【真實食評】魚事者：慕名而來，敗興而歸 💔📍 期望越高，失望越大自從知道「魚事者」攞到米芝蓮推介，又見到幾個YouTuber大力推薦，身為魚痴嘅Iby即刻心心眼！之前喺廚魔食過個鱈魚麪，鮮美彈牙到念念不忘，見到呢間主打魚麪，專登山長水遠搭車去朝聖，點知⋯⋯我真係喊咗出黎！😭（我好少會喊）ε=ε=ε=ε=ε=ε=┌(;￣◇￣)┘🍜 食物點評：淡過蒸餾水！1️⃣ 招牌魚麵· 湯底淡到冇朋友，飲多兩啖以為自己飲緊滾水！我地估佢用魚熬完出嚟再加咗好多水，連基本鹹香/魚味都冇。· 麪質偏軟又偏粉，同廚魔嗰種煙韌魚麪完全係兩回事。最致命係魚味近乎零，食咗兩啖都唔知自己食緊咩。2️⃣ 辣油：得個粉字！見枱面有辣油樽，滿心期待試咗一匙…點知得陣粉感、唔香唔辣，但加落燒賣又可以勉強接受嘅3️⃣ 墨西哥炸魚皮全場唯一正常嘅食物！炸得脆卜卜，帶微辣同香料味，仲有好味嘅肉醬同三款Taco醬，總算有啲誠意。可惜其他嘢太差，救唔到全場。4️⃣ 焦糖魚米布丁諗住係伏，點知有驚喜！焦糖燒得中上、魚米口感得意，有啲似西米布丁，甜味同口感算平衡得幾好，可以一試，不過未去到好味5️⃣ 魚肉燒賣 & 魚烏冬· 燒賣口感彈形，似魚蛋，可惜魚味薄弱到隱形。· 魚烏冬同湯底一樣淡出鳥，食完之後超級唔開心，一路喊一喊衝出門口，侍應可做證。6️⃣ 炸魚冇薯條炸得勉強算酥脆，冇網上講到完全唔脆，不過都係煙韌為主，主要係皮太厚，如果唔係都ok嘅┻━┻︵╰(‵□′)╯︵┻━┻🍹 飲品：連可樂都冇？！· 餐廳竟然冇供應可樂！對於食完淡味嘢想飲啖汽水沖擊下味蕾嘅我，真係大打擊。· 家人叫咗杯老細陳皮檸檬，飲一啖即刻皺眉：「酸澀得滯，陳皮味怪怪哋、唔夠凍、撈唔勻，好似好倉猝咁樣沖出嚟咁」，結果飲兩啖就放低咗…---💡 總結：米芝蓮光環下的真相米芝蓮同KOL推薦還推薦，自己食落先知道伏唔伏。今次經驗話畀我知：「專程搭車去食，絕對唔值！」 如果順路經過，或者可以試炸魚皮同布丁，但主打的魚麪同湯，真係要三思。可能我期望太高，但淡而無味嘅食物，實在對唔住個招牌同車錢啊⋯⋯推薦指數：★☆☆☆☆（1/5，畀炸魚皮嘅）回頭率：接近零…Read More
，食得多都唔膩，只想再嚟一輪。燒肉香氣瀰漫，Iby就諗起雪櫃：要飲野！一開，滿滿玻璃樽可樂（當然仲有其他野飲）同隔離冰格嘅雪糕、雪條任揀！Melona蜜瓜雪條，綿密滑溜果香清甜，洗走舌尖油膩；試Da Lino雪糕滴芝麻油，食落真係變咗太妃糖嘅焦甜味！西瓜雪條有朱古力脆籽，清爽又有層次，快感直衝腦門😳。入口即溶燒肉、冰凍可樂夠凍又夠氣，加埋甜蜜雪糕融化舌尖，組合冇得頂！炸物勁多款式，而且炸得勁脆，章魚燒竟然同出面食嘅一樣😳睇住窗外尖沙咀夜景，霓虹閃爍，成晚喺肉汁四溢、海鮮鮮滑、雪糕綿滑同朋友低吟笑聲之間，編織飽滿火熱肉體記憶。食完即係重咗3kg🙈😂下次一定要再嚟，滿足到飛起～
