四川美味 (Closed)

依間店係葵廣專賣四川麵同小食既店來講，算多人幫襯。成日見到鋪頭外面排左一條小小的人龍。而最多人買既係四川涼皮同涼麵。


今次買左雞絲涼麵同口水雞翼。

雞絲涼麵

$28

1️⃣涼麵我食過好多次，唔好睇少佢好似用一個好似好細既膠兜裝，但佢既份量真係唔係講笑。可以見到塞到滿晒🤤👍食完好飽。同埋真係幾好食，咁多人排隊係有原因的。

1

口水雞翼

$20

2️⃣口水雞翼既辣真係太少，少到我完全食唔倒辣味（平時食開大辣，所以不能作準）🌶🌶而且食倒最多既係醋味，唔係好入味，應該係岩岩整出黎無幾耐。份量方面，$20黎講都可以接受，可以數倒有兩隻雞全翼。不過試一次就夠，都係涼麵好食啲。


唯一做得唔好既係，排隊無清晰指示，老闆娘又唔理，搞到有爭拗。而且老闆娘成日都唔記得客人點左乜，所以轉個頭又問多次。😕