自選壽司12件-$188 +海膽軍艦$68
分別叫左三文魚腩、火炙三文魚腩、魴鮄、火炙金線鯛、赤蝦、飛魚籽軍艦、油甘魚、真鯛同蔥吞拿魚腩，額外加左件海膽軍艦。每款最多只可選2件，所有魚生都非常鮮甜，一啲魚腥味都冇，最驚喜就係蔥吞拿魚腩軍艦，吞拿魚蓉入口即溶，相當Creamy，配上青蔥花味道格外清新，真係好味到唔想吞落去！海膽軍艦同飛魚籽軍艦份量多到滿出來，味道濃郁。
三色丼 $138
可以自選3種刺身，分別揀咗三文魚、鯛魚同油甘魚，魚片好大塊兼厚切，肥美新鮮，油脂分佈平均，有入口即化的口感，米飯的醋味亦調配得剛剛好。
蔥吞拿魚腩手卷$48
食完個軍艦之後念念不忘，決定追加一個手卷，吞拿魚腩蓉份量更多，只能夠講聲真係好好味呀~
另外仲有Omakase, 價錢比其他壽司店平好多, 分別係$380/$480/$680，性格比真心高。原本旺角出名多劣食，今次冇中伏之餘仲覺得可以再去，大家真係唔好錯過呀~
