬斑斕咖央多士 ($29)每次見到有都必點！多士烘得夠香脆夠熱，用既係冰凍既有鹽牛油，有種冰火兩重天既感覺😆入面搽滿厚厚既椰香斑蘭醬，非常可口😋…Read More

文匯街呢間煲仔飯已經開左好耐口碑都唔錯，但一直冇機會試，今次經過呢邊決定同朋友試一試佢😋裝修雅致，座位唔會好逼夾，坐得好舒服第一印象已經非常好👍🏼🍚廣式臘味煲仔飯 $177完全被呢部超足料嘅煲仔飯所驚豔！好大煲，而且齊晒油鴨、臘腸、臘肉三種食材，用左招牌茅台臘腸，好香酒味～米飯方面粒粒分明，飯焦係真·香脆，唔係韌口黐牙嗰種😻😻🐓黑松露雞煲 $167第一次食黑松露嘅雞煲，原來比想像中更好食喎😲黑松露份量啱啱好，唔會掩蓋原本香口嘅雞煲，雞肉方面有少少焦香脆口，值得一試！ 🥬瑤柱上湯田園時蔬$97食咗咁多肉，食一款清爽嘅蔬菜就最啱啦。瑤柱湯底浸透蔬菜，口感爽脆，食得非常舒服😙🍹特飲 $39入面包括左菠蘿汁、橙汁同雪碧。酸酸甜甜既氣泡飲品，成個人都醒神晒🧊茶飲方面有玄米、菊花、普洱、鐵觀音可以選擇，我哋就揀左咗菊花茶，食完飯解一解膩就啱晒啦…Read More

唔知有冇朋友好似我咁突然勁想食燒肉!以前食燒肉就一定約好晒朋友Gathering先食, 仲要留定肚食大餐咁🤭依家一人燒肉開到成行成市,總有一間喺左近happy!今次就揀左呢間喺旺角通菜街既燒肉Don Don, 係附近行完街就過嚟食燒肉, 超級方便👍🏼🥓最平嗰Set 牛五花100g $48太約有8塊肉左右，薄切好快熟，送飯一流😽仲有幾款唔同醬料供選擇，我自己最鍾意就係鹽醬😋身為食肉獸既我緊係唔會就此罷休🌝同朋友另外再追加左牛五花100g($32) 牛舌100g ($68)，價錢都幾抵玩架！過下口癮一流🤤隨餐附送飯同蕃茄牛尾湯，蕃茄味濃郁，入面仲有唔少既牛肉粒，今餐滿足晒啦🤎…Read More

夜晚係附近做完運動想搵D小食食下，經過見到呢間新開既茶飲小食店，見佢標榜用新鮮水果同蔗糖制作，岩晒為食又怕肥既我手工粒粒芋泥鮮奶茶($34)飲品方面都好多選擇，見有芋泥奶茶唔洗諗即刻點！奶茶味香濃易入口，唔叫少甜都唔會太甜或死甜。芋泥方面入面有一粒粒既芋泥，口感十足! 作為一個芋頭控對此表示十分滿意爆汁流油烤肉腸($16)非常有驚喜，同佢個名一樣每啖都流油好香口, 唔會乾爭爭。味道好似台灣腸咁甜甜地，烤到個邊有D脆口，加埋紮實既肉質，成件事好滿足Lucky炸雞塊($16)炸雞塊一份4件，味道有少少似麥樂雞，肉質鬆軟。另外仲好貼心咁附送左，建議買完即刻食就最正!…Read More

一直都知道泰利斯價錢親民，性價比高，今次和朋友決定一試！先來個海鮮龍蝦湯打開味蕾，龍蝦味超濃郁🦞裡面還有有魷魚和蜆肉，直接喝了兩碗！今次試威靈頓牛柳做主打的放題，餐牌一點也不馬虎，由頭盤到甜品都有非常多款式選擇，人均只需HKD298🤩非常值得一試!🥩整晚最期待的威靈頓牛柳，酥皮烤至金黃色，很酥脆，牛柳的部分很嫩滑有肉汁。分量不會太大，大約一個拳頭的大小，不夠吃可以再點，反正是放題嘛🤭～🍝另外推介的是意粉，一共有3款意粉供選擇，平時最怕意粉煮太軟，但這裡的意粉質地彈牙還十分掛汁～頭盤小食🥗有約20款的頭盤小吃，個人覺得必點法式焗田螺、白酒煮青口和松露薯條！🥂🍷飲品除了想像的到的飲料外還有紅白酒！墨西哥啤酒等等，我當然是白酒喝個夠啦～📍泰利斯餐廳 尖沙咀寶勒巷22-24號雲龍商業大廈地舖A舖…Read More

應該係觀塘打工既朋友都識得呢間餐廳，食過既朋友都一致好評！羊肉大碗米線$68小編今次因為冇食早餐太肚餓啦，所以就點左碗大既，份量係超多。其實正常食量既朋友點細既就夠啦~湯底充滿羊肉味，味道香濃但唔會太羶。羊肉片係薄切，份量都唔少呀。另外仲配有大量蔥花同豬油渣，香味充斥係成個口腔內~店內環境寬敞，位置都好多。推薦靠窗口位置，採光非常好坐得好舒服。其實每次喺樓下望上去都以為佢冇開，要懷著緊張既心情行上去，見到有開心即刻開心左～…Read More

呢間咁出名既日式冰店已經係香港Hit左一段時間，但依家先試到!! 假日既關係都仲需要排隊，大概等左半個鐘至9個字左右。環境以日系原木裝修為主，坐得都幾舒服。草莓Special味(配北海道牛乳奶凍) $110食物方面，平時睇相以為好大個，但原來比想像中細小得多，一上碟當然要打下卡啦，但因為刨冰好輕型好快溶既關係，店員都提醒我地要快D食，如果唔係就會溶晒落盤啦😂~味道要比5⭐️草莓牛奶味好濃，每一啖都佈滿糖漿/牛乳，入口即溶唔洗咬，抵佢咁出名既🤭…Read More

已經好幾年冇北上搵食，有啲掛住大陸醬料既味道。喺小紅書見到有唔少post話土瓜灣呢間小店有醬香餅食，味道仲好地道，所以特登出尼試試佢！比較失望既係一早已經整好晒裝左入盒，所以並唔係熱辣辣的。口感唔知係咪放凍左既關係表面係脆既但入面好硬。味道係唔錯，少少甜辣。建議冇人排隊時可以即叫即整就更好啦。價錢方面 比之前貴左$2，由$17->$19，份量算多，對得住價錢既～…Read More

以前經常去登龍街搵食，咁耐冇去原來已經唔同晒，多咗勁多新餐廳。今次食呢間位於登龍街既樓上Cafe，位置方便，見咁多好評就去一試究竟啦。Menu設計到似本回憶錄咁，中學時做相冊既回憶當堂返晒嚟，同店名非常匹配。和風紫菜薯條配黑松露醬 $68即叫即炸，所以上碟仲係熱辣辣好脆口的。薯條屬於粗薯，條條都咁長，黑松露味道唔會太厚重搶左薯仔味，冇令人失望喎！日式海膽忌廉帆立貝意大利粉 $198海膽醬超級足! 每一啖都有海膽鮮味，充足既海膽醬令口感更順滑; 上面有三大粒帆立貝，啖啖都係肉，而且肉質相當彈牙。黑松露牛肝菌野菌燴意大利飯 $178一上碟已經飄來好香濃既黑松露味，每粒飯都吸收左牛肝菌既沙汁，粒粒飽滿。上面既泡沫係由牛奶打發而成，冇咩味道但為成道菜加左唔少分架。Peach Minty Fizz $68成杯飲品既擺盤非常吸睛，岩晒中意打卡既朋友。淡淡既桃味唔會太甜，舛膩一流的。今次約左好耐冇見既姐妹飯聚，呢度環境恬靜，岩晒我地慢慢食下野傾下計，傾下舊時趣事，非常好的體驗。…Read More

是日同男朋友揼完骨行經門口見幾吸引，價錢亦都唔貴，就入左去試啦，門面唔算好大，大概只有十幾個座位，U型Bar枱+一兩張四人枱。但有2位Waitress+4-5個壽司師傅，所以落單到上菜都非常有效率，有種置身築地的感覺。自選壽司12件-$188 +海膽軍艦$68分別叫左三文魚腩、火炙三文魚腩、魴鮄、火炙金線鯛、赤蝦、飛魚籽軍艦、油甘魚、真鯛同蔥吞拿魚腩，額外加左件海膽軍艦。每款最多只可選2件，所有魚生都非常鮮甜，一啲魚腥味都冇，最驚喜就係蔥吞拿魚腩軍艦，吞拿魚蓉入口即溶，相當Creamy，配上青蔥花味道格外清新，真係好味到唔想吞落去！海膽軍艦同飛魚籽軍艦份量多到滿出來，味道濃郁。三色丼 $138可以自選3種刺身，分別揀咗三文魚、鯛魚同油甘魚，魚片好大塊兼厚切，肥美新鮮，油脂分佈平均，有入口即化的口感，米飯的醋味亦調配得剛剛好。蔥吞拿魚腩手卷$48食完個軍艦之後念念不忘，決定追加一個手卷，吞拿魚腩蓉份量更多，只能夠講聲真係好好味呀~另外仲有Omakase, 價錢比其他壽司店平好多, 分別係$380/$480/$680，性格比真心高。原本旺角出名多劣食，今次冇中伏之餘仲覺得可以再去，大家真係唔好錯過呀~…Read More

之前經常都會嚟屋子食件Cake飲杯啡，馬鞍山呢間環境特別舒服。今次踩單車前都會嚟呢度嘆個午餐，最鐘意坐榻榻米位置，由天花到地下既落地大玻璃，採光度太好啦真係，開啟悠閒舒服既一天~醬烤鰻魚($118)+醬油蛋拌飯+$5+美式咖啡烤鰻魚相當有驚喜，味道保留左魚油香味；肉質方面比想像中更軟滑，油脂比例岩岩好，亦完全唔需要擔心有骨等問題。豚角煮($95)+醬油蛋拌飯+$5+西柚冰茶採用咗半肥瘦嘅三層肉，肉質燜得軟稔入味，味道偏甜，入面仲有幾舊白、紅蘿蔔，同樣入晒味，配飯一流。Lunch set包飲品同滑子菇白味噌湯湯係一個套餐入面真係擔當住好重要既角色! 食到飽飽地既時候飲啖湯真係太舒服啦。飲品方面不過不失，比較驚喜係西柚冰茶好多新鮮西柚肉，落足料架。…Read More

一直都聽過美味佳個大名，今次真係第一次走入去試。店面就係好平民貼地嘅舊式裝修（其實冇乜裝修可言）鋪面唔算好大，有10張枱左右。所有食物價錢合理，即落單即整！每樣串燒都灑上大量香料，好似返咗大陸咁，好香口，每樣都燒得好脆口。唯有缺點就係上碟真係非常唔美觀😂所有野堆埋一齊，如果可以整齊地擺會更加好。另外，極推燒茄子！上面有大量蒜頭同少少辣椒吊味，而且非常大條，兩個人食就啱啱好唔使爭啦，但冇影到相😢…Read More

餐廳位於Rosewood5樓，可以經K11 Musea或經酒店大門到達。現場環境絕對不是很安靜、十分拘謹慢慢品嚐的感覺，反而是十分放鬆地和朋友聊天相聚氣氛，屬於較貼地的Finedining。Txipirones $120Baby Squid, Farmed Egg, Padrón Peppers 非常適合做開胃菜的冷盤小食，魷魚熟成程度剛剛好，不會太硬且帶點爽口，Padrón Peppers 外貌像辣椒，但入口完全不辣，味道似淡淡的青椒，加上半熟蛋，三者攪拌後味道十分匹配，口感嫩滑。Gilled Spanish Seabass $290Roasted Red Pepper's Sauce, Green Bean超級驚喜，鱸魚帶點肉汁，外皮煎得香脆，重點是配上酸酸甜甜的紅椒汁，非常清爽，一試難忘！Seafood paella (Medium) $300海鮮飯水準不過不失，每粒飲吸滿湯汁，雖然有鹹鮮味但層次略嫌單調，海鮮分量比想像中少。Sangria $130人生第一次飲Sangria就有非常好的體驗! 本人不太喜愛紅酒的苦澀，但加入水果後酸酸甜甜的果味減輕了當中的苦澀，肉桂味分量適宜，相當易入口。CHURROS $85全晚最期待的就是Churrors了! 上碟時還是熱辣辣的與其他餐廳相比，Bayfare的Churrors沒有炸得完全熟透，外脆內軟的口感更加明顯，另外灑上大量砂糖，香脆可口。另外附上超濃郁朱古力醬可以蘸~為閱餐畫上完美句號。如果選擇有情調但不太拘謹的地方，Bayfare有服務及食物質素保證，性價比高，不妨一試。…Read More

同朋友喺尖東呢邊覓食，俾佢嘅香氣所吸引。所有串燒分量充足，特別係牛是非常厚切，口感爽口，而且所有調味係好有大陸風味既孜然味，聞到都流晒口水。最令我印象深刻係燒粟米，咸香味夠而且唔會遮蓋粟米本身嘅香甜，炭燒程度啱啱好，每粒粟米都可以咬落來🤙🏽 至於燒豬頸肉帶點燒香，而且有甜甜地嘅蜜糖味，非常清爽；燒生蠔就比想像中細隻，上面鋪滿蒜蓉同辣椒蒜蓉味有少少蓋過生蠔嘅鮮味啦。店舖內座位都算闊落，價錢相宜，適合一班朋友食宵夜傾偈。…Read More

是日男友生日，安排左有海景有情調既餐飯食晚飯，係openrice上預約左後，餐廳會係前一日whatsapp我地confirm booking. 有咩問題或特別安排都可以係whatsapp上問。Carpaccio Di Manzo $198生牛肉醃製後既咸香味好清新，配上芝士同火箭菜口感有習次，非常適合做開胃菜。但如果火箭菜多啲就好啦。Pizza Regina $238見好多人推介就試試佢啦，批邊好鬆軟，批底較薄拎起上嚟較軟身。重點配料有蕃茄、蘑菇、mozzarella cheese同巴馬火腿，芝士味好香，即叫即焗。Tiramisu $128質感軟滑，手指餅都幾少，不過不失啦，但價錢真係頗貴。…Read More