monkey_ying's Profile

多咗黃色經濟圈之後，多咗個借口周圍走去山長水遠搵食。超級耐無去過元朗啦，我呢啲九龍人都要去元朗懲罰一下佢肥仔黎呢度每日得1pm同6pm先有鹽水雞賣，其他時間可以買鹽水蔬菜，魚蛋燒賣.. 仲有麻辣鴨血tim~第1次去7:15pm去到sold out第2次去6:15pm又係sold out 第3次終於成功5:30pm就去排隊，都要排第3受歡迎到離晒譜，唔明點解OPENRICE咁少食評等緊既時候，會派點菜紙。因為係限量發售，好驚派到我會賣哂..好鬼驚..就係因為佢係限量發售，可以保持品質同水準..更加值得排隊~而且係黃店, 排得仲值得同朋友揀左2個獨享餐， 因為朋友唔食蒜同蔥，所以自己揀自己就岩哂啦可以揀自己鐘意既口味揀左四季豆、鳳梨同青瓜..夏天熱辣辣想食得fresh d另一包就係芋絲、鳳梨同白菇貢丸個汁係我食過咁多間鹽水雞最好味，最岩我口味既一間，再加上食完又唔會勁口渴雞肉好嫩滑，唔鞋口，新鮮鳳梨又甜又多汁，其他配菜加埋個汁都好夾好好味PS: 排隊爆熱可以買罐冰凍既蘋果西打($10) 一路排一路飲，好懷念既台灣口味。…Read More

宜家夏日炎炎，比朋友夾帶特登去到荃灣掃黃，真係要吃少少透心涼既COOL DOWN吓先。Sogno Gelato離遠已經見到牆上充滿住文宣，好有愛放心食幾多球都得雪糕櫃有好多種口味，古靈精怪既味都有，如果勇於試新奇嘢既朋友一定好啱你。佢仲有好多款雪葩可以揀，好少地方有雪葩食，鐘意食雪葩既就岩哂啦。菠蘿味雪葩菠蘿味既雪葩口感好清新，解暑一流，再加上佢唔係好甜，食落應該比較健康，無咁有罪惡感 榴槤雪糕我身為一個榴槤死忠粉，一聽到榴槤味咩咩咩就會想試。呢度既榴槤雪糕堅似食緊啖啖榴槤果肉咁，好濃既榴槤味，推介…Read More

早幾日咁啱同幾個同事收工後無約會，臨時搞咗個即興旺角團。大家各有各目標，有的去貼手機MON貼，有的想出去睇波鞋。搞掂晒都八點幾，就誤打誤撞入咗阿來泰式地道風味。我哋點了泰式金邊粉、豬頸肉炒通菜、泰式肉碎生菜包、泰式小食拼盤和泰式香芒炒飯。泰式鮮蝦炒金邊粉每次食泰國菜必點，金邊粉炒得夠乾身，有青檸同花生碎放喺旁邊，酸酸甜甜咁，好開胃。泰式香芒炒飯泰式炒飯炒得清爽可口，可能因為有芒果肉喺入面既關係，食起上黎不會很油膩，份量也好夠食。泰式肉碎生菜包香濃惹味的肉碎，加上各式香料的點綴，好味！不過唔知係咪自己食辣既程度叻咗，如果可以再辣少少同埋生菜俾多少少會更好。豬頸肉炒通菜廚師都煮得剛剛好，不會太油，而條條都炒到好靚不過偏鹹咗少少。泰式小食拼盤小食拼盤好抵食，入邊有雜菜餅、越式春捲、雞翼、蝦餅，每款4件。全部都大大塊同埋鮮熱辣炸好。飲品點咗龍眼冰，口感很新鮮，啖啖龍眼的清香，配上重口味的泰菜剛剛好。…Read More

咁啱晚飯後黎開深水埗買電話卡，同朋友幾個人想搵個糖水舖坐一坐。見到呢間深深甜品新臉口，就貪新鮮黎試一試。呢間甜水店既裝修係行懷舊路線，牆壁上仲要貼上九龍皇帝曾灶財的字，真係好似返去以前70-80年代咁。我哋總共點咗三款糖水－蛋白杏仁茶、叄元豆花、薑茶湯圓。蛋白杏仁茶蛋白杏仁茶好濃郁，完全唔似有啲舖頭係用即沖粉開既味，口感好順滑甜度適中，推介。薑茶湯圓送到枱前已經聞到濃烈既薑味，有五粒湯圓，不過味道就普普通通啦。叄元豆花港式風格糖水舖食台式風格既糖水？有點兒格格不入的感覺。但就我所見有很多人點這款糖水，一於跟一跟大隊先。呢個糖水好豐富，入面有齊豆腐花、芋圓、地瓜圓、珍珠、紫薯西米。另外仲可以免費跟多個配料四選一，我哋一個揀咗愛玉、另一個揀咗紅豆。呢碗糖水超足料，成碗漲卜卜咁，好推介餓底既人去點，咁大碗都只係$33。整體黎講質素都OK，最緊要係都幾抵食，可以一試。…Read More

荃灣區不嬲都是美食集中地，雖然我唔住近喺呢一頭，但都經常黎荃灣區飲飲食食。今次同朋友慶祝佢搵到份新工新開始，當然要請佢去食返餐好既。頭盤我地㨂咗帝王蟹餅配蛋黃芥末醬同忌廉芝士茄子卷帝王蟹餅配蛋黃芥末醬 蟹餅外層香脆，入面堅有蟹肉，蛋黃芥末醬同蟹餅好夾，好能夠帶出蟹肉既鮮甜味。 忌廉芝士茄子卷忌廉芝士茄子加埋一齊，個茄子既口感好似無咗咁。不過幸好忌廉芝士味道濃郁，完美補救返。龍蝦湯龍蝦湯中規中舉，好重既龍蝦味喺入面。反而件麵包有驚喜。麵包應該係自家製既，外脆內軟，伴湯食一流。黑松露牛肝菌意大利飯配有機大啡菇配牛肝菌泡沬上菜既時候見到佢牛肝菌泡沬已經覺得好神奇，呢個飯用黎打卡一流。牛肝菌泡沬同有機大啡菇既濃厚菇香氣，令到成個意大利飯都好加分，菇類愛好者必點。肉眼扒配芝士煙肉焗薯皮牛扒好大塊，牛扒火喉剛剛好五成熟，切出黎好多肉汁。配菜有豆角同芝士煙肉薯皮，配菜都好有水準。香蕉布甸口感好滑，好濃郁既香蕉味道。麵包布甸新鮮焗出來的，上菜時已經一陣布甸香氣，甜度又適中，值得推介。總括黎講，呢間餐廳整個格調都好好，環境唔會好嘈既。好適合情侶或者朋友傾計，侍應服務態度都好好，從無催過我哋交枱。…Read More

不經不覺同衰佬已經相識九個年頭了，好感激有佢呢個人肯陪我四周圍飲飲食食，所以一有身邊朋友推薦有好既餐廳，我就會好想同佢一齊去試吓。咁啱我有個舊同事之前有介紹過我去試一試魔膳廚房。魔膳廚房位置喺官塘APM附近，搵路一啲都唔難，APM近觀塘廣場出口扶手電梯直落轉右，唔使一分鐘就見到招牌，樓梯上一層就到呢。這裡環境都幾舒服，餐桌與餐桌間有合理既空間，唔會感覺同迫住迫住咁，又唔洗吓吓比旁邊客人聽到你講嘢。中間有個沙律吧，只要加38元就可以享用。 我哋分別點咗一個主菜，德國烤原隻豬手配薯角和自家製海膽汁海鮮意大利粉。餐湯分別係叫左羅宋湯及黑松露磨菇湯，羅宋湯一般水平，但磨菇湯幾香黑松露及忌廉香味，佢仲會用忌廉寫上餐廳名ＭＳ兩字！德國烤原隻豬手配薯角跟黑椒汁豬手皮烤得好香脆，唔太肥膩，肉質唔乾身保持到有肉汁，宜家睇見都流口水。自家製海膽汁海鮮意大利粉整碟意粉都係橙黃色的，證明有很多海膽汁，個汁好鮮甜，意扮爽口彈牙，配鮮蝦、青口、魷魚等海鮮，整碟感覺鮮上加鮮，好味道!整體而言，我覺得食物水平以呢個價錢係講係抵食，值得推介！…Read More

葵涌廣場一直都是小食店集中地，由以前學生時代的我開始，就很喜歡到葵涌廣場掃街。呢間車仔麵店我以前都成日同同學仔黎食開三餸麵，最近喺FACEBOOK睇到有介紹香港十強鹵水雞脾店既POST有介紹孖寶，襯過黎呢邊做Facial前去重溫吓佢個鹵水先。枱面有好多不同種類既放滿鹵水食物，好強既鹵水味，聞到就流口水啦。因為趕時間食，所以叫咗兩隻滷水雞髀滷水雞髀　$18雞髀夠晒大隻，可以俾你大啖大啖食，滷水汁香甜又入晒味，我買走我諗住佢就咁包起比我，點知佢一嘢放喺個煲滷水汁入面煮多幾分鐘先包比我，所以個雞髀先咁濃既滷水汁。入得香港滷水雞髀十強….果然名不虛傳。咖喱魚蛋佢係用陳皮魚蛋，咬開一陣陳皮香味，少少辣得過癮。豆漿夠晒冰凍，解辣啱啱好。…Read More

因為同衰佬要過黎火炭睇樓，所以順便想探索吓火炭呢頭有咩好西。呢間Drink氣鍋好chill，佢有兩張大枱，環境氣氛好適合一班朋友放工後想食餐好既，呢度有型到個有mic stand，包場的話可以唱埋k都幾正喎。首先店員會過黎set粥底先，我哋㨂咗杞子乳鴿十六榖粥底，出面啲蒸氣火鍋店來來去去都係栗米/淮山排骨粥底，真係第一次見用乳鴿做粥底，蒸到最後粥底吸收晒所有海鮮嘅精華，好味道！再加上十六穀令到粥有啲粒粒米既口感。日本直送連子紅鯛配粟米秋葵鯛魚味道鮮甜，肉質很幼嫰，聽老闆話呢條魚係從日本築地即日直送，唔怪得之呢個魚既鮮甜味可以咁出啦。北海道大帆立貝Size XXL既帆立貝，肉厚多汁。貴妃蚌番薯蜆貴妃蚌好大隻新鮮，蚌肉夠厚啖啖肉既口感。意大利大啡菇配黑豚肉蘆筍&蟹膏蟹肉豆腐大啡菇香味濃厚，豆腐上的蟹膏蟹肉又係好濃郁，配合上清淡既豆腐係好夾既。大龍蝦配粟米新鮮龍蝦肉肥厚，啖啖肉。蟹肉燉日本大根呢款老闆話個大根已經提早煮咗好耐入晒味，呢舊蘿白真係好清甜，再加上佢頂頭既蟹肉，啱啱好。岩鹽板炙燒日本和牛條無啦啦食食吓蒸海鮮黎咗個岩鹽板，我仲以為係燒好上既小菜咁，點知咁認真成個岩鹽板拎出來👍佢呢個和牛同其他食材一樣咁高質，推介！總括黎講，呢間店睇得出對食材選擇上好有誠意，如果你想食有誠意優質既蒸氣火鍋，可以黎試吓呢一間。…Read More

早排因為要幫媽咪喺裕華買少少嘢而出咗佐敦，任務完成就諗住簡單喺澳牛整個常餐。咁啱見到對面有間新新哋食Burger，一於試一試新嘢。呢度裝修格局好懷舊，MENU上有好多款嘅Burger㨂！另外仲有啲小食、飯/意粉類同飲品。我地分別叫咗檸檬蜜糖酸忌廉薯條，炸軟殼蟹蝦漢堡同埋牛肝菌意大利飯。檸檬蜜糖酸忌廉薯條 $36薯條熱辣辣，而個蜜糖酸忌廉醬係另上既。呢個醬好好味，蜜糖同酸忌廉味道好夾，我啲拎埋黎點漢堡配既薯條，最後係一滴不漏咁比我哋點晒。.炸軟殼蟹蝦漢堡　$118因為朋友唔食牛，所以㨂咗呢一款漢堡。呢個漢堡份量好大，兩個人SHARE食啱啱好。入面有鮮蝦、菜、蕃茄同軟殼蟹，一旁仲會配上好多薯條。漢堡包皮煎香咗，配上佢炸軟殼蟹酸甜汁，口感都幾清新，係女仔會喜歡既味道。牛肝菌意大利飯　$118好香既菇菌味，再加埋面頭加咗少少香草碎，意大利飯本身質地好杰身，菇味愛好者可以試吓。…Read More

好耐無見既同事聚會，有人提議喺創興食韓燒。創興呢個舖位真係好似咁耐韓燒歷史，讀中學時佢係同明將都被選為中同最愛飯聚地點。好有可能因為以前學生時代真係食得太多太多次，已經忘記咗佢，宜家連店名都唔同埋添，想當年，真係想唔認老都唔得啦。格局大致上同以為無分別，不過就新咗乾淨企理咗。各式各樣韓燒食材，全部都醃得非常入味，重口味人士一定好啱。最推介個牛肉同牛仔骨。各式各樣甜品帶細路黎一定會好開心，淨係有部棉花糖機比你自製棉花糖同埋朱古力噴泉都夠哄小朋友坐定定食飯啦。 冷盤都有好多選擇，例如三文魚、青口、凍蝦、凍蜆等。熱葷我見都好多款式，不過我主力都係食韓燒同冷盤，集中火力。不過唔係幾舒服全程唔敢食燒嘢既同事，佢都話啲熱葷都可以一試。汽水同雪條都有好多選擇，咁梗係整返條蜜瓜雪條同飲新出我都未試過既plus可樂啦。總括黎講，平平哋想食韓燒的話，呢度真係好唔錯…Read More

喺呢度要提一提想黎食既朋友仔，因為餐廳係走fine dinning路線，訂枱時都有溫馨提示請勿穿著拖鞋，短褲，背心之類進入餐廳。一入到餐廳感覺自己好似喺間花店入面，四周都係打卡位，著得靚靚當然要喺度影多幾張相。另外一點要提醒既就係，呢間餐廳只會提供收費既枝裝sparkling water / still water，因為頭先已經走咗去飲咗杯黑糖珍珠鮮奶，所以我哋無㨂到飲品。餐前的麵包粒粒，配上枱面既黑醋同埋橄欖油，麵包口感幾煙韌吓。Hokkaido Shellfish Scallop, Cordyeps Flower, Maitake Mushroom Risotto $278北海道帶子蟲草花舞菇意大利飯好似想同呢間餐廳既佈置對應返，連喺意大利飯中間都插咗支薰衣草。香濃既菇味，每啖軟綿綿既飯加上充滿口感既蟲草花和舞菇，好快就俾我哋食晒。 USDA Angus Rib Eye Steak (10oz) $368五成熟安格斯肉眼扒。牛扒質地都好淋，旁邊有芥茉同鹽比你自行調味，簡單既烤煮法令人可以食得到牛肉本身既味道。…Read More

臨時urgent 叫咗朋友出黎陪我㨂運動用品，去咗旺角雅蘭地庫嗰間運動店，呢間地庫運動用品店真係大到咩都有，又平又多款式。之後就順理成章喺返呢度搵食，見到呢間MENU價錢都OK就試吓呢間意粉狂熱啦。我哋兩個人TOTAL叫咗五樣嘢同兩杯飲品：香草烤雞凱撒沙律、照燒雞蛋黃醬薄餅、芝士牛肝菌濃汁鮮製意粉、鮭魚牛油果忌廉焗飯、香蕉朱古力薄餅、鮮水果茶。香草烤雞凱撒沙律(S) $33雖然佢係size S，不過佢個份量真係OK喎，烤雞塊都有3-4舊，沙律菜都好鮮鮮。照燒雞蛋黃醬薄餅 (一人前) $48薄餅底又薄又脆，薄餅面既配料就普普通通，不過呢個價錢食到咁既水平既薄餅，真係我哋呢啲窮人恩物。芝士牛肝菌濃汁鮮製意粉 $78意粉較一般既彈牙同粗身啲，真係同一般意粉口感有分別。牛肝菌既濃厚菇香氣，令到成個意粉都好加分，菇類愛好者必點。鮭魚牛油果忌廉焗飯 $78有機會因為個牛肝菌意粉太香既關係，呢個有比下去既感覺。三文魚同牛油果都好鍾意食既，不過唔知點解焗咗之後既牛油果無咁好味。香蕉朱古力薄餅 $48食到甜品時我哋兩個都已經好飽好飽，薄餅底同之前既照燒雞蛋黃醬薄餅既一樣，都係又薄又脆。香蕉同朱古力真係完美拍檔，簡簡單單就已經好好味。總括黎講，呢度好啱啲情侶兩口子黎食，一黎佢既食物有得叫大份細份，唔洗驚眼闊肚窄浪費食物，二黎就係夠平價，同女朋友黎男仔吓吓要請客都好和味架，眼見四周都係啲小情侶食客就明點解啦。…Read More

事源原本我同同事想去附近食LUNCH，但等位人數太多。臨時馬上轉場黎咗The Flying Pan，好彩仲有位。之前喺中環食過一次，記得都係幾好味既，就試吓你灣仔呢間係咪都咁高質先。我哋一行三人都叫咗一SET Fabulous Flying Combos，兩SET The Ultimate Griddle同一SET The Flying Pan，一SET SET咁叫⋯啱晒我呢啲選擇困難症病患者🤦‍♀️。雖然係咁，佢仲有好多嘢要你㨂，例如蛋既煮法、Side Dishes、飲品等，樣樣都好多款式比你㨂。The Flying Pan $993Egg W/2Bacon, 1 Ham, 1 Sausage Patty, 2 Side Dishes, Toast & Small Juice最欣賞佢個太陽蛋，咁多份太陽蛋煎得好靚，旁邊啱啱好有金黃邊，而其他嘢都正正常常。佢既特點係好大份，足足有四件多士，連我呢啲胃口大既都覺得食得好飽好飽。The Ultimate Griddle $1052 Egg W//2Bacon, 1 Ham, 1 Sausage Patty, 1 Panacake, 1 Waffle, 1 French Toast & Small Juice呢一份係無敵多澱粉質，又Panacake又Waffle再加一件French Toast，朋友食完表示較推薦French Toast。總括黎講，呢度既嘢食份量係好大推頭，適合大胃者，細胃人士要留意返，量力而為。…Read More

上星期日有啲事要出銅鑼灣，特登早少少起身過一過銅鑼灣旁邊既大坑搵食先。今次㨂咗過黎食BURCH，難得假期同衰佬食好少少RELAX吓先😊❤️。我哋叫咗Smoke Salmon Omelette同Calamari Marinara Linguine一齊SHARE食。Smoke Salmon Omelette $108呢度既Omelette口感好似食緊甜品梳乎厘咁，我真係未試過咁既texture既奄列。呢個咸味既梳乎厘奄列入面充滿空氣感，非常鬆軟，上面再配上幾舊大大塊既煙三文魚。如果你平時都喜歡食梳乎厘/日式PANCAKE，可以黎試一試呢度既Omelette。Calamari Marinara Linguine$118因為呢間餐廳係用OPEN KITCHEN，所以喺等待美食其間你越等越餓，一邊聞住廚師即叫即炒既意粉香氣，真係會胃口大增。魷魚圈既份量都好多，扁意粉炒得好香同乾身，口感很好。總括黎講，呢度好啱假日黎寫意的嘆一嘆既餐廳，推薦試吓佢哋個Omelette。…Read More

自從喺首爾返黎香港後，我就好似比人開咗個韓國MODE咁，約親食飯都係㨂韓國嘢食。我真係唔抗拒，因為只要係好味既，就食多啲都無問題。我哋三個女仔都好肚餓，一口氣叫咗個牛鮮生宵夜餐四人餐。呢個牛鮮生宵夜餐入面都好豐富吓，有安格斯肉眼扒、和牛脷、大虎蝦、帶子、牛柳粒、多春魚、南瓜拼翠玉瓜菜籃，跟餐仲有韓啤4枝，食燒肉一邊又可以啤啤佢真係好爽，不過我哋都㨂返飲汽水算。一開爐就會有STAFF幫手喺爐邊加泡菜同落蛋漿，一邊燒肉一邊睇住個蛋慢慢變熟。安格斯肉眼扒份量十足的肉眼扒，肥瘦適中，肉眼扒上菜時面頭已附上香草跟海鹽，若你不是重口味人士，就唔需要點其他醬汁，就咁食最好，可以食到個扒本身既肉香，宜家睇住張相都流晒口水。和牛脷 切到細細塊既和牛脷，好處就係好容易燒熟，係咁二燒幾吓就食得，爽呀。大虎蝦 差不多同隻碟一樣長既虎蝦開邊，好鮮甜。帶子珍寶SIZE既帶子，煎完之後外表燒至金黃色，又一樣唔洗點醬汁都勁好味既。牛柳粒粒粒都好大，燒既時侯要留意，第一次燒時不識，個心未燒熟就拎黎食。多春魚考驗你燒野既功架，難道系數最高。南瓜拼翠玉瓜 菜籃翠玉瓜燒起黎估唔到咁好味，外皮香脆，內裡仲好多汁咁。相對黎講南瓜好乾身，普普通通。總括黎講，呢度係一間我會再幫襯既韓燒店，我已經掛住佢個安格斯肉眼扒。…Read More