mhcc_m's Profile

無可否認依間餐廳啲野真係幾好食，尤其係個三文魚子海膽忌廉醬烏冬同牛肉炒粉絲，但服務真係唔太得。依間餐廳做完午市後，到5:30先會再有野食提供。星期日當日5:30到達，門口只有3組人等位，但店員亦要我們先攞飛，再安排入座。仲要係門口企左幾個店員係店等帶位，但都要望住我哋㩒飛，然後即攞走我哋張飛，再帶我地入座，咁點解堅持要㩒飛？係入座前，講緊只係5:30，晚市先係岩岩開始，店員已經同我哋講有啲野食賣晒，本身以為只係少少野食賣晒，點知一睇menu，竟然係2頁menu既野食完全賣晒+幾款野食賣晒。但我哋係專登黎海港城食依間，所以我哋都照入左去食。每次食完一碟野，店員都會好快手收走啲碟，快手到食三文魚子海膽醬烏冬時，個碟仲有啲海膽同三文魚子，店員都諗住收走佢。更有效率既係，我哋一食晒我哋嗌既野食後，店員直接連我哋既餐具都收走左。但點餐嗰陣時又唔見咁有效率，舉手舉到手攰都無人黎落order，有兩個男店員直情係坐係我張枱隔離談天說笑。咁都未算，最誇張係佢收左我哋既餐具無耐，就有店員拎左張單黎我哋張枱，擺低，之後行走左，全程一言不發。入座前寫到明同講到明用餐時間限時一個半小時，見店員突然擺低張單，緊係嚇到我即刻睇時間啦，驚阻住人做生意嘛，因為我同朋友杯野都只係飲左一啖，以為已經超左時，所以比人趕。點知一睇錶，只係6:18pm，我哋入座一個鐘都唔夠（準時5:30晚市一開就入座）。洗唔洗咁快印埋張單出黎啊，雖然你無出聲姐，但我都覺得你趕我走啦。附上野食相，證明非為黑而黑。…Read More

早前見facebook有啲網站大幅報到過依間食平價船麵既小店，於是我同朋友都專登慕名而來。🚶🏻‍♀️🚶🏻‍♂️🚶🏻‍♀️🚶🏻‍♂️當日去到正值lunch hour高峰期，所以見到小小既鋪頭入面已經坐滿晒人，門口亦都有大約十人排隊。係等候期間，店員比張下單紙我地寫定食乜先，最後等左大約十分鐘就入得🤔我嗌左一碗雞翼米粉(船麵豬骨湯) ($30)🐔🐷每碗麵都會有少許炸蒜、芽菜、辣豬皮粒。🐷1️⃣建議碗麵一上枱可以先食左啲辣豬皮粒先，因為係炸過，如果擺耐左就會淋晒，無咁好食🙅🏻‍♀️同埋如果唔食得辣，可以走辣豬皮粒，因為浸耐左會令到碗麵變辣。🌶2️⃣而米粉份量比朋友嗌既金邊粉多，所以食完好飽。3️⃣豬骨湯好入味，搞到我忍唔住飲晒成碗。結果食完之後好口渴，要不停飲水🤦‍♀️唯一唔好就係店鋪真係太細，所以坐起身好逼，嗰日我坐嗰個位係正通道附近，所以一定會被經過既店員或者食客碰撞倒🙈🙈不過$30一碗足以飽肚既麵已經買少見少，簡直係窮人恩物。👍👍而且鋪入面所有店員都超有禮貌👍所以要比個like依啲小店。…Read More

當天大約晚上6:30到達店鋪，現場可見店鋪不大，所以我和朋友二人到達時，店內的位咁岩坐晒，所以店員問我地坐唔坐外面。由於當時天氣炎熱，我和朋友選擇等待，而店員好搞笑咁話”我好欣賞你地既耐性”，之後更攞櫈比我地坐住等。👍👍坐左一陣我同朋友發覺唔對路，因為見到店內的客人枱上都無食物，一睇先知原來6點先開第二場，所以我地決定坐外面食。😂等待食物期間，店員見我地太熱，仲送左兩杯凍茶比我地，等我地消下暑🤤我地嗌左半條蒲燒鰻魚+鹽燒鯖魚+兩碗飯🐟🍚1️⃣蒲燒鰻魚鰻魚好肥美，一開始見只需$88半條，便覺得份量一定好少，點知一上枱發現份量同外面過百元既有得比👍鰻魚汁甜甜地，下飯一流，令人食指大動。2️⃣鹽燒鯖魚份量都係好大，而且鯖魚皮燒得好香脆，魚亦肥美，食落啖啖肉。唯一要挑剔就係鹽落得唔太平均，有時會食倒一堆鹽巴，比較咸🙈不過整體係好食既👍…Read More

近期最熱門既黑糖鮮奶店非老虎堂莫屬，由開店以來一直大排長龍。🚶🏻‍♀️🚶🏻‍♂️🚶🏻‍♀️🚶🏻‍♂️老虎堂開業那天我都有黎排隊，不過排了十分鐘就走左，因為條隊完全無郁過，據說當日最少要排一個半小時才能買到飲品。😨本來想等熱潮過後再黎飲，不過相信這股熱潮仲會維持一斷長時間，所以經過銅鑼灣時就再次去排隊。去到已經見到人龍比起剛開店時少，加上平日的關係，最後排了半小時就成功拿到飲品。✌️✌️我嗌了一杯虎虎生風厚鮮奶🐯🥛1️⃣虎虎生風代表有波霸同珍珠，波霸大大粒，入口好煙韌，而珍珠的口感同西米比較相近，細細粒，不過都好煙韌。👍2️⃣由於老虎堂唔可以選擇甜度及冰量的關係，所以入口時，黑糖味好出🤤相反鮮奶味就比較少。飲到最後，冰塊全部溶化，杯野飲變得無咁甜，但我反而更喜歡冰塊溶化後的味道。🤔…Read More

平時經過葵涌廣場都成日見到坐滿食客，有時仲有好多人排隊等位，所以一直都好想試下。🤔今次同朋友經過葵涌廣場，咁岩朋友想食米線，於是我立刻推薦左百味川。🤤我叫左一碗麻辣中辣雞翼尖米線🌶🌶1️⃣米線係比較幼細，但淥既時間拿捏得好好，所以米線食入口既時候覺得岩岩好，爽口得來唔會硬👍👍2️⃣雞翼尖偏深啡色，非常入味🐥3️⃣麻辣湯底望上去好紅，以為會好辣，但以中辣來說唔算辣，可以唔洗飲野就食晒成碗。🥤🙅‍♀️4️⃣朋友叫左酸辣湯底，酸辣湯底無得揀辣度，朋友反而認為她的酸辣湯比麻辣中辣還要辣🌶見到好多人都嗌淮山麵，好似都好正咁，下次可以試下😍唯一唔好既地方係依間店雖然係好有驚喜，但食完真係非常口渴🤦‍♀️…Read More

係葵涌廣場行街行攰左，想揾個地方坐底休息下，食少少野，依間輕鬆一下絕對係一個好選擇，而且亦都好岩一個人去食。🤔🥢🥄去到見到多數人面前都有一份煎釀三寶同埋一碗碗仔翅/生菜魚肉。所以我都嗌左份煎釀三寶同碗仔翅試下。🐟1️⃣煎釀三寶我就嗌左紅腸、魚蛋同豆腐。三寶上既時候係熱辣辣既。一開始我想叫蕃薯，店員就同我講蕃薯依家炸緊，要等耐啲先有，所以我就叫左其他。魚蛋同豆腐係必食，熱辣辣，而且豆腐大大舊，中間又軟又滑，好抵食。🤤(我去食既時間係夜晚9點幾，可見輕鬆一下並唔會因爲係夜晚就直接話賣晒，而係會繼續整啲新鮮既比人食👍👍)2️⃣碗仔翅完全係我依排食過既碗仔翅入面最足料既(沒有之一)。每一啖都充滿左冬菇、粉絲、雞絲/豬肉絲，超級真材實料，而且只需22蚊。…Read More

近期最hit必定非Shake Shack莫屬，而我同朋友都慕名而來。🙋🏽‍♀️🙋🏽‍♀️可能我地食當日係平日，加上係5點左右，過左lunch hour，所以唔洗排好耐就可以落order，前後用左15分鐘左右。🚶🏻‍♀️🚶🏻‍♂️🚶🏻‍♀️🚶🏻‍♂️我地一行4人嗌左shack burger, fries, Black and white shake, Fifty/Fifty🤤👍1️⃣Shack burger 望落好似好簡單，得生菜、蕃茄、芝士、秘製醬汁同牛，但通常愈簡單既野愈考功夫。而shack burger塊牛好juicy，好香。個包既質地比較吸油，所以要盡快食。🍔2️⃣Fries係即炸既，攞上手熱辣辣，而且就算擺耐左都唔會軟晒，絕對唔係一般快餐店既質素。🍟3️⃣B&W shake 飲落似朱古力味既shake，其間亦會飲倒少少花生醬味。不過始終係外國引入既店，所以味道亦較符合外國口味，因此成杯shake都好甜，而且飲完好飽。4️⃣50/50 好清新，解膩一流。之後再食shake shack都會再飲。🍋…Read More

朋友生日，就book左去ATUM食分子甜品。上到去已經見到唔少情侶係度畫緊畫。一去到，就會比杯welcome drink你先，之後甜品師就會攞啲”畫紙”出黎叫你揀顔色。咁我地就揀左黑色，因為好似型啲😆之後甜品師就會攞好多枝”顏料”出黎，問你唔鐘意咩味，咁佢就唔會用嗰隻味畫畫比你。首先佢會畫左底色先，之後就會慢慢講解下佢既畫作。並且會比你試味同加甜點上去，甜品師亦會邀請你一起畫畫。就算我本身唔太鍾意食甜野，都覺得依度每樣野都好好食。每樣甜點質感都唔同，焦糖脆脆口感豐富，朱古力布丁味道濃郁，柚子啫喱好清新初步完成後，甜品師會主動幫你影相。影完相後就會即席製作分子雪榚。分子雪糕望起來感覺好脆，點知入口即溶。感覺好新奇有趣。最後就會加上龍鬚糖點綴，並且會問你是否需要寫字。當你一次過食咁多甜品，而開始感到有點膩的時候，甜品師便會問你想飲乜。係依個時候當然要黎翻杯咖啡解膩啦☕️我點左一杯Rose latte，飲落並唔會太甜，帶有陣陣玫瑰花的清香🌹而朋友則點了一杯花茶，感覺清新，最岩食完甜野飲，解膩一流…Read More

黎葵芳覓食，除左葵涌廣場外，強記絕對係另類既好選擇👍因爲強記既小食一直都好出名係收工高峰期既時候一定會大排長龍，不過店員分工好有效率，一個負責收錢，一個負責淥食物，一個負責串燒賣牛肉球，refill食物，所以條龍去得好快。🚶🏻‍♀️🚶🏻‍♂️🚶🏻‍♀️🚶🏻‍♂️強記以牛肉球最為有名，每次聽人講食強記一定要食牛肉球，因為又平又大粒又好食。但我個人認為最好食係辣魚蛋🌶️🌶️每次都要嗌翻兩串以上先夠喉。 強記既魚蛋係陳皮魚蛋，煮極都唔會爛，只會愈煮愈入味。配上強記既辣湯底，甜甜地辣辣地，真係好開胃。🌶️🤤記住一定要即買即食，熱辣辣咁先好食。我試過買翻屋企食，即時無左即場食既風味。如果嗌牛柏葉，魷魚等，食得辣既可以加埋強記特製既辣汁，包你愈食愈上癮。🤗😎…Read More

依間雞煲位於荃灣最多食肆既大鴻輝中心既18樓，食之前一定要book位，否則真係有排等。我地提早左差不多一個星期book左7點鐘。去到已經見到啲人多到逼爆。🚶🏻‍♀️🚶🏻‍♂️🚶🏻‍♂️🚶🏻‍♀️黎得18樓雞煲當然要叫雞煲，辣度就叫左小辣。🌶雞件既份量都足夠，完全夠4個人食，而且整得好入味，正👍👍1️⃣食完雞之後，就可以自己出去攞湯打邊爐，同埋可以攞豉油，依間啲豉油我同我屋企人都覺得好咸，比平時坊間既鼓油咸，所以建議可以唔洗攞太多。🤢2️⃣至於飲品方面，依度既飲品種類繁多，任均選擇。🍺🥃☕️🍷3️⃣而食物質素方面，因為係任飲任食既關係，質素一定無散嗌咁高質，但都算可以接受。因為已經比坊間好多任飲任食火鍋高質。4️⃣食完野之後仲可以食埋雪榚先走，現場有4款口味雪榚比大家揀。我覺得依度既雪榚感覺有少少似乳酪雪榚。而且仲有唔同既配料比大家任加上雪榚🍦🍨🍧…Read More

去食嗰日係平日既1點左右，所以只需等5分鐘就可以攞倒熱辣辣既雞蛋仔。👍我嗌左最basic既原味雞蛋仔 ($16)🐥🥚👶🏻一攞上手已經聞倒好香，急不及待即食左一粒🤤果然同人地講既一樣 - 外脆內軟😋😋唯一令我感到可惜既係雞蛋仔聞起來好香蛋味，但是食落蛋味就唔太夠。😢如果蛋味可以再重啲就真係無得輸我最欣賞媽咪雞蛋仔既地方係佢好真材實料，因為依家坊間既雞蛋仔都偏向中間係空心，但媽咪雞蛋仔既就粒粒都好飽滿👍如果自己食晒一底真係會好有飽肚感🤰🏽值得一提既係當日幫我落單既女店員真係好有禮貌，又好笑容，作為食客真係會感到開心😎👧🏻如果要入膠袋，記得落單時講埋，因為會幫你吹凍少少再入袋。但我認為唔要袋比較好，因為雞蛋仔要即食先好，而且入左袋難免會令雞蛋仔難以透風，咁樣好容易會變軟‼️‼️…Read More

今次同屋企人去旺角行街，就去左沙嗲王食晚餐。我地一行4人嗌左個好抵食既二人餐，包左2碗餐湯/沙律，2款主菜，1款小食，2杯野飲同2份甜品二人餐$2531️⃣鐵板嬌嫩巨脾配薯角個人覺得依個最好食，因為即叫即整，所以等候時間較長，等左20分鐘先有，不過係值得既。雞脾真係無改錯名，果然好嫩滑。2️⃣白咖喱豬扒飯嗰汁好濃左，好食既，不過我個人都係鐘意食黃咖哩多啲。3️⃣蒜蓉牛油雞翼味道無乜特別，不過炸得好脆，又唔會炸得太焦另外再散嗌左:4️⃣炸饅頭 $22好出色，炸得好脆，就算涷左都唔會覺得好膩。5️⃣咖哩薄餅🇮🇳 $26每次去沙嗲王必食，永遠上枱都熱辣辣，配埋個咖哩汁，超正！👍6️⃣石鍋泡菜海鮮湯配飯🇰🇷 $72份量多，酸酸辣辣咁好開胃，如果多啲泡菜會更好。…Read More

因為元朗實在太遠，所以已經好耐無食過b仔。唔知水準有無繼續保持住呢。🤓去到即見到有一樣野無論時間過左幾耐都仲保持住既，就係長長既排除人龍。我地一行二人都好耐無食過b仔，所以唔係好記得攞票程序係點。😂於是見門口有位員工負責嗌位，就行去問佢攞票，可惜佢唔理我地，我地就以為佢未得閑住。點知等左一陣，佢都係唔理我地，最後係其他食客同我地講要去收銀位置先有得攞票。😢😢因為之前食過佢既b仔涼粉，發覺佢有部分水果係罐頭水果，所以今次就無嗌黎食。🍎🍉🥝依家來食b仔主要都係食雞翼尖，今次就嗌左雞翼尖同魚蛋。🐟🥚1️⃣最值得讚賞既係佢既魚蛋係出面已經買少見少既陳皮魚蛋 (原因當然係陳皮魚蛋來貨貴)👍👍👍仲要$10有成8粒2️⃣雞翼尖味道依然，好香蒜味，加埋辣椒有少少辣，好食到一隻接一隻，停不了🌶️而且只需要$18就有咁多隻，真係十分抵食。…Read More

依間店係葵廣專賣四川麵同小食既店來講，算多人幫襯。成日見到鋪頭外面排左一條小小的人龍。而最多人買既係四川涼皮同涼麵。今次買左雞絲涼麵同口水雞翼。1️⃣涼麵我食過好多次，唔好睇少佢好似用一個好似好細既膠兜裝，但佢既份量真係唔係講笑。可以見到塞到滿晒🤤👍食完好飽。同埋真係幾好食，咁多人排隊係有原因的。2️⃣口水雞翼既辣真係太少，少到我完全食唔倒辣味（平時食開大辣，所以不能作準）🌶🌶而且食倒最多既係醋味，唔係好入味，應該係岩岩整出黎無幾耐。份量方面，$20黎講都可以接受，可以數倒有兩隻雞全翼。不過試一次就夠，都係涼麵好食啲。唯一做得唔好既係，排隊無清晰指示，老闆娘又唔理，搞到有爭拗。而且老闆娘成日都唔記得客人點左乜，所以轉個頭又問多次。😕…Read More

通達食品係我經過旺角或者油麻地都必食既食店，每次最少都要拮翻埋咖哩魚蛋，因為咖哩魚蛋真係好香，經過油麻地地鐵站唔難見到次次都大排長龍。🤔🤔今次除左嗌左必食既咖哩魚蛋之外，仲嗌左佢既招牌食品之一:油渣麵🤤1️⃣咖哩魚蛋: 10蚊得6粒以魚蛋黎講偏貴，不過好入味，辣得過癮🐟🥚2️⃣油渣麵:🍜 38蚊一碗，愛食辣既我每次食油渣麵都會落勁多辣菜甫先滿足，可惜通達無得自己任落，咁就唯有嗌佢多菜甫啦。🌶🌶成碗油渣麵有6條豬油渣，全部都好肥，對於唔食肥肉既我黎講，要解決佢有一定困難。但係都咬左少少黎試下，可以食得出佢既豬油渣比出面既較為煙韌、爽口，唔係淨係軟淋淋。不過實在太肥，最後咬左一啖就無再食🙈不過鐘意食肥肉既人一定會好鐘意食👍…Read More