alexakw's Profile

久違的回到20年前中學時期的麵店價錢真的貼地，份量也很合理味道比附近另一間所謂的名店好太多了老闆仍然認得我，這個算是我估計不到的😂😂如果大家黎到附近，希望可以上來試試唯一美中不足是環境比較差（街市樓上，都冇得要求） 就這樣…Read More

早幾日收到消息家姐佢升職加薪~ 咁做細佬梗係同佢去食好嘢啦﹗﹗ 重點係家姐請阿嘛  XDD記得以前黎過三禾中日料理記得好好食所以今次就同家姐再來一次啦 去到發現佢個menu改咗，唔淨得以前嘅和牛套餐仲有其他嘅蒸氣火鍋同埋呢個爐端燒 。不過我同家姐唔諗住食咁多嘢咁就就咁叫咗個火鍋啫 火鍋湯底我哋就叫咗個~冬瓜薏米豬骨煲都幾好味唔錯唔錯嚟到呢度食肉火鍋最好嘅就係佢除咗火鍋料之外仲有刺身都係任你叫 咁我就當然係咁依樣樣都叫啲啦 最喜歡嘅係佢嗰隻赤蝦又大隻又甜又爽 !!!咁另外仲有啲配料好似豬肉呀雞件呀豬紅呀嗰啲都好好食 咁我家姐平時都食素(草!?)多 佢都讚話嗰啲菜好新鮮 咁同埋佢飲品選擇好多喇咁大部分而家多咗啲韓式嘅飲品呀咁我都飲咗幾款 埋單時間~~好多謝我家姐又請我食飯啦 我會期待食下一次嘅家姐加薪飯啦 ~~~…Read More

臨收工食飯團sent來訊息有說一間日式放題店有新主意你可以一面食你嘅刺身一面燒你嘅海鮮聽起黎都好吸引於是群組要求組隊4人一團去消滅海鮮之旅此話一出唔駛5分鐘就出現左4名組員決定一放工就去walkin地點就位於尖沙咀N2出口附近話近又得遠又得 不過就勝在方便上到去待應姐姐好好招呼最小佢真係笑住招呼你唔係其他啲放題店黑口黑面咁問你先生幾位呀？有冇訂枱呀咁佢仲好好咁比我地自己揀位坐~可惜我地都係遲左小小啲窗口位比人坐晒不過我地四個人都好舒服咁坐六個人位一打開本MENU..有選擇困難症嘅我就即時投降因為實在太多選擇..我只好交比我嘅隊員負責當然一切都係由刺身開始先黎有赤貝/三文魚/油甘魚/北寄貝/八爪魚/甜蝦肥美得黎又唔會汏為解唔切凍咁硬掘掘同冇鮮味然後就到軍艦卷...唔講唔知...原來除左有海胆軍艦之外...仲有蟹糕軍艦一試令你難忘 真心推介然後仲有啲壽司排名有先後個人喜歡炙燒左口魚>牡丹蝦>油甘魚>帶子>三文魚腩不得不提 佢地啲壽司唔係太大件 所以食完仲有位食其他嘢再黎仲有天婦羅/串燒/茶碗蒸/炸雞翼同炸蠔成晚其實都好忙因為呢面有刺身 嗰面就要真係燒海鮮呢盤海鮮淨係睇個樣都知不得了啦又鮑魚又大蛽 仲有甲羅燒真係好食仲要啲海鮮燒完可以再ORDER黎燒真係開心死最後結尾仲有雪糕同奶凍我地食真係飽到上心口…Read More

早幾日跟友人們相約喺旺角睇戲，原本諗住喺附近茶餐廳解決晚餐，不過見到好景附近開左間新嘅餃子店人頭湧湧，我地就決定去試吓佢先入到舖入面睇餐牌，都好似好多選擇咁叫得餃子店就當然要食佢啲餃子啦佢啲餃子又分水煮同煎，咁我地當然兩樣都試吓啦~哇隻隻都真材實料~ 仲食得出啲肉好新鮮吓~另外佢仲有啲小食前菜咁~ 睇相都好似好靚仔，成品就同啲相一樣~ 都咁靚仔味道仲一流添~ 真係開胃同惹味~仲有佢啲麵食~ 大大碗之外~ 仲好好味 食落又唔多覺係味精~ 正~仲有仲有~ 佢有個辣菜甫比你任加~ 飲品方面又有新嚐試~ 平時咸檸七我就飲得多  我第一次飲到話梅雪碧~ 幾好飲喎~ 埋單差唔多位位$80 不過都唔算貴~ 我會再來的~ …Read More

雖然已經踏入春天，不過都仲有啲寒流出現今日家姐約左我喺鬧市中食BBQ位置就喺銅鑼灣C出口唔使3分鐘路程，又近又方便你地話勒，有乜好得過飲飽食醉完可以坐車光速返到屋企？雖則話係BBQ，不過並唔係平時我地地時食開一類叉叉共BBQ佢係串燒BBQ。一串串嘅串燒由你地自己燒上到去安排我坐卡位，另外仲有啲枱仔咁，地方幾大，睇返食評，枱面個爐同其他人啲相唔同可能之前大家反映過個爐唔得，唔夠力，今次上去啱啱換左隻新爐似足日本居酒屋咁，今次係明火BBQ老老實實，呢個爐我自己去到日本都想入貨火力平均，仲冇乜油煙~唔好講咁多，黎到開餐，員工就先介紹左啲些小野食當中包括魚翅福袋同雛雞更加係極力推薦咁反正有人推介咪照叫左先囉~由Order到上枱(半隻)雛雞要等大約15分鐘左右，雞皮就10分鐘左右已經係熟左嘅~ 可以即時食~ 啲肉又嫩又多汁~ 真係冇推介錯雞皮味道有點淡，不過唔緊要，你可以再加枱面上嘅調味料再燒燒佢咁仲有推介嘅魚翅福袋，其實係油豆腐(油揚)+魚翅瓜，配埋佢地啲醬料燒燒佢真係冇得頂~ 呢個認真推介呀喂右面數第二項的就是魚翅福袋，真心要食多兩round~另外我同家姐都仲點左啲串燒，因為得兩個人，就唔點太多樣樣一串起兩串止咁囉~  都係啲肉呀腸呀菇呀咁~味道方面幾好, 唔會有太多味精~ 不過我個家姐好喜歡佢地啲沙津，話啲菜好新鮮，份量又唔太大份用黎醒胃一流咁話喎..(鬼叫佢屬羊咩..食草啱佢啦..)點吓食吓傾吓燒吓咁，話咁快就三個鐘埋單其實都唔算貴，大約位位三百，不過咁，平時啲串燒都起碼$8-15串啦我同家姐夾夾埋埋都食左唔止40串.....不過呢餐家姐埋單，下請我比佢幫我埋單~ XD…Read More

早幾日友人約食火鍋，話平時啲港式/日式火鍋我地食得多，今日帶我地去試新野咁話喎，講到咁巴閉，我當然應約啦食飯地點就喺尖沙咀嘅厚福街，都算近地鐵站B出口~ 登登~  淨係睇門口招牌都知佢係食台式火鍋~心諗咪又係嗰啲野，到底有幾好食呢？ 我唓~入到去店面，由於我地有十個人店家預留左間房比我地房間寬敞就唔在講.仲有部大電視比我地，方便大家一面食野一面電視撈飯~ 呢個真係唔錯唔錯再過多冇耐~ 有位工作人員入黎介紹到底佢地間店係乜食法嗱就咁嘅呢度係均一收費` $268一位 另外醬料位位$10會附上兩個頭盤 (手工麻麻醬手撕雞/秘製麻辣木耳) 再選主菜六人以下就五選一 由於我地有十個人嘅關係 咁就有得五選二海鮮方面要另外附費~ 不過都只係每位收$30，喜歡海鮮就可以叫黎試吓，唔會迫你一次過收足晒咁多位嘅咁海鮮方面就包左美國桶蠔呀/大海蝦/馬刀貝/花甲王咁而每2人惠顧就會送你一盤肉類....雖則只係得牛同埋豬揀不過唔好睇小佢地，因為真係好好食...嘿嘿之後仲有啲手工丸呀餃呀咁~仲有響鈴同炸魚皮過你食另外食完呢度真係唔夠飽嘅都仲可以追加啲精選火鍋食材嘅仲有~ 無酒精飲品係任意追加嘅最後仲會送多個甜品比你地~由於呢餐係友人推介所以完全由佢發板最後佢就揀左台灣香辣三杯雞 及 台灣紅燒牛肉肉方面個揀左手切安格斯Prime Grade 牛頸椎用牛片 X 2 同埋西班牙伊比利亞玫瑰黑毛豬 X 3同時間我地點飲品，我嗰一刻睇到個List..呆左..因為真係好多野揀......又沙冰又果茶又汽水...真係似去左CAFE多過似火鍋店喺花多眼亂嘅情況下..我地問待應~ 有乜好推介佢就話啦~ 黎個巨峰提子雪碧沙冰先啦~ 包你話好飲好啦 死就死啦~ 咁就照跟佢要巨峰提子雪碧沙冰啦~落完個飲品個主菜就黎勒~原來佢係用食雞煲嘅方式咁~ 先黎個主菜，你食完入面啲料再黎打邊爐而最近我嘅係台灣紅燒牛肉~ 所以食呢個比較多黎到夾左件牛，真係好似食緊台灣牛肉麵啲牛肉咁，又淋又入味之後夾隔離個雞，啲肉又滑又嫩~ 不過朋友怕唔係個個都食得辣，所以只係叫左小辣~ 有啲小失望不過唔怕，因為個頭盤木耳其實好好食~ 仲可以再ENCORE，真係食過返尋味呀過多冇耐，我地個餐啲嘢慢慢上黎啦~首先上黎嘅係手切安格斯Prime Grade 牛頸椎用牛片 同埋西班牙伊比利亞玫瑰黑毛豬頸肉就咁睇真係似藝術品，不過我地呢班食肉獸當然唔會淨睇唔食啦~ 二話不說就拎左佢去淥正所謂 靚肉滾幾滾~ 神仙都企唔穩~  哇..個牛肉質地好好，仲有肉味，配埋個燒牛肉湯底真係一流不過個豬肉係仲好味過啲牛肉...嗰晚我地呢班牛魔王全部轉左去做豬肉榮...雖然佢盤肉都唔小...不過喺我地狂風掃落葉之下...話咁晒唔見左..然後我地轉移視線到佢啲手工丸類同餃類..啲丸類同餃類都有芝士/黑松露喺入面~ 係幾好味，不過可能呢類其他火鍋店都有~ 未比到我太大吸引力不過最吸引我嘅係佢個太極冬菇同埋墨魚汁鳥結糖老老實實..一開始見到個墨魚汁鳥結糖個樣好似豬血糕咁..我仲諗緊會唔會唔好食點知一放入口...哇真係不得之了~ 佢有墨魚味之餘啲墨魚粒扮果仁..高招太極冬菇就係黑白墨魚滑鑲大冬菇...而個重點係個大冬菇..真係好好食~ 記得要食呀你地之後就到自家製響鈴同埋炸魚皮..平時去火鍋..我係唔食炸魚皮嘅...因為又薄又靭..似橡膠多過乜..但係呢間又厚又脆真係成條魚皮咁炸佢啲響鈴根本係巨人級...重點係..佢大件但係又唔油嗰吓勁嘛...過左冇耐我地啲飲品到啦~  杯杯都重量級真係唔講得笑...重點係...有人話要杯小甜嘅果茶(手寫去張菜單度)...我地幾個人都話...水吧應該唔會理佢....點知拎到入黎佢地真係整左杯小甜嘅比佢...呢啲咪服務囉~ 食到呢度~ 其實都有五六成飽，不過點都要試吓佢啲追加火鍋配料~咁我地又再叫多輪~原本都係想叫返啲菜呀菇呀咁..點知睇睇吓發現居然有鱔片又有午餐肉仲有八吋蟹棒仲可以半份半份咁叫~真係好~ 唔怕會浪費食物最後~ 店家附上了他們的甜品，係珍珠奶茶布丁，味道還好~食完呢餐..真係多謝朋友帶我黎~ 因為呢間真係可以再返轉頭嘅火鍋店~…Read More

難得一聚~ 友人們提議去吃火鍋，也好~ 反正香港人是全年吃火鍋都沒問題的火鍋民族因大家居住地點唔同，相約喺比較中間嘅地點尖東，友人們知道一間日式料理店新開了日式火鍋路線，決定去試一下，所以今天就去三禾中日料理跟友人們聚一聚~上到去坐底，地方很大，坐位同坐位之間真係有路行，而唔再係背靠背，想去個廁所都要同隔離位講晒唔好意思嘅格局~ 呢啲舒適程度真係得一個字可以形容~~~~「正」因為我地有五個人就揀左兩個鍋，一個係最基本嘅冬瓜皮蛋莞茜湯底，另外一個係日式新口味，北海道豆乳鍋拼芝士蕃茄鍋，個湯黎到嗰時芝士係另上比你，完全會勾起你嘅罪惡感...因為真係好大盤芝士....仲要係你想加幾多就幾多......諗起都流口水~ (溫馨提示﹕雙拼湯底係要另加$38的) 啲湯黎到試味，個冬瓜皮蛋莞茜湯好住家feel~ 完全冇味精味，又不會淡到好似滾水咁~，另外個北海道豆乳，飲落似豆漿~ 會有濃郁豆味，仲有個芝士蕃茄鍋...好味到震~ 佢係用鮮蕃茄同埋洋蔥仲有啲香草整湯底~ 未加芝士前有少少似羅宋湯，加完芝士後會係另一種風味，保證你會愛上。另外，佢地加湯係用上湯加而唔係用滾水~呢方面我覺得好貼心~差啲唔記得左提~ 呢間火鍋店分別提供兩種唔同嘅火鍋放題，分別係$428(平日)嘅極上黑毛和牛+美國SRF極黑和牛餐 同埋$248(平日)極上安格斯牛餐，除左肉食外其他嘅配料都一樣，比較過兩面餐牌同可點嘅肉類，反正難得開心，就食豪啲，和牛和牛我來啦~~~~因為我地剔啲肉類一次過黎，當然即時問問人地咩肉打咩肉，等再叫嗰時都知要叫乜嘛~咁首先我地由左至右，由上到下咁睇首先就係A5極品黑毛和牛，均勻嘅脂肪再埋肉，淥佢4-5秒再入口，又滑又有牛味...然後就到美國代表美國SRF極品和牛，佢比A5和牛再肥一啲，同時牛味都再重啲啲，真係各有各亨受~然後到最基本嘅安格斯牛，可能因為我食左啲和牛先，對比上黎就淡左少少，不過啲肉質好好~ 咁味道方面當然係和牛好食啦~然後到鹿兒島和牛粒，大小似粒方糖，放在湯入面淥左一段時間，拎返上黎食都冇渣，仲好好牛味，抵讚再之後係熊本豬梅肉，熊本熊就聽得多，豬肉第一次見，應該係淥左7-8秒左右吧，比我地自己平時買啲豬肉片濃味好多，仲唔會膩，真係多多都食得落之後就到三禾特製雞件，到底三禾係咪一個地方名我唔知，不過個雞件好好食，會有啲甜味喺底同時你會食到雞味，完全冇雪氣味，仲要好好好好好滑~最後到豬頸肉~ 呢個對比起上面哦材料比較普通~ 不過都有豬味~食火鍋點可以淨係食肉？海鮮唔多唔少都要啲啦~所以我地分別點左啲蝦/青口/魷魚/鱔片咁叫樣樣試吓咁嘛~仲有呢度仲可以叫埋刺身食，雖然只有5 - 6 款，不過都好食，唔係淨係食到雪味，刺身方面我個人推介係章紅魚同北寄貝手打滑方面除左基本嘅蝦滑同墨魚滑外，佢地有一個好特別嘅黑松露豚肉滑，很合我口味之後我地再Order左雲吞同水餃，味道新鮮仲有一個值得讚嘅就係，皮薄同埋冇鹼水味~然後仲有日式福袋同埋每日限量嘅手打牛肉鵝肝丸....淥完食嗰時外面係鮮牛肉，食到入面係有鵝肝味爆出黎~ 唔怪之後限量供應~再來我們分別點了凍豆腐，吸收湯底的極品，還有比較少見到的竹笙~ 很爽口跟吸湯底一流的物品之後到新鮮的內臟類，雞腸、雞子跟鵝腸他們應該是用鮮內臟吧？要處理這類食品要花很大工夫的，不然會有異味但這完全沒有異味，而且非常新鮮還有就是.....我很久沒有看到鵝腸/雞腸係有脂肪連在一起上來的了~~ 這個完全是人間極品哦 ~~(個人要大推這個~ 嗜好內臟的朋友可以注意哦)還有我們點了兩款丸類，分別是胡椒牛筋丸跟皮蛋薑汁貢丸，牛筋丸不會太辣，胡椒味剛剛好~而我個人極力推薦皮蛋薑汁貢丸，很好吃，味道有點似皮蛋酥﹗？(內有汁液噴出，請小心食用)及兩款甜點類的水晶包，分別是豆沙跟芋蓉，但這我們犯錯了......因為水晶包像乒乓球大小，每人兩個乒乓球下肚....一下子就填飽了我們的胃量了~味道方面應該是為配合火鍋所以沒有弄到很甜的~ 淡淡的味道我很喜歡~ (這個真的要和朋友分享，不然會很飽肚)真的是尾聲部份，我們分別點了些甜品，有芒果布甸/牛乳奶凍/朱古力燉蛋/心太軟。我只吃了牛乳奶凍跟心太軟，牛乳奶凍真的有很濃的奶味，而且很滑~心太軟會再附上豆腐味雪糕(應該是吧？)，而且真的有流心在~這個我很喜歡~我們閒談之間，三禾送上一個特製甜品，名稱好像是Mango Mixer？ 有芒果醬+糖脆餅+忌廉一起的，說是給我們試一下的東西來的~ (真好~可以吃到特別的甜品，而且是菜單沒有的)超大滿足感~…Read More

反正家住西環，見過都有人介紹呢間店舖.....價錢唔貴.....去食下冇咩所謂..同女友一人叫左一個麵燕皮餃麵 及 千層腸麵...先講個燕皮餃.......應該係自家制的，內有馬蹄粒，但係.....d 餃係包唔實o既.....全部都唔埋口.....味道嘛.....嗯......可以講....同超市魚皮餃差唔多....咁個千層腸呢，手工菜式，應該係將一條腸一層一層咁塞滿左佢...但係問題又黎.....真係....un 到不行...同時間係....無味道.....可以話係同咬象膠差唔多.....另外個麵餐會送小食...我叫左個炸帶子.........超市急凍貨...總括來說.....幾普通....(可惜食唔到個潤餅....所以....應該仲有一次返去試多次o既機會)二人合計60元~ 算係咁啦....…Read More