🍜 蔥油雞翼撈麵
雞翼炸到金香酥脆，蔥油香氣逼人，撈麪用上福麪，軟腍但超掛汁，啖啖都係滿滿嘅蔥油！
🥟 半價點心
▪️ 海苔香煎蘿蔔糕：外脆內軟、超級多蘿蔔，海苔提鮮超驚喜！我哋另外叫咗個辣椒油都好好味！
▪️ XO醬炒腸粉：層次豐富又惹味，腸粉煎得香脆～
▪️ 芥末沙汁三文魚春卷：薄脆外皮，加上浸滿芥末沙汁嘅三文魚肉，中西合璧！
▪️ 黑糖蜂巢糕：係Iby鍾意嘅黃金糕Texture，雖然蒸得腍咗啲，但係攤凍一陣又變返彈牙，超好味😍
▪️ 白灼生菜：清淡爽脆，平衡味蕾之選😂
☕ 一入到去就問我哋飲咩茶，揀咗普洱茶又唔太差，香濃解膩、完美配搭！
我地仲叫咗「一人的浪漫拼盤」，$73有8款點心，質素又唔差，超正
1
餐廳環境超有特色，下層懷舊戲院風+上面地鐵主題，打卡一流📸 仲有$5括括卡玩，又可以幫到毛孩，絕對要支持！❤️
最後同好友善老闆嘅傾計，原來佢地係家族四代傳承，由太爺廣東賣牛肉開始，到爺爺帶嚟香港發展，堅持每日用新鮮牛肉做點心，向祖先致敬。食點心同時感受到歷史傳承，特別有意思！
⏰ 早市優惠（2點前多款點心半價）
🎂 生日送大壽包！
