keroppiliu3833's Profile

終於等到限聚令放寬，可以六個人一齊食嘢啦！當然去食肆林立嘅灣仔尋寶啦！當我哋行到鵝頸橋附近發現一間令人口水直流嘅舖頭！“喜記避風塘炒蟹”毛毛立即話好耐冇食過避風塘炒蟹,所以六人浩浩蕩蕩入去。做了所有量體溫、登記後,見座無虛席，好彩等了一陣，職員小姐有禮貌地令我們到枱 。難得可以一齊食野，當然好豪一豪佢，餐牌上有許多豪華套餐正在做特價，價錢不貴，6位用都只是$1988，已有十款餸菜提供,多款選擇包括馳名的喜記避風塘炒辣蟹我地商量後，決定點喜記避風塘炒辣蟹、椒鹽大瀨尿蝦、招牌醉鮑魚、椒鹽九肚魚拼白飯魚、蟹油拍青瓜、菠蘿咕嚕肉、上湯浸水蜆、豉油皇中蝦、蒜蓉炒時菜同避風塘炒牛河。閒談一陣，食物已繼續送上，先上蟹油拍青瓜青瓜爽脆配上黃金蟹油及蒜粒，一啖已有齊鮮脆，喚醒沉睡多時嘅味蕾。椒鹽九肚魚拼白飯魚脆漿唔厚，既能食到香脆炸漿，同時食到九肚魚同白飯魚嘅嫩肉，好像為辣蟹做好準備椒鹽大瀨尿蝦每隻都一隻手掌咁大， 每隻都整得外脆內肉嫰juice，椒鹽脆粒鹹得香口，將蝦肉的鮮嫩極致發揮。招牌醉鮑魚： 鮑魚肉質彈牙，酒香味濃。終於到主角出場：喜記避風塘炒辣蟹，一對鉗大個塊面，大家都忍唔住攞住塊鉗來影相。餐廳很有心思，為免客人食得麻煩，將所有鉗都幫弄碎，基本是一攞上手拆一拆蓋已吃得，一口一口大啖食，味道上保存到避風塘口味：夠鑊氣，鹹辣香，提升蟹肉嘅美味。食了這麼多濃味嘅食物，清清地嘅上湯浸水蜆，水蜆同粉絲吸收了上湯精華，清中帶鮮，正好讓味蕾休息雖然蒜蓉炒時菜（例半）,不過份量不少，小白菜腍滑，蒜味足菠蘿咕嚕肉，酸甜適中，配菜爽口避風塘炒牛河味蕾再次被沖擊，鑊氣夠，河粉炒得乾身唔黏埋，牛肉大塊唔奀口再配上椒鹽碎，真的正捧著肚子離開…Read More

今天終於不用分A Team B team 返工，有同事毛毛陪我去柴灣做野。 今天去左嗰工廠大廈收貨，收貨搬貨都到晚上6點幾，毛毛話咁耐無一齊食飯，不如係附近找間野一齊食囉。正想堂食時，電話彈出“何栢良：懷疑有飲食群組....” 咁即使話...., Oh,無得堂食啦！毛毛話買外賣囉！我地見到隔離舖門口有個大大logo 有3隻可愛雞寫“Chicken Brother”，上 open rice check下，原來食韓國炸雞，專做外賣。好耐無食韓國炸雞，毛毛話不如就係度買，之後買幾枝啤酒上佢屋企食、啤啤佢，仲順便探埋阿嫂。好提議！一推門入去就見到玻璃廚房，可以隱約見到廚師在展示廚藝，見到有許多送遞員攞外賣送。因我地是walk-in, 所以就取左1份單張看，原來外賣自取有9折，嘩！11點後仲有77折。款式選擇多， 最後我地揀左2-3人份量的半半炸雞（要韓式甜辣炸雞同蜂蜜牛油炸雞）$148、 蔘雞湯（全隻）$96、北美炸薯條$38、芝士熱狗棒$42同烤雞肉卷$69即點即煮，等約20分鐘就有，份量不少，睇兩大包。包裝都有心思，湯用保鮮紙包裹防漏，最初我地睇沿途會倒瀉。韓式甜辣炸雞（下面）：甜甜地帶點酸辣，有蒜蓉味因放了極多蒜蓉粒。炸脆漿厚薄適中，外脆肉juicy; 蜂蜜牛油炸雞（上面）則甜甜的、牛油味濃。蔘雞湯（全隻）：嘩！足料無投訴，原隻雞內釀糯米紅棗，叫得參雞湯，人參當然不少，參味夠，雞肉滑，糯米綿，食完嗰嘴黏黏地北美炸薯條： 外脆內軟配埋椒鹽，鹹鹹辣辣送酒一 流芝士熱狗棒：正常烤雞肉卷： 嘩嘩嘩！ 多料多到咬一口， 雞肉想係嗰卷偷走出來，哈哈！我同阿嫂細口， 所以俾佢走得甩，只有毛毛一張口烤雞粒通通落肚！烤雞肉粒香料味重，切得大細適中，有咬感，配上沙律菜同沙律醬，感覺唔油膩，勁飽肚。全單九折後都是$353.7,平均每人不需120蚊就有咁多野食，抵!好少話要 encore 嘅毛毛都話，下次睇深宵波叫囉！ 有77折仲抵。見張單張有社交媒體帳號 ，不如mark 低，下次方便d訂。…Read More

終於放寬限聚令，疫情穩定可以約朋友去wet 啦！作為港島人，識得 wet 一定去銅鑼灣。 去會合朋友時，發現在希慎廣場嗰條則街，有多間台式飲品，發覺開了許多新野，尼間極多人排隊，於是入去試一試這間門面以灰白色為主，簡約裝修，感覺舒服，調飲師全是年青人，充滿活力。門口放有一塊大飲品介紹牌，有許多推介，找個價錢平平地的，又是受歡迎的，所以揀了 Top 2的“珍珠伯爵紅茶拿鐵（珍珠鮮奶茶）”，正常甜走冰（$29）因為多客，等了約5分鐘，終於到我啦！杯設計貫徹簡而清，只得一隻乳牛份量適中,一口飲下茶味濃郁，奶香滑，味道一流，再食埋珍珠，甜度適中，Q 彈，真的物有所值，怪不得咁多人排隊，同攞最受歡迎第二位啦！…Read More

現在世界難撈，老細要加班，誰敢不從， 最後午餐變下午茶，還要限四十五分鐘完成，所以外賣是常識吧。樓下新開了一間海南雞飯餐廳，嗰個同事都話快靚正，服務員落單快，出餸快； 用新鮮材料整每周靚湯正茶，好多人買。同事話幫佢叫麻辣手撕雞冷麵套餐加配熱情豐盛同時令菜。落到樓，過一條街轉彎就見到一間logo 好可愛，有一隻雞仔抱抱豬，裝修簡潔舒服。見到咁多選擇，又選擇困難啦！我躊躇了一會，女侍應很好人，介紹佢哋最受歡迎的特色椰香海南雞飯套餐, 麻辣雞腎同不加味精的每月食療拿杯湯（茶樹菇香菇淮山雞湯）。當然，要點埋同事要的食物。在等食物時發現有藝術畫貼在貼咗喺牆同架上。真的好快，五分鐘已盛好所有食物。椰香海南雞飯套餐（$79）： 雞嫩滑飯很特別，除了有油雞香還有濃濃的椰香味，因此感覺不會太油膩。同事話同我分享食物，叫我試試那個冷麵。麻辣手撕雞冷麵（$79），份量大， 大量生菜絲，青瓜絲，車厘茄，粟米粒，手撕雞肉配蕎麥麵，拌勻好，麻辣有層次，麻辣醬先是胡椒蒜辣味，芝麻香，再嚐一口，花椒濃蒜味慢慢滲進味蕾，麻辣感覺充滿口腔，但當車厘茄嘅juicy, 粟米粒同青瓜爽脆，中和左麻辣感覺，又可大啖食哪滑嘟嘟、軟硬適中的蕎麥麵。同事見我辣辣得咁過癮，分了些熱情豐盛，味道酸咪咪，很開胃立即想再食多次我都禮尚往來，請同事食雞腎。麻辣雞腎（$18）： 切得大細適中，爽口彈牙，無內臟腥味，麻辣感覺重。菜芯苗（$15）配上甜豉油，爽脆新鮮熱情豐盛（$15），原來是熱情果加杞子，熱情果味濃，用杞子嘅清新甜味，不用加糖都咁甜，非常有益健康。不加味精的每月食療拿杯湯（茶樹菇香菇淮山雞湯（$18）： 湯味濃食到有香菇同埋淮山嘅味道，湯冇油，非常健康。價錢實惠食品份量多用料新鮮，咁多嘢食都是$149，平均每人不用$75,就已有主食，小食同飲品，在北角都比較難找。下次若果再叫外賣，我都會找cocopig。…Read More

毛毛好掛住新界靚雞粥，不過近來嘅環境，實在有點難去新界，所以毛毛講了很久都無法為佢實現。 今天去街市買做節餸，正係去筲箕灣街市途中，發現了一間大大隻字寫住“元朗雞粥”， 毛毛立即話“不用去咁遠，有得食啦！”所以我地就下車去試下有無新界這般滋味。門外玻璃已貼上各式傳媒報導，菜式種類繁多，早餐有中式粥炒麵，亦有西式多士通粉，任君選擇菜牌圖文並茂，配搭多元化，好容易找到自己所想食的眼見許多人都點粥，我同毛毛都點了粥。 毛毛選了這裡必食推介貴妃雞豬潤粥（$57）同炸両（$19）,再加杯熱檸蜜（$8）。 我就點了艇仔粥同豉油炒麵套餐（$33），再加杯熱檸蜜（$16）貴妃雞豬潤粥： 雞滑豬潤厚亦份量多。 炸両： 皮滑油炸鬼脆艇仔粥料多，豉油炒麵炒得乾有微辣味道熱檸蜜剛好解辣及暖胃…Read More

台式飲品充斥香港已經做到梗有一間左近，我替香港出名的茶莊不值，香港的茶一樣順厚芬芳，仲加點本土味道，所以每次飲台式飲料時，都期待港茶莊都來個新式飲品 cross over。今天同毛毛去尖沙咀金馬倫道行街，在眾多食肆中， 見到一間裝修以棕灰白色為主，顯得簡約莊重， 門口見到各式飲品的相片，其中一面牆有一個用木砌成的茗茶杯，感覺如一般台式飲品店很不同，有一份親切感，再看進店內，發覺有熟悉的身影，是我由細飲到大的英記茶包，立即入去看個究竟。原來我的希望終於成真呀！香港的老字號茶葉莊開左特色茶品店，從飲管包裝、攪拌捧設計等細節已知有心思再望望價錢，同台式飲品一樣，咁真是抵，平常我飲開一包茶包都最少$70，現在一杯有埋生果同奶蓋都是$47，我覺得好值呀！我就點了鳳梨奶蓋大理石毛毛都認同我講法，不過懂養身揀了杯熱飲：紅豆茶啡$28飲品都是即叫即整，看著整過製作過程， 我嗰杯最少用左4塊鳳梨打碎混和靚茶。毛毛嗰杯就見調茶師，毫不吝嗇的一羹一羹把紅豆放進杯內。等一會，兩杯飲品就完成。 店員提醒我要搞勻才飲，搞勻後就明白點解叫做大理石，因為茶同奶蓋鳳梨混合後就如大理石紋一樣，很靚， 每吸一口都充滿茶香，鹹香奶蓋同滿口鳳梨肉，口感同味道都極滿足。毛毛的飲品就茶香啡味濃， 一吸就會出現紅豆塞飲管的情況，紅豆焾。整體感覺不錯…Read More

終於去到旺角行街， 肚餓找野食，但又無心水，見到 OP 有個附近餐廳功能，試下一按， 找到這間，原來就在我右手邊一個人身位的銀灰色入口，見都多好評，決定同毛毛上去試一試。去到𨋢口才知道𨋢唔到2樓，要徒步上樓梯，見到樓梯立即返回小時候上落唐樓的景象，好懷舊 feel 。 上到2樓一出樓梯口就見到 “心選”， 裡面裝飾充滿聖經氣氛，有聖經老人，許多胡桃甲子，播著台灣歌曲一早已有青年人幫襯，正在閒談和玩 board game, 感覺充滿活力.菜單選擇多， 職員見我地選擇困難症發作，選了很久都未選到，就提議我地要各點一個套餐（已包$36蚊飲品，多左補錢就得）, 她介紹了煙鴨胸蘑菇黑椒意粉及煙肉西蘭花忌廉長通粉。 我地各加了錢點左冰荔枝綠茶同柑桔薑茶（壺）。原來廚師同職員是同一人， 咁廚師介紹得必然好食， 等了一會，熱烘烘的煙鴨胸蘑菇黑椒意粉（$98）到賣相吸睛， 意粉軟硬適中， 鴨胸juicy，味道調的很入味配埋香草黑胡椒碎，口感一流接著是煙肉西蘭花忌廉長通粉（$98），賣相都靚， 忌廉汁剛好包著每一條長通粉，creamy唔膩， 長通粉及西蘭花軟硬適中。冰荔枝綠茶： 茶味濃，最正，走塑柑桔薑茶（壺）：原壺上，感覺一流，薑味濃，似是用薑煲一大壺水，在冬天好保溫…Read More

同朋友去左柴灣室內運動場打波，打完肚餓，朋友同我講這裡有間美味日式餐廳，不過比較隱蔽，在1樓，一出𨋢門，大屏幕後就見到。我跟他的指示，見到一間以黑色為主的日式餐廳，門外掛著一個“悠” 字，室內貼滿兒時最愛的宮崎駿動畫海報如風之谷、波兒、千與千尋亦有其他日本動畫的貼圖如柯南。座位寬敞唔迫，還有藏書角供人閱讀，頓覺年輕又文青。職員面帶笑容邊帶位，邊詢問幾多位同要水或玄米茶我要了玄米茶，這間是原包玄米茶給你，所以特別濃味餐單都有3張，分別有和風主食， 丼飯，炸物，小食，鍋物，拉麵等， 種類選擇多，圖文並茂， 易睇記得小時候，每次做完運動，爸爸都會帶我去大x屋，食個鰻魚定食加飲波子汽水， 這裡竟然有齊哂，當然要點來回味一下童年啦！點了鰻重（$98）連麵豉湯， 再加煎日式餃子（$32）同跟餐加$14的波子汽水，最正是唔收加一。麵豉湯： 味濃, 海帶多， 還有滑滑豆腐鰻重： 的確“重”，份量重， 日式便當盒送上，一打開熱騰騰的醬汁鰻魚味不斷湧上來，筷子咁長的醬油芝麻鰻魚橫躺在幼滑蛋絲，紫菜絲同香軟的珍珠米上，真的令人流哂口水。一口咬下更有欲罷不能停口的感覺， 鰻魚入味， 皮微脆肉肥味來到煎餃子，煎得唔乾身，能夠做到外脆內軟密果味波子水，不用說，好飲食得好滿足，埋單發現原來這裡只收現金。多嘴的我見到有咖啡機，就問職員，她們說午市有自己炒咖啡豆的即磨咖啡（啱哂毛毛）同甜品賣，不過太好賣，晚市前就賣哂，所以下次約埋波友同毛毛下午來食先。…Read More

每次夜放工由鵝頸橋步行到灣仔地鐵站，一定會見到一個大型霓虹燈牌寫著“香港魚蛋皇 鯊魚骨響螺豬骨湯底 ”， 不過已經係公司食左飯，所以無quota 食。今天放早， 途經這裡當然要試一試啦！門面以黑色為主，好嚴肅，室內則光潔明亮，物品枱椅乾淨有序，感覺舒服。姐姐們嗰個都笑容滿面，問幾多位同帶位， 餐牌圖文並茂，種類豐富，不只有潮式魚麵食， 還有西式早餐，咖哩飯等入到來，當然食潮式麵食，多心的我，選了個一次過試哂手唧魚蛋、肉丸、魚腐、魚角、魚扎，最重要試魚麵，又有紫菜食，又有靚湯飲---紫菜四寶魚麵剛入門口見到炸魚皮不錯，所以都點了，再加錢點了杯凍檸樂熱辣辣的食物好快上枱，份量好大， 非常有心， 蔥花芫荽炸蒜用湯匙墊開， 可以讓食客自行加，還有麵底有兩大條菜，夠哂纖維。湯的確甜，魚蛋、肉丸、魚角、魚麵彈牙、魚腐軟滑、魚扎特別炸魚皮鬆脆，放入湯內吸盡精華後再食更正…Read More

今天同毛毛又派左去柴灣做野，又到月尾，荷包硬化，得嗰100蚊包兩餐，要係午餐時間食得好同飽，都唔知食咩？見街市轉角，有間細舖仔排左好多人外賣，根據柴灣搵食法則，所以走過去看看嘩！原來12-2點有優惠，30蚊就有一盒海南雞飯， 唔止啊！還有無骨豬手飯， BB鴨飯， 椒鹽豬扒飯，酥炸雞球飯非特惠時段，款式都仲多，有醒胃的撈檬系列同咖哩系列我地點左佢地嘅招牌菜海南雞飯同無骨豬手飯點後約5分鐘就攞到外賣，立即急不及待食，份量適中海南雞飯：雞肉嫰，油飯黃金，蔥薑蓉酸菜入味無骨豬手飯： 豬皮彈牙，肉嫩，骨膠原滿滿（黏嘴的）還包有中湯：今天是冬瓜雞腳薏米湯，味道材料都不錯…Read More

同毛仔今天又派左去小西灣工作，元氣新裝修過，當然入去幫襯下， 地方闊左，原來裝左高速號同要手機點餐，如果係小朋友就開心死啦！不過餐牌就少左定食， 只可散叫，變相貴左。 我地點左許多壽司、手卷同炸物特別推介，超大粒魚子， 一口咬落下“啪啪啪啦啦”的聲音不停在口腔發出， 感覺過癮炸蝦卷、牛油軟殼蟹反卷、熟蝦壽司：味道正常海膽軍艦味鮮，牛油帶子唔太靭火炙三文魚，魚油香， yummy 當然要有炸物天婦羅： 炸蝦天婦羅， 脆漿唔重， 蝦彈牙軟殼蟹手卷， 軟殼蟹鬆脆毛仔正預備同老婆仔生老鼠BB 當然點碟生蠔天婦羅俾佢啦！都是外脆內軟勁 juicy…Read More

中環地段食飯，人多、多肉少菜、價錢貴是常識吧！要食得精緻健康，環境舒服更難。 今天同毛仔行完香港公園去到花園道預備搭地鐵同金鐘食晏，竟然發現這裡有食肆，除了美式連鎖咖啡店外，還有韓國餐廳，感覺清潔，電子大屏幕餐牌，菜單一目了然。食物種類多，有拌飯、 壽司、便當、素餐我同毛仔決定試一試， 不過選擇困難症的我們，想了很久，店員都耐心等待，還介紹我地試拌飯，所以我地點了韓式拌飯配泡菜湯($82)及韓式照燒雞肉便當($80)，再各加$14點了兩杯紅棗同生薑茶。很快手職員就將熱辣辣的飯餸同飲品包裝好送到我地手上，並教授要加辣醬食拌飯，我地選了一處可看到水池的地方開餐，有枱有梳化，景觀不錯。開餐啦！韓式拌飯配泡菜湯材料豐富，有嫩滑牛肉、剛好熟太陽蛋、入味配菜，配菜種類多(莧菜、芽菜、紅蘿蔔絲、節瓜絲、蘿蔔絲)配上拌了辣醬的飯，健康有美味。泡菜湯：泡菜味濃，微辣，材料除了泡菜還有節瓜，豆腐。韓式照燒雞肉便當： 賣相一流， 粉絲入味、 蛋味濃滑、配菜醃得入味、 照燒味濃雞肉多、少量醃製過的雜豆增口感，飯量都多。食完真的有極滿足的感覺飯後再飲杯紅棗茶及生薑茶。 嘩!一打開杯蓋，發現1/3杯都是紅棗同生薑。紅棗味濃而甜， 生薑辣而甘，醒胃醒神， 正…Read More

今天行女人街，肚仔餓，但糧尾就要找好食抵死的，檔與檔之間見到“美味小鮮肉”，門外餐牌價錢都是30餘元，就有麵有汽水；68蚊就有1人打邊爐，抵呀！立即入去試。一開門就有一位笑容滿面的小姐迎接同帶領位置，遞上餐單。 這裡好正，可以直接用水筆係餐牌寫。裝修中國化，廚房設計成中國式亭台，用玻璃做遮擋可清楚睇到廚師們的製作。一睇餐牌就更開心，100% 新鮮肉，現在新鮮肉難求。款式多：有麵，鐵板套餐，1人火鍋，小食等。飲品選擇不少，還有羅漢果特飲來到潮州店，魚丸、豬肉餅必試, 有4款麵類揀，單點($30), 套餐($38)，雙併再加$5還可以選擇酸辣湯底，都只是加$6,所以點了一個雙併魚丸、豬肉餅套餐配酸辣湯底，連罐裝汽水。等一陣，一碗熱辣辣的湯麵同可樂就到。材料不少：豬肉餅肉筋比例適中，厚切，所以咬落去彈牙肉味濃，同之前食的好味多；魚丸不失潮州味，爽滑彈牙；米線幼滑配上酸辣湯底同多多蔥花，感覺香酸辣齊，味道不錯。見到好多人， 一早就來打邊爐，我都不已為意，直到我隔離食客點了，我就知份量十足，好大碟。偷影還有原來鐵板套餐很好玩的，見到食客自己將食物炒來炒去下次等我叫多兩三個朋友一齊試。…Read More

又派左去柴灣做野，搞到下午茶時段才食到飯。經過多次係柴灣食野嘅訓練，學懂了兩個保唔中伏條件：1. 多人坐係到食野的餐廳應該唔錯；2. 跟食客叫餐就實無衰。 來到興華邨，雖然肚餓，但都逛了商場一轉，這間符合第一個要求，過了食飯時間還是坐滿人，門外傳來陣陣麵包香， 各式各樣的麵包在燈光底下非常充實飽滿侍應生好友善，我一走進，已問我幾位，盡量安排位置給我裝修以青綠色為主，清新舒服餐牌全部放係枱的玻璃底下同牆上，清楚易睇，唔會有睇完嗰 menu 唔知放邊的煩惱款式多樣，常餐有9種， 中式餐的飯同點心都有， 真的唔知點揀好咁就根據第二定律：跟食客叫餐。見大部分食客都叫常餐，西多士，所以我都叫。我叫在一個叉燒茄通配炒蛋腸($41)，烘底牛油多士，侍應生提議加煉奶($2), 好就加煉奶啦！冰檸茶($3)共$46及西多士($17)多士烘得外脆外軟，牛油溶化入多士之內， 煉奶多到滲出來， 真係鹹香甜滑蛋炒得滑，滿蛋香叉燒茄通，用半肥瘦叉燒，叉燒燒得甘香肉嫰，蕃茄味濃，每啖茄蓉，通粉軟硬適中聽牆上提議加埋炒蛋，味道更多層次見到塊大大正方形牛油，因熱烘烘多士慢慢溶解成心型，實在太自癮啦！真的是自癒西多士…Read More

今天返家經過上環，發現一間裝修雅緻， 外牆有一個“炊字”下面就是一頭豬，嗰名好熟，走近發現不是哪間在銅鑼灣很多人排隊，上次食過哪間有美味大件豬扒(滷肉汁)嗎？原來係上環開左分店，咁當然要立即試下啦！室內比銅鑼灣寬敞舒服，一如既往都是玩懷舊風， 不過今次主題不只關於學校生活，還有懷水壺，舊電風扇，舊掛牆鐘，錶起了舊報紙，輕播著90年的流行曲，好像返中學時代。今次餐單製作精美，圖文並茂，清楚易填來到當然要再回味秘製豬扒(滷肉汁)($56)，再加配滷水蛋($8)同黑豆漿($10)食物一上枱，又是豬扒這樣大件同香氣四溢今次我揀撈粗麵，味道同原店一樣， 豬扒做得外脆內嫰， 香炸蒜粒粒野味，滷肉大大粒伴上美味的滷肉汁撈起麵來食， 味道一流。再加一樽冰凍黑豆漿，簡直絕配。…Read More